ஈழம்: பேரழிவும் பின்னடைவும் ஏன்?

வித்தகன்
உங்கள் கருத்து புலி எதிற்பு மட்டுமே அன்றி உண்மையான தமிழ் உணர்வு இல்லை.புலிகள் செய்தது 100 வீதம் சரி என்று நான் சொல்லவில்லை.அவர்களும் சாதாரண மனிதர்களே. விடுதலை இயக்கங்கள் தோன்றிய நாள் முதலே துரோகங்களும் ஆரம்பித்து விட்டன.என்றுமே கொண்ட கொள்கையில் உறுதியாக நின்றது புலிகள் மட்டும் தான்.இந்தியா என்றைக்குமே தமிழரின் பிரச்சனை தீரவேண்டும் என்று நினைத்து செயற்படவில்லை.மாறாக தவறான கொள்கைகளையே இந்தியா அன்றும் கொண்டிருந்தது இன்றும் கொண்டிருக்கிறது. கிழற்சியாளர்களை உருவாக்கி இலங்கையில் ஓர் ஸ்திரமற்ற நிலையை உருவாக்கி அதன் முலமாக இலங்கை அரசு வேறு நாடுகள் பக்கம் சாய்வதை தடுப்பதே இந்தியாவின் நோக்கம்.இதை முழுமையாக விளங்கிக் கொண்டது பிரபாகரனும் அவருடன் கூடஇருந்தவர்கள் மட்டுமே.தாம் வரிந்துகொண்ட இலக்கினை அடைவதற்காக இடையில் இருந்த தடைக்கற்களை புலிகள் அகற்றவேண்டிய நிலை இருந்தது.அதை அவர்கள் செய்தார்கள்.ஓரு விடுதலை இயக்கம் செய்யவேண்டியதைத்தான் அவர்கள் செய்தார்கள்.
புலிகள் இந்திய தமிழக தலைவர்களை நம்பினார்கள் என்பதெல்லாம் எவ்வாறு உண்மையாகும்.
இயக்கம் ஆரம்பிக்கப்பட்ட நாளிலிருந்து இன்றுவih புலிகள் மக்களையே நம்பினார்கள்.மக்களின் காலிலேயே நின்றார்கள்.தாங்கள் தான் ஏகபோக பிரதிநிதிகளாக இருக்கவேண்டும் என்றால் இந்திய அரசு அன்று சொன்ன போராளிகளின் செலவுக்கு மாதாந்தம் லட்ச ருபாக்களும் வடக்கின் முதலமைச்சர் பதவியையும் ஏற்றிருந்திருப்பார்கள்.

இறுதியாக உங்களிடமே ஒரு கேள்வி?

இன்றுதான் புலிகள் இல்லையே இன்றைய நிலையில் நீங்கள் சொல்வதைப்போல புலிகளால் ஒதுக்கப்பட்டு நீங்களே சொல்லிக்கொள்ளும் யனநாயக நீரோட்டத்தில் இணைந்த உங்களால் இதயசுத்தியோடு தமிழரின் தலமையை ஏற்று உங்களால் ஒடுக்கப்பட்ட மிழ் இனத்திற்கு தன்னாட்சியுடன் கூடிய ஒரு தீர்வை பெற்றுத்கொடுக்கமுடியுமா?

ஒடுக்கப்பட்ட தமிழருக்கு நீதியை பெற்றுக் கொடுக்கமுடியுமா?

லட்சக்கணக்கில் இன்று வதைமுகாம்களுக்குள் அடைக்கப்பட்டிருக்கும் மக்களை சுதந்திரமாக அவரவர் இடங்களில் பாதுகாப்பாக மீழ் குடியேற்ற முடியுமா உங்களால்?

நன்றி
தமிழ்நிலா

வித்தகன்,

//தமிழ் நாடும் ஒருநாள் தமிழீத்துடன் சேர விரும்பும் என்ற குருட்டு நம்பிக்கையில் தமிழ் மண்ணில் ஆயுதம் சேர்க்கவும் தன் போராட்டக் கருத்துக்களை பரப்பவும் வன்முறைக் கலாச்சாரத்தைப் புகுத்த முயற்சித்திருக்கக் கூடாது. //

இது அபாண்டம். அவதூறு. நீங்களாக அபத்தமாக எதையாவது கற்பனை பண்ணிவிட்டு அதை புலிகள் மீது சுமத்தாதீர்கள். தமிழீழம் தமிழ்நாட்டுடன் சேர்வதா? உங்களுக்கு ஏதாவது புத்தி பேதலித்து விட்டதா?

நாங்கள் இவ்வளவு உயிர்களை காவு கொடுத்தது, தியாகங்கள் செய்வது, சர்வதேசத்திடம் அவமானப்படுவது எல்லாமே எங்களின், ஈழத்தமிழனத்தின், விடிவுக்காய், விடுதலைக்காய் மட்டுமே. இவ்வளவு விலை கொடுத்து வாங்கும் சுதந்திரத்தை மறுபடியும் நாங்கள் இந்தியாவிடம் அட்கு வைப்போம் என்று நீங்கள் கற்பனை பண்ணுவது உங்கள் அறிவீனம். உங்கள் அறிவீனத்திற்கு பதில் சொல்ல வேண்டாம் என்றுதான் நினைத்தேன். ஆனால், உங்களின் அபத்தமான கற்பனைக்கும், அறிவீனத்திற்கும் முற்றுப்புள்ளி வைக்கத்தான் இந்த பதில்.

கனவில் கூட நினைக்காதீர்கள் தமிழீழம் தமிழ்நாட்டுடன் சேரும் என்று.

தமிழ்நாடு என்றைக்குமே தமிழ்நாடுதான்.

தமிழீழம் கிடைக்கும் காலத்தில் அது என்றைக்குமே தமிழீழம் மட்டும்தான்.

தமிழ் நிலா! எது உண்மையான தமிழ் உணர்வு எது தமிழ் உணர்வில்லை என்று வரையறுக்கும் தகுதியை உங்களுக்கு வழங்கியது யார்? நான் பேசுவது புலி எதிர்ப்பு மட்டும்தான். அதைக் கேட்க உங்களுக்கு காது கூசுகிறது. அதற்காக என்னைத் தமிழ் உணர்வில்லாதவன் என்று சொல்ல உங்களுக்கோ மற்றவர்களுக்கோ உரிமை இல்லை. புலிகளை ஆதரிப்பது தமிழர்களை அழிப்பதற்கு சமம். அதனால் புலி ஆதரவாளர்கள் தமிழ் துரோகிகள் என்று நான் பதிலுக்கு சொல்லட்டுமா?

ரதி. புத்தி பேதலித்தவன், அறிவிலி என்றெல்லாம் உணர்ச்சி வசப்பட்டு வார்த்தைகளைக் கொட்டும் முன் நான் எழுதியதை இன்னும் ஒரு முறை படியுங்கள். தமிழீழம் தமிழ் நாட்டுடன் சேரும் பகல் கனவு என்று நான் எப்போதும் எழுதவில்லை. “தமிழ் நாடும் ஒருநாள் தமிழீத்துடன் சேர விரும்பும் என்ற குருட்டு நம்பிக்கையில்” என்றுதான் எழுதியிருக்கிறேன். இரண்டிற்கும் அடிப்படை வித்தியாசம் கூட உங்களுக்குத் தெரியவில்லையா? அல்லது வேண்டுமென்றே மாற்றி எழுதி வெறுப்பை உமிழ்கிறீர்களா?

உங்கள் புரிதலின் படி ஈழம் தமிழ்நாட்டுடன், இந்தியாவுடன் இணைய விரும்புகிறது என்று நான் சொல்லியதாகப் பொருள் வருகிறது. இது கடைந்தெடுத்த முட்டாள்தனம். இருக்கும் நாட்டில் இருந்து பிரிய விரும்பும் இனம் இன்னோரு நாட்டுடன் சேர ஆசைப் படும் என்று நான் ஏன் நினைக்க வேண்டும்? அதோடு எங்களுக்கு இருக்கிற இந்தியாவும் அதன் தலைவலிகளும் போதும். இன்னும் தேவையில்ல.

நான் சொல்லியிருப்பது ஈழம் உருவானால் தமிழகம் அதில் ஒரு அங்கமாக (தனித் தமிழ் நாடாக, இந்தியாவிலிருந்து பிரிந்து) சேர்ந்து விடும் என்ற குருட்டு நம்பிக்கையில் அகதிகளாக வந்த இலங்கைத்தமிழர்கள் அத்து மீறி விட்டார்கள் என்கிறேன். நெடுமாறன் போன்ற இந்திய எதிர்ப்பாளர்கள் தமிழர்கள் இந்த நாட்டில் நிம்மதி இல்லாமல் இருப்பது போலவும், இலங்கையில் நடக்கும் நியாயமான இனப் போராட்டம் போல இங்கும் ஒன்று நடக்க வேண்டும் என்பது போலவும் பிரமையை விடுதலைப் புலிகளுக்கு உருவாக்கி விட்டார்கள். 90 முதல் 93 வரை தென் இந்தியாவில் எங்கெங்கெல்லாம் எத்தனை வெடிப் பொருட்கள் சிக்கின என்று நினைவிருக்கிறதா? விடுதலைப் புலிகள் தமிழ்நாட்டையும் தன் நாட்டைப் போல் நினைக்க வில்லையென்றால் இத்தனை ஆயுதங்கள் இங்கு பதுக்கப் பட்டிருக்குமா? அதுவும் IPKF உடன் போர் நடந்து முடிந்திருந்த வேளையில்!!

பிரபாகரன் தலைமையில் ஈழம் உருவாகி இருந்தால் சில ஆண்டுகளில் தமிழ் நாட்டிலும் பிரிவினை விதை விதைக்கப் பட்டிருக்கும். இப்போது அந்தப் பிரச்சினை இல்லை.

பிரச்சினை என்னவென்றால் புலிகள் தன்னை மட்டுமே முன்னிறுத்தி (மற்றவர்களை அழிக்க எத்தனையோ காரணம் சொன்னாலும்) அவர்கள் அழிவோடு ஈழ விடுதலையையும் பின்னடைய வைத்து விட்டார்கள். சிங்கள ராணுவம் வெற்றிபெற்ற ராணுவம். இனிமேல் அவர்கள் கொடுப்பதுதான் கிடைக்கும் என்ற உண்மையை உணர்ந்து சம உரிமையை மனித நேய அடிப்படையில் பெறுவதுதான் இரண்டாவது படி. முதல் படி முகாம்களில் இருக்கும் மக்கள் குடியமர்த்தப் படுவது. அங்கு செல்ல முயற்சிப்பவன் என்ற முறையில் நான் கேள்விப்பட்டது முகாம்களில் கலந்திருக்கும் புலிகள் பிரிக்கப்படும் வரையில் அங்கு உதவிக்கு செல்ல முயல்வது பலன் தராது என்பதே.

கிட்டத்தட்ட ஒத்த கருத்துடைய தமிழ் நிலா, ரதி, வித்தகன் ஆகி மூவரையும் ஒருவரை ஒருவர் திட்டிக் கொள்ள வைத்ததும் புலிகளின் சாதனைகளில் ஒன்றாகக் கொள்ளலாம்.

வணக்கம் வித்தகன்
வித்தகன் என்ற பெயரைப் பார்த்தவுடன் கொஞ்சமெண்டாலும் விபரமிருக்கும் என்று தான் நினைத்து தவறு செய்துவிட்டேன் மன்னிக்கவும்.எது உண்மையான தமிழ் உணர்வு எது உண்மையான தமிழ் உணர்வு இல்லை என்று வரையறுக்கும் தகுதியை உங்களுக்கு வளங்கியது யார் என்று கேட்கிறீர்கள் ஒரு கிலோ தகுதியை நான் ஒரு கடையில வாங்கின்னான்.ஏன் உங்களுக்கும் வேணுமா?
தகுதி என்பது தானாக வருவது.கேட்டு வாங்குவதல்ல முதலில் அதைப் புரிந்து கொள்ளுங்கள் சகோதரன்.நீங்கள் எதிற்பது யாரை? புpரபாகரனையா? அல்லது புலிகளையா? ஏன் இதற்கான உங்களின் தெளிவான பதில் என்ன? நான் முதலிலேயே கேட்ட கேள்விகளுக்கே நீங்கள் இன்னும் பதில் சொல்லவில்லை.புலிகளை எதிற்கிறேன் என்கிறீர்கள்.!புலிகள் செய்தது பிழை என்கிறீர்கள்!புலிகள் மக்களை கேடயமாக வைத்திருந்தார்கள் என்று கிளிப்பிள்ளை மாதிரித்தான் சொல்கிறீர்களே அன்றி சிந்தித்து நீங்கள் சொல்லவில்லை. களமாடி விழுந்த ஒவ்வொரு போராளிகளினது தியாகத்தை கொச்சைப் படுத்தாதீர்கள்.புலிகள் பிழை செய்தார்கள் தான்.பிற ஆதிக்க சக்திகளுக்கு அடிபணியாது வளைந்து கொடுக்காது இலட்சிய உறுதியோடு கடைசிவரை போரிட்டு மடிந்தது பிழைதான்.திருகோணமலையையும் தலைமன்னாரையும் அமெரிக்க வல்லரசிம் கொடுத்து தமிழரின் வாழ்க்கையை அவர்களுக்கு அடைவுவைத்திருந்தால் புலிகளுக்கு அமெரிக்காவிலும் ஏனைய மேற்கு நாடுகளிலும் செங்கம்பள வரவேற்பு கிடைத்திருக்கும்.இதை செய்யாமல் விட்டு தமிழருடைய பாரம்பரிய இடங்களை காத்தது புலிகள் செய்த தவறுதான் அன்பரே!
இன்று உலகத் தமிழ்மக்களிடையே உள்ள சோர்வு நிலையை சாதகமாக்கி உங்களுடைய கருத்துக்களை திணிக்க முயலாதீர்கள்.அன்றும் இன்றும் என்றுமே உலகத்தமிழரின் மாசற்ற பிரதிநிதிகள் தமிழீழ விடுதலைப் புலிகளே. இதற்குள் உங்களைப் போன்ற விதிவிலக்குகள் அடங்காது.
இந்தியாவின் போரை சொறிலங்கா நடத்தியது. இந்தியாவின் இறையாண்மையை காத்து எல்லாவற்றையும் இழந்தது புலிகள் இயக்கம்.புலிகள் அனுமதித்திருந்தால் இந்தியாவின் வல்லரசுக் கனவு இந்தியாவின் பாதுகாப்பு என்பன இன்று கேள்விக்குறியாகியிருக்கும்.இது வரலாற்று உண்மை.
அன்புடன் *

தமிழ்நிலா

வணக்கம் வித்தகன்
வித்தகன் என்ற பெயரைப் பார்த்தவுடன் கொஞ்சமெண்டாலும் விபரமிருக்கும் என்று தான் நினைத்து தவறு செய்துவிட்டேன் மன்னிக்கவும்.எது உண்மையான தமிழ் உணர்வு எது உண்மையான தமிழ் உணர்வு இல்லை என்று வரையறுக்கும் தகுதியை உங்களுக்கு வளங்கியது யார் என்று கேட்கிறீர்கள் ஒரு கிலோ தகுதியை நான் ஒரு கடையில வாங்கின்னான்.ஏன் உங்களுக்கும் வேணுமா?
தகுதி என்பது தானாக வருவது.கேட்டு வாங்குவதல்ல முதலில் அதைப் புரிந்து கொள்ளுங்கள் சகோதரன்.நீங்கள் எதிற்பது யாரை? புpரபாகரனையா? அல்லது புலிகளையா? ஏன் இதற்கான உங்களின் தெளிவான பதில் என்ன? நான் முதலிலேயே கேட்ட கேள்விகளுக்கே நீங்கள் இன்னும் பதில் சொல்லவில்லை.புலிகளை எதிற்கிறேன் என்கிறீர்கள்.!புலிகள் செய்தது பிழை என்கிறீர்கள்!புலிகள் மக்களை கேடயமாக வைத்திருந்தார்கள் என்று கிளிப்பிள்ளை மாதிரித்தான் சொல்கிறீர்களே அன்றி சிந்தித்து நீங்கள் சொல்லவில்லை. களமாடி விழுந்த ஒவ்வொரு போராளிகளினது தியாகத்தை கொச்சைப் படுத்தாதீர்கள்.புலிகள் பிழை செய்தார்கள் தான்.பிற ஆதிக்க சக்திகளுக்கு அடிபணியாது வளைந்து கொடுக்காது இலட்சிய உறுதியோடு கடைசிவரை போரிட்டு மடிந்தது பிழைதான்.திருகோணமலையையும் தலைமன்னாரையும் அமெரிக்க வல்லரசிம் கொடுத்து தமிழரின் வாழ்க்கையை அவர்களுக்கு அடைவுவைத்திருந்தால் புலிகளுக்கு அமெரிக்காவிலும் ஏனைய மேற்கு நாடுகளிலும் செங்கம்பள வரவேற்பு கிடைத்திருக்கும்.இதை செய்யாமல் விட்டு தமிழருடைய பாரம்பரிய இடங்களை காத்தது புலிகள் செய்த தவறுதான் அன்பரே!
இன்று உலகத் தமிழ்மக்களிடையே உள்ள சோர்வு நிலையை சாதகமாக்கி உங்களுடைய கருத்துக்களை திணிக்க முயலாதீர்கள்.அன்றும் இன்றும் என்றுமே உலகத்தமிழரின் மாசற்ற பிரதிநிதிகள் தமிழீழ விடுதலைப் புலிகளே. இதற்குள் உங்களைப் போன்ற விதிவிலக்குகள் அடங்காது.
இந்தியாவின் போரை சொறிலங்கா நடத்தியது. இந்தியாவின் இறையாண்மையை காத்து எல்லாவற்றையும் இழந்தது புலிகள் இயக்கம்.புலிகள் அனுமதித்திருந்தால் இந்தியாவின் வல்லரசுக் கனவு இந்தியாவின் பாதுகாப்பு என்பன இன்று கேள்விக்குறியாகியிருக்கும்.இது வரலாற்று உண்மை.
அன்புடன்
தமிழ்நிலா

அன்புள்ள தமிழ்நிலா. பெயரை வைத்துப் பகடி செய்வதை நீங்கள் நட்பு பாராட்டவே விழைவதாக எண்ணி நான் பதிலுக்கு பதில் ஒன்றும் சொல்லப் போவதில்லை.

நான் புலிகள் இலங்கை இராணுவம் அல்லாத பிறர் மீது திணித்த வன்முறையை வெறுக்கிறேன். சாதாரண சிங்களர்கள், இலங்கைத் தமிழர்கள், இந்தியர்கள் (ராஜீவ் காந்தி உட்பட இறந்த 20 பேர்), புலிகள் அல்லாத மற்ற போராளிகள், அமிர்தலிங்கம் போன்ற மிதவாதிகள் இவர்களது கொலைகளை ஒதுக்கி விட்டு புலிகளைப் புகழ்வது ஒரு சிலருக்கு கட்டாயமாக இருக்கலாம். சர்வதேச சமூகத்திற்கு, இந்தியத் தமிழர்கள் உட்பட, அந்த அவசியம் இல்லை.

ஈழ விடுதலைப் போராட்டம் ஆயுதப் போராட்டமாக மட்டுமே திரிபுற்று, படிப்படியாக, நான் முதல் இடுகையில் பட்டியலிட்ட தவறுகள் நடக்கையில், புலிகள் மீது இருந்த பற்று எனக்கு நசிவுற்றுப் போய்விட்டது. தமிழீழம் என்றாலே புலிகள் என்று பிரபாகரனால் வரையறுக்கப் பட்ட காலத்தின் கட்டாயம் இன்று அவர்கள் தோல்வியுற்ற நிலையில் எடுத்துக் கொண்ட கொள்கையையே பலகீனமாக்கி விட்டது.

மற்றபடி புலிகளின் தவறுகள் என்ற பெயரில் நீங்கள் அவர்களது உன்னதமான நிலைப்பாடுகளைப் பட்டியலிடுவது பிரபலங்கள் பேட்டியளிக்கும் போது என் கணவரின் ஒரே குறை உதவி என்று கேட்டு வருபவர்களுக்கு அள்ளிக் கொடுக்கும் குணம்தான் என்று சொல்வது போல இருக்கிறது.

நண்பரே. எனக்கு என் மொழியின் மீதும் நாட்டின் மீதும் இருக்கும் பற்று ஒட்டு மொத்த மனித சமுதாயத்தின் மேல் இருக்கும் மதிப்பை விட அதிகமாக இருக்கவே கூடாது. உங்களுக்கு இனப்பற்றும் அதற்கும் மேலாக புலிகள் மீதுள்ள அபிமானமும் தூக்கலாக இருந்து அவர்களின் உண்மையான குறைகளை மறைக்கின்றன என்று எனக்குத் தெரிகிறது.

புலிகள் மாசற்றவர்கள் என்று உங்களைப் போலவே ஏராளமானோர் ஒருவேளை நினைக்கும் பட்சத்தில் அதற்கு நேர் எதிர் கருத்துக் கொண்டுள்ள சர்வதேச சமூகம் சிரமப்படும் இலங்கைத்தமிழர்களுக்கு உதவ யோசிப்பார்களே என்று வருத்தப் படுகிறேன். உங்கள் எண்ணம் ஆங்காங்கே மட்டும் ஒலிக்கும் மிகச் சிலரது கருத்தாகவே இருந்தால் புலிகள் மீண்டு வர மாட்டார்கள் என்ற நம்பிக்கையில் இலங்கைத் தமிழர்களுக்கு ஆதரவு அதிகரிக்க வாய்ப்புள்ளது.

வித்தகன்,

//நான் சொல்லியிருப்பது ஈழம் உருவானால் தமிழகம் அதில் ஒரு அங்கமாக (தனித் தமிழ் நாடாக, இந்தியாவிலிருந்து பிரிந்து) சேர்ந்து விடும் என்ற குருட்டு நம்பிக்கையில் அகதிகளாக வந்த இலங்கைத்தமிழர்கள் அத்து மீறி விட்டார்கள் என்கிறேன்.//

உங்கள் நாட்டில் என் சனம் உயிரை காப்பாற்ற தஞ்சம் கோரியுள்ளார்கள் என்பதை நான் மறுக்கவில்லை. என் இனமும் என் சனமும் (அதாங்க, உங்கள் பாஷையில் “அகதிகள்”) தமிழ்நாட்டில் எங்கே அத்துமீறினார்கள் என்று கொஞ்சம் விளக்கமாகத்தான் சொலுங்களேன். மேலே நீங்கள் சொன்ன கூற்று நீங்கள் ஏதாவது கருத்து கணிப்பு செய்ததன் முடிவா? எதை வைத்து என் உறவுகள் மீது இப்படி ஒரு பழியைப்போடுகிறீர்கள்.

வித்தகன், ஒரு உண்மையை நான் கண்டிப்பாக ஒப்புக்கொண்டுதான் ஆக வேண்டும். அதாவது, இந்த தளத்தில் நான் ஏறக்குறைய எல்லோருடைய கருத்துகளையும் படித்திருக்கிறேன். ஆனால், யாரும் இப்படி முன்னுக்குப்பின் முரணாக பேசி என்னை குழப்பியது கிடையாது.

