ராஜபக்சேவை தண்டிப்பது சாத்தியமா? தோழர் மருதையன் நேர்காணல்!

இதைப் போன்றதொரு தொகுப்பினைத்தான் தேடினேன். நண்பர்கள் சில புத்தகங்களை பரிந்துரைத்தார்கள். இந்த வீடியோ எத்தகைய பார்வையை அளிக்கிறது எனப் பார்க்க வேண்டும். தரவிறக்கம் செய்துவிட்டேன். இனிதான் பார்க்க வேண்டும்.

பல விஷயங்களை புரிய வைத்திருக்கிறார் நேர்காணலில் பதிலளித்த மருதையன் அவர்கள். அவர்களுக்கு எனது நன்றிகள் பல.

சாதாரண தமிழக மக்கள் மிகப்பலருக்கு ராஜபக்ச யார் என்று கூட தெரியாது. தமிழகத்தின் மெத்தப்படித்த அதிமேதாவிகளுக்கு கூட இலங்கையில் வாழும் இந்திய வம்சாவளி தமிழருக்கும் அத்தீவின் வடகிழக்கில் பாரம்பரியமாக வாழும் ஈழத்தமிழருக்கும் உள்ள வேறுபாடு தெரியாது. இன்னொரு நாட்டுக்கு டீ எஸ்டேட்டில் வேலை செய்யப்போனவர்கள், பஞ்சம் பிழைக்கப்போனவர்கள் எப்படி தனி நாடு கேட்டு போராடலாம் என கேட்கிறார்கள். நான் உரையாடியவர்களில் மிகப்பெரும்பாலானோர் இம்மாதிரியான அறியாமையைத்தான் கொண்டிருக்கிறார்கள். ரொம்பவும் சலிப்பாக இருக்கிறது. இப்போது போராட்டத்தில் குதித்திருக்கும் கல்லூரி மாணவர்களும் (அனைவரும் அல்ல) இந்த விடயத்தில் இதே மாதிரியான தற்குறிகள் தான். (ஏதோ ஆர்வக்கோளாறில் போராட்டத்தில் இறங்கி விட்டார்கள்) இந்த அறியாமையை போக்கினால் ஒழிய ஈழத்தமிழர் விவகாரத்தில் தமிழக மக்களிடத்தில் மிகப்பெரிய மாற்றமும் விழிப்புணர்வும் வரும் என்று எதிர்பார்க்க முடியாது. புரட்சிகர அமைப்புக்கள், விவரம் தெரிந்த மாணவர்கள், தமிழ் அமைப்பினர் ஆகியோர் ஈழத்தமிழர் வரலாறு, அவர்களின் யாழ்ப்பாண ராச்சியம் குறித்த வரலாறு, ஈழத்தமிழருக்கும் இந்திய வம்சாவழி தமிழருக்கும் உள்ள வேறுபாடு, பிரச்சினைக்கான காரணங்கள் ஆகியவற்றை மற்றவர்களுக்கு விளக்கி பிரச்சாரம் செய்யவேண்டும். பொது மக்கள் அதிகமாக கூடும் இடங்களில் குறிப்பாக பேருந்துகளில் கல்லூரி மாணவர்கள் பிரச்சாரம் செய்ய வேண்டும். மற்ற மாணவர்களுக்கும் தெரியப்படுத்தலாம். பள்ளி மற்றும் கல்லூரி மாணவர்கள் பேசுவது பொது மக்களிடம் நன்றாக எடுபடுவதை கண்டிருக்கிறேன். தமிழ் அமைப்பினர் ஒரு குக்கிராமத்தில் இருக்கும் ஒரு வீடு பாக்கியில்லாமல் பிரச்சாரம் செய்ய வேண்டும். அறிவியல் மிகவும் வளர்ந்துள்ள இக்காலத்தில் சாதனங்களை பயன்படுத்தி கருத்தரங்கம், கலந்துரையாடல், பிரச்சாரம் ஆகியவற்றை செய்யலாம். இப்போது போராடும் மாணவர்கள் பெரும்பாலும் சட்ட மற்றும் கலை அறிவியல் கல்லூரிகளையும் புலங்களையும் சேர்ந்தவர்களே. இது போதாது. சட்டக்கல்லூரி மாணவர்களை பற்றி பொது மக்களுக்கு நல்ல எண்ணம் இல்லை. எப்போதும் கல்லூரிக்குள் ரகளை செய்பவர்கள், சாதி மோதலில் ஈடுபடுபவர்கள் என்னும் எண்ணம் உள்ளது. இந்த போராட்டத்தில் பொறியியல் மற்றும் மருத்துவ கல்லூரிகளை சேர்ந்த மாணவ மாணவிகள் ஏன் பங்கெடுக்கவில்லை? அவர்கள் தமிழர்கள் இல்லையா? அவர்களையும் இழுத்து வரவேண்டும். தமிழகத்தை சேர்ந்த புத்திஜீவிகளிடம் (மெத்தப்படித்த அறிவாளிகள், அரசு அலுவலர்கள், பள்ளி மற்றும் கல்லூரி ஆசிரியர்கள், தொழில் அதிபர்கள், பண செல்வாக்கு கொண்டவர்கள், மருத்துவர்கள், பொறியியல் வல்லுனர்கள், உயர்கல்வி பயிலும் மாணவர்கள், தமிழ் நாட்டிலிருந்து வெளிநாட்டில் குடியேறிய தமிழர்கள் ஆகியோர்) பிரச்சாரம் செய்து ஆதரவை அணுகி பெறுவதும் இன்றிமையாதது. இலங்கை தமிழ்நாட்டை விட சிறிய நிலப்பரப்பு. ஆனால் அது இறையாண்மை கொண்ட தனி நாடு. அதனால் தான் வெறும் ஒன்றரை கோடி சிங்களர்களும் அவர்களின் அரசும் எட்டு கோடி எண்ணிக்கையில் உள்ள தமிழ் மக்களை துச்சமாக எண்ணி இன அழிப்பை மேற்கொள்ள முடிகிறது. இந்திய அரசும் தமிழ் நாட்டை உதாசீனப்படுத்தி விட்டு சிங்கள அரசை தாஜா செய்கிறது. தலை மேல் தூக்கி வைத்து கொண்டாடுகிறது. தமிழகத்தின் அனைத்து தரப்பு மக்களும் ஒன்றிணைந்து போராடினால் மட்டுமே உலகம் கவனிக்கும். சம்பந்தப்பட்டவர்கள் இதை கவனிப்பார்களா என தெரியவில்லை.

