Friday, November 22, 2019
முகப்பு மறுகாலனியாக்கம் கல்வி மெட்ரிக்குலேஷன் – பள்ளிகள் மெக்காலேயின் வாரிசுகள்

மெட்ரிக்குலேஷன் – பள்ளிகள் மெக்காலேயின் வாரிசுகள்

-

மெட்ரிக்குலேஷன் – மழலையர் பள்ளிகள் மெக்காலேயின் உண்மையான வாரிசுகள்

(தமிழ்நாட்டை பீடித்திருக்கும் ஆங்கில வழி மெட்ரிகுலேசன் பள்ளிகள் குறித்து 1997-ம் ஆண்டு புதிய ஜனநாயகம் இதழில் வெளியான கட்டுரை. கடந்த 18 ஆண்டுகளில் பள்ளிகளின் எண்ணிக்கை, ஆசிரியர்களின் எண்ணிக்கை, கட்டணம் ஒவ்வொன்றும் பல மடங்கு அதிகரித்து இந்த தனியார் கல்விக் கொள்ளையர்களின் சுரண்டல் விரிவடைந்திருக்கிறது.  மறுபக்கம், அரசுப் பள்ளிகள் திட்டமிட்டே புறக்கணிக்கப்படுகின்றன.

மக்களின் அடிப்படை உரிமையான கல்வித் துறையில் தனியார் சுரண்டலை ஒழிக்க வேண்டியதன் அவசியத்தை உணர்த்தும் கட்டுரை.)

ரு தேசிய இனத்தை முற்றாக அழிக்க வேண்டுமெனில் ‘’அவர்களின் மொழியை முதலில் அழி’’ என்பது தேசிய இன ஒடுக்குமுறையாளர்களின் பாதை.

“சென்றிடுவீர் எட்டுத் திக்கும் – கலைச் செல்வங்கள் யாவும் கொணர்ந்திங்குச் சேர்ப்பீர்!” என்ற வரிகளின் பொருள் என்னவாகி விட்டது? சொந்த மண்ணில் பிழைக்க வழி இல்லை, பிழைப்பு தேடி எட்டுத்திக்கும் ஓடி பிறந்த மண் பக்கம் திரும்பிக்கூட பார்க்க வேண்டாம் என்கிற நிலைதானே நிலவுகிறது!

மெக்காலே கல்வி முறை
தமிழன் பிறப்பால் மட்டும் தமிழனாக இருந்து கொண்டு சமூகத்தின் அனைத்து அடையாளங்களையும் இழந்து வருகிறான்.

ஐம்பது ஆண்டுகளுக்கு முன்பே மா.பொ.சி.அவர்களும், சி.சுப்பிரமணியம் அவர்களும் “தமிழால் முடியும்” “தமிழால் முடியாதது?” எது என்று தமிழின் வலிமையை உணர்த்திடும் வகையில் எடுத்துக் கூறினர். மறைமலையடிகள், பெருஞ்சித்திரனார் போன்ற தமிழ் மொழிப் போராட்ட தியாகிகள் சாகும்வரை தமிழை ஆட்சி மொழி, பயிற்றுமொழி, வழிபாட்டு மொழி என சகல துறைகளிலும் தமிழை அரியணை ஏற்றிட அரும்பாடுபட்டனர். திராவிட கட்சிகள் ஆட்சிக்கு வந்ததும் சமஸ்கிருதமயமான பார்ப்பனத் தமிழும், ஆங்கில மோகமும் கொஞ்சம் மறைந்து தூய தமிழ் வளரத் தொடங்கியது. ஒரு கட்டத்தில் இவ்வளர்ச்சி தேக்கமடைந்ததோடு நில்லாமல் ‘’மெல்லத் தமிழினிச் சாகும்; அந்த மேற்கு மொழிகள் புவிமிசை ஒங்கும்!’’ என்ற நிலையை இன்று கண்கூடாகக் கண்டு வருகிறோம். தமிழ்மொழியோடு தமிழ் இனமும் அழிந்து அதன் சொந்த அடையாளங்களை மெல்லமெல்ல இழந்து வருகிறது. அதற்கு இந்த மெட்ரிக்குலேசன் வணிக நிறுவனங்கள் பிரதான பங்காற்றி வருகின்றன.

கலை, இலக்கியம், தொலைக்காட்சி, திரைப்படம், வழக்குமொழி, விளையாட்டு, பயிற்று மொழி, பொழுது போக்கு என்று எல்லாத் துறைகளிலும் தமிழ் ‘’தமிங்கிலமாக’’ (தமிழும் ஆங்கிலமும் கலந்ததாக) மாறி அழிவை நோக்கிக் சென்று கொண்டிருக்கிறது. தமிழன் பிறப்பால் மட்டும் தமிழனாக இருந்து கொண்டு, பேச்சு, நடை உடை, பண்பாடு, வாழ்க்கை முறை, சிந்தனை போன்ற ஒரு சமூகத்தின் அனைத்து அடையாளங்களையும் இழந்து வருகிறான்.

நீண்ட காலப் போராட்டத்திற்குப் பிறகு பேராசிரியர் தமிழ்க் குடிமகன், பேராசியர் அன்பழகன் போன்றோரின் விடாமுயற்சியால் தி.மு.க அரசு மருத்துவம், பொறியியல் கல்வியை இந்தக் கல்வி ஆண்டு 1996-97 முதல் தமிழில் கொண்டு வந்திருக்கிறது.

நர்சரி பள்ளி
பட்டிதொட்டி தோறும் பால்மணம் மாறாத பிஞ்சுகளுக்கு ஆடுகளுக்கு மாட்டியிருக்கிற வேலித்தடுப்பு போன்று ஒரு டை, காலணி, (ஷூ).

ஆனால் தமிழினத்தின் தனித்தன்மையை சகல துறைகளிலும அழிக்க, குழி தோண்டி புதைக்க தமிங்கில இனப் பிரிவினர் முயற்சி எடுத்து வருகின்றனர். கடந்த ஐம்பதாண்டுகளில் கடின உழைப்பால் பெற்ற பலனை ஒரு சில நொடிகளில் அழித்துவிடக் கூடிய அசுர வேகத்தில் இந்த மெட்ரிக்குலேசன், மழலையர் பள்ளிகள் செயல்பட்டு வருகின்றன.

கல்வித் துறையில் இந்த மழலையர் பள்ளிகளும், மெட்ரிக்குலேசன் பள்ளிகளும் தமிழினத்தின் அடையாளங்கூடத் தெரியாத அளவிற்கு, எதிர்கால தலைமுறையினரை உருத்தெரியாமல் சிதைக்கும் ஒரு பெரிய இன விரோத யுத்தத்தை மிக அமைதியாக நடத்தி வருகின்றன.

புற்றீசலாகப் பெருகிவரும் மழலையர் – மெட்ரிக் பள்ளிகள்

கடந்த சில ஆண்டுகளில் மழலையர் பள்ளிகள் புற்றீசலாகப் பெருகி எண்பத்தி ஐந்தாயிரத்தை எட்டிவிட்டது. பட்டிதொட்டி தோறும் பால்மணம் மாறாத பிஞ்சுகளுக்கு ஆடுகளுக்கு மாட்டியிருக்கிற வேலித்தடுப்பு போன்று ஒரு டை, காலணி,(ஷூ). நடை உடையில் மட்டுமல்ல, சிந்தனையை இழக்கச் செய்யும் மிகக்கொடிய, அறிவுபூர்வமற்ற, இயற்கைக்கு விரோத அமைதித் தாக்குதல் ஏறத்தாழ ஒரு கோடி சிறார்கள் மீது தொடுக்கப்பட்டு வருகிறது.

ஆங்கில வழிக்கல்வி
இளம் தலைமுறையினர் தமிழே தெரியாமல் ஆங்கிலம், இந்தியில் கல்வியூட்டி வளர்க்கப்படுகிறார்கள்.

இந்த மம்மி,டாடி கலாச்சாரம் சிறுவயதிலேயே எதிர்காலத் தலைமுறையினரை பிறந்த மண்ணிலேயே தாய் மொழி, தமிழ் பண்பாடு, சொந்த அடையாளங்களை இழக்கச் செய்து தமிழினத்திற்கு எதிராக உருவாக்கும் விசச் செயலாகும். வேறு வழி இல்லை என்று விபரம் அறியாத பெற்றோர்களும், படித்த மக்களில் ஒரு பிரிவினரும் இதை ஏற்கவேண்டிய நிலை உருவாகி விட்டது.

தமிழகத்தில் ஏறத்தாழ ஆயிரத்து ஐநூறு மெட்ரிக்குலேசன் பள்ளிகள் உள்ளன. 1980-க்கு பிறகு எண்ணிக்கை பதினைந்து மடங்காக அதிகரித்து இருக்கிறது. இந்த 1500 மெட்ரிக்குலேசன் பள்ளிகளில் குறைந்தது ஐநூறு மாணவர்கள் எனில், ஏழரை லட்சம் இளம் தலைமுறையினர் தமிழே தெரியாமல் ஆங்கிலம், இந்தியில் கல்வியூட்டி வளர்க்கப்படுகிறார்கள்.

மதிப்பெண் மட்டுமே குறிக்கோள் என்பதால் பயிற்று மொழி ஆங்கிலம். அதோடு மொழிப் பாடப் பிரிவு ஒன்று மற்றும் இரண்டில் ஆங்கிலம் மற்றும் இந்திக்கே அதிக முக்கியத்துவம் தர்ப்படுகிறது. பெயரளவில் பத்தாம் வகுப்பு அரசு தேர்வுக்காக தமிழ் ஒரு பாடமாக இருந்து வருகிறது.

இத்தகைய மெட்ரிக்குலேசன் பள்ளிகளில் தமிழ் மட்டுமல்ல, தமிழாசிரியர்களும் புறக்கணிக்கப்படுகிறார்கள். கல்வித் தகுதியும், இருபதாண்டுகள் ஆசிரியர் அனுபவமும் அதே பள்ளியில் பத்தாண்டுகள் துணை முதல்வர் என்ற அனுபவமும் இருந்த போதிலும் தமிழாசிரியரை ஆங்கில வழிப் பள்ளிக்குத் தலைமையாசிரியராக போடுவது எப்படி என்று புறக்கணிக்கிறார்கள்.

கேட்டால் ‘’இது என்ன அரசு உதவி பெறும் தமிழ்வழிப் பள்ளியா, அரசு விதிகளை ஏற்க? மெட்ரிகுலேசன் பள்ளிகள் சுயநிதிப் பள்ளிகள். அரசு ஒரு நயா பைசாகூட தருவதில்லை. இதில் அரசு தலையிட என்ன இருக்கிறது’’ என்கிறது மெட்ரிக்குலேசன் பள்ளிகளின் நிர்வாகம்.

மெட்ரிக் பள்ளிகளின் சுரண்டல் கொள்ளை

மெட்ரிக் சுரண்டல்
சுயநிதியைக் கொண்டு கல்விக்காக செய்துவரும் சேவை என்று சொல்லிக் கொண்டு, லட்சம் லட்சமாக பணம் சம்பாதிக்க மிகவும் லாபகரமான தொழில் வணிக நிறுவனமாக தமிழக மெட்ரிக்குலேசன் பள்ளிகள் செயல்பட்டு வருகின்றன.

இந்த மெட்ரிக்குலேசன் வணிக நிறுவனங்கள் ஆங்கில மோகம் கொண்ட, நல்ல வருவாய்கொண்ட நடுத்தர பிரிவினரின் பிள்ளைகளுக்காகவே பள்ளியை நடத்தி வருகின்றன. சுயநிதியைக் கொண்டு கல்விக்காக செய்துவரும் சேவை என்று சொல்லிக் கொண்டு, லட்சம் லட்சமாக பணம் சம்பாதிக்க மிகவும் லாபகரமான தொழில் வணிக நிறுவனமாக தமிழக மெட்ரிக்குலேசன் பள்ளிகள் செயல்பட்டு வருகின்றன.

நடுத்தர மெட்ரிக்குலேசன் பள்ளிகள் ஒரு பையனுக்கு ஆண்டுக்கு பத்து முதல் பதினைந்தாயிரத்தை கறந்து விடுகின்றன. இப்பள்ளிகளை கிராமப்புற, நகர்ப்புற ஏழை எளிய மக்கள் திரும்பிக்கூடப் பார்க்க இயலாது.

வர்க்க பிரிவினை
மிக உயர் வருவாய் பிரிவினருக்கு ஊட்டி, கொடைக்கானல், டூன் போன்ற இடங்களில் சி.பி.எஸ்.சி பள்ளிகள். நடுத்தர வருவாய் பிரிவினருக்கு இந்த மெட்ரிக்குலேசன் பள்ளிகள். ஏழை எளிய மக்களுக்கு அரசு மற்றும் கார்ப்பரேஷன் பள்ளிகள்.

திட்டமிட்டே மிக உயர் வருவாய் பிரிவினருக்கு ஊட்டி, கொடைக்கானல், டூன் போன்ற இடங்களில் சி.பி.எஸ்.சி பள்ளிகள். நடுத்தர வருவாய் பிரிவினருக்கு இந்த மெட்ரிக்குலேசன் பள்ளிகள். ஏழை எளிய மக்களுக்கு அரசு மற்றும் கார்ப்பரேஷன் பள்ளிகள் என்ற நிலை எழுதப்படாத விதியாகி விட்டது.

இத்தகைய மெட்ரிக்குலேசன் பள்ளிகளில் கலை, அறிவியலைப் படித்த வேலையற்ற பட்டதாரிகள், பெண்கள் மிகக் கீழ்த்தரமான முறையில், எந்தவித விதிமுறைகளும் இன்றி மிகக் குறைந்த சம்பளத்திற்கு மூளை உழைப்புச் சுரண்டலுக்கு ஆளாகிறார்கள். ஏறத்தாழ தமிழகத்தில் இருபது முதல் முப்பதாயிரம் பட்டதாரிகள் இத்தகைய பள்ளிகளில் கொத்தடிமைப் பட்டதாரி ஆசிரியர்ளாக இருந்து வருகின்றனர்.

+2 முடித்துவிட்டு இரண்டாண்டுகள் பட்டய (டிப்ளமோ) ஆசிரியர் கல்வி படித்தவர்கள் அரசு பள்ளிகளில் வேலைக்குச் சேர்ந்த இரண்டாண்டுகளில் நாலாயிரத்து ஐநூறு ஊதியமாகப் பெறுகிறார்கள். ஆனால் மெட்ரிக்குலேசன் பள்ளிகளில், எம்.ஏ, எம்.எஸ்.சி, பி.எட், எம்.எட், எம்.பில் என்று ஒரு மைல் நீளத்திற்குப் படித்தவருகளும் பத்தாண்டுகள் பணிபுரிந்தாலும் பெரும்பான்மையான பள்ளிகளில், ஆயிரம் அல்லது இரண்டாயிரம் மட்டுமே ஊதியமாகப் பெறுகிறார்கள்.

எந்தவித படிப்புமே இல்லாமல் ஒரு ஆசாரி, ஒரு கொத்தனார், ஒரு மெக்கானிக் மாதம் மூவாயிரம் –ஐந்தாயிரம் சம்பாதிக்கும்போது, இந்த பட்டதாரிகள் கூட்டம் மட்டும் கோட், சூட், டை என்று வேடமிட்டும், சம்பளமோ ஆயிரம் இரண்டாயிரத்தை தாண்டாத நிலை நிலவுகிறது.

அரசு தொடக்கப்பள்ளி
அரசு தொடக்கப்பள்ளி ஒன்றின் அவலம். இதில் பயிலும் சிறுவர்களின் உயிருக்கு உத்தரவாதமில்லை.

மெட்ரிக்குலேசன் பள்ளிகள் ஒரு மாணவனிடம் ஓராண்டுக்கு பத்து முதல் பதினைந்தாயிரத்தை வசூல் செய்கிறது. ஆசிரியர் மாணவர் விகிதமோ ஒன்றுக்கு நாற்பது, ஐம்பது என்ற அளவில் உள்ளது. குறைந்தது ஐநூறு மாணவர்கள் எனில் நிறுவன வருவாயோ ஐம்பது லட்சம், ஆசிரியர்களுக்கான ஊதியமோ 750 -1500 வரைதான். பத்து, பதினைந்து ஆசிரியர்கள் என்றாலும் ஊதியச் செலவு ஒன்றரை முதல் இரண்டரை லட்சம்தான். இதர செலவு பத்து லட்சம் என்றாலும் நிறுவனத்திற்கு முப்பது லட்சத்திற்குக் குறையாமல் லாபம் கொட்டுகிறது.

இந்த லாபத்தைக் கொண்டு ஆண்டுக்காண்டு புதிய கிளைகள், பேருந்துகள், கட்டிடங்கள், வேன்கள், நிலம் ரியல் எஸ்டேட் வீடு என்று சொத்து சேர்த்து பகற் கொள்ளையடிக்கிறார்கள்.

ஆனால் இந்த லாபத்திற்கான பிரதான உழைப்பாளர்களான ஆசிரியர்களுக்கு எந்தவித வேலை உத்திரவாதமோ, உரிய ஊதியமோ, அரசு ஊழியரைப் போன்ற சலுகையோ எதுவுமின்றி முப்பதாயிரம் ஆசிரியர்கள் அடிமைகளாக வாழ்ந்து வருகின்றனர்.

