ணமதிப்பழிப்பு நடவடிக்கை இந்திய ஏழை எளிய மக்கள் மீது திணிக்கப்பட்டு ஓராண்டு முடிந்துவிட்டது. பணமதிப்பழிப்பு நடவடிக்கையைத் தொடர்ந்து சரக்கு சேவைகள் வரியும் சேர்த்து இந்தியப் பொருளாதாரத்தின் மென்னியைப் பிடித்து உலுக்கியெடுத்து விட்ட நிலையில், நவம்பர் 8 -ம் தேதியை கருப்புப்பண ஒழிப்பு நாளாக இந்துத்துவ வானர கும்பல்கள் இனிப்பு வழங்கிக் கொண்டாடி மகிழ்ந்தும் விட்டன.

மோடியின் பணமதிப்பழிப்பு அஸ்திரம் கருப்புப்பணத்தையும் ஒழிக்கவில்லை கள்ளப்பணத்தையும் ஒழிக்கவில்லை என்பது பழைய செய்திதான்.  கிட்டத்தட்ட 99 விழுக்காட்டிற்கும் அதிகமான பணம் வங்கிகளுக்கே திரும்பிவிட சாயம் வெளுத்துப்போன மோடியின் பக்தர்கள் “இணைய வர்த்தகம்” தான் மோடியின் உண்மையான திட்டம் என்று அடித்துவிட தொடங்கினர். அதிலும் இப்பொழுது ஆப்படிக்கப்பட்டுவிட்டது.

ஓராண்டிற்குப் பிறகு ஒட்டுமொத்த பணப்புழக்கம் கிட்டத்தட்ட 91 விழுக்காடு அதாவது 16.35 இலட்சம் கோடி ரூபாயை எட்டிவிட்டதாக இந்திய ரிசர்வ் வங்கியின் அறிக்கை தெரிவிக்கிறது. ஏழைகளின் வயிற்றில் அடிப்பதற்கு முன்னதாக சென்ற ஆண்டு நவம்பரில் இருந்த பணப்புழக்கத்தின் அளவு 17.97 இலட்சம் கோடி ரூபாய்.

இது ஒருபுறமிருக்க முன்னதாக 2016 -ம் ஆண்டு நவம்பர் மாதத்தில் 94 இலட்சம் கோடி ரூபாயாக இணைய வர்த்தகம் இருந்தது. பணமதிப்பழிப்பு நடவடிக்கைக்குப் பிறகு 33 விழுக்காடு இணையப் பொருளாதாரம் அதிகரித்து 2017 ம் ஆண்டு செப்டம்பர் மாதத்தில் 124.7 இலட்சம் கோடி ரூபாயாக உயர்ந்தது. இது மார்ச்,2017-ல் 149  இலட்சம் கொடியாக இருந்தது குறிப்பிடத்தக்கது. ஆனால் அக்டோபர் 29 ல் தடாலடியாக 99.3 இலட்சம் கோடி ரூபாயாக விழுந்துவிட்டது.

கருப்புப்பணமுமில்லை. கள்ளப்பணமுமில்லை. இணைய வர்த்தகமும் இல்லை. ஒட்டுமொத்த பொருளாதாரமும் சரிந்துவிட்டது. எனில், வானரங்களின் இந்த கொண்டாட்டத்திற்கு ஏதேனும் பொருள் இருக்கிறதா என்ன?

மேலும் :


கார்ல் மார்க்சின் மூலதனம் நூல் – 150 வது ஆண்டு ! ரசியப் புரட்சி – 100 வது ஆண்டு !!
சென்னையில் மாபெரும் கூட்டம்

19 நவம்பர், 2017, மாலை 4:00 மணிக்கு, ஒய்.எம்.சி.அரங்கம், நந்தனம், சென்னை – 600 035.

நண்பர்களே,

ரசியப் புரட்சி 100-ம் ஆண்டு, கார்ல் மார்க்சின் மூலதனம் நூலின் 150-வது ஆண்டு விழா சிறப்புக் கூட்டம், பருவமழை காரணமாக தள்ளிவைக்கப்பட்டதை அறிவீர்கள். அந்நிகழ்ச்சி எதிர்வரும் நவம்பர் 19, ஞாயிறு அன்று அதே இடத்தில் நடத்தப்படவுள்ளது. அனைவரும் வருக.

பெரும் பொருட்செலவுடன் நடைபெறவிருக்கும் இக்கூட்டத்திற்கு நன்கொடை தாருங்கள். அனைவருக்கும் அனுமதி இலவசம்தான். இங்கே நன்கொடைக்காக டிக்கெட் வடிவத்தை வெளியிட்டிருக்கிறோம். மனித குலத்தின் உலகு தழுவிய மாற்றம்- முன்னேற்றம் – புரட்சியின் குறியீடான ரசியப் புரட்சியின் இந்நிகழ்வுக்கான நன்கொடைச் சீட்டுக்களுக்கு ஐந்து பெருங்கடல்களின் பெயர்களை வைத்திருக்கிறோம். ஆதரவு தாருங்கள்!

இந்தியாவில் வங்கிக் கணக்கு வைத்திருப்போர் மட்டுமே நன்கொடை அனுப்ப இயலும். டெபிட் கார்டு, கிரெடிட் கார்டு, நெட்பேங்கிங் மூலம் பணம் அனுப்பலாம். அனுப்புவதற்கு PayUmoney பட்டனை அழுத்தவும். வெளிநாடுகளில் வங்கிக் கணக்கு வைத்திருப்போர் எமது வங்கிக் கணக்கிற்கு நேரடியாக பணம் அனுப்பிவிட்டு, விவரத்தை உடன் அறியத்தரவும். நன்றி