/கிட்டத்தட்ட ஒத்த கருத்துடைய தமிழ் நிலா, ரதி, வித்தகன் ஆகி மூவரையும் ஒருவரை ஒருவர் திட்டிக் கொள்ள வைத்ததும் புலிகளின் சாதனைகளில் ஒன்றாகக் கொள்ளலாம்.//

நானும் நீங்களும் எந்த காலத்தில் (கிட்டத்தட்ட ?) ஒத்த கருத்தை கொண்டிருந்தோம்?

புலிகளுக்கு வேறு வேலையே கிடையாதா? ரதியும் வித்தகனும் நடத்தும் வெட்டிவாரியத்தில் அவரகளின் வேலையற்ற வீணாய்ப்போன வெட்டிப்பேச்சையும் சண்டையும் மூட்டிவிடுவதுதான் அவர்களின் இலட்சியமா? உங்க comedy க்கு ஒரு வரைமுறையே இல்லையா?

//நானும் நீங்களும் எந்த காலத்தில் (கிட்டத்தட்ட ?) ஒத்த கருத்தை கொண்டிருந்தோம்? //

இலங்கை வாழ் தமிழர்களுக்கு ஈழம் என்ற தனி நாடு கிடைத்தால்தான் அவர்களுக்கு வாழ்வுரிமை நிலை பெறும் என்பதில் நாம் மூவருமே ஒத்துப் போவோம் என்று கருதுகிறேன். புலிகள் பற்றிய நிலைப் பாட்டில் நமக்கு ஒத்த கருத்து இல்லாததுதான் இந்த வாக்கு வாதங்களுக்குக் காரணம்.

நான் பேச்சு மாற்றுவதாக சொல்லுகிறீர்கள். அது உங்கள் புரிதலில் உள்ள குறைபாடு. எனக்கு விடுதலைப்புலிகளின் செயல் பாடுகள் பிடிக்காது. ஆனால் இலங்கைத் தமிழர்களுக்கு நிகழும் கொடுமைகளைக் கண்டு மனம் வருந்துகிறது. இலங்கைத் தமிழர்களும் புலிகளும் வேறு வேறு என்ற என் பார்வை உங்களுக்குப் புரிபடவில்லை. அதனால் நான் மாற்றி மாற்றிப் பேசுவதாகக் குறை சொல்கிறீர்கள்.

//என் இனமும் என் சனமும் (அதாங்க, உங்கள் பாஷையில் “அகதிகள்”) தமிழ்நாட்டில் எங்கே அத்துமீறினார்கள் என்று கொஞ்சம் விளக்கமாகத்தான் சொலுங்களேன்.//

தமிழ் நாட்டில் வந்து தங்கும்போது டன் டன்னாக வெடி மருந்துகளைக் கடற்கரையோரம் பதுக்கியிருந்தது அத்து மீறல் இல்லையா? பத்ம நாபாவையும் 13 பேரையும் சென்னை மண்ணில் சுட்டுக் கொன்றது அத்து மீறல் இல்லையா? பாண்டி பஜாரிலே பேட்டை ரவுடிகள் போல பிரபாகரனும் வேற்றுக் குழுப் போராளியும் (சபா ரத்தினம் தானே?) பட்டப் பகலிலே துப்பாக்கியில் சுட்டுக் கொண்டது எங்களுக்குத் தேவையா? ராஜிவ்வ் காந்தியையும் 20 பேரையும் மனித வெடி குண்டால் சிதற அடித்தது கூட அத்து மீறல் இல்லையா? என்ன நடந்தாலும் நாங்கள் பொறுத்துக் கொள்ள வேண்டுமா?

இதையெல்லாம் அத்து மீறல் என்று புரிந்து கொள்ளக் கூட முடியாத அளவு உங்களுக்கு மூளைச் சலவை ஆகியிருப்பது வருந்தத் தக்கது.

அல்லது ஒன்று செய்யுங்கள். நான் குறிப்பிட்ட எல்லாமே புலிகள் செய்ததுதான். மொத்தமாக இலங்கைத் தமிழர் மீது பழி போடாதீர்கள் என்று சொல்லுங்கள். அதுதான் நான் 91 ஆம் ஆண்டிற்குப் பிறகு கொண்டுள்ள நிலைப்பாடு. ஒரு வாறாக என் வழிக்கு வந்து விட்டீர்கள் என்று நினத்துக் கொள்கிறேன்.

என்ன பதில்?

வித்தகன்,

//என்ன நடந்தாலும் நாங்கள் பொறுத்துக் கொள்ள வேண்டுமா?//

இதையே தான் நானும் கேட்கிறேன். இந்தியாவின் தேசிய நலன்களுக்காக ஈழத்தில் எங்களுக்கு பிடிக்காத ஒரு ஒப்பந்தம் போட்டு ஏறக்குறைய ஒரு ஏழாயிரம் அப்பாவித்தமிழனை அழித்தீர்கள். நாங்கள் யாரிடமாவது முறையிட முடிந்ததா?

இப்போது, புலிகளை அழிக்கிறோம் பேர்வழி என்று ஒரு ஐம்பதாயிரம் உயிர்களை காவு வாங்கியாகிவிட்டது. ஈழத்தமிழன் இனப்படுகொலையில் இந்தியாவிற்கும் பங்குண்டு என்று எத்தனை ஊடகங்கள், ராஜபக்க்ஷேக்கள் சொன்னாலும் வித்தகனுக்கு புரியவே புரியாதா?

//ஒரு வாறாக என் வழிக்கு வந்து விட்டீர்கள் என்று நினத்துக் கொள்கிறேன்.//

எது உங்கள் வழி? அதற்கேன் நான் வரவேண்டும்?

மீண்டும் வணக்கம் வித்தகன்.

உங்களுக்குத் தெரியுமா தமிழில் ஒரு பழமொழி இருக்கிறது தூங்குபவனை எழுப்பலாம் தூங்குபவன் போல் நடிப்பவனை எழுப்ப முடியாது இது உங்களுக்கு 100 வீதம் பொருந்தும் நீங்கள் தூங்குபவன் போல் நடிப்பவர்.

இதற்கு நீங்களே சொல்லுங்கள் புலிகள் எத்தனை அப்பாவி சிங்கள மக்களை கொன்றார்கள் எத்தனை சிங்கள இளம் பெண்களை பாலியல் வதைக்கு உள்ளாக்கினார்கள் என்று.
ரஜீவ் காந்தி! தவறான வழிநடத்தலில் வரலாற்றுப்பிழை செய்தவர் (இன்றும் இதைத்தான் இந்தியா செய்கிறது நிச்சயம் தண்ணிக்கப்படும்) உங்கட மக்கள் 20 பேர் இறந்ததற்காக இவ்வளவு கேட்கிறீர்களே உங்கள் தலைவர் எங்கள் மண்ணிலே எங்கள் அனுமதி இல்லாமல் உங்கள் படைகளை அனுப்பி செய்த கொடுமைகளை எப்படி நாங்கள் மறப்போம்.ஈழத்தமிழனெண்டால் அவ்வளவு இழக்காரமாகப் போய்விட்டதா இந்தியாக்காறனுக்கு.நீங்கள் செய்ததுக்கு தண்டனை கொடுத்தோம் அவ்வளவுதான்.

ஈழத்தமிழனை அடகுவைக்கும் எவனுக்குமான தண்டனை தான் அமிர்தலிங்கம் போன்றோருக்கானது.
அதென்ன புலிகளை புகழ்வது? ஏனன்காக! ஏன்னைக் காப்பதற்காக உயிரைக் கொடுப்பவனை புகழாமல் என் இனத்தை விற்பவனையா நான் புகழமுடியும்?

தமிழீழம் என்றால் புலிகள் இல்லை சகோதரா புலிகளால் மட்டுந்தான் தமிழீழம் என்கின்ற உன்னதமான இலக்கை அடையமுடியும்.
காலத்தின் கட்டாயத்தால் அவர்கள் இன்று தோல்வியுறவில்லை.20 நாடுகள் இனத்துரோகிகளின் காட்;டிக்கொடுப்பு இவற்றால்தான் இந்தப்பின்னடைவு.இந்த இழப்பும் பின்னடைவும் உலகிற்கும் தமிழ் இனத்திற்தும் பல உண்மைகளை உணர்த்தம் வரலாறு மீண்டும் திரும்பும் இது காலத்தின் கட்டாயம்.நாட்டுக்காக தன்னை அர்ப்பணிப்பவன் புனிதன்.
இன்று புலிகள் இல்லாத நிலையிலே என் இனம் அழிகிறது.இதைத் தடுக்க யாரால் முடியும்? புலிகள் இல்லாதநிலையில் தமிழனுக்கு நீதி வழங்க யார் முன்வருவார்கள்?எவராலும் முடியாது.

புலிகளால் மட்டுமே முடியும்.

திருவாளர்கள் தமிழ் நிலா, ரதி. நான் உங்களைப் போல் புலிகளைக் கொண்டாட மாட்டேன். புலிகளைத் தியாகிகள் என்று புகழ்ந்தால்தான் இலங்கைத் தமிழர்களின் நலனில் அக்கறை உள்ளவன் என்ற மூளைச் சலவை செய்யப் பட்ட கருத்துக்களை மதிக்க மாட்டேன். எக்காரணம் கொண்டும் புலி ஆதரவு அரசியல் வாதிகளுக்கு இடம் கொடுக்க மாட்டேன்.

விடுதலைப் புலிகள் தான் எல்லாமே என்று நினைத்துக் கொண்டு இருக்கும் உங்களைப் போன்றவர்கள், தமிழின உணர்வு என்று தவறாக சொல்லிக் கொண்டு புதைத்து வைத்த பூதத்தை திரும்பவும் வெளியே எடுக்காமல் இருங்கள். புலிகள் அழிந்ததால் நிம்மதியாக இருக்கும் இலங்கைத் தமிழர்களுக்கும் அவர்கள் மறுவாழ்வுக்கும் இது போன்ற எண்ணங்களும் நடவடிக்கைகளும் தான் தடையாக இருக்கும்.

//நீங்கள் செய்ததுக்கு தண்டனை கொடுத்தோம் அவ்வளவுதான்.//

தமிழ் நிலா. இது போன்ற அதிகப் பிரசங்கித்தனமான பேச்சுக்களும் திமிரும்தான் புலிகளைக் குழி தோண்டிப் புதைத்து விட்டன. இந்தியா என்ற ஜனநாயக நாட்டை தண்டிக்க ஆயுதம் தாங்கிய இந்த முரட்டுக் கூட்டத்திற்கு எந்தத் தகுதியும் இல்லை. அத்து மீறியதற்கு மன்னிப்புக் கேட்காமல் இன்னமும் இவ்வளவு திமிராகப் பேசுபவர்கள் உயிர் போகும் நிலையில் உதவி கேட்டு இறைஞ்சுவானேன்? இந்தியாவின் காலைப் பிடித்து உயிர்ப் பிச்சை கேட்டுக் கெஞ்சும் போது இந்த தண்டிக்கும் திமிர் எங்கே போச்சாம்? எப்போது உயிர்ப்பிச்சை கேட்டார்கள் என்று கேள்வி கேட்காதீர்கள். பிரபாகரன் கொல்லப் படும் வரை தினசரி புதினத்திலும் தமிழ் நெட்டிலும் அய்யா சாமி காப்பாத்துங்க கதறல் காதைக் கிழித்துக் கொண்டிருந்தது. அப்போது இந்தியா முகத்தைத் திருப்பிக் கொண்டது சரிதான் என்று இந்த அகங்காரமான (அதுவும் தோற்றுப் போன கூட்டத்தின் அகங்காரம்) வசனம் மீண்டும் நிரூபிக்கிறது. பயங்கரவாதிகள் வேட்டையாடப் பட்டதை தியாகம், வீர மரணம் என்று கூவிக் கூவி விற்காதீர்கள். ஒருவரும் வாங்க மாட்டார்கள்.

இப்போது புலிகளைப் புதைத்த இடத்தில் புல் முளைத்து விட்டது. அந்த புல்லையும் எரித்து விடுவதுதான் உலகத்துக்கு, குறிப்பாக இலங்கைத் தமிழருக்கு, நல்லது.

//எது உங்கள் வழி? அதற்கேன் நான் வரவேண்டும்?//

ரதி. எண்பதுகளில் பிரபாகரனை வரலாற்று நாயகனாக வரிந்து கட்டிக் கொண்டிருந்த நான் அமிர்தலிங்கம் கொலைக்குப் பின், ராஜீவ் காந்தி கொலைக்குப் பின், தமிழகத்தில் புலிகளின் ஆயுதப் பதுக்கல்கள் வெளிவந்த பின் என்று படிப்படியாக புலிகளை இலைங்கைத் தமிழர்களிடமிருந்து பிரித்துப் பார்க்க ஆரம்பித்து விட்டேன். என் வழி தமிழ் ஈழ ஆதரவு, புலிகள் மறுப்பு.

ஏன் அதற்கு வருவது உங்களுக்கு உசிதம் என்றால், 32 நாடுகளால் தடை செய்யப் பட்ட, இப்போது அழித்து ஒழிக்கப்பட்ட ஒரு தீவிர வாத இயக்கத்தையும் மக்கள் பிரச்சினையையும் ஒன்றாக்கி அதனால் ஈழ விடுதலைக்கு ஆதரவில்லாமல் ஆக்கி விடாதீர்கள் என்பதுதான்.

Mr வித்தகன்,

//விடுதலைப் புலிகள் தான் எல்லாமே என்று நினைத்துக் கொண்டு இருக்கும் உங்களைப் போன்றவர்கள், தமிழின உணர்வு என்று தவறாக சொல்லிக் கொண்டு புதைத்து வைத்த பூதத்தை திரும்பவும் வெளியே எடுக்காமல் இருங்கள். புலிகள் அழிந்ததால் நிம்மதியாக இருக்கும் இலங்கைத் தமிழர்களுக்கும் அவர்கள் மறுவாழ்வுக்கும் இது போன்ற எண்ணங்களும் நடவடிக்கைகளும் தான் தடையாக இருக்கும்.//

“பிரபாகரன்தான் வன்முறையை வளர்த்தெடுத்தார். விடுதலைப் புலிகளால்தான் பயங்கரவாதம் கட்டவிழ்த்து விடப்பட்டது. ஈழம் அமைதி இழந்ததற்கு இவர்களுடைய இரத்த வெறியே காரணம்!” என்று இங்குள்ள காங்கிரஸ் நாட்டாமைகள் கிளிப்பிள்ளைபோல் இன்று வரை கூறி வருகின்றனர். நூறு எலிகளை விழுங்கிய பூனை தீர்த்த யாத்திரை போன கதைதான் சிங்கள வெறியர்களின் செயல் என்பதை இவர்களுக்கு யார்தான் புரியவைப்பது?

சிங்களம் மட்டுமே ஆட்சிமொழி என்று 1956 இல் அறிவிக்கப்பட்டதும், நாடாளுமன்றத்துக்கு முன்னால் காலிமுகத் திடலில் சத்தியாக்கிரகத்தில் ஈடுபட்ட தமிழினத் தலைவர்கள் மீது கண்மூடித்தனமான தாக்குதல் நடத்தி, கொழும்பில் தமிழர் சொத்துகளைச் சூறையாடியது யார்? பண்டா – செல்வா ஒப்பந்தத்தை நிறைவேற்றும்படி 1958 இல் அறப்போரில் ஈடுபட்டபோது, தமிழர் பலரைப் படுகொலை செய்து, தமிழ்ப் பெண்களிடம் பாலியல் பலாத்காரம் நடத்தி, அவர்களுடைய உடைமைகளைத் தீக்கிரையாக்கியது யார்? தென்னிலங்கையிலிருந்து பல்லாயிரம் தமிழர் தமிழகத்துக்கும், ஈழ நிலத்துக்கும் புகலிடம் தேடி ஓடச்செய்தது யார்? யாழ்ப்பாணத்தில் 1974 இல் தமிழாராய்ச்சி மாநாடு நடந்தபோது, வெடிகுண்டு வீசி மோசமான தாக்குதலை முன்நின்று நடத்தியது யார்? மலையகத் தமிழர் மீதும், தெற்கில் வாழ்ந்த அப்பாவித்தமிழர் மீதும் 1977 இல் வெறித் தாக்குதல் நடத்தி, இனக்கலவரத்தை வளர்த்தது யார்? பயங்கரவாதத் தடைச்சட்டம் கொண்டுவந்து 1970 ஜூலையில் தமிழ் இளைஞர்கள் மீது நரவேட்டை நடத்தியது யார்? ‘தமிழரின் அறிவுக்கோயில்’ என்று கொண்டாடப்பட்ட யாழ். நகர் நூலகத்தின் 95 ஆயிரம் நூல்களை எரித்துச் சாம்பலாக்கியது யார்? 1983 ஜூலை 25 அன்று வெலிக்கடை சிறையில் 37 தமிழ் இளைஞரும் 27 ஆம் நாள் 18 தமிழரும் குரூரமாகக் கொல்லப்பட்டது யாரால்?

சிங்கள வெறியர்களின் படுபாதகச் செயல்களை ஒரு பட்டியலில் முடித்துவிட முடியாது. புத்த பூமியை இரத்த பூமியாக்கியவர்கள் சிங்களர்கள். அவர்களுடைய வன்கொடுமைக்கு எதிராக வந்து நின்றவர்கள் விடுதலைப் புலிகள். இதுதான் வரலாறு.

சிங்களருக்கு சமமான உரிமைகளுடன் தமிழரை வாழ வைக்க முடியும் என்று சர்வதேச நாடுகள் நம்புகின்றன. நிறைவேறாத முயற்சி அது என்று அந்த நாடுகளின் அதிபர்களுக்கு விரைவில் புரிந்துவிடும். ‘புத்த மதத்துக்கு முக்கியத்துவம் தராமல் தமிழரோடு ஒப்பந்தம் போடுகிறாயா?’ என்று பண்டாரநாயகாவை சுட்டுக்கொன்ற புத்த சந்நியாசிகளின் பூமியில், தமிழருக்குக் குறைந்தபட்ச உரிமைகள் கொடுக்க ராஜபக்சவே முன்வந்தாலும் ஒன்று கொல்லப்படுவார்… அல்லது அதிகார நாற்காலியிலிருந்து அகற்றப்படுவார். பிரபாகரன் இல்லாத நிலையில், கொழும்பில் இருக்கும் ஆறு லட்சம் தமிழர் வாழ்வில் எந்த நேரத்திலும் அமைதி பறிக்கப்படும்.

//ராஜிவ்வ் காந்தியையும் 20 பேரையும் மனித வெடி குண்டால் சிதற அடித்தது கூட அத்து மீறல் இல்லையா? என்ன நடந்தாலும் நாங்கள் பொறுத்துக் கொள்ள வேண்டுமா?//

காங்கிரஸ்காரர்கள் எது சொன்னாலும் அப்படியே நம்பி விடுவீர்களா? உங்கள் சிந்தித்துப் பார்க்க முடியாதா? ராஜீவ் கொலையை புலிகள் மறுத்து ஜெயின் கமிஷனுக்கு கடிதம் அனுப்பிவுள்ளனர். ஆனால் ராஜீவ் கொலை நடந்த அடுத்த பத்தாவது நிமிடத்திலேயே சுப்ரமணிய சாமியிடம் புலிகள் தான் ராஜீவ்வை கொலை செய்தார்கள் என்று அவசரமாக கூறுவதற்கு என்ன காரணம்? ஏன் அன்று நடந்த கூட்டத்தில் ராஜீவ் தவிர மூத்த காங்கிரஸ் உறுப்பினர்கள் யாருமே கலந்து கொள்ளவில்லை? முதலில் போபர்ஸ் ஊழலை திருப்பிப் பாருங்கள். அப்புறம் புரியும் யார் ராஜீவ்வை கொலை செய்தார்களென்று. அப்படிப் பார்த்தால் கூட, ராஜீவ் கொலையில் சோனியாதான் குற்றவாளி என்று சுப்ரமணிய சாமி சொன்னான். அதையும் அப்படியே நம்பி விடுவீர்களா?

Mr. செந்தில் விளக்கமான பதிலுக்கு நன்றி. சுப்பிரமணிய சாமி சொன்னதால்தான் ராஜீவ் கொலைக்குப் புலிகள் காரணம் என்று நான் நினைப்பதாக நீங்கள் கூறுவது என்னை அவமானப் படுத்துகிறது. போயும் போயும் சாமி போன்ற அயோக்கியரின் பேச்சையெல்லாம் நான் கேட்டுக் கொண்டிருப்பது ஆன்டன் பாலசிங்கம் போன்ற கோமாளியின் பேச்சைக் கேட்பதற்கு இணையான முட்டாள்தனம் என்று எனக்குத் தெரியும். புலிகள் ராஜீவைக் கொல்லவில்லையென்பது பூசணித் தோட்டத்தையே ஒரு பருக்கையில் ஒளிக்கும் முயற்சி. நடக்காது.

மற்றபடி சிங்கள அராஜகம் தான் புலிகளை ஆயுதமெடுக்க வைத்தது என்பதிலோ, ஈழத்தில் தமிழர்கள் வாழ்வு மேம்பட விடுதலைதான் சிறந்த வழி என்பதிலோ எனக்கு எந்த மாற்றுக் கருத்தும் இல்லை. ஆனால் படிப் படியாக பிரபாகரன் செய்த தவறுகளாலும, பிற இலங்கைத் தமிழ்ப் போராளிகள் மேல் செய்த வன் சூழ்ச்சிகளாலும் விடுதலைப் போராட்டம் பின் தள்ளப் பட்டு பயங்கரவாதம் மட்டுமே மிஞ்சியது. இப்போது புலிகள் அழிவு தமிழர்கள் மறுவாழ்வுக்கு ஆரம்பமாக இருக்கச் செய்ய வேண்டியது எல்லாரின் கடமை. அதற்கு புலி புராணம் பாடாமல் அடுத்த வேலையைப் பார்ப்பதுதான் சிறந்த வழி.

Mr வித்தகன்,

//சுப்பிரமணிய சாமி சொன்னதால்தான் ராஜீவ் கொலைக்குப் புலிகள் காரணம் என்று நான் நினைப்பதாக நீங்கள் கூறுவது என்னை அவமானப் படுத்துகிறது.//

உங்களை நான் அவமானப் படுத்துவதாக நீங்கள் உணர்ந்தால் என்னை மன்னித்துக் கொள்ளுங்கள். நீங்கள் தவறாகப் புரிந்து கொண்டீர்கள். சுப்பிரமணிய சாமி சொன்னதால்தான் ராஜீவ் கொலைக்குப் புலிகள் காரணம் என்று அர்த்தமல்ல. ராஜீவ் கொலையில் சுப்ரமணிய சாமியையும், அரசியல் சாமியார் சந்திரா சாமியையும் விசாரித்திருந்தாலே போதும் ராஜீவ் கொலையில் உண்மையான குற்றவாளி யார் என்று தெரிந்திருக்கும் என்றுதான் கூற வருகிறேன். ராஜீவ் கொலையில் உண்மையான குற்றவாளிகள் தப்பி விட்டார்கள் என்பதுதான் உண்மை. அது மனசாட்சி உள்ளவர்களுக்கும் உண்மையை ஆராய்ந்து உணர்பவர்களுக்கும் நன்கு தெரியும்.