வேலை உத்திரவாதம், ஊதியம், இதர சலுகைகள் என்ற பிரச்சனை வரும் என்பதால் பல மெட்ரிக்குலேசன் நிறுவனங்கள் ஒவ்வொரு ஆண்டும் புதிதாக ஆசிரியர்களை எடுப்பார்கள். இறுதியில் போகச் சொல்லி வடுவார்கள். கோடை விடுப்புகால ஊதியம் கிடையாது. மீறிப் பேச,கேட்க அவர்களுக்கான சங்கமோ, அமைப்போ கிடையாது. அப்படி அவர்கள் யோசித்தாலே வேலை கிடையாது என்ற கொடுமை நிலவுகிறது, இந்த மெட்ரிக்குலேசன் பள்ளிகளில்.

சில மெட்ரிக்குலேசன் பள்ளிகளில் ஒவ்வொரு ஆண்டும் வேலைக்கான புது உத்தரவும், மே மாதத்தில் வேலையிலிருந்து விடுவித்ததற்கான கடிதமும் கொடுப்பதை வழக்கமாகக் கொண்டிருக்கின்றனர். பூர்த்தி செய்யப்படாத ஊதிய கணக்கு நோட்டில் கையெழுத்து வாங்கி விடுவர். கையிலோ குறைந்த ஊதியம் கொடுக்கப்படும். கணக்கில் வேறொன்று இருக்கும். சில ஆசிரியர்கள் ஒவ்வொரு ஆண்டும் பெற்ற வேலைக்கான கடிதங்கள் பத்து, பதினைந்து வைத்திருக்கிறார்கள்.

மெட்ரிக்குலேசன் பள்ளிகளில் படித்த வேலையற்ற பட்டதாரிகள் குறிப்பாகப் பெண்கள், அதே ஊரைச்சார்ந்தவர்கள், அழகான, திறமையும் அனுபவமும் திறமையும் கொண்டவர்களை அதிகமாக ஆசிரியர்களாக அமர்த்தி கொள்கிறார்கள். காரணம், பெண்கள் சொன்னபடி செய்வார்கள். எதிர்த்து ஏன், எதற்கு என்று கேட்க மாட்டார்கள். கொடுக்கிற சம்பளத்தைப் பெற்றுக் கொள்வார்கள். உரிமை, போராட்டம் சங்கம் என்ற பேச்சுக்கே இடமில்லை. மீறி யாரேனும் பேசினால் அவர்களின் நடத்தை சரியில்லை என்று எளிதில் வெளியேற்றி விடலாம். மேலும் பாலியல் அயோக்கியத்தனத்திற்கும் பயன்படுத்திக் கொள்ளலாம் என்றும் கருதுகிற மோசமான நிறுவனங்களும் நிறைய இருக்கின்றன.

புதிய ஜனநாயகம், மே 1997

படங்கள் இணையத்திலிருந்து எடுக்கப்பட்டவை.

  1. பதிவின் தலைப்பு தவறான சித்திரத்தை அளிக்கிறது. பாவம் மெக்காலே. அவரை இந்த்துவர்களும் தூற்றுகிறார்கள். இடதுசாரிகளும் தூற்றுகிறார்கள் !! உண்மையில் அவர் செய்த ’பாவம்’ 1835இல் ஆங்கில அரசு வருடந்தோரும் உயர் கல்விக்காக செலவு செய்த 1 ல்ச்சம் ரூபாயக்ளை சமஸ்கிருதம், அரபி கல்விகளுக்கு பதிலாக ஆங்கில வழி உயர்கல்வி நிறுவனங்களுக்காக செலவு செய்ய வேண்டும்
    என்று வாதாடியது தான் !! அதுவரை அரசின் நிதி உதவி பெற்றவர்கள் சமஸ்திருதம் மற்றும் அரபி வழியாக மத நிறுவனங்கள் மூலம் உயர்கல்வி பயினற மாணவர்கள் மட்டும் தான். இது வாழ்க்கைக்கு பயன்படாது என்று விளக்கி, ஆங்கிலம், நவீன விஞஞானம் மற்றும் கணிதம் போன்ற பாடங்களை
    உயர்கல்வியில் (உயர்கல்வியில் தான், ஆரம்ப கல்வியில் அல்ல) மாணவர்கள் கற்க வகை செய்தவர் மெக்காலே !! சென்னை, மும்பாய், கல்கத்தா பல்கலைகழகங்கள் உருவாக வித்திட்டவர்
    அவர். முழுவதுமாக அவரை படிக்காமல், வெத்து கோசங்களை இங்கும் இடுவது தவறு :

    Macaulay’s “Minute Upon Indian Education”
    http://www.columbia.edu/itc/mealac/pritchett/00generallinks/macaulay/txt_minute_education_1835.html

    http://en.wikipedia.org/wiki/English_Education_Act_1835

    மற்றபடி : வழக்கம் போல் தனியார் பள்ளிகளை குறைசொல்லும் பதிவு தான் இது. அரசு பள்ளிகளில் தான் அனைவரும் பயில வேண்டும் என்பதில் மாற்று கருத்திலை. அமெரிக்கா, அய்ரோப்பா போன்ற நாடுகளில் பெரும்பாலான மாணவர்கள் அரசு பள்ளிகள் தரமான கல்வி கற்று வருகின்றனர். இங்கும் 70கள் வரை அப்படி தான் இருந்தது. இதை பற்றி எனது சமீபத்திய பதிவு :

    கல்வி த்னியார்மயமாக என்ன காரணம் ?

    கல்வி துறை தனியார்மயமாகிறது என்று தொடர்ந்து கூச்சல்கள். 90களுக்கு பிறகு தனியார் பள்ளிகள் மிக மிக அதிகரித்துவிட்டன. இதற்க்கு என்ன மூலகாரணம் ?

    மத்திய மாநில் அரசுகள் கடந்த 20 வருடங்களாக கல்விக்கு ஒதுக்கும் தொகைகள் ஆண்டு தோறும் வேகமாக அதிகரித்தே வருகின்றனர். அரசு பணி ஆசியர்களின் சம்பள விகிதங்களும் முன்பு எப்போதும் இல்லாத அளவு மிக அதிகமாகியிருக்கிறது.

    மத்திய பட்ஜெட்டில் சுமார் 11.3 சதம் கல்விக்காக ஒதுக்கப்படுகிறது. மாநிலங்கள் ஒதுக்கும் தொகைகளும் அதிகரித்தே வருகிறது. பல லச்சம் கோடிகளை கொட்டியும், பள்ளி கல்வி துறையில் நிலை சீரழிந்தே கிடக்க யார் காரணம் ?

    தனியார் பள்ளிகளின் உரிமையாளர்கள் மற்றும் ’உலக முதலாளியம்’ தான் கூட்டு சதி செய்து அரசு கல்வி துறையை சீரழிக்கின்றனரா ? அல்லது நிதி ஒதுக்கீடு மற்றும் சம்பள விகிதங்கள் மிக மிக அதிகரித்தும், அரசு ஊழியர்கள், ஆசிரியர்கள், அதிகாரிகளின் பொறுப்பற்ற தனம்,
    ஊழல் மற்றும் நிர்வாக சீர்கேடுகள் காரணமாக சீரழிகிறதா ?

    அரசு பள்ளிகளில் இருந்து தனியார் பள்ளிகளுக்கு பெரும்பாலானவர்கள் மாற காரணம் அரசு பள்ளிகளின் தரம் போதுமானதாக இல்லை என்ற காரணம் தான். தனியார் பள்ளிகளுக்கான தேவை (டிமாண்ட்) அதிகரிப்பதால், மேலும் மேலும் தனியார் பள்ளிகள் உருவாகின்றன. தனியார் பள்ளிகள் 90களுக்கு முன்பும் அனுமதிக்கப்படிருந்தன. புதிதாக கல்வி கொள்கையில் எந்த மாற்றமும் ஏற்படவில்லை. இன்னும் சொல்லப்போனால், அன்று சாத்தியமில்லாத அளவு நிதி ஒதுக்கீடு மற்றும் ஆசிரியர்களுக்கான சம்பள விகிதங்கள் இன்று அளிக்கப்பட்டும் நிலமை மோசமாக இருக்கிறது.

    வளர்ந்த நாடுகளில் பெரும்பாலான மாணவர்கள் அரசு பள்ளிகளில் தான் படிக்கின்றனர். இங்கும் அதே நிலமைதான் இருக்க வேண்டும். அதில் மாற்று கருத்து எதுவும் இருக்க முடியாது. ஆனால் அரசு பள்ளி துறையை சீர்படுத்த போராடாமல், தனியார் கல்வி ‘கொள்ளையர்களை’ மட்டும் காய்வது, பிரச்சனையை தீர்க்க வழி செய்யாது. உண்மையான காரணிகளை விட்டு விட்டு காற்றுடன் சண்டை போடும் விசியம் இது.

    • அதியமான்,

      //அரசு பள்ளி துறையை சீர்படுத்த போராடாமல், தனியார் கல்வி ‘கொள்ளையர்களை’ மட்டும் காய்வது, பிரச்சனையை தீர்க்க வழி செய்யாது. //

      அரசு அதிகாரிகளை யார் தடுத்தது. அவர்கள் பிள்ளைகள் ஊட்டியில் படிக்கும் போது அரசுப்பள்ளிகளைப்பற்றி அவர்களுக்கு என்ன அக்கறை என்பது உங்களுக்குப் புரியவில்லையா. இல்லை புரியாதது போல் நடிக்கிறீர்களா.

      தோழர்கள் அரசு பள்ளி துறையை சீர்படுத்த போராடிக்கொண்டுதான் இருக்கிறார்கள். இப்போது கூட மாநகராட்சிப் பள்ளிகள் அடிப்படை வசதிகளுக்காக போரிட்டு சில வெற்றிகளை ஈட்டியிருக்கிறார்கள். அவர்களின் எண்ணிக்கை குறைவாக இருப்பதால் போராட்டங்கள் அந்த அளவுக்கு எடுபடவில்லை.

      தனியார் மயத்தின் கூர்மையாக்கத்தினால் மக்களுக்கிடையே கடுமையான போட்டி மனப்பான்மை வளர்ந்து விட்டது. தங்கள் பிள்ளைகள் ‘எல்லோரும்’ படிக்கும் பள்ளியில் படிக்கக்கூடாது என்று விரும்புகிறார்கள். நாய்களைப் போல ஒடுகிறார்கள். குழைத்துக் கொள்கிறார்கள். எனவே தனியார் பள்ளிகள் பெருக ஆரம்பித்தன. இப்போது மீளமுடியா நிலைக்கு வந்து விட்டதைப்போல் இருக்கிறது. புரட்சி மட்டுமே இந்நிலையை சரிசெய்ய முடியும் என்பது என் கணிப்பு.

      • Uinverbuddy,

        அரசு பள்ளி ஊழியர்கள், ஆசிரியர்கள் மற்றும் அதிகாரிகள் எல்லோருக்கும் 100 சதவீத பணி பாதுகாப்பு உள்ளது. எனவே எப்படி வேலை செய்தாலும் அல்லது செய்யாமல் ஓபி அடித்தாலும், இஸ்டத்துக்கு
        விடுப்பு எடுத்தாலும், வேலை போகவே போகாக்து. எனவே அவர்களை ’திருத்த’ முடியாது.
        மேலும் ஒரு காலத்தில் நகராட்சி / பஞ்சாயத் பள்ளிகள் என்று இன்றும் அழைக்கபடும் அரசு பள்ளிகளின் நிர்வாகம் அந்தந்த நகராட்சி / பஞ்சாயத்துகளின் நேரடி கட்டுபாட்டில் இருந்தது. ஒரு ஆசிரியர் ஒழுங்காக பாடம் எடுப்பதில்லை அல்லது இஸ்டத்துக்கு விடுப்பு எடுக்கிறார் என்று பெற்றோர்கள் புகார் செய்தால், பஞ்சாயத் வார்ட் உறுப்பினர் அந்த ஆசிரியரை நேரடியாக கண்டிக்கும் Local control இருந்தது. ஆனால் பிறகு மாவட்ட கல்வி அதிகாரியின் நேரடி கட்டுப்பாட்டுக்குள் அனைத்து பள்ளிகளும் மாற்றபட்டு, over centralise ஆனதன் விளைவு தான் இந்த சீரழிவுகளுக்கு இட்டு சென்றது.

        சீனாவில் 3 வருட ஒப்பந்தத்தில் தான் அனைத்து ஆசிரியர்களும். பிறகு appraisal (ஆம், இப்ப வினவு போட்டு தாக்குதே அதே அப்ப்ரைசல் தான் !!) வைத்து, கழித்த பின் தான் renewal of contracts. அமெரிக்கா போன்ற நாடுகளில் வருடம் சுமார் 3 சத அரசு ஆசிரியர்கள் பல காரணங்களுக்காக டிஸ்மிஸ் செயபடுகின்றனர். (மெத்தனம், ஒழுங்கீனம், திறமையின்மை, திறமைகளை வளர்த்து கொள்ள சோம்பேறிததனம் போன்ற பல காரணிகளுக்கக) ; புதிதாக ஆசிரியர்கள் அமர்த்தபட்டு கொண்டே இருக்கிறார்கள். நிர்வாகம் லோக்கல் கவுண்டி, பெற்றோர் கழகம் போன்றவைகளால் திறமையாக செயல்படுத்தப்படுகிறது. இங்கு அது சாத்தியமில்லை.
        இதை எல்லாம் கணக்கில் கொள்ளாமல், பொத்தாம் பொதுவாக தனியார் பள்ளிகளை மட்டும் காய்ந்து பயனில்லை.

        பார்க்கவும் : 2004இல் வந்த பதிவு :

        http://swaminomics.org/money-cant-teach-kids-to-read-write/

        In China , teachers are hired on three-year contracts by counties, and are fired if they do not perform. But in India teachers belong to trade unions that are accountable only to a distant state capital, not the people they serve. Reforms could include empowering panchayats or parents’ association to at least withhold the pay of absentee teachers, if not fire them. But this would antagonise trade unions, and so finds no mention in the CMP.

        • அதியமான்,

          //எல்லோருக்கும் 100 சதவீத பணி பாதுகாப்பு உள்ளது//

          இது பித்தலாட்டம். விதிமுறைகள் இருக்கிறது. Nepotism, bribing போன்ற பல காரணங்களுக்காக அமல்படுத்தப்படுவதில்லை. சிலரின் மீது எடுக்கப்பட்ட ஒழுங்கு நடவடிக்கைக்காக Union னே திரண்டு வந்து போராடும் என்று கூறுவது எவ்வளவு மோசடியானது?. இங்க Unionக்கு யாரும் பயப்படவில்லை. TESMA சட்டத்தில் ஆசிரியர்களை சேர்த்து ஆயிரக்கணக்கானவர்கள் சிறைக்கு அனுப்பப்பட்டார்கள்.

          சில (3% in US) ஆசிரியர்களின் வேலையில் உள்ள குறைபாடு என்பது Iceberg ன் நுனிதான். முழமையான பிரச்சனையைப் பற்றி பேசும் போது, வெளியே தெரிவதாக கற்பித்துக்கொள்ளும் இந்த நுனியை மட்டும் பேசுவது துளியும் நாணயமற்ற செயல்.

          இன்றும் TESMA சட்டம் மாற்றப்படவில்லை. எந்த கட்சியும் இந்த அதிகாரத்தை இழக்கவிரும்பவில்லை. ஆனால் நாட்டிற்கு பயன்படும் விதத்தில் இந்த அதிகாரத்தை பயன்படுத்த எந்த நாதியும் இல்லை. அராஜக விதிகளுக்கு அடிபணிய ஆசிரியர்கள் மறுத்து போராடும் போது மட்டும் தான் இந்த அதிகாரத்தை பயன்படுத்துவார்கள்.

          தனியார்பள்ளிகளில் பலவித தவறுகள் நடக்கின்றன. பல மாணவ மாணவியர்கள் மர்மமான முறையில் கொல்லப்பட்டிருக்கிறார்கள். இவையெல்லாமே Nepotism, bribing போன்ற பல உபாயங்களை வைத்துத்தான் அமுக்கப்படுகின்றன.

          // over centralise //

          நகராட்சி / பஞ்சாயத் பள்ளிகள் எல்லாம் அரசுப்பள்ளிகள்தான். அவை யாவும் ஒரே அமைப்புக்குள் கொணர்ந்தது பெரிய தவறில்லை. கல்வி அதிகாரிகள் தங்கள் பணியை செய்யாமல் இருப்பதுதான் தவறு. இதைக் காரணம் காட்டி அரசின் கல்வித்துறையையே இல்லாமல் செய்துவிடலாமா. ஆளும் வர்க்கம் ஏற்றுக் கொள்ளுமா. அரச அதிகாரிகளை யாரும் கேள்விகேட்க முடியாத நிலை இருக்கும் போது ஆசிரியர்களை மட்டும் கேள்விகேட்க முடியவில்லை என்பது எதற்காக. எந்த பெற்றோரும் ஆசிரியர்களை கேள்விகேட்க முடியும். பெற்றோர் ஆசிரியர் சங்கம் என்ற ஒன்றும் இருக்கிறது. பெற்றோர்களின் பங்கும் இதில் இருக்கிறது. இன்றும் பஞ்சாயத் வார்ட் உறுப்பினர் மட்டுமில்லை யார் வேண்டுமானாலும் அரசு அதிகாரிகளை ஆசிரியர்களை கேள்விகேட்க முடியும். எத்தனை பேர் இதை செய்யத்துணிகிறார்கள். தனியாக செய்யமுடியது என்றால் சங்கமாகவேண்டும் இதை செய்யவேண்டுமல்லவா. ஆனால் இவர்கள் குறுக்கு வழியில் சாதித்துக்கொள்ளமுடியும் என்று நினைத்துக்கொண்டு தனித்தனியாக நாக்குதள்ளிக் கொண்டு அல்லாடிக்கொண்டிருக்கிறார்கள்.

          • Adhiyaman,

            P.S: I think TESMA is applicable to Govt schools only. So, this is a weapon against Govt school teachers who currently serve mainly the humblest section of our community. Repurcussions of this weapon are ugly.