THE VICTOR WILL NEVER BE ASKED IF HE TOLD THE TRUTH

இலங்கை விவகாரத்தினையொட்டி அமெரிக்கா கொண்டுவரும் தீர்மானத்தின் மீது கியூபா, வெனிசூலா ஆகிய நாடுகள் எடுக்கும் நிலைப்பாட்டின் நியாயம் புரிந்துகொள்ளமுடிகிறது. சரி, ஏன் கியூபாவும், வெனிசுலாவுமே ஒரு சரியான, நியாயமான தீர்மானத்தை கொண்டுவரக்கூடாதா?

நேற்றுக்கூட புதிய தலைமுறை நிகழ்ச்சியில் இந்தியாவும் இனப்படுகொலையின் இரத்தம் படிந்த கைகள் உடையது தான் என பேசிய சிலரும் இறுதியில் இந்தியாவே ஒரு சரியான தீர்மானத்தை கொண்டு வந்து ராஜபக்சேவை தண்டிக்க வேண்டும் என பேசினர். இவர்கள் பேச்சை கேட்ட பின்னரும் கூட மற்ற சிலர் ஏன் இந்தியா தலையிட மாட்டேன் என்கிறது மொன்னையாக ஆதங்கப்பட்டனர். (இந்தியா தலையிட்டதன் விளைவு தானடா இந்த அக்கப்போரே.) ஒருவர் மட்டும் இங்குள்ள ரிலையன்ஸ் கம்பெனிக்கு இலங்கையில் பெரிய சிமெண்ட் கம்பெனி இருக்கு.. அதுபோல டாடா போன்ற முதலாளிகளின் நலனுக்காக மட்டும் தான் இந்தியா செயல்படும் என்றார்.