//ஆனால் படிப் படியாக பிரபாகரன் செய்த தவறுகளாலும், பிற இலங்கைத் தமிழ்ப் போராளிகள் மேல் செய்த வன் சூழ்ச்சிகளாலும் விடுதலைப் போராட்டம் பின் தள்ளப் பட்டு பயங்கரவாதம் மட்டுமே மிஞ்சியது.//

இதை நான் மறுக்கிறேன். பிரபாகரன் செய்த தவறு தமிழீழ லட்சியத்திற்கு சூழ்ச்சி செய்து முட்டுக்கட்டை போட்ட தலைவர்களையும் இனவெறி இலங்கை அரசியல் தலைவர்களுக்கு துணை போனவர்களையும் திருப்பி தண்டித்ததுதான் (மற்றவர்கள் பார்வைக்கு அது வன்முறை ஆகிவிட்டது).

//இப்போது புலிகள் அழிவு தமிழர்கள் மறுவாழ்வுக்கு ஆரம்பமாக இருக்கச் செய்ய வேண்டியது எல்லாரின் கடமை. அதற்கு புலி புராணம் பாடாமல் அடுத்த வேலையைப் பார்ப்பதுதான் சிறந்த வழி.//

ஈழத் தமிழர்கள் பற்றி கட்டுரை எழுதுபவர்கள் அனைவரும், சிங்களர்கள் செய்த இனப்படுகொலைகள் பற்றியும் அதற்கு எதிராக புலம் பெயர்ந்த தமிழர்கள் மற்றும் தமிழகத் தமிழர்கள் செய்ய வேண்டிய போராட்டங்கள் பற்றி எழுதாமல் புலிகள் பற்றியே எழுதிக்கொண்டிருந்தால் அந்தக் கட்டுரைக்கு திரும்பி மறுமொழியும் போது புலிகள் பற்றித்தான் பேச வேண்டியிருக்கிறது.

நண்பர் செந்தில் அவர்களே. மன்னிப்பெல்லாம் கேட்க வேண்டியதில்லை. உங்கள் கருத்து இப்போது புரிகிறது,

உங்களுக்கும், தமிழ் நிலாவுக்கும், ரதிக்கும் நான் என் தரப்பிலிருந்து சொல்ல இனிமேல் எதுவும் இல்லை. என் கருத்து இவ்வளவுதான். சக தமிழன் என்ற முறையில் என்னால் இலங்கைக்கு சென்று முகாம்களில் பணியாற்றும் விருப்பம் நிரைவேறாத ஏமாற்றத்தை மட்டும் உங்களிடம் பகிர்ந்து கொள்கிறேன். விசா கிடைக்காது. கிடைத்துச் சென்றாலும் முகாம்களுக்கு செல்ல அனுமதி மிகவும் கடினம் எனத் தெரிகிறது. டிசம்பரிலாவது இலங்கை செல்ல முடிகிறதா என்று முயற்சிக்கப் போகிறேன். அதற்குள் முகாம்கள் கலைக்கப் பட்டு மக்கள் குடியமர்த்தப் பட்டால் அதை விட மகிழ்ச்சி எதுவும் இருக்காது.

ஆனால். ஒரு தொண்டு நிறுவனம் வாயிலாக 6 பிள்ளைகளின் கல்விச் செலவு பள்ளிப் படிப்பு முடியும் வரை ஏற்றுக் கொண்டுள்ளோம். பணக்காரத்தனமான ஒப்புக்குச் செய்யும் சமூகசேவையாக இல்லாமல் உண்மையாகவே உதவி தேவைப்படும் அப்பாவிக் குழந்தைகளுக்கு கரம் கொடுக்க எடுக்கும் முயற்சிதான் இது.

தோழர் வித்தகன் அவர்களே,

//ஒரு தொண்டு நிறுவனம் வாயிலாக 6 பிள்ளைகளின் கல்விச் செலவு பள்ளிப் படிப்பு முடியும் வரை ஏற்றுக் கொண்டுள்ளோம். பணக்காரத்தனமான ஒப்புக்குச் செய்யும் சமூகசேவையாக இல்லாமல் உண்மையாகவே உதவி தேவைப்படும் அப்பாவிக் குழந்தைகளுக்கு கரம் கொடுக்க எடுக்கும் முயற்சிதான் இது.//

உங்களின் இந்த மேலான பணிகளை கடைசி வரை செவ்வென தொடருங்கள். முடிந்த அளவு உங்களுடைய மற்ற தோழர்களையும் உங்களின் இந்தப் பணியில் ஈடுபட முன் வரச் சொல்லுங்கள். ஈழத் தமிழர்களுக்கு புலம்பெயர்ந்த தமிழர்கள் உறுதுணையாக உள்ளோம் என்பதை மற்றவர்களுக்கு எடுத்துக்காட்டி விரைவில் தமிழீழத்தை வென்றெடுக்க முனைவோம்.

‘தமிழா இருப்பாய் நெருப்பாய், இருந்தது போதும் செருப்பாய்’.

உங்களின் தோழர் செந்தில்.

வித்தகன்,

//என் வழி தமிழ் ஈழ ஆதரவு, புலிகள் மறுப்பு.//

உங்கள் தமிழீழ ஆதரவுக்கு நன்றி. ஆனால், எனக்கு எங்கள் தேசியத்தலைவர் என் தாய் போன்றவர். என் தாயை பழிசொல்லிவிட்டுதான் ஒரு தமிழரான நீங்கள் எனக்கு உதவுவீர்கள் என்றால் அதை என் மனம் ஏனோ ஏற்றுக்கொள்ள மறுக்கிறது. மன்னிக்கவும். நீங்கள் புலிகளை மறுங்கள். அது உங்கள் தனிமனித கருத்து சுதந்திரம்.

//இப்போது அழித்து ஒழிக்கப்பட்ட ஒரு தீவிர வாத இயக்கத்தையும் மக்கள் பிரச்சினையையும் ஒன்றாக்கி அதனால் ஈழ விடுதலைக்கு ஆதரவில்லாமல் ஆக்கி விடாதீர்கள் என்பதுதான்.//

உங்களோடு அதிகம் வாதம், எதிர்வாதம் செய்ய மனம் எனக்கு இப்போது ஒப்புவதில்லை. ஆனாலும், இறுதியாக இந்தியா, மேற்குலகம், வித்தகன் எல்லோரும் புலிகள் பயங்கரவாதிகள் என்று சொன்னாலும், அதை ஈழப்பிரச்சனையை புரிந்து கொண்டவர்கள் ஒப்புக்கொள்வதில்லை. காரணம், நான் மேற்சொன்ன மூன்று பேருமே மக்கள் பிரச்சனை வேறு, புலிகள் வேறு என்று வெட்டிவாதம் செய்பவர்கள். ஈழமக்களின் உரிமைப்பிரச்சனைக்காகத்தான் புலிகள் போராடினார்கள் என்பதை இவர்கள் தங்கள் வச‌திகேற்றவாறு மறைத்துவிடுகிறார்கள். அந்த பொய்யையே திரும்பத்திரும்ப சொல்லி அடுத்த்வரை ஏமாற்றப்பார்க்கிறார்கள்.

பொய்யை எத்தனை தரம் திருப்பிச் சொன்னாலும் அது மெய்யாகாது. புலிகள் ஈழமக்கள் பிரச்சனைக்காகத்தான் போராடினார்கள். இன்று, அவர்கள் தோற்கடிக்கப்பட்ட நிலையில் உங்களைப்போன்றவர்களால் ராஜபக்க்ஷேக்களிடமிருந்து எங்களுக்குரிய உரிமைகளை வாங்கித்தர முடியுமா உங்களால்?

புலிகள் யார் என்பதை ஈழத்தமிழர்கள் தீர்மானிக்க வேண்டும். ஆனால், இன்று ஈழத்தமிழன் பேசினாலே இந்தியா, மேற்குலகம், வித்தகன் போன்றோர்களுக்கு பிடிக்கவில்லை. நாங்கள் புலிகளை நேசிக்கிறோம் என்பதற்காகவே “பயங்கரவாதிகள்” என்று முத்திரை குத்தப்படுகிறோம். இந்தியாவும், மேற்குலகமும் ஒரு முறை, ஒரேயொருமுறை ஈழத்தமிழனின் மனக்குமுறலை உண்மையான இதயசுத்தியோடு காது கொடுத்து கேட்டாலே எங்கள் பாதி பிரச்சனை தீர்ந்துவிடும். கேட்பார்களா இதயசுத்தியோடு?

//இன்று ஈழத்தமிழன் பேசினாலே இந்தியா, மேற்குலகம், வித்தகன் போன்றோர்களுக்கு பிடிக்கவில்லை.//

இல்லவே இல்லை. நான் புலிகளைக் குறை சொன்னால் உங்களுக்குப் பிடிக்கவில்லை என்பதுதான் உண்மை. உங்களையும் உங்கள் கருத்துக்களையும் யாரும் உதாசீனம் செய்யவில்லை!

//இந்தியாவும், மேற்குலகமும் ஒரு முறை, ஒரேயொருமுறை ஈழத்தமிழனின் மனக்குமுறலை உண்மையான இதயசுத்தியோடு காது கொடுத்து கேட்டாலே எங்கள் பாதி பிரச்சனை தீர்ந்துவிடும். கேட்பார்களா இதயசுத்தியோடு?//

அவர்கள் கண்டிப்பாகக் கேட்க வேண்டும். கேட்பார்கள் என்றே நம்புவோம். இந்தியாவும் மேற்குலகும் உங்கள் குரலைக் கேட்க வைப்பதற்கு நீங்களும் கொஞ்சம் வேறு குரலில் பேசத்தான் வேண்டும். புலிகள் தோல்வியுற்றுள்ள நிலையில் அவர்கள் பேரால் இனிமேல் எதுவும் நடக்காது என்பதை உணர்ந்து வேறு வழிகளில் போராடினால்தான் ஈழக் கனவு அழியாமல் இருக்கும்.

உங்கள் பதிவில் இருக்கும் பிரபாகரன் பற்றிய கருத்துக்களை நான் ஒப்புக் கொள்ளாவிட்டாலும், உங்கள் உணர்வுகளை மதித்து ஒதுங்கிக் கொள்கிறேன்.

வணக்கம் வித்தகன்.

(திருவாளர்கள் தமிழ் நிலா ரதி. நான் உங்களைப் போல் புலிகளைக் கொண்டாட மாட்டேன். புலிகளைத் தியாகிகள் என்று புகழ்ந்தால்தான் இலங்கைத் தமிழர்களின் நலனில் அக்கறை உள்ளவன் என்ற மூளைச் சலவை செய்யப் பட்ட கருத்துக்களை மதிக்க மாட்டேன். எக்காரணம் கொண்டும் புலி ஆதரவு அரசியல் வாதிகளுக்கு இடம் கொடுக்க மாட்டேன்.

நாங்கள் அல்லது யாராவது வந்து கேட்டார்களா உங்களிடம் புலிகளைக் தூக்கிவைத்து கொண்டாடுங்கள் என்று.ஐயா பெரியவரே மக்களின் ஆதரவு இல்லாமல் புலிகளால் எவ்வளவு காலம் செயற்பட்டிருக்க முடியும்?நீங்கள் சொல்லலாம் புலிகள் ஆயுத முனையில் மக்களை அடக்கி வைத்திருந்தார்கள் என்று! மக்கள் சக்தியை எதிற்து புலிகளால் நிற்கமுடியமா? ஓன்றை மட்டும் விளங்கிக் கொள்ளுங்கள் மக்களால் மக்களுக்காக மக்களில் இருந்து தோன்றியவர்கள் தான் புலிகள்.

(இந்தியா என்ற ஜனநாயக நாட்டை தண்டிக்க ஆயுதம் தாங்கிய இந்த முரட்டுக் கூட்டத்திற்கு எந்தத் தகுதியும் இல்லை.)
யனநாயகம்
இந்தியாவிற்கு வெளியில் இருப்பவர்களை விடுங்கள்.ஏன் ஐயா நீங்களே சொல்லுங்கள் இந்தியா யனனாயக நடா?!!!!!!!!!!உங்கள் நாட்டின் தெருக்களில் மாலை 6 மணிக்குப் பிறகு ஓர் இளம் பெண் தனியாக நடந்துபோக முடியுமா ஐயா?!!! கயவர் காடயர்களை விடுங்கள் உங்கள் நாட்டின் காவல்துறையே கடித்துக் குதறி விடுவார்களே தனியாகப் போகும் பெண்களை.ஓருவேளை இதுதான் உங்கள் யனநாயகமோ?!!!!!!

ஓன்றைப்பற்றி எழுதுமுன் தெளிவாக தெரிந்துகொண்டு எழுத வேண்டும்.
புலிகள் கேட்டது மக்களை காப்பாற்றச் சொல்லியே அன்றி தங்களை காப்பாற்றும்படி இல்லை.நேராக மோதமுடியாமல் சிங்களவனின் சேலைக்குப் பின்னால் ஒளித்திருந்து போரை நடத்தியதே இந்தியாதான் என்று உலகத்துக்கே தெரியுமே உங்களுக்கு தெரியாதா?

மன்னிப்பு

(இந்தியாவின் காலைப் பிடித்து உயிர்ப் பிச்சை கேட்டுக் கெஞ்சும் போது இந்த தண்டிக்கும் திமிர் எங்கே போச்சாம்? எப்போது உயிர்ப்பிச்சை கேட்டார்கள் என்று கேள்வி கேட்காதீர்கள். பிரபாகரன் கொல்லப் படும் வரை தினசரி புதினத்திலும் தமிழ் நெட்டிலும் அய்யா சாமி காப்பாத்துங்க கதறல் காதைக் கிழித்துக் கொண்டிருந்தது. அப்போது இந்தியா முகத்தைத் திருப்பிக் கொண்டது சரிதான் என்று இந்த அகங்காரமான (அதுவும் தோற்றுப் போன கூட்டத்தின் அகங்காரம்) வசனம் மீண்டும் நிரூபிக்கிறது. பயங்கரவாதிகள் வேட்டையாடப் பட்டதை தியாகம் வீர மரணம் என்று கூவிக் கூவி விற்காதீர்கள். ஒருவரும் வாங்க மாட்டார்கள்.)

இதிலிருந்தே உங்கள் தமிழ் எதிர்பு தெரிகிறது.நீங்களே காட்டிவிட்டீர்கள்.
புலிகள் தோற்பதுவும் தமிழன் தோற்பதுவும் ஒன்றுதான்.50 ருபாவுக்காக வாக்குரிமையை விற்பவர்களிடம் உணற்சியை ஈழத்தமிழன் எதிர்பார்த்தது பிழைதான் அன்பரே! பயங்கவாதமென்றால் என்னவென்று தெரியுமா உங்களுக்கு?
எங்கள் மண்ணில் உங்கள் ராணுவம் செய்ததே அட்டுளியங்கள்.பெண்ணை தெய்வமாக வணங்குறோம் என்று சொல்லும் உங்கள் நாடு எங்களின் பெண்களை ஏன்10 12 வயதுச் சிறுமிகைளைக் கூட காமவெறிகொண்டு சின்னாபின்னப் படுத்தினீங்களே எங்கள் மக்களை தார் வீதியில் படுக்கவைத்து யுத்தடாங்கியை உடல்மேல் ஏற்றிக் கொண்டீர்ககே? புலிகளுடன் மேதமுடியாமல் அப்பாவி மக்களை வயது பால் வேறுபாடின்றி கொன்றுகுவித்தீங்ககே இதுதான் பயங்கரவாதம் இவ்வளவையும் நீங்கள் செய்ய நாங்கள் கை கட்டி வாய் பொத்தி நிற்கவேண்டுமா? ஊங்களை மாதிரி 5க்கும் 10 க்கும் சோரம் போவபன் இல்லை ஈழத்தமிழன்.யானநாயகம் என்று வாய்கிழிய கத்துகிறீர்களே நேற்று உங்களிக் மந்திரி சிவசங்கர் மேனன் சொல்லுகிறார் இலங்கை எடுக்கும் எல்லா முடிவுகளையும் இந்தியா ஆதரிக்குமாம்.வெட்கக்கேடு அரைவாசி உலகநாடுகளும் உலகின் ஒட்டுமொத்த மனித உரிமை அமைப்பக்களும் சொல்லுகின்றன வன்னியில் பாரிய இன அழிப்பு நடைபெற்றது ஓர் நீதியான விசாரணை வேண்டும் வன்னியில் தடுத்து வைக்கப்பட்டுள்ள 300000 மக்களும் விடுதலை செய்யப்பட்டு அவரவர் இடங்களுக்கு சென்று குடியேற அனுமதிக்கப்பட வேண்டும் என்று.இதற்கு சிறிலற்கா சொல்கிறது முடியாது என்று இதையும் இந்தியா ஆதரிக்குமாம். ஆதரித்துத் தானே ஆக வேண்டும்.மக்கள் வெளியே வந்தால் இந்தியாவின் நடவடிக்கைகள் வன்னியில் மீண்டும் செய்த கொடுமைகள் எல்லாம் வெளி உலகத்திற்கு வந்துவிடுமே? இந்தப்பயம் தான் இந்தியாவுக்கும் வேறு சில அறிவாளிகளுக்கும்.

(இப்போது புலிகளைப் புதைத்த இடத்தில் புல் முளைத்து விட்டது. அந்த புல்லையும் எரித்து விடுவதுதான் உலகத்துக்கு குறிப்பாக இலங்கைத் தமிழருக்கு நல்லது.)

புலிகளை நன்கு அறிந்தவர்களுக்கு தெரியும் புலி எப்படியானது என்று. இன்று காலத்தின் கட்டாயத்தில் சிலவற்றை சொல்ல முடியவில்லை. இப்போது நேரம் உங்களுக்கானது புலிகளினதும் ஈழத்தமிழன்னதும் அழிவில் நீங்கள் மகிழும் காலம். எதிரிகளையும் துரோகிகளையும் தமிழனுக்கு புலிகள் இல்லையேல் என்ன நடக்கும் என்பதையும் உலகத்திக் கண்முன்னே அடையாளம் காட்டும் எங்களின் காலமுங்கூட.

நிச்சயம் எமக்கு அவலத்தை தந்தவனுக்கு அது யாராக இருந்தாலும் அவலத்தை திருப்பிக் கொடுப்போம்.

செந்தில் அண்ணா தொடர்ந்து உங்கள் கருத்துக்களை வரலாறு தெரியாதவர்களுக்காக எழுதுங்கள்.

நன்றி
அன்புடன்
தமிழ்நிலா

அப்பாவி மக்களுக்கு ஏற்படும் துயரங்கள், அவர்கள் எந்த ஊராக, இனமாக, மொழியாக இருந்தாலும், அவை மனிதாபிமானமுள்ள எவரையும் தாக்கியே தீரும். அதிலும் இலங்கையில் பாதிக்கப்பட்டவர்கள் தமிழர்கள் எனும் போது அது இந்தியத் தமிழர்களுக்கு அதிகமாகவே வேதனை தருவது இயல்பு.

என் புலி எதிர்ப்பை நீங்கள் தமிழ்துரோகம் என்று சொல்வது உங்கள் மூடிய மனநிலையைத்தான் காட்டுகிறது. நான் எத்தனை முறை ஈழத் தமிழர்கள் குறித்த என் மனப்பாரத்தை சொன்னாலும் என் தமிழ் உணர்வை நிரூபிக்க புலி ஆதரவு மட்டும்தான் உங்களுக்கு வேண்டியிருக்கிறது. அது நடக்காது. தமிழர்களை இழித்துப் பேசவும் மாட்டேன். புலிகளை உயர்த்திப் பேசவும் மாட்டேன்.

இந்தியாவை ஒதுக்கி விட்டு, ஒரு வன்முறை இயக்கத்திற்கு ஆதரவு கேட்டு இலங்கைத் தமிழர்களுக்குத் தொடர்ந்து வேதனை கொடுக்காமல் இருக்கும் முதிர்ச்சி பெரும்பாலான இந்தியத் தமிழர்களுக்கு இருக்கும் என்று எதிர்பார்க்கிறேன். இதனால் ஈழத் தமிழர்களின் நலனிலும் உரிமைகளிலும் எங்களுக்கு அக்கறை இல்லாமல் போய் விடவில்லை என்றும் உலகிற்குப் புரியும் என்று எண்ணுகிறேன். உங்களுக்கும் இந்த வித்தியாசம் புரிந்தால் நல்லது.

ஜனநாயகத்திற்கும் நீங்கள் சொல்லியிருக்கும் சட்டம் ஒழுங்கு பற்றிய கருத்துக்களுக்கும் (பெண்களின் பாதுகாப்பு, காவல் துறையின் காட்டு மிராண்டித்தனம்) நேரடி சம்பந்தம் இல்லை. நண்பர் செந்திலை மற்றவர்களுக்கு வரலாறு சொல்லிக்கொடுக்க நீங்கள் கேட்டுக் கொண்டிருப்பதுபோல், நீங்கள் ஜனநாயகத்தைக் கற்றுக் கொள்ளவும் ஒரு நல்ல ஆசிரியரைத் தேடுங்கள். உங்களைப் போன்ற அழியாத இன உணர்வுள்ள இளைய தலைமுறை எதிர்காலத்தில் ஈழத்தை வென்றால், மற்றவர்களைப் பழிவாங்கும் வேலையை விடுத்து, தமிழர்களை ஆள்பவர்களை தமிழர்களே தேர்ந்தெடுக்கும் நிலை வர அது கண்டிப்பாக உதவும்.

//மன்னிக்கவும் நான் வித்தகன் என்கின்ற புலி+ஈழ எதிர்ப்பாளர் ஒருவருடன் பிரியோசனமே இல்லாத கருத்தாடலில் இருந்ததால் நீங்கள் எழுதியவற்றை கருத்திலெடுக்கத் தவறி விட்டேன்.//

என்னைப் போயி ஈழ எதிர்ப்பாளன் என்பது உங்கள் புரிதலின் குறைபாடு. நான் புலி எதிர்ப்பாளன். ஈழ ஆதரவாளன். இதைப் புரிந்து கொள்ள முடியவில்லையென்றால் விட்டு விடுங்கள். நீங்கள் யாருடன் பிரயோசனமான கருத்தாடல் நடத்துகிறீர்கள் என்று பார்க்க விரும்புகிறேன்..

//சுயநலமில்லாது மக்களையும் நாட்டையும் நேசிக்கும் ஓர் சிறந்த தலைவர் உங்களுக்கு கிடைத்திருந்தால் உங்களின் நிலமை இன்று எப்படி இருக்குமென எண்ணிப் பார்க்கின்றோம்.//

நானும் பிரபாகரனைப் போன்ற தற்குறியான வன்முறையாளர் உங்களுக்குத் தலைவராக தன்னைத்தானே ஆக்கிக் கொள்ளாமல் இருந்திருந்தால் எப்படி இருக்கும் என்று எண்ணிப் பார்க்கிறேன். நான் செந்திலிடமும், ரதியிடமும் கூறியது போல ஈழத்தமிழர்களின் பிரச்சினை எனது பிரச்சினையும்தான். ஆனால் புலி ஆதரவு காட்டித்தான் என் உண்ர்வை நிரூபிக்க வேண்டுமென்ற மூளைச்சலவை செய்யப்பட்டவர்களின் கருத்துக்களை மதிக்க மாட்டேன். இனிமேல் உங்களிடம் பேச எதுவும் இல்லை. ஈழ மக்களுக்கு என்னால் ஆனதை செய்வேன். அதற்கு யார் அனுமதியும் தேவையில்லை.