          • Univerbuddy,

            /// சிலரின் மீது எடுக்கப்பட்ட ஒழுங்கு நடவடிக்கைக்காக Union னே திரண்டு வந்து போராடும் என்று கூறுவது எவ்வளவு மோசடியானது?.///

            இல்லை. அப்படி சொல்லவில்லை. யாரையும் டிஸ்மிஸ் செய்ய சட்டபடி சாத்தியமில்லை. சஸ்பெண்ட், டிரான்ஸ்ஃபர் அல்லது சம்பள் உயர்வு தடை செய்தால் கூட உடனடியாக நீதி மன்றத்தை நாடி, தடையாணை பெற்று காலத்தை ஒட்டும் நடைமுறை பற்றி நேரில் விசாரித்து பார்க்கவும். டிஸ்மிஸ் எல்லாம் பெரிய வார்த்தை. செய்யவே முடியாது. அப்படி செய்தால் தான் பிறகு சங்கங்களில் போராட்டம் பற்றி கேள்வியே. தனியார் பெரும் நிறுவனங்களில் தான் அவ்வப்போது சங்கங்கள் அப்படி போராடும். இங்கு இல்லை. உங்களுக்கு இன்னும் நடைகுறை அனுபவம் போதவில்லை.

            //முழமையான பிரச்சனையைப் பற்றி பேசும் போது, வெளியே தெரிவதாக கற்பித்துக்கொள்ளும் இந்த நுனியை மட்டும் பேசுவது துளியும் நாணயமற்ற செயல்.//

            நான் பேச வேண்டிய டைலாக் இது !! உங்களுக்கு புரிய வைக்க முடியாது அய்யா. ஆள விடுங்க. சரி, அப்ப தனியார் பள்ளிகளை தொடர்ந்து ’திட்டி’ காலத்த ஓட்டுங்க. இப்ப யாருக்கென்ன. மங்களம் உண்டாகும் !! 🙂

          • அதியமான்,

            // டிஸ்மிஸ் செய்ய சட்டபடி சாத்தியமில்லை//
            //நீதி மன்றத்தை நாடி, தடையாணை பெற்று காலத்தை ஒட்டும் நடைமுறை//

            எடுத்தவுடன் யாரையும் டிஸ்மிஸ் செய்ய வேண்டியதில்லை. மூன்றாவது அல்லது நான்காவது கட்டங்களில் செய்ய வாய்ப்பிருக்கிறது என்றே நினைக்கிறேன். அப்படிமுடியாவிட்டால் சட்டத்தில் பிரச்சனை இருக்கிறது. நீதி மன்றத்திலும் கூட பிரச்சனை இருக்கிறது. ஒத்துக்கொள்கிறேன். சட்டங்களின் நீதி மன்றங்களின் குறைபாடுகளை களையாமல் தனியார் பள்ளிகள் வந்தால் நிலைமை சரியாகி விடுமா. இதே சட்டங்களும் நீதி மன்றங்களும் தனியார் பள்ளி ஆசிரியர்களுக்கும் பொருந்துமில்லையா. ஏன் தனியார் பள்ளிகளைப் பற்றி இது போன்ற குற்றச்சாட்டுக்கள் வருவதில்லை?

            Finland உதாரணத்தைக் கொடுத்ததும் நீங்கள் தான். நமது நாட்டில் உள்ள பிரச்சனையின் வேர் எங்கேயிருக்கிறது. It is in short-sighted vested interest. சட்டத்திலும் நீதி மன்ற நடைமுறைகளிலும் உள்ள குறைகள் etc வேண்டுமென்றே பராமரிக்கப்படுபவைகள் என்பது தெளிவு. இதை எப்படி சரிசெய்யப்போகிறோம்.

            // தனியார் பள்ளிகளை தொடர்ந்து ’திட்டி’ காலத்த ஓட்டுங்க.//

            அரசுப்பள்ளிகளின் நிலையை சரிசெய்யவும் கேட்கிறோம். தனியார் பள்ளிகளை அரசுடமையாக்கவும் சொல்கிறோம். காலம் கடக்கும் போது, போதுமான மக்களைத் திரட்டி நாங்களே இதைச் செய்வோம்.

            • //அரசுப்பள்ளிகளின் நிலையை சரிசெய்யவும் கேட்கிறோம்//

              முதல்ல இதை பண்ணி காட்டுங்க . அப்புறம் மக்களே அரசுப்பள்ளியில் செர்பாங்க . தனியார் பள்ளிகள் போனியாகாமல் மூடிவிடுவார்கள்

      • அதியமான் சொல்வது பெரும்பாலும் சரியே. அதிகமான அளவு அரசு செலவு செய்தும், நல்ல ஊதிய உயர்வு பெற்றுக்கொண்ட ஆசிரியர்கள் தம் பணியை செவ்வனே செய்வதில்லை. ஆனால் தனியார் பள்ளிகளில் பணி புரியும் ஆசிரியைகளுக்கோ சம்பளம் இதில் பாதியே. ஆனால் தனியார் முதலாளிகள் இவர்களிடம் வேலை வாங்குகிறார்கள். அதாவது இது போன்ற நிறுவனங்களை அரசால் மேலாண்மை செய்ய வராது. அதாவது கம்யூனிஸ்டுகளின் அடிப்படை பொதுவுடைமை கல்வி நிறுவன மேலாண்மையில் தோற்றுவிடுகிறது. இதை சித்தாந்தம் பேசி சிவப்புச் சட்டை வினவு ஒப்புக்கொள்ள மாட்டார்.

        • விஞ்ஞானி,

          குறைந்த சம்பளத்தை பெற்றுக்கொண்டு கொத்தடிமைகள் போல் நடத்தப்படும் ஆசிரியர்கள் சிறப்பாக பணிபுரிகிறார்கள் என்பது அருவருப்பான வாந்தி. இதைப்பற்றி விரிவாக பேசவும் தகுதியற்ற புரளி.

    • அதியமான்,

      தனியார் பள்ளிகளும் பல்வேறு வழிகளில் அதிகாரத்திற்கு வந்தவர்களால் நடத்தப்படுவன தான் என்பதையேனும் கவனித்திருக்கிறீர்களா. அரசு பள்ளிகளின் சீரழிப்புக்கும் இதற்கும் தொடர்பில்லை என்கிறீர்களா.

    • அதியமான்,

      Macaulay என்பது ஒரு குறியீடு.

      /We must at present do our best to form a class who may be interpreters between us and the millions whom we govern, –a class of persons Indian in blood and colour, but English in tastes, in opinions, in morals and in intellect./

      அதாவது கங்காணிகளை கணக்குப்பிள்ளைகளை உருவாக்குவது.

      அவருடைய ‘Minute’ ஐ பொருத்த வரைக்கும் இந்த லார்டு மற்ற லார்டு லபக்தாஸ்கள் செய்த முட்டாள் தனத்தை /I would strike at the root of the bad system which has hitherto been fostered by us/ என்று சொல்லி சரிப்படுத்தியிருக்கிறார். அதற்கு அவருக்கு credit கொடுக்கலாம்.

      இந்த Minute ல் அவரது அடக்கமின்மையும் புலப்படுகிறது. நாளை இந்தியர்கள் அதைப் படிப்பார்கள் என்று அவருக்குத் தோன்றியிருந்தால் அவ்வாறு எழுதியிருப்பாரோ என்று தெரியவில்லை.

      Macaulay ஐ இந்துத்தவர்களுக்கு பிடிக்காமல் போவதற்கும் பொதுவுடமைவாதிகளுக்கு பிடிக்காமல் போவதற்கும் அடிப்படையில் வேறுபாடு உண்டு.

    • “According to the Ministry of Human Resources data,the allotment for Education in 2010-11 was 2.97 lakh crore(4.05% of GDP).This allocation was raised to 3.57 lakh crore in 2011-12 and to 4.10 lakh crore in 2012-13.Only in 2012-13,the allocation reached 6% of GDP.Allocation of 6% of GDP should have been done in 1985 itself as per Kothari Committee Recommendations(accepted by Govt of India in 1966)”Excerpts from an article in Dinamani (18-2-2015) by B.S.M.Rao.

      Private schools are luring away the students saying that they will make them as good citizens.But they only make the students as broiler chicks and mark scorers.

      Govt school teachers are burdened with non-academic tasks-Examples-Census duty,Election duty etc.Nowadays,the schools are expected to send various data by SMS on hourly basis.But many schools do not have clerks to maintain records or compile statistics.Even today,there are elementary schools with only one teacher in TN. The Head Master of these schools are expected to supervise freebies distribution,construction of school buildings and in some cases cleaning of toilets since no scavengers are appointed.How can you expect to bring standard in school education?Govt school teachers are not the only reason for deterioration in standard.

  2. மற்றவர்களுடைய வரிபணத்தில் தனது பிள்ளைகளை படிக்க அனுப்பாமல் , சுய சார்பு தன்மை கொண்ட பெற்றோர்களையும் , அதற்கு வழி வகுக்கும் பள்ளிகளையும் ஏன் திட்டுகிறீர்கள் ?

    வெளிநாடுகளில் அரசுப்பள்ளியில் மக்கள் ஏன் சேர்கிறார்கள் என்றால் , வீடுவரியொடு பள்ளி வரியும் சேர்ந்து வருகிறது . ஆக மக்கள் ஏற்கனவே பணம் கட்டியாச்சு இனிமேல் கட்ட முடியாது என்று அரசு பள்ளிகளில் சேர்கிறார்கள் . அடுத்து காசு கொடுப்பதால் அதன் தரத்தையும் பெற்றோர்கள் கண்காநிகிரார்கள். வரியாக வருவதால் குழந்தை உள்ளவர்கள் மேல் மட்டும் சுமை இல்லை .

    இங்கே யாரோ காசு என்று உள்ளூர் பள்ளிகளை பற்றி மக்கள் கவலை படுவது இல்லை . வரி இல்லாததால் அந்த பணத்தை தனியார் பள்ளிகளில் விரும்பியபடி பிரெஞ்சு , ஆங்கிலம் படிக்க அனுப்புகிறார்கள்

    தமிழ் செய்யுள் மனபாடம் செய்ய வைத்து மாணவர்களை கொடுமை செய்வதால் அவர்களும் ஆங்கிலப்பள்ளிக்கு செல்ல விரும்புகிறார்கள்

    • Raman always finds fault with cramming of Tamil poetry. I don”t think that students are asked to cram KALINGATHUPARANI.In many private schools,the students are forced to cram everything and they were treated like chicks.Has he not read Vinavu”s article on such private schools.I have not found it difficult to read Tamil poetry.I studied in Tamil medium only. If this man could not read Tamil poetry,how he can call himself a Tamilian?

      • //.In many private schools,the students are forced to cram everything and they were treated like chicks/

        That is wrong. Agreed.

        But your are saying, already they lost one leg, lets break another ? is that how you intend to solve the issue ?

        //I studied in Tamil medium only//

        Me too. studied Govt school in Tamil medium from Anganvaadi.
        That is why I am saying. Tamil literature scares the kids and parents.Parents who make decisions consider this.

        Writing is on the wall!

        Tell me sir, where do your grand kids studying?
        Tamil medium, Govt school?

        • My grandson is studying in Austin,Texas in a kindergarten school.Even though he is in USA,his parents encourage him to learn Tamil. He talks in Tamil only at home.He has learned Gujarathi from his nani.For any new English word,he will ask Tamil meaning from his parents.The present student community is not accustomed to read Tamil only because their parents never encourage them to do so.Love for mother language and literature should come naturally.For persons who want to be like chick and not a human being cannot be reformed.I am raising my two hands.There is no use in arguing with you.

          • I am happy to know your grand son speaks Tamil.Many of my neighbours kids dont and their parents are very proud about it.

            Since your grand son is American , you have safe guarded your lineage under the care of capitalism.
            But you are preaching socialism , may be you dont need to worry about middle class in India.

            • I need not worry about the middle class people in India.They know how to survive.I am worried about the poor and downtrodden only.My grand son thrives not because of American capitalism.He thrives since his father earns good salary using his brains. Do not say that his salary is alms given by America.Only because my grand son lives in America,any person cannot deny my right to speak socialism.Your logic is strange.I have not pledged my self respect or freedom because my son lives in America.

              • @Sooriyan

                //.He thrives since his father earns good salary using his brains.//

                இதை படித்து மிகுந்த மனவேதனை அடைந்தேன்.
                தனி நபர் திறமைக்கு முன்னுரிமை கொடுப்பது முதலீட்டுதன்மே அன்றி , சோசியலிசம் அல்ல .

                சோசியலிசத்தில் விளையாட்டுத்துறை தவிர மற்ற துறைகளில் தனி நபர் திறமைக்கு கிஞ்சித்தும் மதிப்பு கிடையாது. அரசாங்க வேலை வாங்கி விட முடியுமா ? திறமை இருந்தாலும் , புதியது படைக்க வேண்டும் என்னும் ஆவல் இருந்தாலும் அனைத்தும் நசுக்க படும்.

                அவர் கேபடளிசம் தான் உங்களது மகனின் மூளையை சரியாக பயன்படுத்துகிறது. சோசியலிச வெனிசூலா கிடையாது அல்லவா! .
                ஹவான டெக்சாஸ் இல் இருந்து கூப்பிடும் தூரம் தான் . உங்கள் மகன் நேரடியாக க்யூபா சென்று உண்மை உரைக்கட்டும் .

                • I also felt so sad about your sick mind.How Soviet Russia built spacecraft without using the individual brain power of its people?How Bolivia,a socialist country thrives?How Cuba leads in the practice of medicine and how it helped Venezuela by sending medical doctors in return for oil from Venezuela?Under a different article about Ranipet Sipcot,Thippu has asked you certain questions about the technical know how of Iran and listed oil extracting industries in Iran.Better give a reply using your “wonderful”brain to him and then come back here.

    • Raman,

      /வெளிநாடுகளில் வீடுவரியொடு பள்ளி வரியும் சேர்ந்து வருகிறது . ஆக மக்கள் ஏற்கனவே பணம் கட்டியாச்சு இனிமேல் கட்ட முடியாது என்று அரசு பள்ளிகளில் சேர்கிறார்கள்/ இங்கேயும் அப்படித்தானே. 2% surcharge on Education பற்றி கேள்வி பட்டதில்லையா. இப்படியெல்லாம் பேசிக்கொண்டு திரிய உங்களுக்கு அருவருப்பாக இல்லையே. இங்கே வரியில்லை என்று சொல்வது எதற்காக. குறைவாக இருக்கிறதென்றால் போதுமான அளவு என்று தெரிவதை நீங்கள் பள்ளிகளுக்கு நன்கொடையாக கொடுக்கலாமே.

      பிரெஞ்சு conjugations மனப்பாடம் செய்யமுடியும். ஆனால் தமிழ் செய்யுள் மனபாடம் செய்யமுடியாதா. உங்களின் அடிமைத்தனத்திற்கு ஒரு அளவேயில்லையா. நீங்கள் தெலுங்கனாக இருந்து கொண்டு தமிழ்நாட்டின் தமிழைப் பற்றி இவ்வாறு எழுதுவதும் மிகவும் கண்டிக்கத்தக விசமம் என்பதை நினைவில் கொள்ளுங்கள்.

      • //2% surcharge on Education//
        உங்களுக்கு என்னைக்கு புரிந்து இருக்கிறது ? ஒரு கவுண்டியில் (பஞ்சாயத்து ) பள்ளி இருக்கிறது என்றால் , அந்த பள்ளியின் வரவு செலவு எல்லாமே அந்த கவுண்டிக்கு தான் . உங்கள் வரி உங்கள் ஊர் பள்ளிக்கு என்னும் போது தான் அக்கறை வரும் .
        சென்ட்ரல் பிளானிங் என்னும்போது அது வராது .

      • ராமன்,

        // உங்கள் வரி உங்கள் ஊர் பள்ளிக்கு என்னும் போது தான் அக்கறை வரும்//

        உங்களைப் போன்ற குறுகிய மனப்பான்மையுள்ள மக்களும் இருக்கிறார்கள் தான்.

        ஆனால், இங்கே நாம் பேசுவது அரசு தனியார் பிரிவினையைப் பற்றி. உள்ளுர் வெளியூர் பிரிவினையைப் பற்றியல்ல. கல்வி வரியை மத்திய அரசு வசூலிக்கிறதா இல்லை உள்ளுர் அரசு வசூலிக்கிறதா என்பதைப்பற்றி எனக்கு பிரச்சனைகள் இல்லை. சென்ட்ரல் பிளானிங் ல் உள்ள வசதிகளையும் பயன்படுத்திக்கொள்ளலாம். உள்ளூர் அளவிலான பிளானிங் ல் உள்ள வசதிகளையும் பயன்படுத்திக்கொள்ளலாம். இப்படித்தான் பொதுவுடைமை சமூகத்தில் நடக்கும்.

        நாங்கள் கனவுலகில் வாழ்ந்து கொண்டிருக்கிறோம் என்றால் எங்களிடம் நேர்மையான விதத்தில் விவாதம் புரிய வேண்டும் அல்லது உங்கள் வேலையைப்ப பார்த்துக் கொண்டு போகவேண்டும்.

        • உங்கள் கற்பனை உலகத்தில் நடப்பவற்றை நிஜம் எனபது போல காட்டும் பொழுது , அதை தோலுரித்து இது பசு மாடுதான் புலி அல்ல என்று காட்ட வேண்டிய கடமை எனக்கு உள்ளது .