ராஜபக்சேவுக்கு பின்னால் நின்று போரை நட்த்திய முக்கிய குற்றவாளியான இந்திய அரசு மூலமே நியாயம் கேட்க சொல்வது எப்படி சரியாகும் என மருதையன் தோழர் கூறிய எளிய உண்மையினை கேள்வியினை புதிய தலைமுறை மட்டுமல்ல வெளி அரங்கிலும் சொல்வார் அதிகம் இல்லாத்து தான் ஈழத்தமிழர்களுக்கு நேர்ந்து உள்ள மிகப்பெரிய அபாயம் என நினைக்கிறேன்.

புதிய தலைமுறை முதலாளிக்கு கூட இலங்கையில் வேறு பெயரில் கல்வி நிறுவனம் ஆரம்பிக்கபட்டு உள்ளதை கூட ஏதோ ஒரு நிறுவனம் என அதே நிகழ்ச்சியில் ஒருவர் கூறிவிட்டு இந்தியாவே நியாயம் கேட்க வேண்டும் என கோருவது என்ன கேலிக்கூத்து.

இந்தியா கெட்ட அரசு தான் ஆனால அதை விட்டால் வேறு ஆள் இல்லை என திருமாவிலிருந்து அனைத்து பிழைப்புவாதிகளும் பேசுவதை இந்த தக்க நேரத்தில் அம்பலப்படுத்தி தோழர் மருதையன் பேசியதில் கேட்கும் நேர்மையானவர்காளிடம் நிச்சியம் சீமான், திருமா, கலைஞர், ஜெயா போன்றவர்கள் ஏன் இன்னும் பாராளுமன்ற பன்றி தொழுவத்திலேயே குதிரை ஓட்டுக்கின்றனர் என்பதை நிச்சியம் உணர்வார்கள்.

மேலும் இந்த உரையாடலை எளிமையாக காட்சி விளக்க படங்களாக மக்கள் கூடும் இடங்களில் எடுத்து சென்றால் மட்டுமே சரியான அரசியலை இன்று போராடும் மாணவர்களுக்கு கூட உணர்த்த முடியும். அப்படி உணரும் போது போராடுபவர்களின் எண்ணிக்கை குறையலாம். ஆனால் எண்ணிக்கை அல்ல விடுதலை தீர்மானப்பது. சரியான அரசியல் மட்டும் தான் என மருதையன் தோழர் கூறுவது போல நிச்சியம் ஒரு நாள் ஈழத்தமிழர் இனப்படுகொலைக்கு காரணமானவர்கள் தண்டிக்கப்படுவார்கள்.