வணக்கம் வித்தகன்.
உண்மைகளை உங்களால் மட்டுமல்ல எவராலும் மறைக்க முடியாது.நீங்கள் நினைப்பதெல்லாம் உண்மையாகவும் முடியாது.
ஏன் அருமைச் சகோதரி ரதி அவர்கள் சொன்னதையே நானும் திரும்பவும் சொல்லுகிறேன்.

(ஒன்றைப் புரிந்து கொள்ளுங்கள். உங்களுக்கு இந்தியா, அதன் தலைவர்கள் மீது எவ்வளவு பாசமும் பற்றும் உள்ளதோ; அதேயளவுக்கு எனக்கும் என் மண், என் மக்கள், என் இனவிடுதலைக்காக போராடும் புலிகள் மீது பாசமும் பற்றும் உள்ளது. நீங்கள் எழுதியதை படித்ததிலிருந்து நான் புரிந்து கொண்டது, உங்களுக்கு தமிழ்நாடு இந்தியாவை விட்டு பிரிந்து விடுமோ என்ற பயம் இருப்பதாக எனக்கு தோன்றுகிறது. அதற்கு புலிகளையும் ஐயா பழ நெடுமாறன் போன்றோரையும் காரணகர்த்தாக்களாக்கி உங்கள் பயத்தை வெளிப்படுத்துகிறீர்கள்)

நான் யனநாயகததைப் பற்றி தவறாக அறிந்து வைத்திருக்கலாம்.எனக்கு யனனாயகம் கற்றுத் தந்த ஆசிரியர் தவறு செய்திருக்கலாம்.தவறை தவறு என்று நான் ஏற்றுக் கொள்கிறேன்.ஆனால் உங்களுக்கு புலி எதிர்பு சொல்லிக் கொடுத்த உங்களின் ஆசிரியர் உண்மையை உண்மை என்று ஏற்க வேண்டும் என்று சொல்லித் தரவில்லை என்று விளங்குகிறது.
யாரையும் பழிவாங்கும் எண்ணம் ஈழத்தமிழனுக்கு இல்லை என்பதை புரிந்து கொள்ளுங்கள்.யார் யாரைப் பழிவாங்கியது என்று நீங்கள் வரலாற்றை புரட்டத் தேவை இல்லை. ஓரிரண்டு ஆண்டுகள் பின்னோக்கிப் போங்கள் உங்களுக்கு தெரியும்.
ஈழத்தில் போய் மக்களுக்கு உதவிசெய்யப் போவதாக கூறிஉள்ளீர்கள்.மிக்க மகிழ்ச்சி சகோதரா!அங்கே போக முன்பு உங்களால் முடிந்தால் யாரால் இந்த மக்களுக்கு இவ்வாறானதொரு நிலை ஏற்பட்டது! யாரால் ஏதுமறியா அப்பாவிச் சிறுவர்கள் அனாதைகள் ஆக்கப் பட்டார்கள் யார் இவர்களை நம்பவைத்து முதுகில் குற்றியது என்று சிந்தித்துப் பாருங்கள்.
என்போன்ற இளையவர்கள் நிச்சயம் ஈழம் வென்றெடுப்பார்கள்.வரலாறு நிச்சயமாக தனித் தமிழ் ஈழத்தை விரைவில் பிரசவிக்கும் தயவுசெய்து உங்கள் நாடு உதவி செய்யாவிட்டாலும் பறவாஇல்லை தயவு செய்து உபத்திரவம் செய்யாமல் பார்த்துக் கொள்ளுங்கள் இதுவே நீங்கள் எங்களுக்கு செய்யும் பேருதவியாக இருக்கும்.

மற்றும்படி உங்களுக்கும் எனக்கும் தனிப்பட்ட விரோதங்கள் ஏதும் இல்லை கொள்கைகளிலேயே முரண்பட்டு நிற்கிறோம். கடுமையான வார்த்தைகளை நான் பயன்படுத்தி உங்கள் மனம் நோகும்படி எழுதி இருந்தால் தயவுசெய்து மன்னித்துக் கொள்ளுங்கள்.

அன்புடன்
தமிழ்நிலா

தமிழ்நிலாவின் கண்ணியமான இந்த வார்த்தைகளுடனேயே இந்த கருத்துப் பறிமாற்றத்தை தற்காலிகமாக நிறுத்திக் கொள்கிறேன். இந்தப் பதிவைப் படிக்கும் போது நான் உணர்ச்சி வேகத்தில் தவற விட்ட ஒரு விஷயம் உறுத்துகிறது. தமிழ்நிலாவும், ரதியும் ஒருவேளை பெண்களாக இருப்பார்களோ அதை நான் கவனிக்க விட்டு விட்டேனோ என்று தோன்றுகிறது. அபப்டி இருக்கும் பட்சத்தில் நான் இன்னமும் கூட வேகம் குறைத்துப் பேசியிருக்க வேண்டுமோ என்று எண்ணுகிறேன். அவர்கள் ஆண்கள் என்ற எண்ணத்தில் என் வார்த்தைகள் அமைந்து விட்டன். மனம் கோணும் வார்த்தைகள் என்னிடமிருந்து வந்திருந்தாலும் இந்த இந்தியத் தமிழ் அண்ணனை அவர்கள் மன்னித்து விடுவார்கள் என்று நம்புகிறேன்.

தோழர் வித்தகன் அவர்களே,

கடைசியாக உங்களுக்கு ஒன்றை தெரியப்படுத்திக்கொள்கிறேன்.

//ஹமாஸ், சக பாலஸ்தீன விடுதலைக் குழுக்களைக் குறி வைத்து அழித்தது இல்லை. அமைதி வழியில் பாலஸ்தீனம் கேட்டுப் போராடுபவர்களைக் கொன்று ஒழித்ததில்லை.//

இலங்கையில் அரசு ஆதரவு பெற்ற ஆயுதக் குழு ஒன்று சிங்கள பேரினவாதிகளோடு சேர்ந்து கொண்டு தமிழர்கள் மீது நடத்திய இனப்படுகொலைகளில் பற்றி நீங்கள் அறிந்திருக்க வாய்ப்பில்லை என நினைக்கிறேன். அங்கு நிகழ்ந்த படுகொலைகள் அனைத்தையும் புலிகள்தான் செய்தனர் என்ற அரசின் தவறான பரப்புரைகளை மட்டும் வைத்து நீங்கள் இப்படி கூறுகிறீர்கள் என நினைக்கிறேன்.

இலங்கையில் IPKF முதன்முதலில் கால் வைத்தபோது இந்திய வீரர்கள் சீல் உடைக்கப்படாத AK-47 ரக துப்பாக்கிகள் மற்றும் ஆயுதங்களை புலிகள் அல்லாத பிற போராளிக் குழுக்களுக்கு வினியோகித்தார்கள். இந்தியப் படைகளை இலங்கைக்கு அனுப்பி வைத்துவிட்டு மறைமுகமாக ‘RAW’ அமைப்பினர் தமிழர்கள் பகுதிகளில் உளவு பார்த்தனர். மற்ற போராளிக் குழுக்களுக்கும் புலிகளுக்கும் இடையே மோதல் ஏற்படக் காரணமாக இருந்ததே IPKF வீரர்கள்தான். மற்றும் 1987 ஆம் ஆண்டு பிரபாகரனை கொலை செய்ய உத்தரவிட்டவர் ராஜீவ்காந்தி. இதை நான் கூறவில்லை. இந்திய அமைதிப்படைக்கு தலைமை ஏற்றுச் சென்ற திரு ஹர்கிரத் சிங் அவர்கள் தான் எழுதிய ‘Intervention in Sri Lanka: The IPKF experience retold’ எனும் புத்தகத்தில் இதை குறிப்பிட்டுள்ளார்.

உங்களுக்காக அந்த புத்தகத்தில் கூறிய சிலவற்றை கீழே தந்திருக்கிறேன்.

“The Tigers continued to surrender their weapons till 21 August 1987. At this point of time, RAW, under directions from the Prime Minister’s Office, commenced the rearming of the other militant groups. Evidence regarding the rearming of some defunct militant groups was brought to the notice of all concerned, including the Indian High Commissioner [J. N. Dixit]. I had shown the High Commissioner and his Military Adviser inColombo a videotape on the induction of small arms with Indian markings. The rearming of militant groups other than the LTTE resulted in inter-group killings among the Tamil militants and the surrender of weapons came to a virtual standstill by the end of August 1987.” [p47-48]

“Dixit wanted my assessment of the various militant groups that had become
defunct and had now suddenly become active again. I explained that the ENDLF, PLOTE, and TELO had been lying dormant and it was only after the middle of
August 1987 that they had re-surfaced with newly acquired arms. … Moreover, the LTTE knew that RAW had an active hand in encouraging these groups.” [p49-50]

“According to Dixit, the ultimate objective of the IPKF was to discredit the LTTE in the eyes of the local Tamil population. In short, the IPKF was expected to play a double game. I realized that these tactics would not work since the Tamils had already understood that their aspirations for Eelam could be met only by the LTTE.”[p48-49]

“[Later] the EPRLF, prior to the withdrawal of the IPKF, was equipped with rifles under orders from Lt. Gen. A.S. Kalkat, it was not realized that the EPRLF cadres had no fighting potential and handing weapons to this group was an ill-advised
venture.” [p50]

“In September 1987, a political dialogue between the LLTE and an Indian delegation took place at Palaly and a peaceful solution seemed to be in sight. The creation of the [Interim Administration Council] was to be thrashed out. The date set for the meeting to be held at my headquarters at Palaly and chaired by Dixit, was 16-17 September 1987.” [p57]

“On the night of 14/15 September 1987, I received a telephone call from Dixit,
directing me to arrest or shoot Pirabakaran when he came for the meeting. Telling Dixit that I would get back to him I placed a call to the [Overall Forces
Commander]. Lt. Gen. Depinder Singh.” [p57]

“Lt. Gen. Depinder Singh directed me to tell Dixit that we, as an orthodox Army, did not shoot people in the back when they were coming for a meeting under the white flag. I then spoke to Dixit in Colombo and conveyed the message emphasizing that I would not obey his directive.” [p57]

“I pointed out that the LTTE supremo had been invited by the IPKF in order to find a solution to the problems in the implementation of the Accord. Dixit replied, ‘He Rajiv Gandhi has given these instructions to me and the Army should not drag its feet, and you as the GOC, IPKF will be responsible for it.’” [p57]

//பாலஸ்தீனத்திலேயே உள்ள பிற இனத்தவரை (ஈழத்தில் இருந்த முஸ்லீம்கள் போல) அவர்கள் வாழும் இடத்திலிருந்து விரட்டவில்லை.//

முஸ்லீம்கள் வெளியேறியதில் இலங்கை அரசின் சூழ்ச்சிகளைப் பற்றி நீங்கள் தெரிந்திருக்க வாய்ப்பில்லை என நினைக்கிறன்.

இந்த விவாதத்தை ஏற்படுத்திக் கொடுத்த ‘வினவு’ இணையதளத்திற்கு என்னுடைய நன்றிகள். மீண்டும் விவாதிப்போம்.

உங்கள் தோழர் செந்தில்.

ஆர்கே,

எதையும் படிக்கவே மாட்டீர்களா? அதுதான் excerpt எடுத்து கொடுத்திருக்கிறேனே, அதையாவது படித்து தொலைக்கலாமே!

// இந்து வெறி பார்ப்பன பாசிசத்துக்கு எதிராகவும் //
மதத்தால் பாகுபாடு பார்க்கவில்லை என்றால் மத வெறி என்று எழுத வேண்டியதுதானே? அது என்ன இந்து வெறி? இல்லை மத வெறி ஹிந்துக்களிடம் மட்டும்தான் இருக்கிறதா? இந்த மாதிரி சின்ன விஷயம் கூட சொன்னால்தான் உங்களுக்கு உறைக்குமா? ஜாதி பாகுபாடு பார்க்கவில்லை என்றால் ஜாதீய பாசிசம் என்று எழ்துத வேண்டியதுதானே? தேவரிய பாசிசம் என்று குறிப்பிட்டு எழுதி நான் இது வரை பார்த்ததில்லை. பாசிசம் என்று எழுதுவதில்லை, எப்போதும் பார்ப்பன பாசிசம்தான். அம்பி என்றுதான் எழுதுவார், துலுக்கன் என்று எழுதிவிடுவாரா? இல்லை இது வரை எழுதி இருக்கிறாரா? அதுதான் கேனத்தனம். இதை நான் எடுத்து சொல்ல வேண்டி இருக்கிறது பாருங்கள், அது இன்னும் மோசமான கேனத்தனம்.

இந்த மாதிரி மடத்தனமாக படிக்காமல் எழுதாதீர்கள்.

தூங்குபவர் போல் நடிப்பவர்களை எழுப்பவே முடியாது 🙁

ம.க.இ.க, இந்தியாவில் – அதுவும் தமிழ்நாட்டில் செயல்படும் ஒரு அமைப்பு என்பது எல்லோருக்கும் தெரியும். இங்கே எந்த மதவெறி முன்னனியில் நின்று மக்களை ஒடுக்குகிறது ? இங்கே இஸ்லாம் மதவெறி என்பது கூட இந்து மதவெறியின் ஒரு எதிர்விளைவு தான்!

காசுமீரத்தில் ஆரம்பத்தில் இனவிடுதலைப் போராகத் துவங்கிய போராட்டம் பாபர் மசூதி இடிப்பிற்குப் பின் தானே மதச் சாயல் பூசிக் கொண்டது. பாபர் மசூதி இடிப்பிற்கு முன் தாயாய் பிள்ளையாய் பழகிய மக்களை எந்த மதவெறி இரண்டாய் வெட்டிப் பிளந்தது? நாட்டை ஆளும் நிலைக்கு செல்வாக்குடன் இருப்பது இந்து பாசிச பா.ஜ.கவா? இல்லை முசுலிம் அடிப்படைவாத கட்சிகளா? நாட்டை தன் ஆளுகைக்குள் எடுத்துக் கொள்ளும் அளவு ஒரு விஷ விருட்சமாய் வளர்ந்து ஒரு பாசிச அரசியல் சித்தாந்தம் இந்து மதவெறி சித்தாந்தம் தானே?

அப்படி இருக்க, இந்து மதவெறி பாசிசம் என்று எழுதினால் ஏன் உங்களுக்கு பொத்துக் கொண்டு வருகிறது? ம.க.இ.க பாகிஸ்தானிலோ ஆப்கனிலோ இயங்கியிருக்குமானால் முசுலிம் மதவெறி பாசிசம் என்று எழுதலாம்.

மற்றபடி இந்தக் கட்டுரை ஈழம் குறித்ததாக இருப்பதால் இப்போதைக்கு நான் இந்த அம்சத்தில் வாதாடுவதை நிறுத்திக் கொள்கிறேன்.

நம்பி.பா.,

இந்து வெறி, பார்ப்பன பாசிசம் போன்ற சொற்றொடர்கள் உங்களுக்கு சரியாக பட்டால் – மத வெறி என்று எழுதாமல் இந்து வெறி என்று எழுதுவதும், ஜாதி வெறிக்கு பார்ப்பன பாசிசம் என்று பெயர் வைப்பது (கூடிய சீக்கிரம் முஸ்ஸொலிநியெ பார்ப்பன பாசிஸ்ட் ஆகிவிடுவார் என்று நினைக்கிறேன்) சரியாக தோன்றினால் – நாம் இதை பற்றி எல்லாம் பேசுவதில் பயனில்லை.

மிக தவறான இந்த் சொற்பிரயோகங்களை பார்த்த பிறகு மேலே படிக்கும் மூட் போய்விட்டது. என்றாவது படித்தால் என் கருத்துகளை எழுதுகிறேன்.

புலிகள் தான் ஈழ தமிழர்களை பாதுகாக்கிறார்கள் என்ற பொய் பிரசாரம் தமிழ்நாட்டில் கலக்கி கொண்டிருந்தது. அந்த நிலையில் வணிக மற்றும் பிழைப்பு நோக்குக்காக மட்டுமே செயல் பட ஆனந்த விகடன் ,நக்கீரன் ,அனிதா பிரதாப் போன்றவர்கள் செயல் பட்டனர். லாபமும் அடைந்து இருக்கலாம்.ஆனால் சோ மற்றும் இந்து ராம் ஆரம்பத்தில் இருந்தே புலிகளை பற்றி எச்சரிக்கை செய்தனர். இரயாகரன்,சிறிரங்கன் , சோபா சக்தி வரிசையில் அவர்களையும் சேர்க்கிறேன் . வைகோ, திருமாவளவன் ,நொடுமாறன், பாரதிராசா வரிசையில் தான் வினவையும் சேர்க்கிறேன். நன்றி நம்பி.பா

TSri, நீ இப்படியே நண்பன் யார் எதிரி யார் என புரியாமல் உளரிக்கொட்டு உன்னைய நான் மென்டல் ஆஸ்பிடலில் சேர்க்கிறேன் 🙂

கலகம்,

//விமர்சனம் என்பதே கூடாததாகிவிட்டதா உங்களுக்கு?//

விமர்சனத்திற்கு நானோ அல்லது செந்திலோ எதிரானவர்கள‌ல்ல . (மன்னிக்கவும் செந்தில் எங்கள் இருவருக்கும் ஒரே கருத்துள்ளது என்ற நம்பிக்கையில் சொல்லிவிட்டேன்)

ஆனால், புலிகள் பற்றிய விமர்சனம் அவர்களின் இயல்புநிலைகளில், அவர்களின் போராட்டத்திற்கு சாதகமான, மற்றும் பாதகமான சூழ்நிலையில் வைத்து விமர்சிக்கப்படாம‌ல், ஏதொ “இசம்” என்ற வெளிச்சத்தின் கீழ் விமர்சிக்கப்படுவதாக எனக்கு தோன்றுகிறது. லெனின், கார்ள் மார்கஸ், மற்றும் பலரின் கொள்கைளால் கவரப்ப்ட்டு சமூகப்புரட்சி செய்ய புறப்பட்டவர்கள‌ல்ல புலிகள். எங்கள் உயிர்கள், மானம், உறவுகள், கல்வி, உடமைகள், வாழ்வாதாரங்கள், வாழ்விடங்கள், அமைதி, சந்தோசம் என்று சகலமும் சிங்கள பேரினவாதிகளாலும் ராணுவகாடையர்களாலும் வன்முறையால் குழிதோண்டிப் புதைக்கபட்ட பின்னர்தான் புலிகள் இயக்கம் உருப்பெற்றது, உயிர்பெற்றது. அவர்களின் ஈடிணையற்ற தியாகங்களால் தான் அந்த விடுதலை இயக்கம் ஈழத்தமிழர்களுக்கு எதிரான‌ சிங்கள பேரினவாததிற்கும், ராணுவத்திற்கும் எதிராக போரிட்டு அதன் இருப்பை நிலைநிறுத்திக்கொண்டது. அவர்களின் தோல்வி பற்றிய விமர்சனங்களில் அவர்களின் தியாகங்களும், இலட்சியமும் ஒன்றுமே இல்லாதது போல் விமர்சனத்திற்குள்ளாவது நியாயமல்ல.

புலிகளின் சரியான காய்நகர்த்தலால் தான் இன்று ஈழப்பிரச்சனை ஓரளவிற்காவது சரவதேசத்தின் கவனத்திற்கு வந்திருக்கிறது. புலிகள் பற்றி தனக்கு ஆயிரம் கருத்து முரண்பாடுகள் இருந்தாலும் முன்னாள் இலங்கைக்குரிய இந்திய உயர்ஸ்தானிகர் Dixit தன் Assingnment Colombo என்ற புத்தகத்தில் பிரபாகரனின் அரசியல் நகர்வுகளைப்பற்றியும், அவரின் ராணுவ அணுகுமுறைகளையும் சிறப்பாக பாராட்ட தவறவில்லை. அதே போல் என் பார்வையில் அன்ரன் பாலசிங்கம், அடேல் பாலசிங்கம் தவிர புலிகளை அவர்களது போராட்டத்திற்குரிய சாதகமான, பாதகமான காரணிகளின் அடிப்படையில் ஆராய்ந்து விமர்சித்தவர் இந்திய ஊடகவியலாளர் அனிதா பிரதாப் என்பவர் மட்டுமே. அவர் புலிகளைப்பற்றி பாதகமான கருத்துக்களை கூறினாலும் அதை புலிகளின் போராட்டப்பின்னணியுடன் சொல்வதனால் என்னால் ஏற்றுக்கொள்ள முடிகிறது.

மற்றப்படி புலிகள் பற்றிய “ஒப்பீட்டு விமர்சனங்கள்” என் போன்றவர்களை மாற்றுகருத்து எழுத தூண்டுவதில் ஒன்றும் தவறில்லையே?

சுருக்கமாக முடித்துக் கொள்கிறேன். இலங்கைக்கு சென்று முகாம்களில் பணியாற்ற விரும்புவது ஈழ விடுதலைக்காக என்று நான் நினைக்கவில்லை. இது மனித நேயம் சம்பந்தப்பட்டது. ஈழ விடுதலை தனி விஷயம்.

இரங்குவோன்,

//ரதி அவர்களே நீங்கள் யாருடைய உதவியும் இல்லையென ஏன் சொல்லுகிறீர்கள்? இந்தியம் என்பதையெல்லாம் பொருட்டென கருதாது, வாழ்க்கையை ஈழப்போராட்டத்தில் அர்ப்பணிக்க தயாராய் பலரிருக்கிறோம். //

ஒரு கோடி நன்றிகள் சகோதரரே. உங்களைப்போன்றவர்கள் தமிழ்நாட்டில் இருப்பதால் தான் என் போன்றவர்களால் இன்னும் வித்தகன் போன்றோர்களையும் தாண்டி தமிழ்நாட்டை நேசிக்க முடிகிறது. உங்களைபோன்றவர்கள் எங்களுக்காக குரல் கொடுக்க இருக்கிறீர்கள் என்பதே எங்களுக்கு யானை பலம். மீண்டும் என் நன்றிகள் சகோதரரே.

//என் போன்றவர்களால் இன்னும் வித்தகன் போன்றோர்களையும் தாண்டி தமிழ்நாட்டை நேசிக்க முடிகிறது. //

புலிகளுக்கு எதிரான கருத்து இருந்தாலே வெறுப்பீர்களா, ரதி? இணையத்திலேயே இப்படி என்றால் நிஜ உலகில் என்னை என்ன செய்து இருப்பீர்கள்? இப்படி ஒரே கட்சிதான் சரி மற்றவர்கள் ஒடுக்கப் படவேண்டும் என்ற எண்ணம் கொண்ட இயக்கம் ஆட்சி செய்யும் நாட்டில் எங்கிருந்து நிம்மதி கிடைத்திருக்கும்?