          உங்கள் கருத்துக்களை படிப்பவர்கள் ஏதோ சோசியலிச சமுதாயம் ஒரு சொர்க்கலோகம் என்று முடிவு செய்து விடக்கூடும் . புதிய தலை முறைக்கு இந்தியாவில் சோசியலிசம் இருந்ததோ கொடுமைகள் நடந்ததோ தெரியாது.

          பின்குறிப்பு :-
          நானும் புதிய தலை முறை தான் பாட்டி கதை மூலம் கேள்விப்பட்டு இருக்கிறேன் 🙂

          • ராமன்,

            ஆபத்தானதை புலியென்றும் நன்மை பயக்கக்கூடியதை பசு என்றும் தான் கூறுவார்கள். நீங்கள் மாற்றி சொல்கிறீர்களே.

            இந்தியாவில் இருந்தது சோசியலிசம் அல்ல என்று ஏற்கனவே நானே உங்களிடம் கூறியிருக்கிறேன். அப்போது பேசாமல் இருந்துவிட்டு தொடர்ந்து இதே அவதூறுகளை கூவிக்கூவி விற்று கடமையாற்றுகிறீர்கள். உங்களுக்கு நேர்மையான விவாதம் என்றால் என்ன என்று தெரிந்திருப்பதற்கு வாய்ப்பில்லைதான். தொடரட்டும் உங்கள் பணி.

        • உணிவேர் , இராமனின் இரட்டை மனநிலை இது. ஐரோப்பிய நாடுகளில் கல்விக்கு அரசுகள் செலவுசெய்வதை இந்தியாவுடன் பொருத்தி பார்க்கமாட்டார்கள். ஏன் என்றால் அங்கு வாழும் மக்கள் எல்லாம் நடுத்தர வர்கத்தினர். வரிகட்டுபவர்கள். ஆனால் இந்தியாவில் கல்விக்காக அரசை சார்ந்து இருப்பது நேரடியாக வரிகட்டாத ஏழை மக்கள் தானே ! இந்த விடயம் இராமனின் கருத்தில் வெளிப்பட்டுவதை கவனிக்கவில்லையா நீங்கள் ?

          Raman said : “”””மற்றவர்களுடைய வரிபணத்தில் தனது பிள்ளைகளை படிக்க அனுப்பாமல் , சுய சார்பு தன்மை கொண்ட பெற்றோர்களையும் , அதற்கு வழி வகுக்கும் பள்ளிகளையும் ஏன் திட்டுகிறீர்கள் ?””””

          கல்வியை மக்களின் அடிப்படை உரிமையாக கருதும் ஐரோப்பிய நாடுகளின் சிந்தனை ஏழைகள் இந்தியா என்று வரும் போது இராமனுக்கு கசக்க தான் செய்யும்.

          • கொஞ்சம் கூட புரிவது இல்லை ! அரசாங்க பள்ளிகளை மூடுங்கள் என்று கூறவில்லை . அரசாங்க பணம் தேவைபடுபவர்களுக்கு மட்டும் உதவி கொடுத்தால் போதும் . பணக்கரர்கின் பிள்ளைகளுக்கு எதற்கு அரசாங்க வரி பணத்தில் கல்வி ?

            டீசல் கார்கள் வரி சலுகை பெறுவது போல

    • //தமிழ் செய்யுள் மனபாடம் செய்ய வைத்து மாணவர்களை கொடுமை செய்வதால் அவர்களும் ஆங்கிலப்பள்ளிக்கு செல்ல விரும்புகிறார்கள்//

      என்ன கொடுமை? சரியான ஆசிரியர் அமைந்த்தால், செய்யுள் பொருளறிந்து இன்புறுவோம்…

      கொங்குதேர் வாழ்க்கை அஞ்சிறைத் தும்பி

      காமம் செப்பாது கண்டது மொழிமோ
      பயிலியது கெழீஇய நட்பின் மயிலியற்
      செறி எயிற்று அரிவை கூந்தலின்
      நறியவும் உளவோ நீ அறியும் பூவே.

      ஆகா…அருமை அருமை….

      • உங்களை போல ஆர்வம் உள்ளவர்களுக்கு +1 +2 வில் தனியாக ஒரு பிரிவை ஏற்படுத்தி கொடுக்கலாம். அப்படி தமிழை படித்துவிட்டு அரசாங்க வேலை வேண்டும் என்று நச்சரிக்காமல் இருக்க வேண்டும்.

        கண்ணிகியின் கற்பையும் , கூந்தலின் மணத்தையும் தெரிந்து வாழ்க்கைக்கு என்ன பிரயோசனம் ?

        அந்த நேரத்தில் காரல் மார்க்சு , ஆதாம் ஸ்மித் என்று சொல்லி கொடுத்து இருந்தால் எதாவது தெரிந்து இருக்கும் . இன்றைக்கு TCS மக்கள் வேலை இழப்பு என்ற பின்னர் தானே இதெல்லாம் என்ன என்று கேட்கும் நிலைக்கு வந்து இருகிறார்கள் . அவர்களிடம் பேசி பாருங்கள் செய்யுளை தலை கீழாக சொல்வார்கள்

        பெரெஞ்சு படித்தால் குறைந்த பட்சம் 1% வேலைவாய்ப்புக்கு பலன் இருக்கும்
        தமிழ் செய்யுள் படித்தால் …:)

        • ராமன் சார் , CBSE பள்ளிகளை தவிர்த்து மற்ற அனைத்து பள்ளிகளிலும் தமிழ் ஒரு பாடமாக 12 ஆம் வகுப்பு வரை இந்தியாவின் ஒரு மாநிலமான தமிழ் நாட்டில் உள்ளது. பிற மாநிலங்களிலும் இது போன்றே அவர்களின் மொழிகள் ஒரு பாடமாக உள்ளது. தமிழ் நாடு தவிர வேறு எந்த மாநிலத்திலாவது போய் சென்று உங்கள் மொழி வேண்டாம் . படிக்காதிர்கள் .என்று எல்லாம் உளறிபாருங்கள் ! குறிப்பாக ஆந்திராவில் சென்று உளறுங்கள் அப்போது தெரியும் உங்களுக்கு கிடைக்கும் வரவேற்ப்பும் பாராட்டுகளும். ! தற்போது கூட மனித வள மேம்பாட்டு அமைச்சர் அவர் அறிந்த 8 மொழிகளிலே ஹிந்தி தான் உயர்ந்தது என்று கூறி இருக்கின்றார். அவரிடம் ஹிந்தி செய்யுள்கள் தேவை இல்லை சொல்ல உங்களுக்கு துணிவு உண்டா ? அவ்வளவு ஏன் என் தாய் மொழியான மலையாளத்தில் உள்ள கவிதைகள் படிக்க தகுதியற்றவை என்று கூற முடியுமா உங்களால் ?

          ஏன் தமிழ் மீது மட்டும் கொலை வெறி ?தமிழர்கள் மொழி உணர்வற்றவர்கள் என்பதாலா ? [എന്തുകൊണ്ട് രക്തപങ്കിലമായ തമിഴ് അല്ലയോ? ]

          • தமிழ் படிக்க வேண்டாமுன்னா சொன்னேன் . தமிழ் செய்யுள் மனப்பாடம் செய்து எழுதினால் தான் மதிப்பெண் என்பதை தான் எதிர்கிறேன் .

            தமிழ் செய்யுளை +1 +2 வில் மனபாடம் செய்ய , அதுவும் தனி க்ரூப் ஆகா வைத்து கொள்ளுங்கள் என்கிறேன் .

            இதனால் தமிழ் மீடியத்தை மாணவர்களும் பெற்றோர்களும் ஏற்றுகொள்வார்கள் . அதனால் தமிழ் படிக்க தெரிந்த சமுதாயம் உருவாகும்.

            இல்ல தமிழ் செய்யுள் முக்கியம் என்று உங்கள் அறிவு ஜீவி தனத்தை காட்டினால் , புதிய சமுதாயம் பெரெஞ்சு படிக்கும் .

            • இதை எல்லாம் பிற மாநில மொழி இனத்வரிடமும் கூற ராமனுக்கு துணிவு உண்டா ? பார்பனர்கள் குறிப்பாக மனப்பாடம் செய்து உளரும் வேதங்களை தவிக்க கோரிக்கை வைக்க ராமனுக்கு துணிவு உண்டா ?

            • மொழியின் சந்தம் நிறைந்த பாடல்கள் பச்சிளம் குழ்ந்தையை கூட ஈர்க்கும் போது ராமன் சாருக்கு மட்டும் பாவற்காய் கசப்பாக இருக்க காரணம் அவருக்கு உள்ள மொழி ஆளுமையின் குறைபாடாக தான் இருக்க வேண்டும். தமிழ் மொழியின் “திருப்புகழ்க்கு” அதன் இசைக்கு மயங்கும் எம் குழைந்தை ,PBS ன் இசை குரலை கணினியில் தேடி கேட்கும் தருணங்கள் மிகவும் உன்னதமானவை. தமிழ் மொழியின் ஒரு இலக்கிய மரபான செய்யுள்களை தூக்கி எரியபடவேண்டிய அளவுக்கு பிற்போக்கு தனமும் கொண்டவை அல்லவே !மேலும் தமிழ் மற்றும் மலையாள மொழிகளின் வேர் சொற்கள் தமிழ் செய்யுள்களில் உள்ளனவே !அத்தகைய செய்யுள்களை தலைமுறை தலைமுறையாக கொண்டு செல்வது நமது கடமையாகும் .

            • ராமன்,

              தமிழ் மீடியத்தையும், தமிழ் பாடத்தையும் போட்டு குழப்பிக் கொள்ளாதீர்கள்.

              தாய்மொழிவழிக் கல்வி என்பது உலகெங்கும் கல்வியாளர்கள் ஏற்றுக் கொண்ட கோட்பாடு. அதற்கு எதிரான மெட்ரிகுலேஷன் பள்ளிக் கல்வி முறை பற்றி உங்கள் கருத்து என்ன?

              தமிழ் பாடமும் நீங்கள் சொல்லும் கண்ணகியின் கூந்தல், தமிழ் செய்யுள் மனப்பாடம் என்ற வடிவத்தைத் தாண்டி வெகுவாக முன்னேறியிருக்கிறது. அதற்காக, செய்யுளை படிக்கவே கூடாது என்பதில்லை, அதற்கும் அதற்குரிய இடம் உண்டு. நேரம் கிடைத்தால், தமிழ்நாடு அரசின் சமச்சீர் கல்வி தமிழ் பாடப் புத்தகங்களை பாருங்கள் (இணையத்திலேயே கிடைக்கின்றன)

        • Do you mean to say that TCS people lost their jobs because they learned Tamil poetry?The present crop of engineering students are not having soft skills only because they neglected their mother language and literature.Right from 9th Std,they mug up everything and after they were fired by TCS,they do not know how to face life.Nowadays,even IT companies prefer Arts or Science students rather than engineering students.Learning Fine Arts and literature will nurture brain.You are` advocating popping pills instead of fruits and vegetables.Literature means more than Kannagi”s chastity and the argument regarding natural aroma in ladies’hair.It clearly shows your utter ignorance about Tamil literature.Do not expose yourself.When others find fault with you,you will cry saying that they are assassinating your character.No one need assassinate your character.You yourself are exposing your childish,prudish,sadist character by your posts.

          • //ight from 9th Std,they mug up everything and after they were fired by TCS//

            My theory is , Tamil literature trains the kids in early age to mug up. It is impossible to write tamil poems with proper understanding. This habit leads them to take the same path when they go to higher studies.

            If you still think Kannagi story is important for tamil culture, teach them but not in the old language. Let kids write the story in their own words.Why force them to write

            “தேரா மன்னா செப்புவது உடையோய்?”

          • //Learning Fine Arts and literature will nurture brain//

            I never said dont teach Barathiyar, Barathithaasan,Vairamuthu poems.
            Go with Modern poems where kids can understand and will learn to express.

            Have you ever seen anyone expressing their artist side using dead senthamil ?

            I am against teaching dead senthamil disguised as thamil.

            • Raman, நுண் கலைகளில் ஈடுபடும் மனம் பலவித செழுமைகளை அடைகிறது. உடலை மேம்படுத்த்த யோகாசனங்கள், விளையாட்டு, ஏரோபிக்ஸ் மற்றும் தசைகளை மேம்படுத்தும் ஜிம் போன்ற பல வழிகள் இருப்பது போல், நுண் கலைகளும் மனதை மேம்படுத்தும் ஒரு வழி. எண் கணித விளையாட்டு, மனன விளையாட்டுகள், துறை சார் புத்தகங்கள், போன்றவை பிரச்சினைகளை தீர்க்க மனத்தை உருவாக்கும் வழிமுறைகள். இலக்கியம் படிக்கும் பொழுது, அதை புரிந்து கொள்ள மனம் ஒரு வித கற்பனை உலகை சிருஷ்டிக்கிறது. நேர் வாழ்வில் நாம் சந்திக்கும் பல பிரச்சினைகள், ஒற்றை படை தன்மை உடையவை அல்ல, அவைகளுக்கான தீர்வும் நேரானவை அல்ல. நேர் வாழ்வில் நாம் சந்திக்கும் பல பிரச்சினைகளை அத்தகைய கற்பனை இல்லாமல் தீர்ப்பது எளிதல்ல. கற்பனைகளின் வழியே நீட்டிப்பதும், சில கோணங்களை தவிர்த்து எளிமையாக்குவதும், [assumption and abstraction] பிரச்சினைகளை தீர்க்கும் வழி.

              நம் மனத்தின் சிந்தனை ஓட்டம் நமக்கு தெரிந்த வார்த்தைகளின் வழியே நடைபெறுகிறது. செழுமையயான மொழிவளம், சீறிய வளம் மிக்க சிந்தனைகளுக்கு அடிப்படை.

              துறை சார் செயல்பாடுகள் மட்டுமே வாழ்க்கை அல்ல. குடும்பம், சமூகம் இவற்றில் நமது பங்களிப்பும் வாழ்க்கையில் முக்கியமானதே.

            • இராமன்,

              மீசைல மண் ஒட்டவில்லை என்பதில் கண்ணும் கருத்துமாய் இருக்கின்றீர்கள். ஆனால் பாவம், சேத்தில் தான் புரண்டு கொண்டு இருக்கின்றீர்கள்.

              தாய் மொழி வழிக் கல்வி வேண்டும் என்று நாங்கள் கூறினால் தாங்கள் ஏன் சும்மா செந்தமிழ் செத்த தமிழ் என்று சவுண்டு உட்டுக் கொண்டு இருக்கின்றீர்கள். முன்பொருமுறை தமிழில் எல்லாம் கல்வி சாத்தியமில்லை என்று ஒப்பாரி வைத்தவர் தானே நீவிர். இப்போ என்னவென்றால் செந்தமிழில் உள்ள பாடல் வரிகளை மனனம் செய்வதை தான் எதிர்ப்பதாக பம்மாத்து கட்டுகிறீர்கள். ஏனிந்த முரண்பாடு.

              உலகம் முழுக்க தாய் மொழி வழிக் கல்வி தான் சிறந்தது என்று ஏக மனதாய் ஏற்றுக் கொண்டிருக்க , இந்த கலியுக இராமன் மட்டும் ஏன் செந்தமிழ் இறந்து விட்டது என்று கட்டுரையின் மையக் கருத்திலிருந்து விலகி விதண்டாவாதம் புரிகிறார்.

              அதுமட்டுமல்லாமல் செந்தமிழின் பாடல்களை புரிந்துக் கொள்வது கடினம் தேவையற்றது என்றும் பிதற்றுகிறார். இங்கே இந்த மெட்ரிக் கல்விப் பயின்று வரும் பிராய்லர் கோழிகளிடம் சிட்னி ஷெல்டன், ஷெல்லி, ஷேக்ஸ்பியரின் படைப்புகளை கொடுத்து படித்து தமிழாக்கம் செய்ய சொல்லுவோம் அல்லது படித்து பொருள் கேட்போம். எத்துனை பேர்களால் அது முடியும் என்று பாப்போம்.

              நண்பர் சூரியன் சரியாக கேட்டு இருப்பார். டி.சி.எஸ் நிறுவனத்தில் பணி புரிபவர்கள் எல்லாம் என்ன செந்தமிழ் பாடம் பயின்றவர்களா என்று. உண்மையைச் சொல்வதானால் அந்த பிராய்லர் கொலைகளில் பெரும்பான்மையோருக்கு தமிழில் ஒழுங்காக எழுதப் படிக்க தெரியுமா என்பது கூட சந்தேகம் தான்.ஆங்கிலத்திலும் தான் :).

              அது மட்டுமல்ல செந்தமிழ் பாடல்களை கற்றுகொல்லக் கூடாது என்பதன் மூலம் எதிர்கால சந்ததிகள் தமிழர்களின் வரலாற்றைக் கூட அறிந்துக் கொள்ள கூடாது என்பதில் தெளிவாக இருக்கும் இராமன் போன்ற விபீடணர்கள் , செந்தமிழ் என்று தனியாக மொழியேதும் ஒன்று உண்டா என்று கூற கடமைபட்டவர்கலாவர்.
              தமிழகத்தின் கடந்தகால வரலாறு பழமையானப் பாடல்களில் உண்டென்றால் அதை பற்றித் தெரிந்து கொள்ள தமிழர்கள் கடமைபட்டவர்களவார்கள்.

              ஆனால இதே இராமன்கள் சில ஆயிரங்களில் கூட பேச ஆளில்லாத எந்த ஒருக் குறிப்பிட்ட சமூகத்திற்கும் உருப்படியான பயனில்லாத ஒரு மொழியான (செத்த) சமத்கிருததிர்க்கு இந்த அரசு செய்யும் வீண் தண்ட செலவுகளைக் குறித்து ஒரு சிறிய குசுக் கூட விட மாட்டார்கள். அந்த அளவிற்கு தமிழ் மீது வெறுப்பு மற்றும் வன்மம்.