மருதையனின் பேட்டி பல்வேறு உண்மைகளை இப்போதுள்ள தலைமுறைக்கு உணர்த்தியுள்ளது .ஆனால் இதையெல்லாம் பரிசீலிக்கும் மனநிலையில் தமிழர்கள் இன்றும் இல்லை அன்றும் இல்லை . ஆனால் அவர் முன் வைக்கும் சிங்கள தமிழ் உழைக்கும் மக்கள் ஒன்றிணைவு என்பது யதார்த்தத்திலிருந்து வெகு தூரத்தில் உள்ளது .அவர் மிகவும் சரியாக பேசுகிறார் என்பதை ஒப்புக் கொண்டாலும் கூட சாத்தியத்திலிருந்து விலகி இருக்கிறார் என்றே என் மனம் ஏற்க மறுக்கிறது ..இதையெல்லாம் விட ஒரு முக்கியமாக ஒரு விஷயம் என்னவெனில் வைகோ போன்ற போலி களின் பார்வையிலேயே தமிழகம் மற்றும் மாணவர்கள் புலிகளின் தலைமையை தெய்வம் போல நம்புகின்ற போக்கு.கலைஞர் அங்கே பெரும் இனப்படுகொலை நடந்து கொண்டிருந்த போது அதை மூடி மறைத்தார் மழை விட்டும் தூவானம் விடவில்லை என்றெல்லாம் சொன்னது பெரும் துரோகம். அவரை இந்தளவு நாம் வெறுப்பதன் காரணம் அந்தளவுக்கு அவர் ஏதாவது செய்வார் என்றே அனைவரும் நம்பினோம் . குறைந்த பட்சம் தான் சொல்வதை மத்திய அரசு கேட்கவில்லை என்பதை வெளிப்படையாக சொல்லியிருக்கலாம் மத்திய ஆட்சியிலிருந்து வெளியேறியிருக்கலாம் .போகட்டும் அவர் சாயம் வெளுத்தது .ஆனால் வைகோ .சீமான் ,நெடுமாறன் போன்ற பிழப்பு வாதிகள் எப்படி இன்னும் தோலுரிக்கப்படாமல் வலம் வருகின்றனர் ? இவர்களின் எழுச்சி அந்த இறுதிகட்ட போரின் பொது எப்படி இருந்தது ? ஈழ பிரச்சினையை மூலதனமாக வைத்து கர்ம சிரத்தையாக ஓட்டுப் பொறுக்கினார்கள் . ஜெயலலிதாவை வெற்றி பெறவைத்து அவர் ஏதோ பெரியமனது வைத்து வாங்கி தருவதாக சொன்ன தமிழீழத்தை வாங்கி அப்படியே பிரபாகரனுக்கு பார்சல் செய்துவிடுவோம் என்று தாம் ஒட்டுப் பொறுக்கும் செயலை நியாயப்படித்தினார்கள். இதையே புலிகளுக்கும் கொஞ்சம் பொறுங்கள் நாங்கள் இந்த ஆட்டத்தை முடித்து விட்டு வந்து பிஜேபி ஆட்சி வந்துவிடும் பிறகு உங்களையெல்லாம் காப்போம் என போலியான வாக்குறுதி கொடுத்தார்கள் .இங்கே அரசியல் ஆட்டத்தை முடித்த களைப்பில் இவர்களெல்லாம் இளைப்பாறினார்கள் . அங்கே அனைத்தும் முடிந்தது..இப்போது மாட்டிய துரோகி கருணாநிதியை மனசாட்சியே இல்லாமல் மாட்டாத அனைத்து துரோகிகளும் தர்ம அடி போடுகிறார்கள் .ஏன் போர் உட்சத்தை எட்டியதும் ,அவர்கள் ஒன்றிரண்டு சதுர கிலோ மீட்டர் பரப்பில் மடக்கப்பட்டு கிடப்பதும் புலிகளுடன் நேரடி தொடர்பில் இருந்த வைகோ நெடுமாறனுக்கு கூட தெரியாதா? தெரியும் என்பதே உண்மை .கருணாநிதி துரோகி என்பது அனைவருக்கும் தெரியும் .இவர்களெல்லாம் யார் என்பதை நடேசனும் பிரபாகரனும் மற்ற தலைவர்களும் ஆவியாக வரும் சாத்தியம் இருந்தால் நன்றாக புரியும் . அவர்கள் ஆன்மா என ஒன்று நிலவினால் அது அவர்களை மன்னிக்காது ஏனென்றால் பிரபாகரன் நம்பியது கருணாநிதியை அல்ல இவர்களைத் தான் .இன்றைக்கு இந்த வைகோ உத்தமன் வேடம்போடுவதை சகிக்க முடியவில்லை .இங்கே குறைந்தபட்சம் வைகோ சரியான முறையில் அம்பலப்படுத்தப் பட வேண்டும் .வினவு இதனை செய்ய வேண்டும்

உண்மை உண்மை உண்மை !!!

இப்போது மாட்டிய துரோகி கருணாநிதியை மனசாட்சியே இல்லாமல் மாட்டாத அனைத்து துரோகிகளும் தர்ம அடி போடுகிறார்கள் .ஏன் போர் உட்சத்தை எட்டியதும் ,அவர்கள் ஒன்றிரண்டு சதுர கிலோ மீட்டர் பரப்பில் மடக்கப்பட்டு கிடப்பதும் புலிகளுடன் நேரடி தொடர்பில் இருந்த வைகோ நெடுமாறனுக்கு கூட தெரியாதா? தெரியும் என்பதே உண்மை.

