தென்னிந்தியாவின் மான்செஸ்டர் என ஒரு காலத்தில் கோவை அழைக்கப்பட்டது. சிறு, குறு தொழிற்சாலைகள் அந்தளவுக்கு இம்மாவட்டத்தில் நிறைந்திருந்தன. நிலமற்ற கூலி விவசாயிகளும், பண்ணையடிமைகளும் ஒருவேளை உணவுக்காக தஞ்சம் அடைந்தது இங்குதான்.
அப்படிப்பட்ட கோவை மாவட்டத்தில் கடந்த மூன்று ஆண்டுகளாக நாளொன்றுக்கு இரண்டு முதல் 10 மணி நேரங்கள் வரை மின்வெட்டு தேவைக்கேற்ப அமலாக்கப்பட்டு வருகிறது. சில மாதங்களாக இந்த எண்ணிக்கை 14 மணிநேரம் வரை அதிகரித்திருக்கிறது.
இதனால் கோவையில் உள்ள சுமார் 30 ஆயிரத்துக்கும் மேற்பட்ட சிறு, குறு தொழிற்சாலைகள் கடுமையாக பாதிக்கப்பட்டுள்ளன. லட்சக்கணக்கான தொழிலாளர்கள் வேலையிழந்துள்ளனர். அவர்களது குடும்பங்கள், இப்போது வாழவழியின்றி தவிக்கின்றன.
அறிவிக்கப்படாத இந்த மின்வெட்டால் 3 ஆண்டுகளில் 5 ஆயிரம் கோடி ரூபாய் அளவுக்கு கோவை தொழிற்துறையினர், உற்பத்தியை இழந்துள்ளனர். சிறுவாணியில் இருந்து நீரேற்றம் செய்யப்படும் குடிநீரை, மின்தடையால் உரிய நேரத்தில் மக்களுக்கு பிரித்து அந்தந்த குடிநீர் தொட்டிகளில் ஏற்றி விநியோகம் செய்ய முடியவில்லை. இதனால் அனைத்து மக்களும் பெரும் அவதிக்குள்ளாகி வருகின்றனர். குடிநீர் கேட்டு மக்கள் தன்னெழுச்சியாக போராட்டங்களிலும் ஈடுபட்டு வருகின்றனர்.
இந்த சூழலில்தான் அதிர்ச்சியளிக்கும் அந்த உண்மை வெளிச்சத்துக்கு வந்திருக்கிறது. கைக்குழந்தை முதல் வயதானவர்கள் வரை அனைத்து தரப்பு மக்களும் மின்வெட்டால் தவித்துக் கொண்டிருக்க, அதே கோவையில் உள்ள ஈஷா யோக மையத்துக்கு மட்டும் தடையில்லா மின்சாரம் 19.02.2008 முதல் வழங்கப்பட்டு வருகிறது. அரசு விதிமுறைகளை மீறி இது நடந்திருக்கிறது என்பதுதான் முக்கியம்.
தோழர் சட்டமையத்தின் சார்பில் வழக்கறிஞர் ந.பன்னீர் செல்வம், தகவல் பெறும் உரிமைச் சட்டத்தின் கீழ், இந்தத் தகவலை அதிகாரப்பூர்வமாக பெற்றிருக்கிறார். ‘கோவை மாவட்டத்தில் தடையில்லா மின்சாரம் பெறும் நிறுவனம் எது?’ என்று அவர் கேட்ட கேள்விக்கு கோவை மின் பகிர்மான வட்ட பொதுத்தகவல் அலுவலர் அளித்திருக்கும் விவரம்தான் இது.
முதலில் அரசு விதிமுறை என்ன என்று பார்ப்போம். அப்போதுதான் அரசு விதிமுறைகளை மீறி எப்படி தடையில்லா மின்சாரத்தை ஈஷா யோக மையம் பெற முடிந்தது என்பது விளங்கும்.
மின்வாரிய சட்டதிட்ட விதிமுறைகளின் படி, குடிமக்களுக்கு பயன்படும் நீரேற்று நிலையங்களுக்கு மின் விநியோகம் தடையின்றி வழங்கப்படும். அதற்காக தனியாக மின் பாதை அமைக்கப்படும். இந்த மின் பாதை, குடி மக்கள் நலன் சார்ந்து இருப்பதால் இதிலிருந்து பிரித்து வணிக நிறுவனங்களுக்கோ, தனி நபருக்கோ, தனி அமைப்புகளுக்கோ மின் பாதை ஏற்படுத்தி மின் இணைப்பு வழங்க இயலாது – முடியாது – என்பது விதி.