              வெளிப்படையாகவும் உங்களிடம் சவால் விட்டும் நான் கடைசியில் ஒன்றுக் கேட்கிறேன். இந்த மெட்ரிக் கல்வி முறையில் பயின்று தான் டி.சி.எஸ்ஸில் வேலைக்கு சேர்ந்த மாணவர்களின் இன்றைய நிலை என்ன? எத்துணைப் பேர்கள் இந்த அராஜகமான வேலைப் பறிப்பை எதிர்த்து சிறு மூச்சாவது விட்டு இருப்பார்கள்? இதற்க்கெல்லாம் உதவாத இந்த மெட்ரிக் கல்வி நமக்கு எதற்கு என்று தானே நாம் கேட்கிறோம்.

              கடைசியாக நாம் என்ன சொல்கிறோம் என்றால், ஆங்கிலம் உள்ளிட்ட எந்த மொழிகளைக் கற்றுக் கொனாடலும் அது செவ்வனே இருக்க வேண்டும் என்பதே. அதாவது ஆங்கிலத்தில் உள்ள அறிவியல் உள்ளிட்டகண்டுபிடிப்புகள் மற்றும் பாடங்களையும், சிட்னி ஷெல்டன்,ஷெல்லி போன்றோரின் படைப்புகளையும் புரிந்து கொள்ளக் கூடிய கல்வி முறையே. அது மட்டுமல்லாமல் ஆங்கிலம் கோலோச்சும் ஒரு நிறுவனத்தில் நடக்கும் குளறுபடிகளை எதிர்த்து ஆங்கிலத்தில் வாதம் புரியும் திறமைகள் வேண்டுமே ஒழிய பிராய்லர் கோழிகளாக வெட்டுப்பட்டால் கூட சத்தம் போடா கூட முடியாமல் செத்த பிணமாய் இருக்கக் கற்றுக் கொடுக்கும் இந்த மெட்ரிக் கல்வி முறையல்ல.

              நன்றி,.

        • ராமன்,

          செய்யுள்கள் மனித பரிணாமத்தில் ஒரு நிலை. எல்லா மொழிகளிலும் செய்யுள்கள் இருக்கின்றன. சிலர் அதில் ஆராய்ச்சி செய்கிறார்கள். பலர் தேர்விற்குப்பிறகு மறந்து விடுகிறார்கள். நமது மொழிகளின் ஆரம்பம் செய்யுள்களில் இருக்கின்றன. கடினமாக இருந்தாலும் ஒரளவுக்காகவேனும் அதை தெரிந்து கொள்ளவேண்டியது நமது கல்வியின் ஒரு பகுதி. இதையும் ஏற்கனவே வேறொரு பதிவில் சொன்னேன். அப்போது அதற்கு பதில் சொல்லாமல், மீன்டும் அதே கூவல்.

          ஐரோப்பியர்கள் லத்தீனையும் கிரேக்கத்தையும் இன்றும் கற்பது எதற்காக. அவரவர் மொழிகளின் வார்த்தைகளின் மூலம் அங்கிருந்துதான் வருகின்றன.

          எல்லா செய்யுளையும் மனப்பாடம் செய்து 100க்கு 100 வாங்கவேண்டி கட்டாயம் யாருக்குமில்லை. நீங்கள் தெலுங்கனாக, அம்மொழியின் எழுத்துக்களுடன் உள்ள உறவை முற்றிலும் இழந்துபோய் நின்று கொண்டு பேசிவருகிறீர்கள். மற்றவர்களையும் அப்படி எதிர்பார்ப்பது மிகவும் அசட்டுத்தனம். உங்களைப் போன்றவர்களின் குழந்தைகள் பெரஞ்சும் படிப்பார்கள் எதையும் படிப்பார்கள். ஆனால் ஒட்டத்திற்கு ஒய்வே இருக்காது.

        • உடன்பிறப்பே ராமா ,

          //பெரெஞ்சு படித்தால் குறைந்த பட்சம் 1% வேலைவாய்ப்புக்கு பலன் இருக்கும்
          தமிழ் செய்யுள் படித்தால் …:) //

          காயமே இது பொய்யடா , வெறும் காற்ரடைத்த பையடா .

          இவ்வாறு ப்ரென்சு மொழியிலே ஒரு பாடல் உண்டோ?

          PHANTOMS IN THE BRAIN எம் தமிழன் வீ.எஸ்.ராமச்சந்த்ரனின் நூலினை முதலில் படியும்
          அன்புடன்
          கெணேசு

  3. Saa Naa :

    அப்படி என்னதான் இருக்கிறது பின்லாந்து கல்விமுறையில்? படிச்சா செம கடுப்பாகிவிடுவீர்கள்!

    உலக அளவில் ‘கல்வியின் மெக்கா’ என அழைக்கப்படுவது பின்லாந்து். அமெரிக்க, ஐரோப்பிய நாடுகள் பொருளாதாரத்தில் எவ்வளவு மேம்பட்ட நிலையில் இருந்தாலும், அனைத்து பிரச்னைகளையும் தீர்ப்பதற்கான டாலர் என்ற மந்திரித்த தாயத்து வைத்திருந்தாலும், அவர்களால் கல்வியில் பின்லாந்துடன் போட்டிபோட முடியவில்லை.

    ‘பொருளாதார ஒத்துழைப்பு மற்றும் மேம்பாட்டுக்கான அமைப்பு’ (OCED- organisation for economic co-operation and development) என்பது வளர்ச்சியடைந்த நாடுகளின் கூட்டமைப்பு. இதன் சார்பில், தங்கள் நாட்டு மாணவர்களின் கல்வித் திறன் குறித்த ஆய்வு அவ்வப்போது
    நடைபெறும். இதற்கு PISA-Programme for international students assessment என்று பெயர்.

    மற்ற நாடுகள் விருப்பப்பட்டால், இதில் சேர்ந்துகொள்ளலாம். இந்த ஆய்வில் உலகின் மற்ற நாடுகள் பின்வரிசையில் இருக்க… பின்லாந்து எப்போதும் முன்வரிசையிலேயே இடம் பிடிக்கிறது. அப்படி என்னதான் இருக்கிறது பின்லாந்து கல்விமுறையில்?

    பின்லாந்தில் ஏழு வயதில்தான் ஒரு குழந்தை பள்ளிக்குச் செல்லத் தொடங்குகிறது. ஒன்றரை வயதில் ப்ளே சுகூல், இரண்டரை வயதில் ப்ரீ-கே .சி., மூன்று வயதில் எல்.கே.சி., நான்கு வயதில் யு.கே.சி என்ற சித்ரவதை அங்கே இல்லை.

    கருவறையில் இருந்து வெளியில் வந்ததுமே குடுகுடுவென ஓடிச்சென்று பள்ளியில் உட்கார்ந்து கொள்ளும் எந்த அவசரமும் அவர்களுக்கு இல்லை. எல்லா நேரமும் கற்றலுக்கான துடிப்புடன் இயங்கும் குழந்தையின் சின்னஞ்சிறு மூளை, தனது சுற்றத்தின் ஒவ்வோர் அசைவில் இருந்தும் ஒவ்வோர் ஒலியில் இருந்தும் கற்கிறது. இலை உதிர்வதும், செடி துளிர்ப்பதும், இசை ஒலிப்பதும், பறவை பறப்பதும் குழந்தைக்குக் கல்விதான். இவற்றில் இருந்து வேரோடு பிடுங்கி வகுப்பறைக்குள் நடுவதால், அறிவு அதிவேக வளர்ச்சி அடையும் என எண்ணுவது மூடநம்பிக்கை.

    ஏழு வயதில் பள்ளிக்குச் செல்லும் பின்லாந்து குழந்தை, அடுத்த மூன்று ஆண்டுகளுக்கு கிட்டத்தட்ட ஆண்டின் பாதி நாட்கள்தான் பள்ளிக்கூடம் செல்கிறது. மீதி நாட்கள் விடுமுறை. ஒவ்வொரு நாளும் பள்ளி இயங்கும் நேரமும் குறைவுதான். அந்த நேரத்திலும்கூட, படிப்புக்குக் கொடுக்கப்படும் அதே முக்கியத்துவம் இசை, ஓவியம், விளையாட்டு, மற்றும் ஆய கலைகள் ௬௪ (64) க்கும் முக்கியத்துவம் உண்டு. ஒவ்வொரு பள்ளியிலும் ஓர் ஓய்வறை இருக்கும். படிக்கப் பிடிக்கவில்லை அல்லது சோர்வாக இருக்கிறது என்றால், மாணவர்கள் அங்கு சென்று ஓய்வு எடுக்கலாம்.

    முக்கியமாக, 13 வயது வரை ரேங்கிங் என்ற தரம் பிரிக்கும் கலாசாரம் கிடையாது; பிராக்ரசு ரிப்போர்ட் தந்து பெற்றோரிடம் கையெழுத்து வாங்கி வரச் சொல்லும் வன்முறை கிடையாது. தங்கள் பிள்ளையின் கற்றல் திறன் குறித்து தெரிந்துகொள்ள வேண்டும் என பெற்றோர்கள் விரும்பினால், தனிப்பட்ட முறையில் விண்ணப்பித்துப் பெற்றுக்கொள்ளலாம்.

    ௧. கற்றலில் போட்டி கிடையாது என்பதால், தேர்வுகளில் அதிக மதிப்பெண் எடுக்கும் மன உளைச்சல்கள் மாணவர்களுக்கு இல்லை.

    ௨. சக மாணவர்களைப் போட்டியாளர்களாகக் கருதும் மனப்பாங்கும் இல்லை.

    ௩. இவர்களுக்கு வீட்டுப்பாடம் தரப்படுவது இல்லை.

    ௪. மாணவர்களுக்கு எந்தப் பாடம் பிடிக்கிறதோ அதில் இருந்து அவர்களே வீட்டுப்பாடம் செய்து வரலாம்.

    ௫. ஒவ்வொரு பள்ளியிலும் ஒரு மருத்துவர் இருப்பார். அவர், மாணவர்களின் உடல்நிலையை தனிப்பட்ட முறையில் கவனித்து ஆலோசனைகள் வழங்குவார்.

    ௬. ஒரு பள்ளியில் அதிகபட்சமாக 600 மாணவர்கள் இருக்கலாம்; அதற்கு அதிக எண்ணிக்கை கூடவே கூடாது.

    ௭. முக்கியமாக பின்லாந்தில் தனியார் பள்ளிக்கூடமே கிடையாது. அங்கு கல்வி என்பது முழுக்க முழுக்க அரசின் வசம். கோடீசுவரராக இருந்தாலும், நடுத்தர வர்க்கத்தினராக இருந்தாலும், ஏழையாக இருந்தாலும்… அனைவரின் குழந்தைகளும் ஒரே பள்ளியில்தான் படிக்க வேண்டும். ‘என் பொண்ணு இன்டர்நேசுனல் சுகூல்ல படிக்கிறா’ என சீன் போட முடியாது. அனைவருக்கும் சம தரமுள்ள கல்வி அங்கு உத்தரவாதப்படுத்தப்பட்டு உள்ளது. அதனால்தான் பின்லாந்தில் 99 சதவிகிதம் குழந்தைகள் ஆரம்பக் கல்வியைப் பெற்றுவிடுகின்றனர்.

    ௮. அதில் 94 சதவிகிதம் பேர் உயர்கல்விக்குச் செல்கின்றனர். ‘டியூஷன்’
    என்ற அருவருப்பான கலாசாரம், அந்த நாட்டுக்கு அறிமுகமே இல்லை.

    ௯. தேர்வுகளை அடிப்படையாகக்கொள்ளாத இந்தக் கல்வி முறையில்
    பயின்றுவரும் மாணவர்கள்தான், உலகளாவிய அளவில் நடைபெறும் பல்வேறு தேர்வுகளில் முதல் இடங்களைப் பிடிக்கின்றனர். இது எப்படி என்பது கல்வியாளர்களுக்கே புரியாத புதிர். அந்தப் புதிருக்கான விடையை, ஐ.நா சபையின் ஆய்வு முடிவு அவிழ்த்தது.

    உலகிலேயே மகிழ்ச்சியாக இருக்கும் குழந்தைகள் பற்றிய தரவரிசை ஆய்வு ஒன்றை, ஐக்கிய நாடுகள் சபை ஒவ்வோர் ஆண்டும் வெளியிடுகிறது. இதில் பின்லாந்து எப்போதும் முன்னணியில் இருக்கிறது. மகிழ்ச்சியின் நறுமணத்தில் திளைக்கும் குழந்தைகள், அறிவை ஆர்வத்துடன் சுவைப்பதில் புதிர் எதுவும் இல்லை.

    பின்லாந்து கல்விமுறையின் இத்தகைய சிறப்புகள் குறித்து அறிந்து வருவதற்காக, உலகமெங்கும் உள்ள கல்வியாளர்களும், பிரதிநிதிகளும் அந்த நாட்டை நோக்கிக் குவிகின்றனர். உலகின் 56
    நாடுகளில் இருந்து 15,000 பிரதிநிதிகள் ஒவ்வோர் ஆண்டும் செல்கின்றனர். நாட்டின் அந்நியச் செலாவணியில் கணிசமான சதவிகிதம் கல்விச் சுற்றுலாவின் மூலமே வருகிறது.

    ஆனால், இப்படி தங்களை நோக்கி வீசப்படும் புகழ்மாலைகளை பின்லாந்தின் கல்வியாளர்களும் அமைச்சர்களும் ஓடோடி வந்து ஏந்திக்கொள்வது இல்லை. ‘பின்லாந்து கல்விமுறைதான் (Finnish Education system) உலகிலேயே சிறந்தது எனச் சொல்ல முடியாது. றிமிசிகி ஆய்வில் எல்லா நாடுகளும் பங்கேற்காத நிலையில் இப்படி ஒரு முடிவை வந்தடைய முடியாது. எங்களைவிட சிறந்த கல்விமுறையும் இருக்க முடியும்’ என்கிறார்கள். இல்லாத நாற்காலியைத் தேடி எடுத்து ஏறி அமர்ந்து, தனக்குத்தானே முடிசூட்டிக்கொள்ளும் தற்பெருமையாளர்கள் நிறைந்த உலகத்தில் இது பண்புமிக்க பார்வை; மதிக்கத்தக்க மனநிலை.

    கல்வியில் இருந்து நாம் பெறவேண்டிய சாராம்சம் இதுதான். இத்தகைய சிறந்த கல்விமுறையை உருவாக்கியதிலும், பராமரிப்பதிலும் பின்லாந்தின் ஆசிரியர்களுக்கு முக்கியப் பங்கு உண்டு.
    சொல்லப்போனால் பின்லாந்து ஆசிரியர்கள்தான் இதற்கு முழுமுதல் காரணம். பின்லாந்தில் ஆசிரியர் பணி என்பது, நம் ஊர் ஐ.ஏ.எசு., ஐ.பி.எசு போல மிகுந்த சமூகக் கௌரவம் உடையது. அரசின் கொள்கை வகுக்கும் முடிவுகளில், திட்டங்களின் செயலாக்கத்தில் ஆசிரியர்களுக்கு முக்கியப் பங்கு உண்டு. மூன்றில் ஒரு பின்லாந்து குழந்தைக்கு, ஆசிரியர் ஆவதுதான் தன் வாழ் நாள் லட்சியம். அதே நேரம் அங்கு ஆசிரியர் ஆவது அத்தனை சுலபம் அல்ல!

    மேல்நிலை வகுப்பில் சிறந்து விளங்கும் மாணவர்களில் இருந்து ஆசிரியர் பயிற்சிக்கு மாணவர்கள் தேர்வு செய்யப்படுகின்றனர். ஐந்து ஆண்டுகள் உண்டு, உறைவிடப் பள்ளிகளில் சேர்ந்து கடும் பயிற்சி
    எடுக்க வேண்டும். பிறகு, ஆறு மாத காலம் ராணுவப் பயிற்சி. ஒரு வருடத்துக்கு வெவ்வேறு பள்ளிகளில் நேரடியாக வகுப்பறையில் ஆசிரியர் பயிற்சி. ஏதாவது ஒரு பாடத்தில் புராசெக்ட், குழந்தை உரிமைப் பயிலரங்கங்களில் பங்கேற்பது, நாட்டின் சட்டத் திட்டங்கள் குறித்த தெளிவுக்காக தேசிய அமைப்புகளிடம் இருந்து சான்றிதழ், தீயணைப்பு, தற்காப்புப் பயிற்சி, முதலுதவி செய்வதற்கான மருத்துவச் சான்று… என ஆசிரியர் பயிற்சிக்கு சுமார் ஏழு வருடங்களைச் செலவிட வேண்டும். இப்படி ஆசிரியர்களை உருவாக்கும் விதத்தில் பின்லாந்து மேற்கொள்ளும் சமரசம் இல்லாத முயற்சிகள்தான், அங்கு கல்வியில் மாபெரும் மறுமலர்ச்சியை உருவாக்கி இருக்கிறது!
    ..
    வாட்ஸ் ஆப்பிலிருந்து

    • ம்…..படிக்க படிக்க வயிறு தான் எரியுது. முட்டாள் ஆசிரியர்கள் முரட்டு மாணவர்கள் பேராசை பெர்றோர்கள், அரக்க கல்விக்கூடங்கள். இவை தான் நம் நாடு. இது புரையோடிப்போனது இதை திருத்தவோ மாற்றவோ முடியாது. “99 மார்க் எதுத்துட்டு இப்படி உக்காந்து அழுவுறானே அந்த பையன் ” பின்னே இருக்காதா அவன் நாமக்கல் பையனாச்சே ” என்ன புரியுதா ? நாமக்கல் பள்ளிக்கூடத்தில தொண்ணுத்த்தி ஒம்பது மார்க் எடுத்தாலும் தொலைச்சி புடுவாங்க ! 100 க்கு கொறஞ்சி எடுக்கவே கூடாது. இரவு முழுக்க கொசுக்கடியில் படுத்திருந்து காலையில் அப்ளிகேஷன் வாங்க காத்திருக்கும் பெற்றோர் எல்லாம் நம்ம நாட்டில் தான் உள்ளார்கள். அடுத்த ஜென்மத்துலயாவது நாமும் நம்ம வாரிசுகளும் பின்லாந்தில் பிறக்க ஆசைப்படுவ்வொம். வேறென்ன செய்யறது.