கருணாநிதி துரோகி என்பது அனைவருக்கும் தெரியும் .இவர்களெல்லாம் யார் என்பதை நடேசனும் பிரபாகரனும் மற்ற தலைவர்களும் ஆவியாக வரும் சாத்தியம் இருந்தால் நன்றாக புரியும் . அவர்கள் ஆன்மா என ஒன்று நிலவினால் அது அவர்களை மன்னிக்காது ஏனென்றால் பிரபாகரன் நம்பியது கருணாநிதியை அல்ல இவர்களைத் தான்.

இன்றைக்கு இந்த வைகோ உத்தமன் வேடம்போடுவதை சகிக்க முடியவில்லை .இங்கே குறைந்தபட்சம் வைகோ சரியான முறையில் அம்பலப்படுத்தப் பட வேண்டும்.

தொய்வில்லாத,முரண்பாடுகளற்ற,தெளிந்த கருத்துக்கள்.அமெரிக்க,இந்திய,ஐ. நா. தீர்மானங்களைப் பற்றிப் பேசும் அனைத்துத் “ தலைவர்களும்” ஆழ்ந்து சிந்திக்க வேண்டும்.இந்திய அரசிடம் அவர்கள் வைக்கின்ற கோரிக்கையைப் போன்றதல்ல இது. நீங்கள் ஈழ துரோகிகள் அல்ல என்பதை இப்போதாவது நீருபியுங்கள்.தமிழினப் படுகொலையாளன் ராஜபட்சே,கூட்டாளிகள் இந்தியாவுக்கு அழைக்க்கப்படுவதும்,இன்றுவரை தமிழக மீனவர்கள் கொலை செய்யப்படுவதும் அதை அயோக்கிய இந்திய அரசு வேடிக்கை பார்த்துக்கொண்டிருப்பதும் யதார்த்தமாக நடப்பது அல்ல.திட்டமிட்டு நடத்தப்படுவதாகும்.தோழர்.மருதையனின் இந்த நேர்காணலை உடனடியாக ஒலிக்குறுந்தகடாக வெளியிடவேண்டும்.அவசர அவசியமானது.இந்த நேர்காணலே காலதாமதமானது தான்.

நேற்று முளைத்த காளான்களான மே-17, நாம் தமிழர் சீமான், சேவ் தமிழ்ஸ் மற்றும் பாரம்பரியமாய் ஈழத்தை வைத்தி பிழைப்பு நடத்தி பொறுக்கித் தின்று கொழுத்துத் திரியும் பழ.நெடு, வை.கோ உள்ளிட்டவர்கள் தான் பிரபாகரனுக்குத் தவறான வழிகாட்டுதல்களை வழங்கி நந்திக் கடலோரம் தள்ளிச் சென்றவர்கள்.

புலிகளுக்கும் அவ்வாறான நம்பிக்கை இருந்ததென்றாலும், இவர்களே அத்தனை ஆயிரம் மக்கள் ஒரே நாளில் சிங்கள ராணுவத்தின் கொலைக்கரங்களில் வீழ்ந்து போக நேரடிக் காரணம். அமெரிக்க கப்பற் படையின் பசிபிக் பிரிவு கப்பம் அனுப்பும், பி.ஜே.பி வென்றால் சிங்களர்களை கட்டுப்படுத்துவார்கள், இலை மலரும் ஈழம் மலரும் என்றெல்லம் தவறான தகவல்களை அளித்து புலிகளையும் மக்களையும் கொலைக்களத்துக்கு தள்ளிச் சென்றவர்கள்.