இந்த அடிப்படையில்தான் சிறுவாணி நீரேற்ற மின் பாதை அமைக்கப்பட்டது. கோவை மக்களின் அத்தியாவசிய தேவைகளில் முதல் நிலையில் இருப்பது சிறுவாணி குடிநீர் திட்டம். இதற்கு சீரநாயக்கன்பாளையம் மின் கோட்டத்தில் இருந்து சிறுவாணி நீரேற்றம் நிலையத்துக்கு தனியாக மின்பாதை அமைக்கப்பட்டு தடையற்ற மின்சாரம் வழங்கப்பட்டு வருகிறது.
ஆனால், இந்த மின் இணைப்பில் இருந்து அரசு விதிமுறைகளை மீறி செம்மேடு பகுதியில் உள்ள வெள்ளிங்கிரி மலையடிவாரத்தில் அனைந்துள்ள ஈஷா யோக மையத்துக்கு மின் இணைப்பு வழங்கப்பட்டிருக்கிறது. அதுவும் 130 கிலோ வாட் மின்சாரம் தடையற்ற முறையில் விநியோகம் செய்யப்பட்டிருக்கிறது. இதற்காக சிறுவாணி மின் இணைப்பு பாதையில் இருந்து ஈஷா யோக மையத்துக்கு தனியாக அமைக்கப்பட்டுள்ள பாதையின் அனைத்து செலவுகளையும் அரசே ஏற்றுக் கொண்டிருக்கிறது.
2003ம் ஆண்டு ஈஷா யோக மையத்தின் மூலம் இதே போன்று சிறுவாணி நீரேற்ற சிறப்பு மின் பாதையில் இருந்து தடையில்லா மின்சாரம் வழங்க விண்ணப்பித்தபோது, மின் வாரியம் அதை நிராகரித்திருக்கிறது. அரசு விதிமுறைகளை மீறி மின் இணைப்பு வழங்க முடியாது என அழுத்தம்திருத்தமாக தெரிவித்திருக்கிறது.
ஆனால், 30.10.2007ல் மீண்டும் ஈஷா யோக மையம் விண்ணப்பம் செய்த போது, மின் வாரியம் அனுமதி வழங்கியிருக்கிறது. இதற்கு சொல்லப்பட்ட காரணம், சர்வதேச முக்கியத்துவம் வாய்ந்த பகுதியாக ஈஷா யோக மையம் மாறியிருக்கிறதாம்! அதென்ன சர்வதேச முக்கியத்துவம் என்று குறிப்பாக மின் வாரியம் எதையும் தெரிவிக்கவில்லை.
கோவை மாவட்டத்தில் இருக்கும் ஒட்டுமொத்த மக்கள், அரசு அலுவலகங்கள், சிறு – குறு தொழிற்சாலைகள், மருத்துவமனைகள், கல்வி நிறுவனங்கள்… என அனைத்தை காட்டிலும் ஈஷா யோக மையம்தான் முக்கியம் என அரசு சொல்லாமல் சொல்கிறது. சோற்றுக்கு வழியின்றி இறந்தாலும் பரவாயில்லை, யோகநிலைதான் முக்கியம் என பறைசாற்றியிருக்கிறது. இதன் மூலம் பார்ப்பனிய, மனுதர்ம ஆட்சியே எங்கள் வழிமுறை என்பதை உணர்த்தியிருக்கிறது.
இனியும் இதை நாம் பார்த்துக் கொண்டுதான் இருக்க வேண்டுமா? கோவை பகுதி வாழ் மக்கள் இதற்கு என்ன சொல்கிறார்கள்?
( ‘தீக்கதிர்’ 01.10.2012இல் வந்த செய்தியை வைத்து எழுதப்பட்டது)
கழிப்பறைகளை விட கோயில்கள் அதிகமாக இருக்கும் நாட்டில் வேறு என்ன எதிர்பார்க்க முடியும்?
Very good comment செழியன் குமரன்
அருமை….
அட அது மு க ஆட்சியப்பா(இணைப்பு கொடுத்தது).. இதுவும் நடக்கும்.. அவர்தான் கதவ மூடிட்டு,சாய் பாபாவுக்கு கால் கழுவி விட்டவரே…அது என்ன சர்வதேச முக்கியத்துவம்!!!???… அப்போ KKNP இக்கும் 24 மணி நேர மின் சப்பளை உண்டா???? என்ன கொடும சார் இது!!!!!
Why Jaya is not disconnecting this connection?
கருணாநிதி மக்கள் நல திட்டங்களை ஆரம்பித்திருந்தால் மட்டும் தான் அதை தடுத்து நிறுத்துவோம் – முதல்வர் கொடநாட்டு அழகி
கொடநாட்டு கெழவி!
whats the connection?