    • Adhiyaman,

      I have heard of Finland condition and other European conditions. One thing in common about them, is Govts (or in short people) care about their schools and their children.

      Why not here? Why are we not a people fit for that name?

  4. @சிவப்பு .Madhav Sankar

    அப்பாப்பா கருத்து என்ன என்பதை புரிந்து கொள்ளும் எண்ணம் யாருக்கும் இல்லை .
    முதலில் நான் நல்லவன் அவன் கேட்டவன் என்பதை நிறுவ வேண்டும் என்கின்ற ரீதியில் தான் மூளை வேலை செய்கிறது .

    இவன் சாத்தானின் ஆள் என்பதை முதலில் நிறுவி விட வேண்டும் என்று துடிக்கிறார்கள் .
    இவன் தெலுங்கன் என்கிறார் ஒருவர்
    இவன் சமஸ்கிருந்தம் விரும்பும் ஆரியன் அதனால் தான் என்கிறார் இன்னொருவர்

    முதலில் எனது நிலைப்பாடு என்ன என்பதை புரிந்து கொள்ள முயற்சி செய்யுங்கள்

    புரியாதவர்களுக்காக ஒரு முறை எனது நிலைப்பாடு :-

    தமிழ் வழி கல்வியை ஆதரிக்கிறேன் . தமிழ் வழி கல்வி என்பதில் செந்தமிழை சேர்ப்பதை எதிர்கிறேன் . அதை நீக்கி தமிழ் பாடத்தை எளிமையாக்கினாள் பெற்றோரும் மாணவர்களும் தமிழ் வழி கல்வி என்பதை ஒருவேளை ஏற்கலாம் என்கிறேன்.

    செந்தமிழ் சமஸ்கிருதம் எல்லாம் யாருக்கும் புரியாத ,வழக்கில் இல்லாத மொழிகள் . அதை ஆராய்ச்சியாளர்கள் படிக்கலாம் . செந்தமிழ் செய்யுள் மாணவர்களின் கலை வளத்தை ஊக்குவிப்பது இல்லை . மனப்பாடம் செய்யத்தான் தூண்டுகிறது . அதை நீக்கி புதுக்கவிதை மட்டும் வைத்தால் மாணவர்களும் சொந்தமாக கவிதை எழுதி பழக வாய்ப்பு உண்டு .

    எழுதும் கருத்தின் கரு என்ன என்பதை புரிந்து கொள்ளும் பக்குவம் இல்லாத நிலை ஏன் ?
    எல்லோருக்கும் “தமிழ்” வைரஸ் பரவி விட்டதா ? 🙂

    டோனி பூசான் உடைய ஸ்பீட் ரீடிங் புத்தகம் வாங்கி படியுங்கள் .

    • //தமிழ் வழி கல்வியை ஆதரிக்கிறேன் //

      தமிழும் வரலாறும் மட்டும். அறிவியல் பாடங்கள் ஆங்கிலத்தில் இருக்க வேண்டும்

      • கணிதம் ,புவியியல் என்ன பாவம் செய்தன உடன்பிறப்பே ? அவையும் தமிழிலே இருக்கலாம் தானே ?

        • கணிதம் ,–> என்பதை logarithm லாகரிதம் என்றே எழுதினால் ஓகே தான் . அதை மடக்கை உலக்கை என்று எழுதினால் அவர்கள் வலக்கை உடைக்கப்பட வேண்டும்

          புவியியல் –> இதை தமிழில் படித்தால் மேற்கொண்டு புரிந்து கொள்ளுதல் சிரமம் .

          • உடன்பிறப்பு ராமருக்கு,

            10ம் வகுப்பு வரையில் தான் புவியியலாம். ஆதலின் அக்கலையினை நம் தமிழ் மொழியினில் கற்றலே நன்றாம்.

            கணிதம் வேண்டுமாயின் ஆங்கிலத்திலே பயிலுதலும் நலமாம்.

            எனினும் மடக்கை பயிலுதல் 11 ம் வகுப்பிலாம்.

            எம் பல்லினை உடைக்க சகோதரருக்கு எம்மீது ஏன் இவ்வளவு சினமோ ? அறியேனே.

            அன்பிலார் எல்லாம் தமக்குரியர் அன்புடையார் ,என்றும் உரியர் பிறர்க்கு.

            இக்குறட்பாவின் பொருளினை முதலில் நீர் கற்க, பின் நிற்க அதற்க்குத் தக.
            What is the use of Logarithm and Fourier transform if you do not follow THIRUKKURAL? My dear beloved brother !!!
            அன்புடன்,
            கெணேசு

      • ராமன்,

        தமிழ்வழிக்கல்வியை எதிர்க்கவில்லை என்று சொல்லிவிட்டு, மற்ற பாடங்கள் எல்லாம் ஆங்கிலத்தில் இருக்கவேண்டும் என்று சொல்வது அயோக்கியத்தனம். பிரான்ஸ் ஜப்பான் போன்ற நாடுகளின் பள்ளிகளில் ஆங்கில வழிக்கல்வி என்பதே இல்லை. கணிதம் அறிவியல் முதலான எல்லா பாடங்களும் அவர்களின் தாய்மொழியில் தான். ஆங்கிலத்தை ஒரு பாடமாக மட்டுமே கற்கின்றனர். அதுவே அவர்களுக்கு போதுமாக இருக்கிறது. எனக்கும் பலருக்கும் அப்படித்தான்.

        தமிழ் செய்யுள்கள் சிலருக்கு கடினமாக இருக்கலாம். அதே போன்று தான் எல்லா பாடங்களும். சிலருக்கு ஆங்கிலம் கடினம் என்றால் சிலருக்கு கணிதம். இதற்காக எல்லாவற்றையும் எடுத்துவிடமுடியுமா. ஆங்கிலத்தில் சேக்ஸ்பியர் போன்ற செய்யுள்கள் எனக்குக் கடினமாகத்தான் இருந்தன. ஆங்கிலமே ஆரம்பத்தில் கடினமாகத்தான் இருந்தது.

        எல்லா மொழிப்பாடங்களிலும் செய்யுள்களும் ஒரு பிரிக்கமுடியாத பகுதிதான். அதன் வழியாகத்தான் நாம் நமது வரலாற்றை தெரிந்து கொள்ளமுடியும். ஆங்கிலத்திலும் இது போன்ற செய்யுள்கள் இருக்கின்றன. ஆனால் அவற்றின் வயது தமிழ் செய்யுள்களைப்போன்றல்லாமல் சமீபத்தியவை என்பதால் அவை இன்றைய ஆங்கிலத்துடன் மிகவும் ஒத்துப்போகிறது. ஆகையால் அந்த செய்யுள்களை ‘living language’ என்றும் புதுக்கவிதைகள் என்றும் சொல்லத்தோன்றுகிறது. ஆனால் அதேசமயம் தமிழ் செய்யுள்களை ‘dead language’ என்று சொல்லத்தோன்றுகிறது.

        செய்யுள்களின் அளவை வேண்டுமானால் சிறிது குறைக்கலாம். புதிய சமச்சீர் கல்வியில் இது செய்யப்பட்டிருக்கிறது என்று நினைக்கிறேன்.

        பள்ளிப்பருவம் முழுவதும் கூட நமது பாடங்களின் பயனை உணராமல் தான் நாம் அவற்றைக் கற்கிறோம். இது எல்லா பாடங்களுக்கும் பொருந்தும். பள்ளியை விட்டு கல்லூரியை விட்டு வந்தவுடன் கற்கும் விசயங்களை வைத்துத்தான் நமது பள்ளிப்படிப்பின் மற்றும் பாடங்களின் பயனை நாமாக உணரமுடியும்.

        மெட்ரிகுலேசன் போனியாவது தமிழ் செய்யுள்களின் மீதுள்ள வெறுப்பினால் அல்ல. சந்தடி சாக்கில் கழிந்து வைப்பது சகிக்கவில்லை. அங்கேயும் அவர்கள் தமிழ் பாடத்தைப் படித்துத்தான் ஆகவேண்டும்.

        நீங்கள் தமிழரில்லை என்றும் ஆனால் தமிழ் நாட்டில் வாழ்பவன் என்றும் நீங்களே சொல்லியிருக்கிறீர்கள். அப்படியென்றால் நீங்கள் தெலுங்காக இருக்கத்தான் அதிக வாய்ப்பிருக்கிறது. தமிழ் நாட்டில் வாழும் பெரும்பாலான தெலுங்கர்களுக்கு தெலுங்கு எழுத்துக்களுடனோ, இலக்கியங்களுடனோ எந்த தொடர்பும் இல்லை என்றே நினைக்கிறேன். அதனால் வந்த வேருடன் உள்ள தொடர்பு இல்லாததன்மைதான் உங்களிடம் வெளிப்படுகிறது என்று நினைக்கிறேன்.

        • //பிரான்ஸ் ஜப்பான் போன்ற நாடுகளின் பள்ளிகளில் ஆங்கில வழிக்கல்வி என்பதே இல்லை. கணிதம் அறிவியல் முதலான எல்லா பாடங்களும் அவர்களின் தாய்மொழியில் தான்.எனக்கும் பலருக்கும் அப்படித்தான்.//

          Good that your requirement matches and you can send your kids to Tamil medium Govt school.You are free to live in your Tamil Super power world.

          For other parents this is not the case and they want CBSE.

    • திருக்குறள் ,நன்நூல் , அகநாநூறு ,புறநாநூறு , சிலப்பதிகாரம் ஆகிய சங்க இலக்கியங்களை தமிழராகிய நாங்கள் படிப்பதால் இராமனுக்கு என்ன தீமைவிளைந்து விடும்.?இராமனை தவிர வேறு எவருமே பள்ளியில் சங்க இலக்கியங்களை படிப்பதை தவறாக கூறவில்லையே ! சிலப்பதிகாரத்தில் வரும் ஒரு காட்சி :

      கோவலன் ,மாதவி பிரிவு சிலப்பதிகார காட்சி :

      கோவலன் யாழ் எடுத்து காவிரியின் சிறப்பையும் கடற்கரை வனப்பையும் மாதவியின் மனம் மகிழும் வண்ணம் கானல் வரி பாடத் தொடங்குகின்றான். அவன் பாடியதன் பொருள் இதுதான். “”காவிரிப் பெண்ணே! சோழ மன்னன் வளையாத செங்கோலை உடையவன். தன்னுடைய வலிமையால் கங்கைக் கரையையும் வென்றான். அப்படி அவன் கங்கையாகிய மங்கையை மணந்தாலும் நீ அவனை வெறுத்து ஒதுக்கவில்லை! தெற்கே குமரியை வென்று அவளையும் மணந்தான் உன் கணவன். அப்போதும் நீ அவனை வெறுத்து விடவில்லை! கற்பு நிறைந்த மாதருடைய ஒப்பற்ற குணம் அதுதான். அது உன்னிடம் நிறைந்திருப்பது அறிந்தேன் வாழி காவேரி”. கோவலன் அவ்வாறு பாடியதைக் கேட்ட மாதவி, அவன் வேறு எண்ணத்தோடுதான் அவ்வாறு பாடுகின்றான் என்று எண்ணி, அவளும் அவனுக்கு விடையளிப்பது போலப் பாடுகிறாள். “”காவிரிப் பெண்ணே! உன் கணவன் சோழ மன்னன் நீதி தவறாமல் செங்கோல் செலுத்துவதனால்தான் நீ மனம் கோணாமல் இருக்கின்றாய் என்று அறிந்து கொண்டேன்”. ஊழ்வினை விளையாடத் தொடங்குகிறது. இருவர் உள்ளங்களிலும் ஐய அலைகள் எழத் தொடங்கின. விளைவு விபரீதமாயிற்று. “”கானல்வரி யான் பாட தான் ஒன்றின்மேல் மனம் வைத்து மாயப் பொய் பலகூட்டும் மாயத்தால் பாடினாள்” என்று எண்ணி, கோவலன் மாதவியை விட்டுப் பிரிந்து செல்கின்றான்.

      நன்றி தினமணி

      • இந்த மாதிரி தமிழில் வைத்தால் ஆட்சேபனை இல்லை . அதை விட்டு செந்தமிழில்
        “தேரா மன்னா செப்புத்வதுடையோ” என்று புரியாத மொழியில் எழுதுவதைத்தான் ஆட்சேபிக்கிறேன் .

        அடுத்து தமிழன் படித்தால் என்ன பிரச்சினை என்கிறீர்கள் . தமிழன் தமிழ் கல்வி படிக்காமல் , செந்தமிழுக்கு பயந்து தமிழே எழுத படிக்க தெரியாமல் இருப்பதை கண்டு வருந்தி உபாயம் கூறினேன் .

        அவன் விரும்பி படித்தால் மெட்ரிகுலேசன் பள்ளிகள் போணியாகாது . இந்த கட்டுரைக்கு அவசியம் இருந்து இருக்காது

        • இராமன் , செய்யுள் பகுதியை பொறுத்தவரை 15 மதிப்பெண்ணுக்கு மனப்பாடம் செய்யவேண்டியுள்ளது. அதுவும் இரண்டு வரி திருக்குறள் ,நான்கு வரி நன்நூல் ,8 வரி கம்பஇராமயணம் என்று. அதனை பொருள் அறிந்து மனப்பாபடம் செய்யும் அளவுக்கு கூடவா நம்மால் முடியாது ? எனது பள்ளியில் தமிழ் வகுப்பு என்றாலே மாணவர்கள் ஆவலுடன் இருப்பார்கள். செய்யுளை பாட தெரிந்த புலவர் பட்டம் பெற்ற வயதும் அனுபவமும் முதிர்ந்த தமிழாசிரியர்கள் ஒரு பக்கம். செய்யுளை அக்குவேறு ,ஆணிவேராக பிரித்து பொருள் கூறும் இளமை ததும்பும் தமிழாசிரியர்கள் மறுபக்கம். எம் தமிழாசிரியர்கள் எவராக இருப்பினும் முதலில் செய்யுளை சீர்பிரித்து பாடியோ அல்லது அல்லது வாசித்தோ காட்டுவார்கள். அடுத்து அதற்கான பொருளை கூறுவார்கள்.செய்யுளில் உள்ள கடினமான சொற்களை அடுத்து விளக்குவார்கள். அவர்கள் செய்யுளை விளக்கும் போது அவர்கள் கூறும் செய்திகள் வாழ்க்கைக்கு மிகவும் பயன் அளிப்பதாக இருக்கும். எட்டாம் வகுப்பு மாணவர்களுக்கே காதலையும் ,காமத்தையும் வேறுபடுத்தி ஆபாசம் இல்லாமல் விளக்குவார்கள்.ஆமாம் அகத்தினை பாடல்கள்[அகநானூறு] நடத்தும் போது அதில் காதலும் காமமும் வழிந்தோட தானே செய்யும்.என்னை கேட்டால் அகத்தினை பாடல்களுடன் பாலியல் கல்வியையும் இணைத்து பாடதிட்டம் வகுத்தால் அது சமுகத்துக்கு மிக்க பயன் அளிக்கும்.

          நீங்கள் கூறும் “தேரா மன்னா செப்புத்வதுடையோ” என்பது பொருள் புரியவில்லை என்ற கருத்து நகைப்புக்கு இடம் அளிக்கின்றது.

          தேரா மன்னா செப்புவது உடையேன்
          எள்ளறு சிறப்பின் இமையவர் வியப்பப்
          புள்ளுறு புன்கண் தீர்த்தோன் அன்றியும்
          வாயிற் கடைமணி நடுநா நடுங்க
          ஆவின் கடைமணி உகுநீர் நெஞ்சுசுடத் தான்தன்
          அரும்பெறல் புதல்வனை ஆழியின் மடித்தோன்
          பெரும்பெயர்ப் புகார்என் பதியே அவ்வூர்
          ஏசாச் சிறப்பின் இசைவிளங்கு பெருங்குடி
          மாசாத்து வாணிகன் மகனை ஆகி
          வாழ்தல் வேண்டி ஊழ்வினை துரப்பச்
          சூழ்கழல் மன்னா நின்னகர்ப் புகுந்தீங்கு
          என்கால் சிலம்பு பகர்தல் வேண்டி நின்பால்
          கொலைக்களப் பட்ட கோவலன் மனைவி

          (வழக்குரை காதை : 50-63)

          முதலில் தமிழ் செய்யுள்களை மேல் உள்ளவாறு சீர் பிரித்து வாசிக்க கற்று கொள்ளுங்கள்.பின்பு புரியாத வார்த்தைகளுக்கு பொருள் தேடுங்கள்.

