சிரியாவின் உள்நாட்டுப்போர் எட்டாவது ஆண்டை எட்டிவிட்டது. அமெரிக்கா மற்றும் இரசிய வல்லரசுகளின் வல்லாதிக்கத்திற்காக இதுவரை தன்னுடைய 4,65,000 இன்னுயிர்களை இழந்து சிதிலமடைந்த சிரியா இன்னொரு ஆண்டிற்காவது தாங்குமா?
2011-ம் ஆண்டு தொடங்கிய அந்த கோரப்போரின் சுவடுகளின் ஏழுப் புகைப்படங்களை இங்கே காணலாம்.
மார்ச் 25, 2011 – தெற்கு சிரியாவின் டேரா நகருக்கு அருகேயுள்ள டேல் பகுதியில் நடந்த ஆர்ப்பாட்டமொன்றில் ‘விடுதலை’ முழக்கமிடும் சிரியர்கள்.
ஜனவரி 23, 2012 – ஹோம்ஸின் தெருவொன்றில் சிரிய இராணுவத்திற்குச் சொந்தமான சேதமடைந்த கவச வண்டியொன்றின் முன்பு சிரிய சிறுவன் ஒருவன் நிற்கிறான்.
ஆகஸ்டு 21, 2013 – டமாஸ்கஸ் புறநகர்ப் பகுதி சாக்பாவில் விசவாயு தாக்குதலால் பாதிக்கப்பட்ட குழந்தைகள் ஆக்ஸிஜன் முகமூடிகள் உதவியால் மூச்சு விடுகின்றனர்.
மார்ச் 9, 2014 – சிரிய அதிபர் பஷர் அல் அசாத்தின் ஆதரவுப்படைகளால் அலெப்போவின் ஹெய்டரியே மாவட்டத்தில் வீசப்பட்ட பீரங்கி குண்டிற்குத் தப்பிய பெண்ணொருவர் அழுது கொண்டிருக்கும் தன்னுடைய குழந்தையுடன், அல்-சக்ஹௌர் மாவட்ட மருத்துவமனையொன்றில்.
டிசம்பர் 26, 2015 – தெற்கு இட்லிப் கிராமப்புறமான ஓம் அல்-சீரின் நிலத்தடி குகையில் உள்ள தற்காலிக தங்குமிடத்தில் உள்ள சிரிய உள்நாட்டு அகதிகள்.
டிசம்பர் 2, 2016 – சிரியாவின் அலெப்போ பகுதியை தங்கள் கட்டுப்பாட்டிற்கு அரசாங்கப் படையினர் மீண்டும் கொண்டு வந்த பின்னர் ஹனோனோ பகுதியில் முன்பு தடுப்பரண்களாக இருந்த சேதமான வண்டிகள் அருகே காணப்படும் குழந்தை இழுபெட்டி ஒன்று.
அக்டோபர் 25,2017 – வளர்ச்சிதை மாற்ற கோளாறினால் பாதிக்கப்பட்டுள்ள இரண்டரை வயது ஹலா அல்-நுபி படுக்கையில் உட்கார்ந்து அழுகிறாள். கிழக்கு கவுடாவில் ஏற்பட்டுள்ள முற்றுகை மற்றும் உணவு பற்றாக்குறையினால் அவளது நிலை மென்மேலும் மோசமாகி வருகிறது.
நன்றி : அல்ஜசீரா