கோவை மக்களின் அத்தியாவசிய தேவைகளில் முதல் நிலையில் இருப்பது சிறுவாணி குடிநீர் திட்டம். இதற்கு சீரநாயக்கன்பாளையம் மின் கோட்டத்தில் இருந்து சிறுவாணி நீரேற்றம் நிலையத்துக்கு தனியாக மின்பாதை அமைக்கப்பட்டு தடையற்ற மின்சாரம் வழங்கப்பட்டு வருகிறது.
ஆனால், இந்த மின் இணைப்பில் இருந்து அரசு விதிமுறைகளை மீறி செம்மேடு பகுதியில் உள்ள வெள்ளிங்கிரி மலையடிவாரத்தில் அனைந்துள்ள ஈஷா யோக மையத்துக்கு மின் இணைப்பு வழங்கப்பட்டிருக்கிறது. அதுவும் 130 கிலோ வாட் மின்சாரம் தடையற்ற முறையில் விநியோகம் செய்யப்பட்டிருக்கிறது.
என்லைட்டன் ஆனவருக்கே லைட்டு தேவைப்படுதே! அடடே! ஆச்சர்யகுறி!
கோவையில் மின் பற்றாக்குறை என்பதே செயற்கையானது . சென்ற வாரம் என் நண்பரின் கட்டடத்துக்கு அருகில் இருக்கும் மின் கம்பத்தை நகர்த்த பணம் கட்ட போனோம். தற்செயலாக அங்கு உதவி பொறியாளர் உறவுக்காராக இருந்தார். கரெண்டே இல்லாம இருக்கும் போது மின் கம்பத்த நகர்த்த வேண்டுமான்னு கேட்டேன் , அவர் சொன்னார், கோவையில் குறைந்தபட்சம் 16 மணி நேரம் மின் வெட்டு செய்ய அரசு அதிகாரிகள் வாய்மொழி உத்தரவு போட்டிருபதாக சொன்னார் . தமிழ் நாட்டிலேயே கோவையில் சிறு தொழில் நிறுவனங்கள் அதிகமா இருப்பதால் வீடு விநியோகம் பாதிக்கப்படுரதாவும், பல லேத்து கம்பனிகளும் வொர்க்ஷாபுகளும் வீடு விநியோக லயினையே பயன்படுத்துவுதாகவும் சொன்னார். கோவைன்னா திருப்பூர் ஈரோடு பல்லடம் எல்லாம் சேர்த்து தான். அவர் சொன்ன விஷயம் இப்போ உண்மையா தான் இருக்கு ஆனா அவர் சொன்ன புகார் உண்மையானு தெரியல . இன்று மட்டும் எங்க அறியாவில் பவர் கட் நேரம் (காலை 4 .30 -8 , 10 -மாலை 4 , 6 – 7 , 8 -10 ) இதோ இப்போ மணி 10 .40 , இந்த கமெண்டு போட்ட இருபதாவது நிமிஷம் மறுபடியும் போக போவுது ஆனா எப்போ வரும்னு தெரியாது, தூங்கவும் முடியாது.
தோழர் பன்னீர் செல்வத்திற்கு வாழ்த்துகள்… தகவல் உரிமை சட்டத்தின் மூலம் தகவல்களைப் பெற வாழ்த்துகிறேன். அவரின் தொடர்பு எண்ணை அளிக்கவும்
பொதுவாக தேவைக்கு அதிகமாக மின்ன்சாரம் இருந்த போது அதை வீணடித்த எவரும் மின்சாரம் இல்லை மற்றவருக்கு மட்டும் இருக்கிறது என்று பேச தகுதி அற்றவர்கள்.காசு குடுத்தால் தாண் தான் எதோ மின்னசரத்தை உருவாக்குவது போல எண்ணி வெறும் நகை பேசும் அறிவற்ற மக்கள் கருத்து மிக்க ஆச்சிரியத்க்குரியது..
தோழர் பன்னீர் செல்வத்திற்கு வாழ்த்துகள்… தகவல் உரிமை சட்டத்தின் மூலம் தகவல்களைப் பெற்ற அவரை வாழ்த்துகிறேன். அவரின் தொடர்பு எண்ணை அளிக்கவும். அரசு விதிமுறைகளை மீறி செம்மேடு பகுதியில் உள்ள வெள்ளிங்கிரி மலையடிவாரத்தில் அனைந்துள்ள ஈஷா யோக மையத்துக்கு மின் இணைப்பு வழங்கப்பட்டிருக்கிறது. அதுவும் 130 கிலோ வாட் மின்சாரம் தடையற்ற முறையில் விநியோகம் செய்யப்பட்டிருப்பது.அயோக்கியத்தனம்.
அது என்ன ஜக்கி?
ஜாவா வாசுதெவன் என்று எழுதினாலே தெரியும்… ஜாவா தாத்தா கோவயில்
கஞ்ஜா விற்றது…..