          “உண்மை தெளியா மன்னனே! சொல்லுகிறேன் கேள். தேவர்களும் வியக்கும்படி ஒரு புறாவினது துன்பத்தை நீக்கின சிபி என்னும் செங்கோல் மன்னனும்; தனது அரண்மனை வாயிலில் கட்டப்பட்ட ஆராய்ச்சி மணியை இடைவிடாது அசைத்து ஒலித்த ஒரு பசுவின் துயரைப் போக்க எண்ணி, அப்பசுவின் துன்பத்திற்குக் காரணமான தனது அரும்பெறல் மகனைத் தானே தனது தேர்ச் சக்கரத்திலிட்டுக் கொன்றவனான செங்கோல் வேந்தன் மநுநீதிச் சோழனும் அருளாட்சி செய்த பெரும் புகழை உடைய புகார் நகரம் என்னுடைய ஊராகும்.
          புகார் நகரில் மிக்க புகழுடன் விளங்கும் பெருங்குடி வணிகனான மாசாத்துவான் என்னும் வணிகனது மகனாய்ப் பிறந்து, வாணிகம் செய்து வாழ்தலை விரும்பி, ஊழ்வினை காரணமாக உனது பெரிய நகரமாகிய மதுரையிலே புகுந்து, இங்கு அத்தொழிலுக்கு முதலாக என்னுடைய காற்சிலம்புகளுள் ஒன்றினை விற்பதற்கு வந்து, உன்னால் கொலைக்களப்பட்ட கோவலன் என்பான் மனைவி ஆவேன். என்னுடைய பெயர் கண்ணகி” என்றாள்.

          • அந்த செம்மொழியில் எழுதி இருப்பது யாருக்கும் புரியாததால் தானே கருத்துரை தனியாக எழுதி இருகிறீர்கள் ? அதைதான் செத்து போச்சு என்கிறேன் . நீங்கள் பிரெஞ்சில் எழுதி அதை செந்தமிழ் என்று சொன்னால் எனக்கு வித்தியாசம் தெரியாது . ஆர் எஸ் எஸ் மத வெறி மாதிரி இது மொழி வெறி

            உங்கள் மாணவர்கள் யாருக்கேனும் ஆங்கிலம் பேச உதவி தேவை பட்டால், இந்த ப்ளாகுகள் உதவும்.

            https://english4anytamil.wordpress.com

            https://english4anyone.wordpress.com/

            • இராமன் செய்யுள்கள் இயற்றபட்ட காலத்திலேயே அவற்றுக்கு உரைநடையும் எழுதுவது தமிழ் இலக்கிய மரபு தான் . உங்கள் பிரச்சனை செய்யுளுக்கு எழுதபட்ட உரைநடை தான் என்றால் நாச்சியாகினியார் உரைநடை எழுதிய திருமுருகாற்றுப்படையையும் , அதே நாச்சியாகினியார் உரை எழுதிய தமிழ் இலக்கண நூலாகிய தொல்காப்பியத்தையும் என்ன செய்யலாம் இராமன் ? ஆடிப்பெருக்கில் காவேரியில் திருமுருகாற்றுப்படையையும் , தொல்காப்பியத்தையும் மிதக்கவிடலாமா இராமன் ?

              //அந்த செம்மொழியில் எழுதி இருப்பது யாருக்கும் புரியாததால் தானே கருத்துரை தனியாக எழுதி இருகிறீர்கள் ? //

            • என்ன அறிவு முத்திவிட்டதா இராமனுக்கு ? உலகில் அனைத்து மொழிகளிலும் எழுதப்படும் மரபு வழியை சேர்ந்த கவிதைகளுக்கு உரைநடை விளக்கம் அதே மொழியில் தானே எழுதி வைப்பார்கள். அதில் என்ன தவறு இராமன் ? கவிதைகளுக்கு உரைநடை எழுதும் இத்தகையமரபு ஆங்கில ,பிரஞ்சு மொழிகளுக்கும் உண்டு. அப்படி இருக்கையில் தமிழின் உரைநடை உள்ள மரபு கவிதைளை மட்டும் படிக்க தேவை அற்றவை என்று இராமன் கூறுவதன் பொருள் தமிழ் மொழியின் மீது உள்ள வெறுப்பு காரணம் ஆகின்றது அல்லது அதற்கான காரணம் இராமனின் முட்டாள் தனமாக கூட இருகலாம்.

              • என்னை முட்டாள் என்று திட்டுவதால் பலன் இல்லை . பெற்றோர் எல்லாம் இப்போது CBSE பள்ளியில், தமிழ் இல்லாத பள்ளியில் சேர்கிறார்கள். அதுதான் யதார்த்தம் . அவர்களை மீண்டும் தமிழ் பள்ளி கூடத்திற்கு கொண்டுவர வேண்டும் என்றால் நான் கூறிய படி சரியான அளவில் ஆங்கிலம் தமிழ் கலந்து கொடுப்பது தான் .

                இல்லையென்றால் கர்னாடக சங்கீதம் மாதிரி தனி ஆவர்த்தனம் செய்ய வேண்டியது தான் .

                • எந்த உலகில் வாழுகின்றிகள் இராமன். தமிழ்நாட்டை பொறுத்தவரை 95% மக்கள் தன் குழந்தைகளை சமச்சீர் கல்வி திட்டம் உள்ள பள்ளிகளில் தான் சேர்கின்றார்கள். அதில் தமிழ் மொழி ஒரு பாடமாகத்தான் உள்ளது. CBSE பள்ளியில் படிக்கும் உயர் நடுத்தர வர்க்க குடும்பத்தை சேர்ந்த மாணவர்கள் கூட 10ஆம் வகுப்புக்கு பின் 11 மற்றும் 12ஆம் வகுப்புகளுக்கு மீண்டும் சமச்சீர் கல்வி திட்டம் உள்ள state board பள்ளிகளில் தான் மீண்டும் சேருகின்றார்கள். உங்களுக்கு தமிழ் வேண்டாம் என்றால் உங்கள் குழந்தைகளை CBSE பள்ளியில் சேர்பதில் எங்களுக்கு ஒன்றும் ஆட்சோபனை இல்லை. அதே நேரத்தில் எங்கள் குழந்தைகளின் உரிமையான தாய் மொழி[தமிழ் அல்லது மலையாளம்] கல்வியை கற்கும் உரிமையை பறிக்க உங்களுக்கு எந்த அருகதையும் கிடையாது அல்லவா இராமன் ?

                  திருவனந்தபுரத்தில் இருந்து சங்கர் சுப்ரமணியன்

                  • பெரும்பான்மை தமிழ் மக்கள், தங்கள் பிள்ளைகளை மாநில பள்ளியில் சேர்ப்பதர்க்கு காரணம்,CBSE அல்லது ICSE பள்ளிகள் பெரும்பான்மையாக இல்லாதது தான்.

                    மேலும் 10 ஆம் வகுப்பிர்க்க்கு பிறகு மாநில பள்ளிகளில் சேருவதார்க்கு காரணம் மாநில பள்ளிகளில் மதிப்பெண்கள் பெறுவது மிகவும் சுலபம்.

                    மேலும் நுழைவு தேர்வு கூட இல்லாமல் மக்கள் மருத்துவம் மற்றும் பொறியியல் கல்லூரிகளில் சேரும் பொழுது கண்டிப்புடன் மதிப்பெண் அளிக்கும் CBSE/ICSE பள்ளிகளுக்கு மவுசு இருக்காது.

                    • எங்கோ இருக்கும் CBSE ல் படித்து அறிவாளிகளாவார்களாம் ஆனால் 11 12 க்கு அதிக மதிப்பெண்களுக்காக சமச்சீருக்கே வருவார்களாம். மொழிப்பாடத்திலும் அதிக மார்க்குக்கு French க்கு போவார்களாம். இதைத்தான் நாய்களைப் போல அலைவது என்பது.
                      எல்லா பள்ளிகளையும் CBSE யாக்கலாமே என்று கேட்டால் தலைதெறிக்க ஒடுவார்கள்.

                    • கல்வி என்பது இந்திய அரசியல் அமைப்பு சட்டத்தில் மாநிலங்கள் பட்டியலில் இருக்க வேண்டியது. அதனை இந்திய அரசியல் அமைப்பு சட்டத்தில் மாநிலங்கள் மற்றும் மத்திய பட்டியலில் வைத்து உள்ளதால் வரும் சிக்கல் இது. வெவ்வேறு மாநில மாணவர்கள் வெவ்வேறு பாடதிட்டத்தில் படிக்கும் நிலையில் மருத்துவம் மற்றும் பொறியியல் கல்லூரிகளில் சேரும் பொழுது இந்தியாவிற்கே பொதுவான நுழைவு தேர்வு என்பது மிகவும் மோசடியானது. பொதுவான நுழைவு தேர்வு வேண்டும் என்று கோரும் ஹரிகுமார் இந்தியாவிற்க்கே பொதுவான கல்வி திட்டம் [syllabus] வேண்டும் என்று கேட்டபார் போல் உள்ளதே. தன் மக்களின் கல்வியை கூட திட்டமிட அதிகாரம் இல்லாத மாநில அரசு பொம்மை அரசாக தானே இருக்க முடியும் நண்பர் ஹரிகுமார் ?

                  • மேலும்

                    சமாச்சீர் கல்வியை விட பல மடங்கு நன்றாக CBSE பள்ளிகளில் தமிழ் பாடமும் செய்யுளும் உள்ளது.

                    CBSE பள்ளிகள் கென்ரிய வித்யலயவை போல ஹிந்தியய் மட்டுமே கற்பிப்பதாக நினைத்து உண்மை அல்ல.

                    • CBSE பள்ளிகளை பொறுத்தவரையில் தமிழ் ஒரு elective மொழி பாடம் மட்டுமே. CBSE மாணவர்கள் எந்த மொழியை வேண்டுமானாலும் தேர்ந்து எடுத்து படிக்கும் வாய்ப்பு உள்ளது. ஒருவேலை CBSE மாணவர்கள் தமிழ் மொழியை தெரிவு செய்வார்கள் என்றால் அவர்கள் தமிழ் நாடு சமச்சீர் கல்வி திட்டத்தில் உள்ள தமிழ் மொழி புத்தகத்தையே பயன்படுத்துவார்கள் என்பதால் சமாச்சீர் கல்வியை விட பல மடங்கு நன்றாக CBSE பள்ளிகளில் தமிழ் பாடமும் செய்யுளும் உள்ளது என்ற ஹரிகுமாரின் வாதம் தவறானது.CBSE மாணவர்களும் 9 மற்றும் 10 ஆம் வகுப்புகளை பொறுத்தவரையில் தமிழ் மொழியை பயில சமச்சீர் கல்வி திட்டத்தில் உள்ள தமிழ் மொழி புத்தகத்தையே பயன்படுத்துகின்றார்கள் என்பது கீழ் உள்ள தொடர்பு மூலம் உண்மையாகின்றது .

                      CBSE schools had been given the liberty to choose any textbook for subjects till Class 8, but it has been the usual practice for schools to follow the textbooks prescribed by the state for regional languages for Classes 9 and 10. This year, CBSE schools, which opened on June 15, were following the old syllabus textbooks. Sources said that after the Supreme Court directed the state government to follow the Samacheer Kalvi textbooks, some CBSE schools wrote to the board asking for a clarification on whether to follow the old or new syllabus textbooks. The board has asked schools to follow the common syllabus prescribed by the state.

                      http://timesofindia.indiatimes.com/city/chennai/CBSE-schools-told-to-follow-common-syllabus-for-Tamil/articleshow/9951489.cms

                    • CBSE பள்ளிகளில் கூட மாணவர்கள் மொழி பாடத்தை தேர்ந்தேடுத்து படிகின்றார்கள் என்று நினைக்கிறேன். ஆம் அனைத்து மாநில மொழிகளும் பயில option உள்ளது என்று தான் CBSE syllabus கூறுகின்றது. தமிழ் மொழியை விரும்பி ஏற்று படிக்கும் மாணவர்கள் சமச்சீர் கல்வி திட்டத்தில் உள்ள தமிழ் பாடபுத்தகத்தை தான் படிகின்றார்கள். எனவே CBSE மற்றும் ஸ்டேட் போர்டு கல்வி திட்டங்களை பொறுத்த வரை இரண்டு மாணவர்களும் ஒரே தமிழ் புத்தகத்தை படிப்பதால் நீங்கள் கூறுவது படி தமிழ் மொழி பாடபிரிவை பொறுத்தவரையில் CBSE உயர்ந்தது ,சிறந்தது , ஸ்டேட் போர்டு தாழ்ந்தது என்ற பேச்சுக்கே இடமில்லை. விவாததத்தை செழுமையாக்கிய நண்பர் ஹரிகுமாருக்கு மிக்க நன்றி . மாற்று கருத்து இருப்பின் வினவில் பதியுங்களேன் ஹரிகுமார் .அறிந்து கொள்ள ஆவலுடன் இருகின்றேன்.

                • தவற்றுகுக்கு மேல் தவறாக கருத்துகளை பரிமாறிக்கொண்டு இருக்கின்றிர்கள். புத்தியை கூர்மையாக செய்யுள் பகுதியில் ஒரு கேள்விகள் எழுப்பபடும். ஒருகுறிப்பிட்ட செய்யுள் வாக்கியத்தை கொடுத்து அதன் பின்னணியை விளக்க சொல்லி கேள்விகள் கேட்கப்படும். உண்மையிலேயே சவாலான பகுதியது. அதனை எல்லாம் தமிழ் மொழியை தாய்மொழியாக கொண்ட மாணவர்கள் இழக்ககூடாது.

                  • //தமிழ் மொழியை தாய்மொழியாக கொண்ட மாணவர்கள் இழக்ககூடாது.//

                    தமிழை எழுது கூட்டி படிக்கும் தகுதியை இழந்து வருகிறார்கள் .

                    You have to identify what is
                    “Nice to have”
                    “Must have”

                    and work towards solving “Must haves” first. Aiming nice to have from the very beginning will be of no use

        • உடன்பிறப்பு ராமருக்கு,
          நிகண்டினை சிறுவயதில் மனப்பாடம் செய்தவர்க்கு
          செந்தமிழ் ,வெறும் தமிழ் என்று ஒன்றும் வாசி இல்லை. இன்று கல்வியின் தரம் மற்றும் நன்னாசிரியர் கிடையாமையால் வந்த விளைவு இது.

          நிகண்டினை நெட்டுரு செய்தவர்க்கே பள்ளிகூடங்களில் சேர்க்கை என்ற பொற்காலம் என்று வருமோ……

          Rain Rain goaway ….Come again another day உம் வேண்டும்.
          அதே பொழுதில் நிகண்டும் வேண்டும்.
          இல்லையேல் எம்தாழ்மொழி இனி மெல்லச் சாகும்.
          அன்புடன்,
          கெணேசு

    • உடன்பிறப்பு ராமருக்கு,
      இன்றைய உலகில் உம்மைப்பொன்றே யாவரும் நுகர்வு கலாசாரத்தில் சிக்கிச் சீரழிகின்றனர்.
      காசு பணம் டப்பு மணி மணி….
      காசும் வேண்டும். மன நிம்மதியும் வேண்டும்.ஒழுக்கமும் வேண்டும். தவறு புரிந்து அதனால் போலீசு கேசுகளில் மாட்டாமல் வாழ வேண்டும்.
      இன்று எந்த நாளிதழ்களிலும் கள்ளக் காதல் கொலை தேங்…!
      ஒரு மாணவன் தனக்குப் பிடித்ததே செய்து கொண்டே போனால் உருப்படவே முடியாது. இந்த நாடு ஏழை நாடு. இது ஒன்றும் குவைத் அல்ல.
      நம் தமிழ் மொழியில் பதினென்கீழ் கணக்கு நூல் போன்று உலகில் எந்த மொழிகளிலும் ஒழுக்கம் பற்றி இவ்வளவு எளிதாகச் சொல்லக் காணோம்.
      கல்வியைக் கூட ஒரு விளையாட்டாக ,கலையாக மாற்ற வேண்டும்.
      உதாரணமாக மனப்பாட செய்யுளின் வரிகளை தினத்தாள் படிப்பது போன்று (ஒரு நாளைக்கு 30 நிமிடம்) நுனிப்புல் மேயலாம். இவ்வாறு தினமும் செய்தால் எந்த முயற்சியும் இன்றி தமிழ் செய்யுள் கற்கலாம். ஒரே மாதத்தில் 50 செய்யுள் கற்கலாம். [ “உ. வே. சா வின் என் சரிதம்” படியுங்கள். தமிழ் செய்யுள் கற்க தாகம் பிறக்கும்]
      1. 1 2 3 வகுப்புகளில் தமிழ் சூடாமணி நிகண்டினை நெட்டுரு செய்ய வேண்டும்.
      2. 4 ,5 வகுப்புகளில் கணித வாய்ப்பாடு நெட்டுரு செய்ய வேண்டும்.
      3. 6 ம் வகுப்பில் திருக்குறள், நன்னூல் நெட்டுரு செய்ய வேண்டும்.
      4. 7 ம் வகுப்பில் வேதியியல் தனிமங்களை ,சேர்மங்களை நெட்டுரு செய்ய வேண்டும்.[ Ag =>Argentum silver, Au =>Auram gold ,Na =>Natruim sodium …]
      5. 11 ,12 வகுப்பினில் இயற்பியல், வேதியியல் விதிகளை இவ்வாறே கற்கலாம்.
      6. ஆனால் வேதியியல் சமன்பாடுகளை முறையாகப் பயில வேண்டும்.
      7. கணிதம், இயற்பியல் கணக்குகளையும் முறையாகப் பயில வேண்டும்.. [மனப்பாடம் செய்யலாகாது]

      உம் மக்களைப்(மழலைச் செல்வம்) போன்று பிற மக்களையும் பாரீர். நான் மட்டும் வாழ்ந்தால் போதும் ,சமூகம் எக்கேடு கெட்டால் என்ன ? என்ற மனநிலைதனை துறப்பீர்.
      நம்மைப் பெற்ற தாய்தனை நாம் காக்காது வேறு யார் காப்பர்?
      தமிழ் செய்யுள் கற்பது அவளுக்கு நாம் பட்ட கடனே.
      அதை மகிழ்வுடன் சுமப்போம்/கற்போம்/கற்பிப்போம்.
      வாழ்க தமிழகம் ! வளர்க நற்றமிழர் !
      யாரும் ஊரே ! யாவரும் கேளிர் !
      இதை உலகோருக்கும் கற்பிப்போம்.
      அன்புடன்,
      கெணேசு

    • பாடியவர்: கணியன் பூங்குன்றன்
      திணை: பொதுவியல் துறை: பொருண்மொழிக் காஞ்சி

      யாதும் ஊரே ; யாவரும் கேளிர் ;
      தீதும் நன்றும் பிறர்தர வாரா ;
      நோதலும் தணிதலும் அவற்றோ ரன்ன ;
      சாதலும் புதுவது அன்றே ; வாழ்தல்
      இனிதுஎன மகிழ்ந்தன்றும் இலமே; முனிவின்,
      இன்னா தென்றலும் இலமே; ‘மின்னொடு
      வானம் தண்துளி தலைஇ, ஆனாது
      கல்பொருது இரங்கும் மல்லற் பேர்யாற்று
      நீர்வழிப் படூஉம் புணைபோல, ஆருயிர்
      முறைவழிப் படூஉம்’ என்பது திறவோர்
      காட்சியின் தெளிந்தனம் ஆகலின், மாட்சியின்
      பெரியோரை வியத்தலும் இலமே;
      சிறியோரை இகழ்தல் அதனினும் இலமே.