கருணாநிதியையாவது ஒரு கணக்கில் வைக்கலாம். அவரை புலிகளும் ஆரம்பத்திலிருந்தே நம்பவில்லை, இவரும் புலிகளின் மேல் அபிமானம் கொண்டவர் இல்லை. ஆனால், புலிகள் யாரை நம்பினார்களோ அவர்களே கழுத்தறுத்தார்கள். வீழ்ந்த ஒவ்வொரு பிணமும் இவர்களைத் துரத்தித் துரத்திக் நியாயம் கேட்பதற்கு முகம் கொடுக்க பயந்து தான் தேவைக்கும் அதிகமாக கருணாநிதியை திட்டித் தீர்க்கிறார்கள். இது, “அதோ திருடன், இதோ திருடன்” உத்தி. நீங்க தாண்டா திருட்டுப் பயல்கள். நீங்க தாண்டா கொலைபாதகர்கள். பதில் சொல்லுங்கள்.

புலிகள் அழித்தொழிக்கப்பட காரண கர்த்தாக்களான நீங்கள் இப்போது மக்களுக்கு பதில் சொல்ல வேண்டும். செத்துப் போன ஒவ்வொரு ஈழ உயிருக்கும் பதில் சொல்ல வேண்டும்.

இதே கிளிநொச்சி வீழ்ந்த போது மேடை போட்டு “கிளிநொச்சியையா பிடிப்பீர்கள் ஒரு கிளிக்குஞ்சைக் கூட பிடிக்க முடியாது உங்களால்” என்று சவடால் பேசிய சீமானின் வாய் எங்கே?

இந்த அயோக்கியர்களை தமிழர்கள் மறக்கக் கூடாது. இவர்களின் துரோகத்தனங்களை மன்னிக்கக் கூடாது. இவர்கள் பதில் சொல்ல வேண்டும்.

இன்றைக்கும் இவர்களை நம்பி இவர்கள் பின்னால் ஓடும் அப்பாவி தமிழ் இளைஞர்களே, உங்களையும் அறியாமலோ அறிந்தோ நீங்களும் ஒரு வரலாற்று துரோகத்தனத்துக்கு துணை போகிறீர்கள் என்பதை உணருங்கள். இன்று மாணவர்கள் தன்னெழுச்சியாய்ப் போராடும் போது வாய் மூடி மௌனிகளாய் நிற்கும் உங்கள் தலைமையைக் கேள்வி கேளுங்கள். அன்றைக்குச் சொன்னதெல்லாம் என்னவாயிற்று என்று கேளுங்கள். ஏன் புலிகளை நம்பவைத்துக் கழுத்தறுத்தீர்கள் என்று கேளுங்கள். பிரபாகரன் மீண்டும் வருவார் என்று எவன் சொன்னாலும் சொன்ன இடத்திலேயே சொக்காயைப் பிடித்து உலுக்குங்கள்.

ஈழத் தமிழர்களுக்கு விடுதலை முதலில் தமிழ்நாட்டு இனவாத முட்டாள்களிடம் இருந்து கிடைக்கட்டும்.

ராஜபக்‌ஷே மற்றும் அவரது சகாக்களை மட்டும் போர் குற்றங்களுக்காக தண்டித்தால் போதுமா ? (அவர்கள் தண்டிக்கப்பட வேண்டும் என்பதில் மாற்று கருத்து எதுவும் இல்லை) ; புலிகள் செய்த போர் குற்றங்கள் (மனித கேடையமாக அப்பாவிகளை பயன்படுத்தியது, சிறார்களை கட்டாயமாக இழுத்துச் சென்று போர் முனைக்கு அனுப்பியது, தப்ப முயன்ற மக்களை சுட்டு தடுத்தது ; தவிர 30 ஆண்டுகளாக பல சிவிலியன்களை, சிறுவர்களை கொன்றது, இஸ்லாமியர்களை கொன்றது, அழித்தொழிப்புகள் : இக்குற்றங்களுக்கு யாரை இனி தண்டிப்பது ? யார் இதற்க்கு இனி பொறுப்பேற்பது ?