என் கருத்துக்களைச் சொன்னால் இப்படி வெறுப்பும் காழ்ப்புணர்ச்சியும்தான் பதிலுக்குக் கிடைக்கும் என்றால் எனக்கு உங்களிடம் பேசாமல் இருக்க முடியும். ஆனால், ஒன்று புரிந்து கொள்ளுங்கள். உங்கள் கருத்துக்கு ஆதரவாக மட்டுமே பேசுபவர்களோடு நீங்கள் பழகிக் கொண்டிருந்தால் எந்த ஒரு பிரச்சினையையும் பல் நோக்குப் பார்வையுடன் அணுகும் பழக்கமே போய்விடும்.

//இது மனித நேயம் சம்பந்தப்பட்டது. ஈழ விடுதலை தனி விஷயம்.//
மனித நேயம் என்று ஒன்று இருந்திருந்தால் இன்று ஈழத்தில் முகாம்களேனிருக்கிறது? ஈழ பிரச்சனையே ஏது? இலங்கையும், இந்தியாவும் பிள்ளையை கிள்ளிவிடும், தேசபக்த மனித நேய இந்தியர்கள் தொட்டிலை ஆட்டுவார்கள்.

சகோதரி ரதி!
//உங்களைபோன்றவர்கள் எங்களுக்காக குரல் கொடுக்க இருக்கிறீர்கள் என்பதே எங்களுக்கு யானை பலம். மீண்டும் என் நன்றிகள் சகோதரரே.
//
நன்றிகள் எங்களுக்கெதற்கு? இந்தியா செய்த, செய்யும் பாவத்திற்கு பிராயசித்தம் என்ற வகையிலும், ஒரேயினத்து உறவுகள் என்ற வகையிலும் இது எங்களின் கடமையல்லவா?
என்ன செய்து ஈழ விடுதலைக்கு தோள் கொடுக்க முடியும் என்று நீங்கள்தான் சொல்ல வேண்டும். என்னளவில் நான் ஈழ சகோதரர்களுடன் தொடர்பு கொள்ள முயன்று வருகிறேன்.

வித்தகன்,

ஒன்றைப் புரிந்து கொள்ளுங்கள். உங்களுக்கு இந்தியா, அதன் தலைவர்கள் மீது எவ்வளவு பாசமும் பற்றும் உள்ளதோ; அதேயளவுக்கு எனக்கும் என் மண், என் மக்கள், என் இனவிடுதலைக்காக போராடும் புலிகள் மீது பாசமும் பற்றும் உள்ளது. நீங்கள் எழுதியதை படித்ததிலிருந்து நான் புரிந்து கொண்டது, உங்களுக்கு தமிழ்நாடு இந்தியாவை விட்டு பிரிந்து விடுமோ என்ற பயம் இருப்பதாக எனக்கு தோன்றுகிறது. அதற்கு புலிகளையும் ஐயா பழ நெடுமாறன் போன்றோரையும் காரணகர்த்தாக்களாக்கி உங்கள் பயத்தை வெளிப்படுத்துகிறீர்கள். என் புரிதல் தவறென்றால் மன்னிக்கவும்.

உங்கள் மீது எனக்கு எந்த வெறுப்போ அல்லது காழ்ப்புணர்ச்சியோ கிடையாது. தமிழீழம் தமிழ்நாட்டுடன் இணைவது என்ற உங்கள் கூற்றுக்கு நான் என் பதிலில் “அறிவீனம், புத்தி பேதலித்துவிட்டது” என்ற சொற்களை பாவித்திருக்கிறேன். நான் அதை மறுக்கவில்லை. அது உங்கள் மீது எனக்கு காழ்ப்புண்ர்ச்சி உள்ளது என்பதல்ல. தமிழீழம் தமிழ்நாட்டுடன் இணைய நினைக்கிறது என்ற உங்களின் தவறான புரிதலின் மீது எனக்கு உண்டான கோபம். அதை வெளிப்படுத்த தான் நான் அந்த சொற்களை பாவிக்க வேண்டியதாகிவிட்டது. அதற்காக இப்போது வருந்துகிறேன்.

அடுத்து, நீங்கள் புலிகளை வெறுக்கிறீர்கள். அது உங்கள் சொந்த கருத்துரிமை. ஆனால், என் போன்றவர்களுக்கு நீங்கள் புலிகளை வெறுத்துக்கொண்டு ஈழத்தமிழர்களுக்கு உதவுவேன் என்பது கொஞ்சம் ஏற்க கடினமான விடயம். இது என் பார்வை மட்டும் தான். இதை வைத்து ஒட்டுமொத்த ஈழத்தமிழர்களும் இப்படித்தான் என்று பொதுமைப்படுத்தாதீர்கள். ஈழத்தமிழர்கள் மத்தியிலேயே புலிகளை வெறுக்கும் சிலர் இருக்கத்தான் செய்கிறார்கள். அவர்க‌ளில் சிலர் புலிகள் மீதுள்ள தனிப்பட்ட கோபத்தால் இலங்கை அரசுக்கு சாதகாமாக செயற்படும்போது என் போன்றவர்களின் மனம் ரணமாகிப்போகிறது. அந்த அனுபவம் தான் உங்கள் புலிகள் மீதானா கருத்துகள் மீதும் எனக்கு மனக்கசப்பை உருவாக்கிவிட்டதோ எனக்கு தெரியவில்லை.

மற்றப்படி, புலிகள் பற்றி எங்களுக்குள் எப்போதுமே கருத்து உடன்பாடு ஏற்படப்போவதில்லை.

ஆனாலும், என் உணர்வுகளை மதிக்கிறேன் என்று சொன்னதற்கு நன்றி. ஒருவர் உணர்வுகளை மற்றவ‌ர் மதிப்போம். தொடர்ந்தும் எங்கள் கருத்துகளை பரிமாறிக்கொள்வோம். என்னால் முடிந்த வரை “அறிவீனம், புத்தி பேதலித்துவிட்டது” என்ற வார்த்தைகளை பாவிக்காமல் பதில் எழுதுகிறேன்.

உங்கள் பதிவுக்கு நன்றி ரதி. என் பேச்சிலும் என்னை அறியாமல் உங்களைப் புண்படுத்தும் சொற்கள் வெளிப்பட்டிருந்தால் மன்னித்து விடுங்கள். உங்களோடு, ஈழத்தமிழர்களோடு, எத்தனையோ கருத்து வேறுபாடு வந்தாலும் உங்கள் வலியிலும் வேதனையிலும் கண்டிப்பாக ஒரு சிறு பங்கேனும் நானும் சுமப்பேன். தொடர்ந்து பேசுவோம். இத்தனை நீள நீளமான விவாதங்களை அனுமதித்த வினவிற்கு நன்றி.

இரங்குவோன்,

//வாழ்க்கையை ஈழப்போராட்டத்தில் அர்ப்பணிக்க தயாராய் பலரிருக்கிறோம்//

ஈழத்தமிழர்களுக்காக யாராவது ஒரு துரும்பை தூக்கி போட்டாலே ஓராயிரம் நன்றி சொல்லி பழக்கப்பட்ட ஈழத்தமிழன், வாழ்க்கையையே ஈழப்போராட்டத்திற்காக அர்ப்பணிக்கிறோம் என்றால் எப்படி நன்றி சொல்லாமல் இருக்க முடியும்.

//என்ன செய்து ஈழ விடுதலைக்கு தோள் கொடுக்க முடியும் என்று நீங்கள்தான் சொல்ல வேண்டும். என்னளவில் நான் ஈழ சகோதரர்களுடன் தொடர்பு கொள்ள முயன்று வருகிறேன்.//

எனக்கு எந்த அரசியல்வாதியிடமோ கொள்கைவகுப்பாளரிடமோ (இந்திய மற்றும் மேற்குலக) நம்பிக்கை கிடையாது. நான், ஈழத்தமிழர்களுக்கு உதவக்கூடியவர்கள் தமிழக உறவுகள் மட்டும்தான் என்ற அசைக்க முடியாத நம்பிக்கை உள்ளவள். தற்போது, தமிழக உறவுகள் அரசியல் மட்டங்களுக்கு கொடுக்கும் அழுத்தங்கள் தான் தமிழ்நாடு மற்றும் மத்தியில் உள்ள ஆட்சியாளர்கள் இலங்கை அரசுக்கு முண்டு கொடுப்பதை குறைக்கும் என்று நினைக்கிறேன். எங்கள் மீது ஏதாவது அரைகுறையான தீர்வுத்திட்டங்கள் திணிக்கப்படும்போது நிச்சயமாக அதில் இந்தியாவின் பங்கு இருக்கத்தான் செய்யும். இதைத்தான் நாங்கள் தடுக்க நினைக்கிறோம். இல‌ங்கை அரசின் எந்தவொரு அரைகுறை தீர்வுத்திட்டத்திற்கும் இந்தியா துணை போகாமல் உங்களால் முடிந்ததை செய்யுங்கள். வவுனியா இடைத்தங்கல்/வதை முகாம்களில் உள்ள எங்கள் உறவுகளை அங்கிருந்து மீட்க வேண்டும். அதற்கான எந்தவொரு செயற்பாடாக இருந்தாலும் சரி. இது தவிர குறிப்பிட்டு சொல்லும்படியாக ஏதாவதென்றால் நிச்சயமாக வினவு தளத்தின் மூலம் உங்கள் உதவியை நாடுவேன். நீங்கள் ஏதாவது பிரத்தியேகமாக இணையத்தளம் வைத்துள்ளீரகளா?

நான் புலம் பெயர்ந்து வாழும் ஈழத்தமிழ். இங்கேயுள்ள அமைப்புகளுடன் நீங்கள் தொடர்பு கொள்ள விரும்பினால் நான் சில இணையத்தள முகவரிகளை சிபாரிசு செய்வேன். எல்லாமே இந்த நாட்டு (கனடா) சட்டதிட்டங்களுக்கு உட்பட்டதுதான்.

வணக்கம் இரங்குவோன்

மன்னிக்கவும் நான் வித்தகன் என்கின்ற புலி+ஈழ எதிர்ப்பாளர் ஒருவருடன் பிரியோசனமே இல்லாத கருத்தாடலில் இருந்ததால் நீங்கள் எழுதியவற்றை கருத்திலெடுக்கத் தவறி விட்டேன்.

எமது உயிரோடும் உணர்வோடும் கலந்து விட்ட மக்களையும் மாவீரர்களையும் நாம் எவ்வாறு மதிக்கின்றோமோ அவ்வாறே தமிழகத் தமிழர்களாகிய உங்களையும் நாங்கள் மதிக்கின்றோம்.இதில் எவருக்கும் மாற்றுக் கருத்து தேவை இல்லை.அரசியல் வேறுபாடுகளைக் கடந்து தமிழால் ஒன்றிணைகின்றோம்.
சுயநலமில்லாது மக்களையும் நாட்டையும் நேசிக்கும் ஓர் சிறந்த தலைவர் உங்களுக்கு கிடைத்திருந்தால் உங்களின் நிலமை இன்று எப்படி இருக்குமென எண்ணிப் பார்க்கின்றோம்.

இன்று எங்களின் ஏக பிரதிநிதிகள் சிறிலங்கா இந்தியா கூட்டுச்சதியால் பின்னடைவை சந்தித்து நிற்கும் வேளை எமது மக்கள் ஓர் இனப்படுகொலையை சந்தித்து நிற்கும் வேளை இந்த சதிவலையில் இருந்து எம் மக்களை காப்பாற்றும் பாரிய பொறுப்பு இதய சுத்தியுள்ள மறத் தமிழர் எல்லோரினதும் கைகளிலே ஒப்படைக்கப் பட்டுள்ளது.உங்களை நாங்கள் இந்தியனாகப் பார்க்கவில்லை உயிராலும் உணர்வாலும் ஒன்றாக உள்ள தமிழனாய் அழைக்கிறோம்.எங்களோடு சேர்ந்து எங்களுக்காக போராடுங்கள். உங்களால் எமக்கு என்னென்ன வழிகளில் உதவமுடியுமோ உதவுங்கள். உண்மைத் தமிழராய் தமிழ் உணர்வுடன் உதவுங்கள்.தமிழ் மொழி தெரியும் என்ற ஒரே தகுதியை மட்டுமே நம்பி இன்று பலபேர் இந்தியாவிலும் குறிப்பாக தமிழ் நாட்டிலும் இலங்கையிலும் சர்வதேசத்திலும் தமிழ் மக்களையும் புலிகளையும் பிரிக்கும் நடவடிக்கைகளிலும் தவறான தகவல்களை ஈழத் தமிழர்கள் தொடர்பான தவறான கருத்துக்களை தமிழகத் தமிழ் மக்கள் குறிப்பாக சிறுவர்கள் மத்தியில் விதைத்து வருகின்றனர்.இவர்களை இனங்கண்டு ஒதுக்குங்கள். இன்றைய காலகட்டத்தில் இதுதான் நீங்கள் எங்களுக்கு செய்ய வேண்டியது.
உங்கள் போராட்டங்களில் தயவுசெய்து தீக்குளித்தல் போன்ற உயிர் இழப்புக்களை தவிர்த்துக் கொள்ளுங்கள்.உயிர் வலி என்னவென்று எங்களுக்கு நிறையவே தெரியும் இழப்புக்கள் எம்முடனேயே முடிவுக்கு வரட்டும்.ஈழத் தமிழன் இந்தியாவுக்கு எதிரியாய் என்றுமே இருந்ததில்லை என்பதை இந்தியாவுக்கும் உலகுக்கும் உரத்துச் சொல்லுங்கள்.
தொடர்ந்தும் இணைந்திருங்கள்

அன்புடன்
தமிழ்நிலா

தோழர் இரங்குவோன் மற்றும் வித்தகன் அவர்களுக்கு,

பாலஸ்தீன மக்களுக்காக ஆயுதம் ஏந்திப் போராடும் ‘ஹமாஸ்’ இயக்கத்தை அம்மக்கள் வாக்கெடுப்பின் மூலம் அது ஒரு விடுதலைப் போராட்ட இயக்கமே பயங்கரவாத இயக்கம் அல்ல என ஏற்றுக் கொண்டுள்ளனர். ஏன் ஹமாஸ் இயக்கம் இஸ்ரேல் மக்களை தாக்கவில்லையா? தாக்கினார்களே. பின்னர் ஏன் பாலஸ்தீன மக்கள் அவர்களை போற்றுகிறார்கள்.

அது போல ஈழத்திலும் இலங்கையின் மற்ற பகுதிகளில் வாழும் தமிழ் மக்களிடம் புலிகள் இயக்கம் பயங்கரவாத இயக்கமா அல்லது விடுதலை போராட்ட இயக்கமா என்று ஒரு வாக்கெடுப்பு நடைபெறட்டுமே. அதை விடுத்து இந்தியாவில் உள்ளவர்களிடம் கேட்டால் புலிகள் இயக்கம் ஒரு பயங்கரவாத இயக்கம் என்றுதான் சொல்வார்கள். ஏனென்றால் ராஜீவ் கொலையில் சம்மந்தப்பட்டு விட்டார்களே. அந்த ஒரே ஒரு காரணம்தான்.

இலங்கையில் நடைபெற்ற இனப்படுகொலைகள் மற்றும் அதை நடத்தியவர்கள் அதற்கு துணை போனவர்கள் பற்றி உண்மையை வெளிக்கொண்டுவந்த பத்திரிக்கை மற்றும் ஊடகவியலாளர்கள் இலங்கை அரசால் கொல்லப்பட்டது உங்களுக்கு நினைவிருக்கிறதா? அது தெரிந்தும் உங்களைப் போன்றவர்கள் இலங்கை அரசால் வெளியிடப்பட்ட மற்றும் வெளிவந்து கொண்டிருக்கும் செய்திகளை இன்றும் நம்பிக் கொண்டுருக்கிறீர்கள்.

நண்பர் செந்தில் அவர்களே! நான் இந்த விவாதத்தில் ரொம்பவே பேசி விட்டதாகத் தோன்றுகிறது. நீங்கள் என்னைக் குறிப்பிட்டு எழுதியிருப்பதால் பதில் சொல்லி விட்டு ஒதுங்கிக்கொள்கிறேன்.

//பாலஸ்தீன மக்களுக்காக ஆயுதம் ஏந்திப் போராடும் ‘ஹமாஸ்’ இயக்கத்தை அம்மக்கள் வாக்கெடுப்பின் மூலம் அது ஒரு விடுதலைப் போராட்ட இயக்கமே பயங்கரவாத இயக்கம் அல்ல என ஏற்றுக் கொண்டுள்ளனர். ஏன் ஹமாஸ் இயக்கம் இஸ்ரேல் மக்களை தாக்கவில்லையா? தாக்கினார்களே. பின்னர் ஏன் பாலஸ்தீன மக்கள் அவர்களை போற்றுகிறார்கள்.//

ஹமாஸ், சக பாலஸ்தீன விடுதலைக் குழுக்களைக் குறி வைத்து அழித்தது இல்லை. அமைதி வழியில் பாலஸ்தீனம் கேட்டுப் போராடுபவர்களைக் கொன்று ஒழித்ததில்லை. பாலஸ்தீனத்திலேயே உள்ள பிற இனத்தவரை (ஈழத்தில் இருந்த முஸ்லீம்கள் போல) அவர்கள் வாழும் இடத்திலிருந்து விரட்டவில்லை. பாலஸ்தீன மக்களையே இஸ்ரேலியப் படை தாக்கும் போது கேடயமாகப் பயன் படுத்தியதில்லை. எனவே பாலஸ்தீனியர்களே அவர்களை பயங்கரவாதிகள் என்று சொல்லும் நிலை வரவில்லை.

வித்தகன்,

வீணான விதண்டாவாதங்களால் இந்த தளத்தை நிரப்ப வேண்டாம் என்று நினைத்தேன். ஆனால் முடியவில்லை.

//ஹமாஸ், சக பாலஸ்தீன விடுதலைக் குழுக்களைக் குறி வைத்து அழித்தது இல்லை. அமைதி வழியில் பாலஸ்தீனம் கேட்டுப் போராடுபவர்களைக் கொன்று ஒழித்ததில்லை. //

அங்கே RAW என்ற இந்திய உளவு அமைப்பு இருந்திருக்காது. அது தான் காரணம்.

//ரதியும் ஒருவேளை பெண்களாக இருப்பார்களோ அதை நான் கவனிக்க விட்டு விட்டேனோ என்று தோன்றுகிறது.//

ஐயா வித்தகன், Gender மாற்றி வந்து கருத்து பதியவேண்டிய அவசியம் எனக்கு இல்லை. நான் ஒரு ஈழத்”தமிழச்சி”.

வினவு, இவ்வளவு நீண்ட விவாதங்களுக்கு களம் அமைத்து கொடுத்த உங்களுக்கு என் நன்றிகள் பல.

//ஐயா வித்தகன், Gender மாற்றி வந்து கருத்து பதியவேண்டிய அவசியம் எனக்கு இல்லை. நான் ஒரு ஈழத்”தமிழச்சி”.//

நல்லது சகோதரி ரதி அவ்ர்களே. இதை எதிர்காலத்திலும் நினைவில் கொள்கிறேன். உங்களுக்கு என் அன்பும், உங்கள் கருத்துக்களை சொன்னதற்கு என் மனமார்ந்த நன்றியும்.

நான் ஒரு ஈழத்”தமிழச்சி”. இனத் துவேஷி. நான் ஒரு மனிதப்பிறவியல்ல.

மனிதப்பிறவி இல்லாதவர‌ரோடு பேசும் நீங்கள் யார்? மனித‌ப்பிறவி அல்லாதவரா? ஏனய்யா துவேஷி என்று பெரிய வார்த்தை எல்லாம்?

சிந்திக்க வேண்டியது நீங்கள் தான் அன்பரே. இன்னும் எத்தனை காலம் புலிகள் சொன்ன பொய்களை பரப்புரை செய்வீர்கள்? இன்னும் எத்தனை காலம் தமிழரை ஏமாற்றுவீர்கள்?

செந்தில், புலிகள் சொல்லும் பொய்களை நம்பும் புத்தி பேதலித்தவர்கள் இருப்பதை ஒத்துக் கொள்கிறீர்கள். புலிகள் சொல்வது பொய் என்று காட்டிக்கொடுப்பதும் புலிகள் தான். இது தெரியாதா? கே.பி. துரோகியான கதை தெரியாதா? உங்களிடம் யாராவது இலங்கை அரசாங்கம் சொல்வதை நம்பியதாக சொன்னார்களா? நீங்களே கற்பனை செய்து கொள்கிறீர்கள்.

கடைசிக் கட்டத்தில் இலங்கை இராணுவத்திடம் சரணடைந்த புலித் தலைவர்களை (புதினம் செய்தி) தமிழினத் துரோகிகளை தலையில் தூக்கி வைத்துக் கொண்டாடுகிறீர்கள். வெட்கமில்லையா?

இதையும் படியுங்கள் செந்தில். நோர்வேயில் பணம் கொடுத்த மக்களை காட்டிக்கொடுக்கும் புலிகள்.

நோர்வே அரச தொலைக்காட்சியில் தமிழ் மக்களிடம் புலிகள் தொடர்பான கருத்துக்கள் பெறப்பட்டு ஒளிபரப்புச் செய்யப்பட்டு வருகின்றது. அந் நிகழ்வுகளின்போது முன்னாள் புலிகள் மற்றும் ஜனநாயகத்தை நேசிப்போர் பொதுமக்கள் என பலரும் கலந்து கொண்டு இத்தனை காலமும் புலிகள் மேற்கொண்டு வந்த அராஜகங்களை வெளிபடுத்திவருகின்றனர். பத்திரிகையாளர்களின் கேள்விக்கணைகளுக்கு முகம் கொடுக்கமுடியாத அவர்கள் தாம் பயங்கரவாதத்திற்கு உதவி புரிந்ததாக ஒத்துக்கொண்டுள்ளனர்.
நீங்கள் இலங்கையில் உள்ள தமிழ் மக்களின் நல்வாழ்விற்காக சேகரித்த பணத்தை புலிகளின் பயங்கரவாத செயற்பாடுகளுக்கு உபயோகிக்க உடந்தையாக இருந்துள்ளீர்களே என கேட்ட கேள்விக்கு பதிலளித்த அவர்கள், தாம் 30 வருடங்களாக மக்களிடம் தொலைபேசிகளுடாகவும் வங்கிகளுடாகவும் பணம் வசூலித்ததாகவும் அப்பணத்தில் ஒரு தொகுதி புலிகளுக்கான ஆயுதக் கொள்வனவிற்கு பயன்படுத்தப்பட்டதாகவும் கூறியதுடன், இவ்விடயத்தை மக்கள் நன்கறிந்திருந்தனர் எனக் கூறி பணத்தை வழங்கிய மக்கள் மீது குற்றத்தைச் சுமத்தினர்.

இப்பணத்தில் புலிகளுக்கு ஆயுதம் வாங்கியதான குற்றச்சாட்டு பொலிஸாரினால் எம்மீது சுமத்தப்படும் பட்சத்தில் இதற்கு உடந்தையாக இருந்த மக்களின் தகவல்களை பொலிஸாருக்கு வழங்கி அவர்களின் விசாரணகளுக்கு ஒத்துழைக்க நாம் தயாராக இருப்பதாகவும் அவர்கள் கூறினர்.