      சில ஆயிரம் வருடங்களுக்கு முந்தைய பாடல், படிப்பதற்கும் புரிந்துகொள்ளுவற்கும் எளிதாகவும் உள்ளது. இந்த பாடல் மனித வாழ்வு பற்றிய ஒரு சிறப்பான பார்வையை தருகிறது. இதை படிக்கும் ஒவ்வொருவருக்கும், பல்லாயிரம் வருடங்களுக்கு முன்பே பரந்த செழுமையான பண்பாடு தனது என்று, தன் இனத்தைப் பற்றிய பெருமையும் அதை காக்க வேண்டிய கடமையும் மனதில் தோன்றும். நுண் கலைகள் வாழ்வு பற்றிய பல வித பார்வைகளை வாசகனுக்கு அளிக்கிறது. எந்த கண்ணாடியின் வழியே வாழ்வை நான் பார்க்கிறேன் என்பது என் வாழ்வின் எல்லைகளை வகுக்கிறது.

  5. அரசு பள்ளிகளில் கல்வியின் தரம் உயர வேண்டும் என்றால் முதலில் செய்ய வேண்டிய வேலை ஆசிரியர் பணிக்கு கடுமையான தரக்கட்டுப்பாடுகளை கடைபிடிப்பது தான். ஆனால் தமிழ்நாடு அரசாங்கத்தால் இதை செய்ய முடியாது. அப்படியே இவ்விடயத்தில் ஏதாவது செய்ய வேண்டும் என அதிகாரத்தில் இருக்கும் அரசியல்வாதிகள் நினைத்தாலும் மற்றவர்கள் விடமாட்டார்கள். அரசு பள்ளிகளில் கல்வியின் தரம் குறைந்ததற்கு அங்கு வேலை செய்யும் ஆசிரியர்களும் அவர்களின் மனப்பாண்மையும் தான் முதலாவது காரணம். உள்கட்டமைப்பு சரியில்லாதது, அரசின் பாராமுகம் ஆகிய காரணங்கள் பின்னர் தான் வரும். பின்லாந்து நாட்டில் ஆசிரியர் பணிக்கு வருவது அவ்வளவு சுலபம் இல்லை. கடுமையான நடைமுறைகளை கடந்து தான் ஒருவர் அங்கு ஆசிரியராக முடியும். இங்கிருக்கும் அடாவடியான அரசியல் சூழ்நிலையில் தமிழ்நாட்டில் இது சாத்தியம் என்று தோன்றவில்லை. வினவு கும்பல், அரசு அதிகாரிகளையும் அரசியல்வாதிகளையும் குறை சொல்லும் போலித்தனத்தை விட்டுவிட்டு அரசு பள்ளியில் பணி செய்யும் ஆசிரியர்களின் யோக்கியதையை அலசி ஆராய வேண்டும். அப்போது தான் ஏதாவது தீர்வை நோக்கி போக முடியும். ஆனால் இவர்கள் செய்ய மாட்டார்கள். அதனால் தனியார் பள்ளிகள் தொடர்ந்து புற்றீசல் போல் இன்னும் பெருகத்தான் போகின்றன.

    • //அரசு பள்ளிகளில் கல்வியின் தரம் உயர வேண்டும் என்றால் முதலில் செய்ய வேண்டிய வேலை ஆசிரியர் பணிக்கு கடுமையான தரக்கட்டுப்பாடுகளை கடைபிடிப்பது தான். //

      எல்லாம் ஒட்டு உடன்பிறப்பே!! ஓட்டு செய்யும் வேலை. பூனைக்கு மணி கட்டுவது யார்? தமிழகத்தில் நன்னாசிரிய்ர் கிட்டுவது எப்போது?

  6. பெரியசாமி என்பவர் எழுதிய கீழ்கண்ட பின்னூட்டத்தை பற்றி விவாதிக்காமல், பிற விசியங்களை தொடர்ந்து பேசி பயனில்லை. இது தான் மிக அடிப்படையான விசியம் :

    அரசு பள்ளிகளில் கல்வியின் தரம் உயர வேண்டும் என்றால் முதலில் செய்ய வேண்டிய வேலை ஆசிரியர் பணிக்கு கடுமையான தரக்கட்டுப்பாடுகளை கடைபிடிப்பது தான். ஆனால் தமிழ்நாடு அரசாங்கத்தால் இதை செய்ய முடியாது. அப்படியே இவ்விடயத்தில் ஏதாவது செய்ய வேண்டும் என அதிகாரத்தில் இருக்கும் அரசியல்வாதிகள் நினைத்தாலும் மற்றவர்கள் விடமாட்டார்கள். அரசு பள்ளிகளில் கல்வியின் தரம் குறைந்ததற்கு அங்கு வேலை செய்யும் ஆசிரியர்களும் அவர்களின் மனப்பாண்மையும் தான் முதலாவது காரணம். உள்கட்டமைப்பு சரியில்லாதது, அரசின் பாராமுகம் ஆகிய காரணங்கள் பின்னர் தான் வரும். பின்லாந்து நாட்டில் ஆசிரியர் பணிக்கு வருவது அவ்வளவு சுலபம் இல்லை. கடுமையான நடைமுறைகளை கடந்து தான் ஒருவர் அங்கு ஆசிரியராக முடியும். இங்கிருக்கும் அடாவடியான அரசியல் சூழ்நிலையில் தமிழ்நாட்டில் இது சாத்தியம் என்று தோன்றவில்லை. வினவு கும்பல், அரசு அதிகாரிகளையும் அரசியல்வாதிகளையும் குறை சொல்லும் போலித்தனத்தை விட்டுவிட்டு அரசு பள்ளியில் பணி செய்யும் ஆசிரியர்களின் யோக்கியதையை அலசி ஆராய வேண்டும். அப்போது தான் ஏதாவது தீர்வை நோக்கி போக முடியும். ஆனால் இவர்கள் செய்ய மாட்டார்கள். அதனால் தனியார் பள்ளிகள் தொடர்ந்து புற்றீசல் போல் இன்னும் பெருகத்தான் போகின்றன.

    • உடன்பிறப்பே,

      இந்த களையெடுத்தல், நீர்பாய்ச்சுதல் இன்ன போன்றன ,நம் நாட்டிலே ஒவ்வொரு அரசு துறைக்கும்(கல்வி,அரசியல்,நீதி,நிதி,…….etc) மிகவும் அவசியமானவை.

      ஆனால் பூனைக்கு யார் மணி கட்டுவது ?

      அரசியலை சுத்தப்படுத்த ஒரு அன்னா ஹசாரே கிளம்பியது போலத்தானே. !!(வெற்றுக் கூச்சல்)

      • //இந்த களையெடுத்தல், நீர்பாய்ச்சுதல் இன்ன போன்றன ,நம் நாட்டிலே ஒவ்வொரு அரசு துறைக்கும்(கல்வி,அரசியல்,நீதி,நிதி,…….etc) மிகவும் அவசியமானவை.//

        But TCS should not do it, what kind of logic is this ?

        • உடன்பிறப்பே,

          யான் ஒன்றும் T.C.S பணியாளன் அல்லன். யான் D.R.D.O பணியாளன்.(Not from IT industry)

          கெணேசு

          • D.R.D.O ==?

            OMG!

            ந்த களையெடுத்தல், நீர்பாய்ச்சுதல் இன்ன போன்றன ,நம் நாட்டிலே D.R.D.O துறைக்கும் அவசியமானவை

    • அதியமான்,

      உங்களுக்கும் யுனிவர்பட்டிக்கும் நடந்த விவாதத்தில் (இழை 1) பெரியசாமிக்கான பதில்கள் இருக்கின்றன. மீண்டும் ஒரு முறை பாருங்கள். புரியாவிட்டால் கேளுங்கள். நான் விளக்க முயற்சிக்கிறேன்.

      அங்கேயிருந்து நீங்களோ பெரியசாமியோ தொடரலாம்.
      ஏதேனும் விட்டுப்போயிருக்கிறது என்று நினைத்தால் சொல்லவும். பார்த்துவிடுவோம்.

  7. வாசகர்களுக்கு,

    இவர்களின் தமிழ் செய்யுள் வெறுப்பின் பின்னனி என்ன.

    இவர்கள் தமிழைப்படிப்பதிலேயே பிரச்சனை இருக்கிறது. இதைப் பெருமையாகவும் பேசிக்கொள்கிறார்கள் என்று மேலே சொல்லியிருக்கிறார்கள்.
    நேற்று ஒரு சிறுவனை விசாரித்தேன். அவன் தெரிந்த குடும்பத்தின் பையன். ‘ஆங்கில வழி’க்கல்வி. 7 வது படிக்கிறான். தமிழ் நல்லாபடிப்பியா என்று கேட்டேன். தயங்கினான்.கேட்கக் கூடாததைக் கேட்டமாதிரி விழித்தான். நான் விடவில்லை. ஒரு எளிய வரிகளையுடைய புத்தகத்தை நீட்டி அதில் உள்ள ஒரு பத்தியை படிக்கச்சொன்னேன்.. அதே தயக்கம். புத்தகத்தை வாங்க கை நீளவே இல்லை. நானே அவனது கையில் கொடுத்தேன். வெறிக்கப்பார்த்தான். சில நொடிகள் கடந்து, ‘பாடப்புத்தகத்தில் இருப்பதைத்தான் படிக்க முடியும்’ என்றான். நான் ஊக்கமுட்டும் வகையில் முயற்சிக்கச்சொன்னேன். கடைசியில், கிட்டத்தட்ட எழுத்து கூட்டும் விதத்தில், ஒரு வரி படித்தான். பத்து வார்த்தைகளில் 6-7 ஐத் தவறாகத்தான் படித்தான்.

    எனது 7 வதில் ஆங்கிலத்தை இவ்வளவு கடினமாக உணரந்ததில்லை. மற்ற எல்லா பாடங்களையும் ‘ஆங்கில’த்தில் படித்துக்கொண்டு தமிழுக்கு சிறிதும் முக்கியத்துவமோ நேரமோ கொடுக்கப்படவில்லை என்பதை உணர்கிறேன். நிலைமை இவ்வளவு மோசமாக இருக்கிறது என்பது நேற்றுத்தான் உரைத்தது. செய்யுள்களை விடுங்கள், இவர்களுக்கு தமிழே கொடுங்கணவாக மாறிவிட்டது போலிருக்கிறது. இந்த பெற்றோர்கள் தமிழர்கள் (தெலுங்கர்களைச்சொல்லவில்லை) தங்கள் குழந்தைகளின் தமிழ் கல்வியைப்பற்றி எவ்வளவு அக்கறையில்லாமல் இருந்திருக்கிறார்கள். இதை மறைக்கத்தான் செய்யுளின் மீது பழியைப் போடுகிறார்கள். அறிவீனர்கள்.

    இவர்கள் தமிழில் 50 மதிப்பெண் எடுத்தாலே பெரிய விசயம்தான். பொதுத்தேர்வில் total mark எவ்வளவு என்று கேட்பார்களே. பத்து இருபது மார்க் கூடுதலாக கூறினால் நன்றாக இருக்குமே. என்ன வழி. Enter French.

    இவர்களின் French படிப்பின் யோக்கியதை என்ன.

    சில நாட்களின் விசாரிப்பின் மூலம் கண்டறிந்தவை.

    French ஐ French ஆக படிக்க சொல்லித்தருவது இல்லை அல்லது குறைவு. மற்ற பாடங்களின் மதிப்பெண்களையும் கவனிக்க வேண்டியிருப்பதால் குறைந்த பட்ச நேரம் தான் ஒதுக்கப்படும். ஆங்கிலத்தைப்போலவே படித்து நெட்டுரு போட்டு மனப்பாடம் செய்து (அதாவது ‘புரியாத’ செய்யுள்களைப்போல) மதிப்பெண்கள் வாங்கவேண்டும்.

    எழுத்துக்கள் ஆங்கிலத்திலேயே இருப்பதால் மனப்பாடம் செய்து கொள்ளலாம். எழுதியும் விடலாம். தமிழைவிட 20-30 மதிப்பெண்கள் அதிகமாக அதே சமயம் குறைந்த நேர முதலீட்டிற்கே கிடைத்துவிடும். நாக்கு எவ்வளவு தூரம் தொங்குகிறது பாருங்கள்.

    ஆசிரியர்கள் சிலபல யுக்திகளைக்கொடுத்து மனப்பாடம் செய்யவைத்து மதிப்பெண்கள் வாங்கவைக்கும் விதத்தில் கேள்வித்தாள்களை கொடுத்து தாள்களை திருத்துவது தான் முக்கியவேலை.

    பரவலாக வகுப்பு வாரத்தில் ஒரிருமுறை, சனி ஞாயிறுகளிலாகவும் இருக்கும். வருடகடைசியில் ஒரிரு மாதங்கள் மட்டும் கூட இருக்கும். பகுதிநேர ஆசிரியர்கள் இரண்டு அல்லது மூன்று பள்ளிகளை ஒரு முறைவைத்து வருவார்கள்.

    12 தேர்வு முடிந்த அதே வாரத்தில் இவர்களின் French காணாமல் போயிருக்கும். சில நாட்கள் கூடுதல் மதிப்பெண்களைக் கொண்டு பெருமை கொள்ளமுடியும். சிலர் தமிழில் தேர்ச்சி மதிப்பெண் பெறாமல் போகும் நிலையில் இருந்தும் காத்துக்கொள்ளமுடிகிறது என்பதை யூகிக்கலாம்.

    DISCLAIMERS:
    உலகில் பொது மொழி உருவாகும் என்பதை ஏற்கிறேன். இதில் ஆங்கிலத்தின் பங்கு அதிகமிருக்கும் என்பதையும் ஏற்கிறேன். அது முழுக்க முழுக்க அந்நிய மொழியல்ல. நமது தூரதேசத்து உறவினர்களின் மொழிதான். ஆனால் சில தலைமுறைகள் நாம் இருமொழியையும் பேசும் விதம் இருந்து பிறகு படிப்படியாக பிராந்திய மொழிகளை துறப்பது இயற்கையான பரிணாமமாக இருக்கும். ஆனால் நடக்கப்போவதென்னவோ அப்படித்தெரியவில்லை. தனியார் பள்ளிகளில் இப்போதே தமிழ் கடைசி மூச்சுகளை விட்டுக்கொண்டிருக்கிறது. அரசுப்பள்ளிகளில் மட்டுமே தமிழ் வாழ்கிறது.

    • அவர்கள் தமிழ் படிக்காமல் , தமிழ் வேப்பங்காயாக கசப்பதற்கு செந்தமிழ் என்னும் புரியாத மொழயில் எழுதி இருப்பது தான் என்கிறேன் . அதை மாற்றினால் குறைந்த பட்சம் தமிழ் படிக்க தெரிந்த சமுதாயம் உருவாகும் .

      இல்லை என்றால் நிலைமை இன்னும் மோசம் ஆகும்

      • இவர்களால் உரைநடையில் இருக்கும் தமிழையே ஒழுங்காக எழுத்துக்கூட்டி படிக்கமுடியவில்லை என்கிறேன். அதற்கு பதில் சொல்லும் நேர்மை இல்லை. செய்யுள்களின் மீது மீண்டும் பழிபோடுவதற்கு வெட்கமாகவே இருக்க மாட்டேனென்கிறது. இவர்களை என்ன செய்யமுடியும்.

      • உடன்பிறப்பே,

        புலன் நுகர்வு என்ற பேயின் பிடியிலிருந்து விடுபடும் வரை இதுவே கதி.

        நம் தாய்மார்களுக்கு நெடுந்தொடர் காணவும்,தந்தை மார்களுக்கு சரக்கடிக்கவுமே நேரம் கிட்டுவதில்லை.

        இதிலே தமிழோ/இயற்பியலோ எங்ஙணம் கற்பிப்பதாம்.

        மீண்டும் உரைப்பாம். செந்தமிழ் ,செய்யுள் தமிழ் என்று ஒரு வாசியுமில்லை. ஒரே தமிழ் தான் உண்டாம்.மக்கள் நிகண்டுதனை[tamil thesaurus] கற்றல் நன்றாம்.

        அன்புடன்,
        கெணேசு

விவாதியுங்கள்

உங்கள் மறுமொழியை பதிவு செய்க
உங்கள் பெயரைப் பதிவு செய்க