விழுப்புரம் மக்கள் அதிகாரம் அமைப்பின் சார்பாக, திரிபுராவில் ஆர்.எஸ்.எஸ். பாஜக கிரிமினல் கும்பல் லெனின் சிலையை இடித்ததைக் கண்டித்தும், பாஜகவின் தேசியச் செயலர் எச்.ராஜா லெனின் சிலையைப் போல் பெரியார் சிலையும் வீழ்த்தப்படும் எனத் திமிரெடுத்துக் கூறியதைக் கண்டித்தும், எச்.ராஜாவை செருப்பல் அடிக்கும் போராட்டம் நடைபெற்றது. எச். ராஜா முகமூடி அணிந்த நபரை பெரியார் முகமூடி அணிந்தவர்கள் கயிறால் இழுத்துச் சென்று செருப்பால் அடித்தனர்.
மக்கள் அதிகாரம்
விழுப்புரம்
******************
திரிபுராவில் லெனின் சிலை உடைப்பை கண்டித்தும், முகநூலில் லெனின் சிலை போல பெரியார் சிலையும் உடைக்கப்படும் என பதிவிட்டிருந்த எச்.ராஜாவை கண்டித்தும் விருதை BSNL அலுவலகத்தில் இருந்து பேருந்து நிலையம் வரை தோழர் மணியரசன் தலைமையில் புரட்சிகர மாணவர் இளைஞர் முன்னணி தோழர்கள் மற்றும் மாணவர்கள் பேரணியாக சென்றனர்.
விருதை பேருந்து நிலையம் நுழைவு வாயில் சென்றவுடன் பேரணியானது முற்றுகை ஆர்ப்பாட்டமாக நடைபெற்றது. இந்த ஆர்ப்பாட்டத்தில் 20- க்கும் மேற்பட்டோர் கலந்து கொண்டனர்.
தகவல்
புரட்சிகர மாணவர் இளைஞர் முன்னணி
விருத்தாசலம்
தொடர்புக்கு : 9788808110