அடப்பாவி புதினத்திற்கே துரோகிப் பட்டமா? நீங்க எப்ப பிரபாகாரனுக்கு துரோகிப் பட்டம் கொடுக்க போறீங்க? செந்தில், உங்களுக்கு துரோகி பட்டம் கொடுக்க உங்கட புலி ஆட்களே காத்திட்டு இருக்காங்க.

//புலிகளுக்கு ஆதரவாக BBC வெளியிடும் செய்திகளே தவறானது என்று கூறியவர்தான் கோத்தபாய ராஜபக்சே என்பதை உங்களுக்கு நினைவுபடுத்திக் கொள்கிறேன்.//

BBC take a break இது புலிகளுக்கு ஆதரவாக ஆர்ப்பாட்டம் செய்த இளையோர் சொன்னது. இலங்கை அரசுக்கு ஆதரவாக செய்தி வெளியிடுவதாக உங்களைப் போல எத்தனையோ புலி ஆதரவாளர்கள் சொன்னதை நினைவு படுத்த விரும்புகிறேன். இல்லை என்று மறுக்காதீர்கள். BBC ஆதாரங்கள் இருக்கின்றன. அது எப்படீங்க? கோத்தபாய ராஜபக்சேயும் நீங்களும் ஒரே மாதிரி பேசுறீங்க?

Srinivasan,

// குடும்ப வறுமை காரணமாக” என்று கொச்சைப்படுத்திவிட்டீர்களே? ஆமாம், நாங்கள் ஏழைகள்தான். வறுமையில் உழல்பவர்கள்தான். கூலிள்கள்தான். ஆனால் எங்கோ வதைபடும் எம்மின மக்களை நினைத்து வேதனைப்படும் உள்ளம் கொண்டவர்கள். //

Tecan போன்றோர் சொல்வதை கேட்டு மனம் நோகாதீர்கள். உண்மையான ஈழத்தமிழன் தமிழ்நாட்டு உறவுகள் செய்த, செய்துகொண்டிருக்கிற தியாகங்களையும், உதவிகளையும் உயிருள்ளவரை மறக்கவே மாட்டான்.

இவர் சொன்னதை கேட்டு கோபப்படாமல் பொறுமையாக பதில் சொன்னதிற்கும் எங்கள் பிரச்சனைகளை புரிந்து கொண்டதற்கும் நன்றி.

//குடும்ப வறுமை கா

ரணமாக” என்று கொச்சைப்படுத்திவிட்டீர்களே? ஆமாம், நாங்கள் ஏழைகள்தான். வறுமையில் உழல்பவர்கள்தான். கூலிள்கள்தான். ஆனால் எங்கோ வதைபடும் எம்மின மக்களை நினைத்து வேதனைப்படும் உள்ளம் கொண்டவர்கள். //

குடும்ப வறுமை என்ற ஒரு முக்கியமான காரணத்தை உணர்ச்சிப் பெருக்கில் மறந்து/ அல்லது மறுத்து விடாதீர்கள். தீக்குளித்த எவனாவது வீடு வசதியோடு இருந்திருக்கிறானா? தொழில் ரீதியாக வெற்றிகரமான இடத்தை அடைந்திருக்கிறானா? காதல் நிறைந்த துணையுடன் இருந்தானா? சேர்ந்திருந்த அரசியல் கட்சியிலோ செய்ய விழையும் கலையிலோ (முத்துக் குமார் திரைத்துரையில் எங்கோ உதவி இயக்குனராக இருந்ததைப் போல) உயர்ந்த இடத்தில் இருந்திருக்கிறானா? வாழ்க்கையில் அடுத்த அடியாக சென்றடைய இலக்குகள் கொண்டிருந்தானா?

இவர்கள் அனைவரும் வாழ்வில் தோல்வி கண்டவர்கள். தன் உயிரின் மேல் தன் அறிவின் மேல் மரியாதையும் தன்னம்பிக்கையும் இற்றுப் போனவர்கள். தன்னுயிரை மதிப்பவன் தான் பிற உயிரை மதிப்பான். ஈழ மக்கள் மேல் உள்ள பாசப் பெருக்கோடு இவர்களின் சுய பச்சாதாபமும் வாழ்வில் விரக்தியும் சேர்ந்துதான் இவர்களை தற்கொலைக்குத் தள்ளியது. இவர்களுக்கு மனோதத்துவ ரீதியான சிகிச்சையும் பண உதவியும் கொடுத்திருந்தால் குணமாகியிருப்பார்கள். முத்துக்குமாரும் ஒரு இயக்குனராக ஆகியிருந்தால் (அவரது கடிதத்தைப் படித்தால் அவருக்கு அத்தனை அறிவிருந்திருக்காது என்பது தெரிகிறது), ஒரு அன்பான பெண்ணின் காதல் கிடைத்திருந்தால் தன் பெற்றோர்களுக்கு வசதியான வாழ்வமைத்துக் கொடுக்க வழிகிடைத்திருந்தால், தீக்குளித்திருப்பாரா? சீமான் தீக்குளிக்கட்டும். திருமா உண்மையாகவே சாகும் வரை உண்ணாவிரதம் இருக்கட்டும். அன்புமணி ராமதாஸ் சயனைடு கடிக்கட்டும். அவர்களை வீரர்கள் என்றும் தியாகிகள் என்றும் அழைப்போம். திலீபனுக்கு அருகில் அவர்களுக்கும் இடம் கொடுப்போம். அத்துணை உயரத்தில் இருப்பவர்கள் தியாகம் உலகையே உலுக்கும். எல்லா மனித உயிரும் சமம்தான். ஆனால் உயிரைவிடும் எல்லா முத்துக்குமார்களுக்கும் தியாகிப் பட்டம் கொடுப்பது உண்மையான வீரர்களுக்கு (திலீபன் அல்லது சூசை போன்ற) அவமானம்.

இதுகளின் தலைவன் பிரபாகரன் கூட சயனைட் கடிக்கவில்லை. சிங்களவன் காலில் உயிர்ப்பிச்சை கேட்டு மன்றாடினார். உணர்ச்சிவசப்பட்டு துள்ளும் ஐந்தறிவுள்ள பிராணிகளுக்கு நீங்கள் என்ன சொன்னாலும் உறைக்காது.

புலிப் பக்தர்கள் பலர் புலம் பெயர் நாடுகளில் பைத்தியம்போல் அலையத் தொடங்கி இப்போது மெதுமெதுவாக பலர் சொஸ்தமடைய, சிலர் இன்னமும் தீராப் பைத்தியங்களாக உலா வருகின்றார்கள்.

Tecan,

நாங்கள் பைத்தியம் ஆனால் நீங்கள் வைத்தியம் பார்க்கப்போகிறீர்களா? அல்லது வைத்திய செலவை ஏற்கப்போகிறீர்களா? கனடாவில் எனக்கு நல்ல வைத்தியம் கிடைக்கும் அளவுக்கு வருடாவருடம் நான் நிறையவே வரி கட்டுகிறேன். நீங்கள் எனக்கு பைத்தியம் பிடிப்பதை பற்றி கவலைப்படாதீர்கள்.

உங்களைப்போன்றோர்கள் தான் புலி எதிர்ப்பு பைத்தியத்தில் ஏதோதோ உளறுகிறீர்கள்.

அர டிக்கெட்,

Tecan ஏதோ உளறுகிறார் என்றால் நீங்களுமா? இவர்களுக்கு எங்களை கிண்டல் அடிப்பதே பிழைப்பாகிவிட்டது. நான் கனடாவில் தான் இருக்கிறேன். நாங்கள் கனடாவில் தமிழீழம் கேட்டால் நிச்சயம் உங்களுக்கு தெரியப்படுத்துவேன். :). பிறகு எங்களை கனடாவிலிருந்து துரத்தும் போது ரிகன் வீட்டுக்கா நாங்கள் போவது?

அதானே பாத்தேன்! ஜெயலலிதா ஈழத்தாய் ஆனதிலிருந்து எதை கொள்ள எதை தள்ள என்பதே குழப்பமாகி விட்டது :-))

//ஜெயலலிதா ஈழத்தாய் ஆனதிலிருந்து எதை…//

இந்த அநியாயம் எப்போ நடந்திச்சி. அதாங்க, ஜெயல‌லிதா ஈழத்தாய் ஆனது. இந்த நாட்களில் எல்லோருக்குமே ஈழத்தமிழனுடன் காமெடியாக இருக்கிறது.

அர டிக்கெட்டு, இலங்கையில் புலிகள் ஒழிக்கப்பட்டதை அடுத்து வெளிநாடுகளில் உள்ள புலிகள் வேலைக்கு போனால் தான் வருமானம் என்ற நிலமை வந்து விட்டது. வேலை செய்யாமல் தங்களுக்கு வருமானம் பெறும் செயற்திட்டம் தான் நாடு கடந்த தமிழீழ அரசாங்கம் அமைக்கும் முயற்ச்சி.

ராஜபக்சேவுடன் புலிகள் கூட்டுச் சேர்ந்து 20000 தமிழர்களை அழித்தார்கள். மிச்சமிருக்கும் தமிழர்களையும் அழிப்பதற்காக நாடு கடந்த தமிழீழம் அமைக்கிறார்கள்.

Tecan, TSri, என்கின்ற இரு புலி எதிர்ப்பாளர்களுக்கு.

Tecan, நீர் எப்ப பாத்தாலும் ராஜப‌க்க்ஷேக்களுக்கு விசுவாசி போலத்தான் கதைக்கிறீர் அல்லது பரப்புரை செய்கிறீர். உம்முடைய பொய்ப்பிரச்சாரத்திற்கு பதில் எழுதி எனக்கு நேரத்தை வீணடிக்க முடியாது. ஆனால், “தமிழ்தேசியம்” என்பது இனமான உணர்வுள்ள ஒவ்வொரு ஈழத்தமிழனின் உயிர்மூச்சு அதற்காக நாங்கள் நாடு கடந்த தமிழீழம் என்ன இன்னும் எங்களால் என்னென்ன நியாயமான வழிகளில் முடியுமோ அதையெல்லாம் முயற்சி செய்வோம். எங்கள் உரிமைகளை வென்றெடுப்போம். நீரும் உம் பொய்ப்பிரச்சாரத்தை தொடரும்.

TSri,

//TSri, நீ இப்படியே நண்பன் யார் எதிரி யார் என புரியாமல் உளரிக்கொட்டு உன்னைய நான் மென்டல் ஆஸ்பிடலில் சேர்க்கிறேன்_ ‍Mambo8//

Mambo8, மன்னிக்கவும். இதைவிட சிறப்பாக TSri ஐப்பற்றி நான் சொல்லியிருக்க முடியாது. அதனால் உங்களுடைய வார்த்தைகளையே என் பதிலாக சொல்ல வேண்டியதாகிவிட்டது.

TSri,

வெளிநாட்டிலுள்ள புலிகள் வேலைக்கு போவது இருக்கட்டும். நீர் யார்? Wal-Mart Waltons அல்லது அம்பானி போல் அடுத்தவன் உழைப்பை சுரண்டி பிழைப்பவ‌ரா? அல்லது, ஏதோ நீரும் வேலை செய்து இன்னும் பத்து பேரை வாழவைப்பவரா?

செந்தில், நீங்கள் புலிகளைப் போல அதிகார வெறி பிடித்தலையும் நபர். உங்கள் பதில் அதைத் தான் எடுத்துக் காட்டுகின்றது. உங்களுக்கு தமிழ் மக்களைப் பற்றி எந்த அக்கறை இல்லை. உங்களுக்கு தேவை தமிழீழம் என்ற பெயரில் தமிழ் மக்களை அடிமைகளாக அடக்கி ஆளும் அதிகாரம்.

நீங்கள் சொன்னால் மட்டும் உடனே ஈழத் தமிழர்கள் புலிகள் விடுதலைக்காக போராடினார்கள் என்று நம்பிவிடுவார்களோ?
புலிகள் தமது அதிகார வெறிக்காக உங்களை அல்லது உங்கள் சொந்த சகோதரர்களை கொலை செய்யும் வரை நீங்கள் திருந்தப் போவதில்லை. நீங்கள் ஈழத்தில் புலிகளின் கட்டுப்பாட்டின் கீழ் ஒரு நாளேனும் வாழவில்லை. புலிகள் ஈழத்தமிழரை அடிமைகளை விட கேவலமாக நடத்தியது உங்களுக்கெங்கே தெரியப் போகிறது? புலிகளுக்கு ஜால்ரா அடித்து பணம் சேர்க்கும் திருட்டுக் கோஷ்டியை மட்டுமே உங்களுக்கு தெரியும்.

செந்தில் புலிகள் ஈழத்தமிழரை அடிமைகளாக வைத்திருந்த விஷயம் உங்களுக்கு தெரிந்தால் பேச வாருங்கள். தெரியாவிட்டால் வாயை மூடிக் கொண்டிருங்கள். எதற்கு தேவையில்லாத விஷயத்திற்கு தாவுகிறீர்கள்? எந்த சம்பந்தமுமில்லாமல் சிங்களவனை எதற்கு பிடித்திளுக்கிறீர்கள்? புலிகளும் சிங்களவர்களா?

செந்தில், புலிகள் உங்கள் 12 வயது மகனை மகளை உங்கள் கண் முன்னாலேயே அடித்து இழுத்து சென்று கட்டாய இராணுவப்பயிற்சி கொடுத்தால் அப்போதும் இப்படித் தான் பேசுவீர்களா? உங்கள் வயதான தந்தையை துன்புறுத்தி கட்டாய வேலை வாங்கினால் இப்படி பேசுவீர்களா? வரிக்கு மேல் வரி வாங்கி உங்களை பிச்சைக்காரனாக்கினால் இப்படிப் பேசுவீர்களா? சொந்த தமிழ் மக்கள் உயிரைப் பாதுகாக்க தப்பி ஓடினால் முதுகுக்கு பின்னே சுட்ட கோழைகளை நீங்கள் விடுதலை வீரர்கள் என்று சொல்கிறீர்கள். ஈழத்தமிழரை கொன்று குவித்த புலிகளுக்காக வக்காலத்து வாங்குகிறீர்கள். உங்களுக்கு இதயமே இல்லையா? நீங்களும் ஒரு தமிழரா? ஈழத்தமிழருக்காக முதலைக்கண்ணீர் வடிக்கிறீர்கள். புலிகளுக்கு ஆதரவாக பரப்புரை செய்யும் சில புல்லுருவிகள் மட்டுமே ஈழத்தமிழரில் அக்கறை உள்ளவர்கள் என்று நீங்கள் நினைப்பது உங்களது முட்டாள்தனம்.

சகோதர இயக்கத்தவர்களை கொடூரமாக கொலை செய்தமை. உயிருடன் எரித்தமை சகோதர முஸ்லிம் மக்களை அவர்களது வாழிடங்களிலிருந்து 10 மணித்தியால அவகாசத்தில் விரட்டியடித்தமை. அவர்களை மஸ்ஜிதுகளிலும் வீடுகளில் உறங்கிக் கொண்டிருந்தபோதும் படுகொலை செய்தமை போன்ற இழிசெயல்களை சிங்களத்துக்கு கற்றுக் கொடுத்தவர்களே உங்கள் புலிப்படை தானே செந்தில். எப்படியோ நீங்கள் வயிறு வளர்ப்பதற்காக எதையாவது ஏமாந்த புலம்பெயர் சனத்துக்கு சொல்லிக் கொண்டேயிருங்கோ.

செந்தில், ஈழத்தமிழ் மக்களை பலி கொடுத்து தனது தலைமையை காப்பாற்ற புலிகளின் தலைவரும், புலம் பெயர் புண்ணாக்குகளின் புத்திமதியில் செயற்ப்பட்டார். புலம்பெயர் புலிப்பினாமிகளின் பலர் போரில் இருந்து தப்பிவருபவர்கள் தமிழினத் துரோகிகள். தலைவரை விட்டுவிட்டு ஓடிவரும் துரோகிகள் என்றெல்லாம் துரோகிப்பட்டம் சூட்டினர்.

புலிகள் பின்னால் நின்று மக்களை சுட்டுக் கொன்றது. எந்த மக்களுக்காக ஆயுதம் ஏந்தினரோ அந்த மக்களையே சுட்டுக் கொன்றனர் புலிகள். இதனால் புலிகள் துரோகிகள் ஆயினர்.

புலம் பெயர் நாட்டில் இந்த மக்களை பலிகொடுத்து தலைவரை காப்பாற்றும் கோழைத்தனமான முயற்ச்சி எடுத்தவர்களும் துரோகிகளே. இன்று இந்த புலம் பெயர் புலிகள் மக்களுக்காக சேர்த்த பணத்தை தமதாக்கிக் கொண்டுவிட்டனர். அதுமட்டுமல்ல புலிகளுக்கும் தமக்கும் தொடர்பில்லை என்றும் சொல்லத் தொடங்கி விட்டனர்.

செந்தில் நீங்கள் ஒரு தமிழனத் துரோகி என்பதை மீண்டும் நிரூபிக்கின்றீர்கள். JVP குழு முஸ்லிம்களை படுகொலையை செய்தார்கள் என்ற அப்பட்டமான பொய்யை அவிழ்த்து விட புலிகளிடம் எவ்வளவு பணம் வாங்கினீர்கள்? புலிகள் செய்த முஸ்லிம் இனப்படுகொலைக்கு ஆதாரங்கள் இருக்கும் போது நீங்கள் இல்லை என்று சொன்னால் மட்டும் ஈழத்தமிழன் நம்ப வேண்டுமா? தமிழினத்தை நாசமாக்க உங்களைப் போன்ற சில புல்லுருவிகள் போதும். சிங்களவனைக் காணாமலே புலிகள் எங்களை வளர்த்து விட்டிருந்தார்கள். பிறந்த நாள் முதல் புலிகளைய் மட்டுமே கண்டு வளர்ந்த என்னை சிங்கள விசுவாசி என்று அவதூறு சொல்ல்வது உங்களது பொய் பரப்புரைகளை மறைப்பதற்கு தான். உங்களைப் போன்ற புலிகளின் பணத்திற்கு ஆசைப்பட்டு பரப்புரை செய்யும் ஒட்டுக் குழுக்கள் இருக்கும் வரை தமிழனுக்கு விடிவில்லை. .

செந்தில் ஈழத்தமிழர் பற்றி உங்களுக்கு எதுவுமே தெரியாததால் வாயை மூடிக் கொண்டிருங்கள். பொய்களை பரப்புரை செய்யாதீர்கள். நிச்சயமாக நீங்கள் புலிகளால் மூளைச்சலவை செய்யப்பட்ட அப்பாவி. புலிகள் செய்த இனப்படுகொலைகளை மறைக்க JVP மீது பழி போடுகின்றீர்கள். அது 100% பொய் என்று ஈழத்தில் சிறு குழந்தைக்கும் தெரியும். இவ்வளவு வளர்ந்த உங்களுக்கு தெரியவில்லை. இப்படித்தான் புலிகள் உங்களுக்கு பொய்களை சொல்லி உங்களை உலகம் தெரியாத மடையராக வைத்திருந்திருக்கிறார்கள். உங்களுக்கு முட்டாள் பட்டம் கட்டிய புலிகளுக்காக இப்போதும் வக்காலத்து வாங்குகிறீர்கள். உங்களுக்கு மானம், ரோஷமே கிடையாதா?

புலிகளுக்கு ஆதரவான தமிழனத் துரோகிகளை ஈழத் தமிழர்கள் ஒரு நாளும் மன்னிக்க மாட்டார்கள். பல்லாயிரக் கணக்கான தமிழர்களின் உயிரிழப்பிற்கும் காரணம் செந்தில் போன்ற புலி விசுவாசிகள் தான். ஈழத்தமிழரின் இன்றுள்ள முகாம் வாழ்க்கையை புலிகளே புதுமாத்தளன் – முள்ளி வாய்க்கால் பகுதியில் ஆரம்பித்து வைத்து மக்களை மரணம் நோக்கி நடாத்தினர் என்பதையும் இந்த சம்பவங்களை செந்தில் போன்றவர்கள் புலிகளிடம் தட்டிக்கேட்கவில்லை என்பதையும் இங்கே கூறிக்கொள்வது தவிர்க்க முடியாதது. அது மட்டுமல்ல இப்படியான இந்த சூழ்நிலையிலிருந்து தப்பி ஓடி வந்தவர்களை தலைவரை தனியே விட்டுவிட்டு ஓடிவந்த துரோகிகள் என்றும் இந்த துரோகிகளுக்கு எந்த உதவியும் செய்யக் கூடாது என்று கூறியவர்களும் செந்தில் போன்ற புலிகளின் ஆதரவாளர்களே. இப்போது முகாம்களில் இருக்கும் ஈழத் தமிழருக்காக முதலைக் கண்ணீர் வடிக்கிறார்கள்.

செந்தில், புலிகள் ஈழத்தமிழருக்கு செய்த கொடுமைகளை மூடி மறைக்கும் நீங்கள் எப்படி ஒரு தமிழராக இருக்க முடியும்? இப்படி மறைக்கும் போது எந்த ஒரு ஈழத் தமிழனின் மனதிலும் நீங்கள் ஒரு சிங்களவன்தான் என்று நினைக்கத்தோன்றும்.

// மற்றவர்கள் அதைப் பற்றி பேச முற்பட்டால் உடனே எந்த சம்பந்தமுமில்லாமல் சிங்களவனை எதற்கு பிடித்திளுக்கிறீர்கள் என்று //
ஐயா, நீங்கள் ஏன் தேவையில்லாமல் எங்கேயோ தாவுகிறீர்கள் என்று தான் கேட்டேன். முதலில் புலிகள் செய்த குற்றங்கள் பற்றி உங்களுக்கு தெரிந்ததை பேசுங்கள். பிறகு சிங்களவன் செய்த குற்றங்களை பிறகு பேசுங்கள். எதற்கு சம்பந்தமில்லாமல் இரண்டையும் போட்டு குழப்புகின்றீர்கள்? புலிகளும் சிங்களவர்களும் ஒன்றா? நீங்கள் அப்படித் தான் கருதுகிறீர்கள். புலிகள் செய்த குற்றங்களை சொல்பவர்கள் சிங்களவன் என்று நீங்கள் அவதூறு கூறுவது உங்களது முட்டாள்தனத்தை காட்டுகின்றது. புலிகளை குறை சொல்லும் இன்றுள்ள ஈழத்தமிழர்கள் அனைவரும் உங்கள் பார்வையில் சிங்களவர்கள் தான். நன்றி. ஈழத்தமிழர்கள் உங்கள் துரோகத்தனத்தை மறக்க மாட்டார்கள்.

//இப்போது திறந்தவெளி சிறைச்சாலை போன்ற முகாம்களில் தடுத்து வைக்கப்பட்டுள்ளனர் (அவர்களையும் புலிகள்தான் அடைத்து வைத்துள்ளார்கள் என்று சொல்லிவிடாதீர்கள்). //

அப்போ இதற்கு முன்னர் புலிகள் அடைத்து வைத்ததை ஒத்துக் கொள்கிறீர்கள்? ஈழத்தமிழர்களை புலிகள் பணயக்கைதியாக பிடித்து வைத்த அந்த 6 மாதங்களும் எங்கே போனீர்கள்? அப்போது உங்களை பேச வேண்டாம் என்று யார் தடுத்தார்கள்?

//தமிழர்கள் வாழ்ந்த இடங்களில் இப்போது சிங்களர்கள் குடியேற்றப்பட்டு வருகிறார்களாம்.//

ஈழத்தில் இருக்கும் தமிழனுக்கு தெரியாததெல்லாம் உங்களுக்கு தெரிந்திருக்கிறது. நீங்கள் யார்? சிறி லங்கா அரசின் புலனாய்வுத்துறையில் வேலை பார்க்கிறீர்களா?

வித்தகன்,

செந்தில் தன் பதிவில் ஈழப்போரின் பின்னடைவுக்கான காரணங்களை நூற்றுக்கு நூறு வீதம் மிகச்சரியாகத்தான் சொல்லியிருக்கிறார்.

//இனிமேலும் மற்றவர்களைப் பழி சொல்லி உங்களால் ஒன்றும் ஆகப் போவதில்லை//

நாங்கள் வேண்டுமென்றே யாரையும் பழி சொல்லவில்லை. உங்களுக்கு மன‌ச்சாட்சி ஒன்று இருந்தால் உங்கள் நெஞ்சில் கைவைத்து சொல்லுங்கள் இந்திய உளவு அமைப்பான றோ எங்கள் போராட்டத்தை, எங்களின் விடுதலையை சீரழிக்கவில்லை, எங்களின் தாங்கமுடியாத வேதனைகளின் சூழ்ச்சிக்குப் பின்னால் அவர்களின் பங்களிப்பு இல்லவே இல்லை என்று. அப்படியல்லாம் இல்லை என்று உங்களை நீங்களே ஏமாற்றிக்கொள்ளாதீரகள். எங்களையும் முட்டாள்கள் என்று நினைத்து பதிவு இடாதீர்கள்.

//தமிழக மக்கள் ஈழத்தமிழர்கள் மேல் தணியாத அன்பு வைத்திருக்கும் போதும் புலிகள் அழிவதைப் பற்றிக்கவலைப் படாமல் மீண்டும் காங்கிரஸுக்கு வாக்களித்தால் காசுக்கு இன உணர்வை விற்று விட்டார்கள் என்று குற்றம் சாட்டுவதும்தான் புலிகளுக்கும் அவர்கள் ஆதரவாளர்களுக்கும் வழக்கமாகப் போய் விட்டது.//

அப்படி யாரும் தமிழ்நாட்டு உறவுகளை குற்றம் சொன்னதாக எனக்கு தெரியவில்லை. இந்த தேர்தல் உண்மையில் ஜனநாயக முறைப்படி தான் நடந்ததா என்று முதலில் தெரிந்து கொள்ளுங்கள்.

தற்போது, புலம்பெயர்ந்த தமிழர்களால் தான் தமிழிழீழ விடிவுக்கான போராட்டம் நியாயமான வழிகளில் முன்னெடுக்கப்படுகிறது. இதை முறியடிக்க வேண்டும், புலம் பெயர் தமிழர்களுக்குள் பிரிவினையை ஏற்படுத்த வேண்டும் என்று இங்கே பலபேர் கங்கணம் கட்டிக்கொண்டு திரிகிறார்கள். அப்படி ஒரு நோக்கத்தோடு இங்கே வினவு தளத்திலும் ஒரு ஜென்மம் உலவுகிறது.

தமிழிக தமிழர்கள் மீது எங்களுக்கு எந்த கோபமும் கிடையாது. நீங்களாக புலிகளின் ஆதரவாளர்கள் தமிழகத்தமிழர்களை குற்றம் சொல்கிறார்கள் என்று எதையாவது கிளப்பி விடாதீர்கள்.

காங்கிரஸ் அரசு காலங்காலமாக ஈழத்தமிழர்களுக்கு மட்டுமல்ல தமிழக தமிழர்களுக்கும் நேரடியாகவோ அல்லது மறைமுகமாகவோ துரோகம் இழைக்கிறது என்பதையும் மறக்காதீரகள். சேது சமுத்திரத்திட்டம், சிறிமாவோ_சாஸ்திரி ஒப்பந்தம் மூலம் ஐந்து லட்சம் தோட்டத்தொழிலாளர்களான‌ தமிழர்கள் தமிழ்நாட்டுக்கு அகதிகளாக அனுப்பபட்டது, இன்னுமொரு ஐந்து லட்சம் பேர் நாடற்றவர்களாக்கப்பட்டது, கச்சதீவை இந்தியா/இந்திரா இலங்கைக்கு தாரை வார்த்தது, தமிழ்நாட்டு மீனவர்கள் ஏறக்குறைய நானூறு பேர் சிங்கள நேவியால் கொல்லப்பட்டும் சித்திரவதைப்பட்டதும், தற்போது இந்தியாவின் இறையாண்மைக்கும் பாதுக்காப்புக்கும் பெளத்த இலங்கை காவலாளியாக இருக்குமென்று கண்ணை திறந்து கொண்டே கனவு காண்பது :); இதெல்லாம் கூட தமிழ்நாட்டு தமிழர்களுக்கு இந்தியா செய்த துரோகங்கள் தான்.

இதுதவிர, காவேரி பிரச்சனை, ஒக்கேனக்கல், தமிழ்நாட்டின் வளங்களை சுரண்டுவது என்று வேறு விடயங்களிலும் காங்கிரஸ் அரசு நல்லாவே உங்கள் தலையில் மிள‌காய் அரைக்கிறது. மறந்துவிடாதீர்கள்.

இதனால் தான் இன்று தமிழ்நாட்டிலும் ஆங்காங்கே தமிழ்நாட்டின் இறையாண்மையை காப்பாற்ற “தமிழ்தேசியம்” (ஈழத்தமிழர்களின் தமிழ்தேசியம் இதில் அடக்கமல்ல) கட்டியெழுப்பப்ப்ட வேண்டுமென்று குரல்கள் கேட்கின்றன. புலிகளை எதிர்க்கிறேன் பேரவழி என்று உங்களுக்கும், உங்கள் தமிழ்நாட்டு உறவுக்களுக்கும் காங்கிரஸ் ஆட்சியாளர்களால் இழைக்கப்படும் துரோகங்களை மறகாதீர்கள்.

நீங்கள் ஆயிரம் தான் சொன்னாலும் புலிகள் தான் எங்கள் காவல் தெய்வங்கள். புலிகள் தான் தமிழீழம் கேட்டார்கள், புலிகள் பிரிவினைவாதிகள் என்று கூப்பாடு போட்ட காலமெல்லாம் மலையேறிவிட்டது. இன்று, இனமான உணர்வுள்ள ஒவ்வொரு ஈழத்தமிழனும் “தமிழீழம்” தான் எங்கள் இனப்பிரச்சனைக்கு ஒரே தீர்வு என்று ஒருமித்த குரலில் உலகுக்கு ஓங்கி சொல்லிக்கொண்டிருக்கிறான்.

தோழர் வித்தகன் அவர்களுக்கு,

தமிழீழ விடுதலைப் புலிகள் இயக்கம் தோன்றுவதற்கு முன்னரே சுமார் முப்பது ஆண்டு காலம் ஈழத்தின் தந்தை செல்வநாயகம் அவர்கள் தலைமையில் அறவழியில் போராட்டம் நடைபெற்று எத்தனையோ தமிழர்கள் தங்கள் இன்னுயிர்களை தியாகம் செய்துள்ளனர். அத்தனை போராட்டங்களையும் சிங்கள பேரினவாதிகளும் அரசியல் தலைவர்களும் அடக்குமுறை கொண்டு ஒடுக்கினார்களே தவிர தமிழர்களுக்கு சம உரிமை வழங்க எள்ளளவு கூட நினைத்துப் பார்க்கவில்லை. அதன் பிறகுதான் இனியும் இலங்கைத் தீவில் சிங்கள மக்களுடன் தமிழர்கள் ஒற்றுமையுடனும் சம உரிமையுடனும் வாழ சிங்கள பேரினவாதிகள் விரும்பமாட்டார்கள் என்பதை உணர்ந்த செல்வநாயகம் அவர்கள் தனித் தமிழீழம் ஒன்றே ஒரே தீர்வு என்பதை நோக்கி தன்னுடைய போராட்டத்தின் பாதையை மாற்றினார். இப்போது தமிழீழ விடுதலைப் போராட்டம் ஒடுக்கப்பட்ட நிலையில் உலகத் தமிழர்கள் மீண்டும் இலங்கைத் தீவில் தங்களது உரிமைகளுக்காக அறவழியில் போராட வேண்டிய கட்டாயத்திற்கு தள்ளப்பட்டுள்ளனர். ஆனால் எத்தனை போராட்டங்கள் அறவழியில் நடத்தினாலும் சிங்கள அரசியல் தலைவர்களும் சிங்கள பேரினவாதிகளும் தமிழர்களை ஒடுக்கி ஆள வேண்டும் என்ற தங்கள் நிலைமையில் இருந்து மாறாமல் இருந்தால் அது மீண்டும் ஒரு கிளர்ச்சிக்கு வழி செய்யும் என்பதே நிதர்சனம்.

தோழர் செந்தில்.

எல்லோருக்கும் வணக்கம்.
நீண்ட நாட்களாக விவாதத்தில் இணைந்து கொள்ள முடியவில்லை.
மீண்டும் வித்தகன் என்ற இந்திய பார்ப்பாண வக்கிர புத்திகொண்டவர் புலிகளை கொச்சைப்படுத்தி எழுதி இருக்கிறார்.தன் இனம் அழிகையில் பதவிபேரம் பேசும் தலமையின் ஆட்சியின் கீழ் வாழும் முதுகெலும்பு இல்லாத கூட்டம் தங்களைப் போல் ஈழத்தமிழனையும் எண்ணியுள்ளது.
வித்தகன்
உங்கள் கண் முன்னால் இந்திய அல்லது இலங்கை ராணுவத்தால் உங்களுடைய சகோதரி சீரளிக்கப்பட்டால் உங்களுக்கு எப்படியான உணர்ச்சி வருமோ உங்களுடைய தாய் துன்புறுத்தப்பட்டால் உங்களுக்கு எப்படியான உணர்ச்சி வருமோ உங்களுடைய தந்தை அல்லது உங்களுடைய சகோதரன் உங்கள் கண் முன்னே சுட்டுக் கொல்லப்பட்டால் உங்களுக்கு எப்படியான உணர்வு வருமோ அது தான் எங்களுக்கும் வந்தது புலிகளுக்கும் வந்தது.

’50 ருபாவுக்காக வாக்குரிமையை விற்பவர்களிடம் உணற்சியை ஈழத்தமிழன் எதிர்பார்த்தது பிழைதான் அன்பரே’

நான் சொன்னது 100 வீதம் உண்மைதான் என்பது உங்களுக்கு நன்றாகவே தெரியும் அன்பரே. பணத்திற்குப் பின்புதான் தன்மானம் இன உணர்வு உங்களுக்கு அதற்கான உதாரணம் தான் அண்மையில் நடந்த தேர்தல்.
ஆதிக்க வெறி கொண்ட உங்களை போன்ற வக்கிர புத்தியுள்ள ஒருவருக்கு நாங்கள் அதாவது புலிகள்+ஈழத்தமிழர் தோற்றுப் போன கூட்டமாக இருக்கலாம். நாங்கள் சர்வதேச அனாதைகளாக இருக்கலாம். ஆனால் நாங்கள் யாரையும் நம்பவைத்து கழுத்தறுக்கவும் இல்லை, யாருக்கும் முதுகிலும் குத்தவில்லை,அதிகார வெறிகொண்டு அலையவுமில்லை.எங்கள் மண்ணில் நாங்கள் சுதந்திரமாக தன்மானத்துடன் தலைநிமிர்ந்து வாழும் காலம் வரும் வரையில் எதிரிகளை இனங்கண்டு துரோகிகளை கண்டறிந்து ஈழத்தமிழராகிய எங்களின் தலைவன் காட்டிய வழியில் எங்கள் விடுதலைப் பயணம் தொடரும்.

என் அருமைச் சகோதரி ரதி நாங்கள் யாருக்கும் எதிரியுமில்லை துரோகியாவுமில்லை.யாரையும் யாருக்கும் எதிரியாக்கும் எண்ணமும் இல்லை.உங்கள் பாதை வேறாகவும் எங்கள் பாதை வேறாகவும் இருக்கலாம் ஆனால் எங்கள் இலட்சியம் எங்கள் உயிரிலும் மேலான தாயகத்தை மீட்டெடுத்து உரிமைகள் மறுக்கப்பட்டு அடிமைகள் போல் வாழும் எம் மக்களின் கையில் ஒப்படைப்பதே.எங்கள் பயணத்தில் சிலரை இழந்தும், வேறு சிலரை புதிதாக இணைத்தும் எங்கள் பயணத்தை எத்தடை வரினும் உயிர்விலைகொடுத்து கடப்போமென்று ஈழத் தமிழராகிய நாம் உறுதியெடுக்கும் நேரமிது.ஆதிக்க சக்திகள் எமக்குள்ளே அனலை ழூட்டலாம் இது தமிழன் விழித்தௌ வேண்டிய காலமேயன்றி மன்னிப்புக்கேட்க வேண்டிய காலமல்ல.

தாங்கள் செய்த தவறுகளை ஒத்துக் கொள்ளாமல் தங்கள் பிழைகளை புலிகள் மேல் சுமத்தி சுய இன்பம் காணும் இந்திய பார்ப்பாண கூட்டத்தால் புலிகள் அழிந்தனர் என்றும் ஈழத் தமிழன் தொலைந்தான் என்றும் கற்பனையில் மட்டுந்தான் சந்தோசப்பட முடியுமம்.

தமிழ் நிலா! மிகவும் தரக் குறைவான மொழியில் ஒரு சாதியின் பெயரை எல்லாம் இழுத்து அசிங்கமான பதிவு ஒன்று செய்திருக்கிறீர்கள். நான் விளக்கி பதில் சொல்ல வேண்டிய தகுதியை இந்த உளறலுக்குத் தரமாட்டேன்.

உங்கள் பார்வையில் முதுகெலும்பு இல்லாத நாங்கள்தான் ஆயிரக்கணக்கான இலங்கை அகதிகளுக்கு சோறு போடுகிறோம். அவ்வளவு மான ரோசம் உள்ளவர்களாக இருந்தால் நீங்களே அவர்களையும் பார்த்துக் கொள்ளுங்கள். இந்திய மண்ணில் நுழையாதீர்கள். ஈழத்தமிழர்களால் எங்களுக்கு எந்தக் காலத்திலும் எந்த பிரயோசனமும் இல்லை. பாசத்தால்தான் குரல் கொடுக்கிறோம். பதிலுக்கு திட்டு தவிற வேறு எதுவும் தரமாட்டேனென்கிறீர்கள்.

நீங்கள் வேறு எப்போதேனும் மற்ற மனிதர்களையும் சமமாக பாவித்து பேசத் தயாராக இருந்தால் ஒழிய உங்களிடம் பேச நான் தயாராக இல்லை. புலிகளின் இந்த முரட்டு புத்திக்கு கிடைத்த தண்டனைதான் போரில் கிடைத்த தோல்வியும் சர்வ தேச அனாதைகள் என்ற தகுதியும்.

நாய் வாலை நிமிர்த்த முடியாது. தமிழ் நிலா, ரதி போன்ற பைத்தியங்களை திருத்த முடியாது. தெரு நாய்கள் குரைத்தால் நின்று பதில் சொல்ல முடியாது. வித்தகன் நீங்கள் மனிதத் தன்மை கொண்டவர்களுடன் மட்டும் விவாதியுங்கள்.

செல்வி. ரதி!

நான் தமிழகத் தேர்தல் குறித்த புலிகளின் விமர்சனம் பற்றி எழுதியதற்கு உங்கள் பதில் இது.

//அப்படி யாரும் தமிழ்நாட்டு உறவுகளை குற்றம் சொன்னதாக எனக்கு தெரியவில்லை. //

ஒரு சில இடுகைகளுக்கு முன் செல்வி. தமிழ் நிலாவின் பதிவு இது.

//50 ருபாவுக்காக வாக்குரிமையை விற்பவர்களிடம் உணற்சியை ஈழத்தமிழன் எதிர்பார்த்தது பிழைதான் அன்பரே! //

புரிகிறதா? தமிழகத் தமிழர்கள் புலிகள் செத்து அழிவதைத் தடுக்காமல் தன் தேவைக்கு வாக்களித்ததற்கு இந்தத் திட்டு. நானாகவே எதையும் இட்டுக் கட்ட வேண்டிய அவசியம் எனக்கு இல்லை. புலி ஆதரவாளர்களின் உளறல்கள் எல்லாமே எனக்கு 20 வருட பழக்கம் தான். தான் சொல்வதை மாற்றி சொன்னால் தமிழ் துரோகம் என்று வருணிக்கும் வக்கிர புத்தி உடைய கூட்டம் அது என்று எனக்குத் தெரியும்.

ஒன்று புரிந்து கொள்ளுங்கள் ரதி. உங்களது மூளைச்சலவை செய்யப் பட்ட புத்தியால் சுயமாக சிந்திக்கும் எண்ணம் கொண்ட எந்த சுதந்திர மனிதனிடமும் வாக்குவாதம் செய்து வெல்ல முடியாது. அதனால்தான் உங்கள் காவல் தெய்வங்கள் துப்பாக்கி, மனித வெடிகுண்டு, கண்ணி வெடி, சயனைடு என்று திரிந்தார்கள்.

திரு. செந்திலில் பதிவில் இருக்கும் பிதற்றல்களை தாராளமாகப் பாராட்டிக் கொள்ளுங்கள். ஆனால் புலிகளும் அவர்களின் ஆதரவாளார்களும் சர்வதேச அநாதைகள் என்பது உங்கள் நினைவில் இருக்கட்டும்.

இந்த உலகில் புலிகள் அழிய வேண்டும் என்ற எண்ணம் எல்லாத் திசைகளிலும் பரவி பல நாளாகி விட்டது. அதனால் தான் உங்கள் கூட்டம் தோற்று விட்டது. இனிமேல் அறவழியில்தான் உங்கள் உரிமைகள் கிடைக்கும். புலிகள் தலை தூக்கவே முடியாது. புலம் பெயர்ந்த இலங்கைத் தமிழர்களை மிரட்டி இனிமேல் காசு பறிக்க முடியாது. பிரபாகரன் பேர் சொல்லிப் பிழைக்க முடியாது. துப்பாக்கி காட்டி அடிமைப் படுத்த முடியாது. புலிகளின் அத்தியாயம் முடிந்து விட்டது. உங்கள் பாதையை மாற்றிக் கொள்ளத்தான் வேண்டும்.

வித்தகன்,

வழக்கம் போல் மிக கோபமாக எனக்கு பதில் சொல்லியிருக்கிறீர்கள். தமிழ்நிலா என்ன மனநிலையில் அப்படி ஒரு கூற்றை சொன்னாரோ எனக்கு தெரியாது. ஓர் ஈழத்தமிழராக அதற்காக நான் உங்களிடம் மன்னிப்பு கேட்கிறேன். தமிழ்நாட்டு உறவுகளை பற்றி அவர் சொன்ன கூற்றுக்காக மன்னித்துக்கொள்ளுங்கள்.

நிற்க, இப்படி எங்களையும் உங்களையும் எதிரிகளாக்க முயற்சிகள் நடக்கின்றன. அதற்கு விலை போக நான் தயாராக இல்லை. தமிழக உறவுகள் பற்றிய என் கருத்துகளை நிறையவே நான் சொல்லியிருக்கிறேன். படித்துப்பாருங்கள்.

//அதனால் தான் உங்கள் கூட்டம் தோற்று விட்டது//

என்னங்க இது, கூட்டம் கீட்டம் என்று ஏதேதோ பேசுகிறீர்கள். நாங்களும் மனிதர்கள் தான். எங்கள் தோல்வியில் சந்தோசப்படும் மனிதரல்ல நிங்க‌ள் என்பது எனக்கு தெரியும். கோபத்தில் வார்த்தைகளை கொட்டாதீர்கள். மீண்டும் சந்திப்போம்.

//நிற்க, இப்படி எங்களையும் உங்களையும் எதிரிகளாக்க முயற்சிகள் நடக்கின்றன. அதற்கு விலை போக நான் தயாராக இல்லை. //

தமிழகத் தமிழர்களையும் ஈழத்தமிழர்களையும் எந்நாளும், யாராலும் பிரிக்க முடியாது! என்னிடம் இருந்து ஈழத்திற்கும், ஈழ மக்களுக்கும் எதிரான கருத்து வரவே வராது.

ஆனாலும், உங்களைப் போலல்லாமல், ஒரு சிலர் இந்தியத் தமிழர்களை உசுப்பேற்றும் வகையில் பேசுவது ஈழத்திற்கு உதவி செய்வதற்கு தடையாகவும் தலைவலியாகவும் இருக்கும் என்பதை அவர்கள் உணர வேண்டும்.

//இப்படி எங்களையும் உங்களையும் எதிரிகளாக்க முயற்சிகள் நடக்கின்றன.// ரதி, பிரபாகரனை குற்றஞ்சாட்டுகிறீர்கள். ராஜீவ் காந்தியை கொலை செய்து தமிழகத் தமிழர்களையும் ஈழத் தமிழர்களையும் நிரந்தரமாக பிரித்து வைத்த பிரபாகரனை குற்றஞ்சாட்டுகிறீர்கள். நீங்கள் ஈழத்தமிழருக்கு ஆதரவாக நின்றால் புலிகளை வெறுக்க வேண்டும். நீங்கள் புலிகளை ஆதரித்தால் ஈழத்தமிழரை வெறுக்க வேண்டும். வேறு வழியே இல்லை.

தோழர் வினவு அவர்களுக்கு,

//இந்திய முதலாளிகளின் நலனுக்காக, இந்தியாவின் மேலாதிக்க நலனுக்கா மட்டும்தான் இந்திய அரசு இலங்கை அரசை ஆதரித்தது.//

இதைத்தான் நான் உலக நாடுகளின் மேலாதிக்கப் போட்டி என்று குறிப்பிட்டேனே. சீனா மற்றும் இந்தியா தன்னுடைய பொருளாதாரத்தை இலங்கையில் நிலைநாட்ட விரும்புகிறது. சீனா இலங்கையில் துறைமுகம் அமைத்து இந்தியப் பெருங்கடலின் போக்குவரத்தை தன் கட்டுக்குள் கொண்டுவர நினைக்கிறது. சீனாவின் ஆதிக்கம் இலங்கை பக்கம் திரும்பியதும் இந்தியா முந்திக்கொண்டு இலங்கைக்கு வட்டியில்லா கடன்களை அள்ளிக் கொடுத்தது. (இதைத்தான் நான் தவறான வெளியுறவுக் கொள்கை என்று சொன்னேன்).

ஈழத் தமிழர்கள் உயிர்களை விட தன்னுடைய ஆதிக்கமே முக்கியம் எனக் கருதி பல உதவிகளை இலங்கைக்கு செய்தது இந்தியா. இதை இலங்கை அமைச்சர்களே நாடாளுமன்றத்தில் தெரிவித்துவிட்டனர். போரை நிறுத்தச் சொல்ல இலங்கை சென்றோம் என்று சொல்லிக்கொண்டிருந்த சிவ்சங்கர் மேனன் மற்றும் நாராயணன் போர் நிறுத்தம் பற்றி பேசவே இல்லை என்று கோதபாய ராஜபக்சே கூறிவிட்டார். இந்தியா நடத்த இருந்த போரைத்தான் இந்தியாவுக்காக நாங்கள் நடத்தினோம் என்று ராஜபக்சே கூறினான். அதை சிவ்சங்கர் மேனனும் ஒத்துக் கொண்டார்.

போர் நடந்த ஐந்து மாத காலத்தில் ஒரு தடவை கூட சோனியா ஈழத் தமிழர்கள் கொல்லப்பட்டதுக்கு வருத்தம் தெரிக்கவில்லை. அவர் ஈழத் தமிழர்கள் பற்றிப் பேசியதே இந்தியத் தேர்தலுக்கு மூன்று நாள் முன்பு சென்னையில் நடந்த தேர்தல் பொதுக்கூட்டத்தில்தான். அதுவும் தமிழ்நாட்டில் அக்கூட்டம் நடைபெற்றதால்தான். அந்தக்கூட்டத்தில் கூட போர் நடந்து கொண்டிருந்த போதே போர் நிறுத்தத்தை நாங்கள் செய்துவிட்டோம் என்றார்.

பா.ஜ.க அரசு வந்தாலும் இந்திய அரசு சிங்கள அரசை ஆதரிக்கவே செய்யும். உண்மைதான். ஆனால் இவ்வளவு ஈழத் தமிழர்களின் உயிர்களையும் துச்சமாகக் கருதி புலிகளை அழித்தே தீரவேண்டும் என்று எண்ணியிருக்க மாட்டார்கள் என்று நினைக்கிறன். எங்கள் தொப்புள் கோடி உறவுகளுக்காக தமிழக மக்கள் நாங்கள் அமைதி வழியில் எத்தனையோ ஆர்ப்பாட்டங்கள், மறியல்கள் செய்தோம். அதையெல்லாம் காங்கிரஸ் தி.மு.க கூட்டணியினர் எப்படியெல்லாம் நாடகங்கள் போட்டு அடக்குமுறைகளை ஏவி ஒடுக்கினர் என்பது தமிழக மக்கள் அனைவரும் அறிந்ததே.

தோழர் செந்தில்.

//புலிகளின் தவறுகள் சிங்கள இனவெறி அரசின் ஒடுக்குமுறையை நியாயப்படுத்திவிடாது. //

புலிகளின் கொடிய ஒடுக்குமுறை தான் இலங்கை அரசின் ஒடுக்குமுறை பரவாயில்லையே என்பதை உணரவைத்தது .தங்களை ஆதரிக்காவிட்டால் தமிழ் துரோகி போன்ற பட்டங்களை மற்றவர்களுக்கு சூட்டி மகிழ்ந்தவர்கள் புலி ஆதரவாளர்களே.

Tecan,
//படுகொலைகளை நியாயப்படுத்துபவர்கள் மனிதத் தன்மை உள்ளவர்களா? அமிர்தலிங்கம் போன்ற அரசியல்வாதிகலின் படுகொலைகளை நீங்கள் சரி என்று வாதாடி இருக்கிறீர்கள். நீங்கள் கொலையாளிகளுக்காக பரிந்து பேசிய ஆதாரங்கள் இருக்கின்றன. தேவைப்பட்டால் நீதிமன்றத்திலும் சமர்ப்பிக்கப்படும்.//

எந்த நீதிமன்றத்தில்? ராஜபக்க்ஷேவின் நீதிமன்றத்திலா? ஆத்திரத்தில் எது வேண்டுமானாலும் எழுதுவீர்களா? இப்படி ப்ளாக் மெயில் செய்வது எதற்கு? உங்கள் கருத்திலேயே நிறைய குழப்பம் இருக்கிறது. புலிகளின் அரசியலை இனவாத அரசியல் என்று விமரிசிக்கிறீர்களோ அதே இனவாத அரசியல்தான் அமிரதலிங்கத்தினுடையதும். என்ன அவர் ஆயுதம் தூக்கவில்லை அவ்வளவுதான். மற்றபடி உங்கள கருத்தை பொறுமையாக வைத்து விவாதிப்பதற்கு பதில் இப்படி வார்த்தைகளை அள்ளிக் கொட்டுவதால் என்ன பயன்? ஐயா இத்தனை ஆண்டு காலம் புலிகள் இவ்வளவு செல்வாக்கோடு இருந்தார்களே அதை உங்களைப் போன்றவர்கள் மாற்ற முடியவில்லையே ஏன்? காரணம் உங்கள் அணுகுமுறையிலேயே நீங்கள் மட்டும்தான் தனியாக கத்துவீர்கள் என்பது அடிநாதமாக உள்ளது. இதை மாற்றாத வரை உங்களால் ஈழத்தமிழ் மக்களுக்கு புதிய அரசயலை கொடுக்க முடியுமா என்பது ஐயமே. முதலில் உங்கள் கருத்தை நாலுபேர் ஏற்பதற்கு என்ன செய்ய முடியும் எனப்பாருங்கள், இப்படி எரிந்து விழாதீர்கள். இந்த ப்ளாக் மெயில் புரூடாவை நிறுத்துங்கள். ஒரு வேளை நீங்கள் நீதிமன்றத்தில் நிறுத்த வேண்டுமென்றால் வினவை நிறுத்துங்கள், வினவு தளத்திற்கு வந்து விவாதிக்கும் நண்பர்களின் பெயர்களை சொல்ல வேண்டாம். ராஜீவ் கொலை புலிகள் செய்த மாபெரும் தவறு என்பது வினவின் கருத்துதான். ஆனால் ராஜீவின் மரணத்திற்கு யாரும் அழவேண்டியதில்லை என்பதும் வினவின் கருத்து என்பதால் ராஜீவ் கொலைக்கு ஆதரவாக வினவு பேசுகிறார் என நீங்கள் எந்த நீதி மன்றத்திலும் புகார் செய்யலாம், வழக்கு பதியலாம்.

வினவு

//எந்த நீதிமன்றத்தில்?// வினவு, கொலைகள் செய்த எல்லோரையும் மன்னித்து விடச் சொல்கிறீர்களா? ராஜபக்ஷவுக்கும் மன்னிப்பு கொடுப்பீர்களோ? மனிதப் படுகொலைகளை செய்த ராஜபக்ஷேக்களையும், பிரபாகரன்களையும் அவர்களின் செயல்களை ஆதரித்த அத்தனை பேரையும் நீதிமன்றத்தில் நிறுத்த வேண்டும் என்று சொன்னால் தவறா? ஈழத்தமிழர்களுக்கு ராஜபக்ஷேக்களும் குற்றவாளிகள், பிரபாகரன்களும் குற்றவாளிகள் தான். //ஐயா இத்தனை ஆண்டு காலம் புலிகள் இவ்வளவு செல்வாக்கோடு இருந்தார்களே அதை உங்களைப் போன்றவர்கள் மாற்ற முடியவில்லையே ஏன்? // இதிலே என்ன ஆச்சரியம்? இனவாதம் பேசினால் செல்வாக்கோடு இருக்கலாம். புலிகள் மட்டுமல்ல ராஜபக்ஷேவும் செல்வாக்கோடு தான் இருக்கிறார். செல்வாக்கோடு இருப்பவர்கள் செய்வதெல்லாம் சரியாகுமா? எதற்கும் நீங்கள் வன்னியில் இருக்கும் மக்களுடன் பேசிப்பாருங்கள். புலிகளின் செல்வாக்கு (பாஸிச சர்வாதிகாரம்) என்னவென்று அப்போது புரியும்.

//எந்த நீதிமன்றத்தில்? ராஜபக்க்ஷேவின் நீதிமன்றத்திலா?// இல்லை. கனடிய நீதிமன்றத்தில். இது கனடாத் தமிழர்களின் பாதுகாப்பு குறித்த பிரச்சினை. கனடாவில் கொலை செய்வோம் என புலி ஆதரவாளர்கள் தமிழ் மக்களை மிரட்டியிருக்கிறார்கள். அதற்கு என்ன பதில் சொல்கிறீர்கள்? செய்து விட்டுப் போகட்டுமே, எனக்கென்ன என்று இருக்கப் போகிறீர்களா? இதுவரை எத்தனை அப்பாவி மக்கள் கப்பம் கேட்டு தாக்கப்பட்டார்கள் தெரியுமா? கனடாவில் இருக்கும் பேட்டை ரவுடிகள் பற்றி தெரியுமா? கையிலே பணம் இல்லாவிட்டால் கடன் வாங்கி கப்பம் கட்ட வேண்டும். இல்லாவிட்டால் கொலை செய்வதாக பயமுறுத்துகிறார்கள். இதெல்லாம் உங்களுக்கு ப்ளாக் மெயிலாக தெரியாதே. இந்த அநீதியை எதிர்த்து தமிழர்கள் நீதிமன்றம் போகக் கூடாதா? சாதாரண தமிழ் மக்களுக்கு நீதி கேட்க உரிமை இல்லையா?

இதற்கெல்லாம் ஆதாரம் வேண்டுமா? Tamil Canadians and the Human Rights Watch Report http://transcurrents.com/tamiliana/archives/119

//தமிழர்களிடம் இருந்து தமிழர்களுக்காக தோன்றி அவர்களுக்காக உயிரையும் கொடுப்பவர்கள் புலிகள்.
மக்களிடம் இருந்து மக்களுக்காக உருவாகி குடுமப அரசியல் என்னும் வட்டத்துள் சுருங்கி மக்களின் பணத்தில் தம்மை மட்டும் வளர்ப்பவர்கள் அரசியல் வாதிகள். இதனால் தான் மக்களையும் இந்தியாவையும் நாம் பிரித்தே பார்க்கிறோம் என்று சொன்னேன்.//

ஒப்புக் கொள்ள மாட்டேன். மாற்றுக் கருத்து உள்ளவர்களையெல்லாம் துரோகிப் பட்டம் கட்டி அழித்த முரட்டுக் கூட்டம்தான் புலிகள். தமிழ் பேசும் முஸ்லீம்களை விரட்டியடித்த ஃபாஸிஸ்டுகள் மக்களுக்கானவர்கள் என்பது நகைப்புக்கிடமானது. ஆயிரக்கணக்கான குழந்தைகளுக்கு வீரச்சாவு பற்றி வகுப்பெடுத்த பிரபாகரன் ஏன் சயனைடு கடித்து சாகவில்லை? தனக்கொரு நியாயம் ஊருக்கு ஒரு நியாயம் என்று வாழ்ந்து அழிந்து மண்ணோடு மண்ணாகப் போன கூட்டம்தானே புலித்தலைமை!

இந்தியாவில் கருணாநிதியும் ஜெயலலிதாவும் கொள்ளையடிக்கிறார்கள் என்றால் அவர்கள் இருவரையும் எதிர்த்து நான் கூட கட்சி ஆரம்பிக்க முடியும். ஊழலோ, வாரிசு அரசியலோ இந்தியாவில் யார் ஆள்வது என்பதை முடிவு செய்வது மக்களின் வாக்குகள்தான். முரடர்களின் துப்ப்பாக்கிகள் அல்ல.

இதுவரை எந்தக் காலத்திலும் இந்தியத் தமிழர்கள் இலங்கைத் தமிழர்களிடம் எந்தவொரு உதவியும் கேட்காததே அவர்களை விட நாங்கள் நன்றாக இருக்கிறோம் என்பதற்கான அடையாளம். எனவே உங்களைப் பற்றிய உயர்வு மனப் பான்மையை மறந்து விட்டு எங்களையும் இழுத்துவிட்டு வன் கொடுமை செய்யாமல் உங்கள் குறைகளைக் களைந்து திருந்தி வாழுங்கள். அதை விட்ட சிறப்பான யோசனை: உங்களைப் புலிகள் என்று மட்டுமே அடையாளப் படுத்திக் கொள்ளுங்கள். ஈழத்தமிழர்கள் என்று சொல்லாதீர்கள். ஈழச் சகோதரர்களுடன் நாங்கள் உறவு வைத்திருக்க உங்களால் உள்ள தடைகள் அப்போதுதான் அழியும்.

தமிழ்நிலா நீங்கள் ஈழத்தமிழரை வெறுக்கும் புலி அனுதாபியாக இருக்கலாம், அதற்காக ஈழத்தமிழரை நேசிப்பவர்களை மேல்வீட்டில் களிமண் உள்ளவர்கள் என்று திட்டுவது அநாகரீகமானது. மற்றவர்கள் கருத்துகளுக்கு உங்கள் எதிர்கருத்து இருந்தால் அதை மட்டும் பதியுங்கள்.

தமிழகத்தில் வெளிவந்த செய்தி இது:

தமிழகத்தில் காங்கிரஸ் கட்சியினரால் ஈழத் தமிழர்களுக்கு நிவாரணப் பொருட்கள் சேகரிக்கப்பட்டது. அப்படிச் சேகரிக்கப்பட்ட பொருட்கள் இன்னும் சத்யாமூர்த்தி பவனில் ஒரு அறையில் முடங்கிக்கிடக்கிறது. சென்னையிலுள்ள செஞ்சிலுவை சங்கத்தில் கேட்டால் அது கட்சிக்காரர்களின் பொறுப்பு, எங்களுக்கு நிவாரணப் பொருட்களை நேரடியாக இலங்கைக்கு அனுப்பி வைக்க அதிகாரங்கள் கிடையாது என்பது போல் சமாளிக்கிறார்கள்.

இப்படி நடந்துகொள்ளும் இவர்கள் தான் தமிழகத்தில் புலிகளுக்கு ஆதரவாக யாராவது பேசினாலே அவர்களை ‘தீவிரவாதிகள், பயங்கரவாதிகள்’ என்று சித்தரித்து அவர்கள் ஈழத் தமிழர்களுக்கு எதிராக செயல்படுகிறார்கள் என்று கூறிக் கொண்டிருக்கிறார்கள்.

புலிகளுக்கு ஆதரவாக பேசுபவர்கள் யாரும் ஈழத் தமிழர்களுக்கு உதவக்கூடாது என்பது போல் உள்ளது உங்கள் கருத்து. தமிழகத்தில் புலிகளுக்கு எதிராக பேசுபவர்கள் ஈழத் தமிழர்களின் நலனில் அக்கறை உள்ளவர்கள் என்றோ, புலிகளுக்கு ஆதரவாக பேசுபவர்கள் அனைவரும் ஈழத் தமிழர்களின் நலனில் அக்கறை இல்லாதவர்கள் என்றோ தயவுசெய்து எண்ணிக் கொண்டு இருக்காதீர்கள்.

முகாமிற்குள் இருக்கும் மக்கள் மறுபடியும் அவர்கள் இடத்தில் குடியமர்த்தப்பட இன்னும் ஆறு மாத காலங்கள் ஆகும் என்று இலங்கை அரசு கூறியுள்ளது. இது தமிழர்களை மனரீதியாக ஒடுக்கும் நடவடிக்கை. தமிழர்களுக்கு உரிமை வழங்குவது பற்றி டிசம்பர் மாதம் வரை பொறுத்திருக்க வேண்டும் என்கிறார் ராஜபக்சே (தேர்தல் நேரம் என்பதால் சிங்கள இனவாதிகளை பகைத்துக்கொள்ள ராஜபக்சே விரும்பவில்லை).

எனவே, ஈழத் தமிழர்களுக்கு நாங்கள் தான் உதவுவோம் மற்றவர்கள் யாரும் உதவக்கூடாது ஒதுங்கிக் கொள்ளுங்கள் என்று சொல்லுவதற்கு இது தருணமல்ல.

சென்னையில் தகவல் தொழில்நுட்பத் துறை மற்றும் தனியார் நிறுவனங்களில் பணி புரியும் பொறியாளர்கள் ஒன்றிணைந்து ‘save-tamils’ எனும் குழுமத்தை ஆரம்பித்து பேரணிகள், உண்ணவிரதப் போராட்டங்கள், ஈழத் தமிழர்களின் இன்றைய நிலை மற்றும் அடுத்தகட்ட நடவடிக்கை பற்றிய கருத்தரங்கங்கள் ஆகியவற்றை நடத்தி வருகிறோம். ஈழத் தமிழ்மக்கள் பாதுகாப்பிற்கு அடுத்த கட்ட நடவடிக்கை பற்றிய உங்களுடைய கருத்துக்களை எங்கள் குழுமத்தில் இணைந்து தெரியப்படுத்துங்கள்.

எங்கள் குழுமத்தின் முகவரிகள்:

இணையதளம்: save-tamils.blogspot.com

மின்னஞ்சல்: savetamil@gmail.com

குழுமத்தின் மின்னஞ்சல்: save-tamils@googlegroups.com

தோழமையுடன்,

செந்தில்.

//சென்னையில் தகவல் தொழில்நுட்பத் துறை மற்றும் தனியார் நிறுவனங்களில் பணி புரியும் பொறியாளர்கள் ஒன்றிணைந்து ’save-tamils’ எனும் குழுமத்தை ஆரம்பித்து பேரணிகள், உண்ணவிரதப் போராட்டங்கள், ஈழத் தமிழர்களின் இன்றைய நிலை மற்றும் அடுத்தகட்ட நடவடிக்கை பற்றிய கருத்தரங்கங்கள் ஆகியவற்றை நடத்தி வருகிறோம்.//

உண்ணாவிரதப் போராட்டம் என்பதற்கு பதில் உண்ணவிரதப் போராட்டம் என்று பதித்துவிட்டேன். எழுத்துப் பிழைக்கு மன்னிக்கவும்.

தோழமையுடன்,

செந்தில்.

திரு. செந்தில்.

//புலிகளுக்கு எதிராக பேசுபவர்கள் ஈழத் தமிழர்களின் நலனில் அக்கறை உள்ளவர்கள் என்றோ, புலிகளுக்கு ஆதரவாக பேசுபவர்கள் அனைவரும் ஈழத் தமிழர்களின் நலனில் அக்கறை இல்லாதவர்கள் என்றோ தயவுசெய்து எண்ணிக் கொண்டு இருக்காதீர்கள்.//

புலிகளுக்கு ஆதரவாகப் பேசுபவர்கள் தமிழ் உணர்வாளர்கள். அவர்களைக் கேள்வி கேட்பவர்கள் தமிழ் துரோகிகள் என்று வரையறுத்து நூற்றுக்கணக்கான கொலைகள் நடந்ததை யாரும் இன்னும் மறக்கவில்லை. எனவே, உங்கள் மனம் கோணும் படி பேச விருப்பம் இல்லாவிட்டாலும், என் உண்மை நிலைப்பாடு அதுதான். புலி ஆதரவாளர்கள் ஈழத்தமிழர்களின் நிம்மதிக்கான தடைக்கற்களே. ஒரே மாதத்தில் இருபது வருட நிகழ்வுகள் எல்லாவற்றையும் மறக்க முடியவில்லை. மன்னிக்கவும்.

//ஈழத் தமிழர்களுக்கு நாங்கள் தான் உதவுவோம் மற்றவர்கள் யாரும் உதவக்கூடாது ஒதுங்கிக் கொள்ளுங்கள் என்று சொல்லுவதற்கு இது தருணமல்ல.//

யார் வரலாம் வரக் கூடாது என்பதை சர்வதேச சமூகம் முடிவு செய்கிறது. புலிகளுடன் கை கோர்த்துக்கொள்ள யாருக்கும் விருப்பம் இருக்காது என்றே நினைக்கிறேன். புலிகள் இல்லாமலே உதவிகள் செய்ய முடியும் என்பதை உணர்ந்தவன் நான். அதனால் எனக்கு இந்தக் குழப்பம் இல்லை.

ஐரோப்பிய புலி ஆதரவாளர்கள் அனுப்பிய வணங்கா மண் கப்பல் இறுதியில் இலங்கை அரசிடம் வணங்கிய மண்ணாக மண்டியிட்டது. புலிப்பினாமி செந்திலின் ’save-tamils’ எனும் குழுமமும் இறுதியில் இலங்கை அரசுக்கு வாலை ஆட்டும். பகிரங்கமாக புலிகளுக்காக வக்காலத்து வாங்கும் இவர்களின் உதவி ஈழத்தமிழர்களுக்கு போய்ச் சேராது என்பது எல்லோருக்கும் தெரியும். ஈழத்தமிழர் பெயரைக் கூறி தமிழக மக்களை ஏமாற்றி பணம் சம்பாதிப்பது மட்டுமே இவர்களின் நோக்கம்.

ஒப்புக் கொள்ள மாட்டேன். மாற்றுக் கருத்து உள்ளவர்களையெல்லாம் துரோகிப் பட்டம் கட்டி அழித்த முரட்டுக் கூட்டம்தான் புலிகள். ’

இந்திய ராணுவம் எங்கள் மண்ணில் செய்த கொடுமைகளையே நீங்கள் ஒத்துக்கொள்ளாமல் புலிகள் மீது பழி போடுபவர் இதை மட்டும் ஏற்றுக் கொள்ளவா போகிறீர்கள்.

‘மாற்றுக் கருத்து உள்ளவர்களையெல்லாம் ‘
இதற்கான வாழும் சாட்சி கருணா.இதற்கு மேல் நான் சொல்லத் வேவை இல்லை.அதற்காக புலிகள் செய்த அனைத்துக் கொலைகளையும் நான் ஏற்றுக் கொள்ளவும் இல்லை.

‘இதுவரை எந்தக் காலத்திலும் இந்தியத் தமிழர்கள் இலங்கைத் தமிழர்களிடம் எந்தவொரு உதவியும் கேட்காததே அவர்களை விட நாங்கள் நன்றாக இருக்கிறோம் என்பதற்கான அடையாளம்
’
ஈழத்தமிழர்களாகிய நாங்கள் இந்நியாவை எங்கள் தொப்புள் கொடி உறவு நாடு என்று நினைத்தது உண்மைதான். ஈழத்தமிழர்களுக்கு நீங்கள் சோறு போடுவதும் உண்மைதான்.சோறு போட்டது மட்டுமா செய்தீர்கள்?சோறு போடுவது மாதிரி போட்டு மீண்டும் நிமிர முடியாது என்று நினைத்து முதுகிலும் அல்லவா குத்திவிட்டீர்கள்.

ரதி மற்றும் வினவு அவர்களே, இங்கே தமிழ் நிலாவின் அநாகரீகமான வசவுகள் எல்லாம் உங்களுக்கு நாகரீகமாக தெரிகின்றதா? இவர்களுக்கு மட்டும் எப்படியும் திட்ட சுதந்திரம் கொடுப்பீர்களா?

இங்கே தமிழ் நிலா என்ற இனவெறியர் வார்த்தைக்கு வார்த்தை இனத்துவேசத்தை கொட்டுகிறார். இதற்கு என்ன சொல்கிறீர்கள்? தமிழ் நிலா போன்ற இனத் துவேஷிகளுக்கு சுதந்திரம் கொடுக்க வேண்டுமா? இனவாதத்தை தட்டிக் கேட்பவர்களை மட்டும் அடக்குகின்றீர்கள்.

தமிழ் நிலா போன்ற இனத்துவேஷிகளை தண்டிப்பது நீதியின் கடமை. அதற்குப் பெயர் காட்டிக் கொடுப்பல்ல. கிரிமினல்களும் தமிழ் நிலா போலவே தங்கள் செயலை நியாயப்படுத்துகின்றனர்.