வழமை போல தமிழ்தேசிய வாதிகளை கடித்து குதரியாச்சு , அதைப்பற்றி கவலை இல்லை . ஈழத்தமிழர்களின் எதிர்கால வாழ்வு குறித்துதான் எமது கவலை . மாணவர் கோரிக்கைகளை குறை சொல்லும் அவசியம் புரியவில்லை … இந்தியாவை தீர்மானம் கொண்டு வர சொல்வதன் நோக்கம் குற்றவாளியை தப்பிக்க செய்வதல்ல குற்றவாளியை குற்றத்தை ஒப்புக் கொள்ள நிர்பந்திப்பது , அடுத்து சர்வதேச நீதி விசாரணை பற்றி தோழர் ஒன்றும் குறிப்பிடவில்லை … இந்தியாதான் போரை நடத்தியது என தமிழன் ஒவ்வொருவருக்கும் தெரியும் …

தோழர் சொல்லும் தீர்வானது சாத்தியமே இல்லை …. தமிழகத்தில் உள்ள சாதி மோதல்களை பெரும்பாலான மக்கள் ஆதரிப்பதில்லை மேலும் அவர்கள் தமிழர் என்ற அடையாளத்துடன் ஒன்றிணைய சாத்தியம் அதிகம் … முள்ளிவாய்க்கால் போரின் போது எவ்வித எதிர்ப்பும் தெரிவிக்காத சிங்கள பெரும்பான்மையினர் , வெற்றிக் களிப்பில் இருக்கும் போது தமிழர் பற்றி சிந்திப்பார்களா ? கம்மியுனிச நாடுகள் பற்றிய தோழரின் விமர்சனத்தில் நேர்மையில்லை …அமேரிக்கா கொண்டு வருவதால் தீர்மானத்தை எதிர்க்கும் சிவப்பு நாடுகள் தாங்களே முன் வந்து ஈழத்தில் வந்து நிலையை அறிந்து தீர்மானம் கொண்டு வரலாமே ? மாறாக சிகப்பு நாடுகள் சிங்களனை ஆதரிக்க அல்லவா செய்கிறது ?

////வழமை போல தமிழ்தேசிய வாதிகளை கடித்து குதரியாச்சு, அதைப்பற்றி கவலை இல்லை.////

தமிழகத்தையோ, தமிழ் மக்களையோ பற்றி எந்த கவலையும் படாமல் ஜாலியாக தமிழ்தேசிய கனவில் மூழ்கித்திளைத்திருக்கும் தமிழ்தேசிய கோமான்களின் கனவை கலைக்கும் சிறு முயற்சியாக இந்த நேர்காணலில் தோழர் சில மென்மையான விமர்சனங்களை வைத்திருக்கிறார், இதற்கே இப்படி என்றால் இன்னும் கடுமையான விமர்சனங்களை வைத்தால் எப்படி எதிர்கொள்வீர்கள்.

////ஈழத்தமிழர்களின் எதிர்கால வாழ்வு குறித்துதான் எமது கவலை. மாணவர் கோரிக்கைகளை குறை சொல்லும் அவசியம் புரியவில்லை…////

எதிர்காலத்தைப் பற்றிய கவலைப்படுவதற்கு முன்னால் கடந்தகாலத்தைப் பற்றிப் பேசுங்கள். ஈழத்தமிழரின் இந்த நிலைக்கு யார் காரணம் ? ஈழத்தமிழரின் வாழ்க்கை இப்படி சின்னாபின்னமாக்கப்பட்டதற்கும், லட்சக்கணக்கானவர்கள் கொன்றொழிக்கப்பட்டதற்கும் எந்த அரசியல் காரணம், அகதிகளாகவும், மனநலம் பாதிக்கப்பட்டவர்களாகவும், முடமானவர்களாகவும், அநாதைகளாகவும் இறுதியில் லட்சக்கணக்கானவர்கள் முள்ளிவாய்க்காலில் புதைக்கப்படவும் எந்த அரசியல் காரணமாக இருந்தது ? ம.க.இ.க வின் அரசியலா தமிழ்தேசிய முட்டாள்களின் வெற்றுச் சவடால் உணர்ச்சியூட்டும் அரசியலா ? ஒரு பெரும்பகுதி மக்களின் கடந்த காலத்தை அழித்துவிட்டு மிச்சமிருப்பவர்களின் எதிர்காலத்தைப் பற்றி பேச உங்களுக்கெல்லாம் குற்றவுணர்வாக இல்லையா ?

மாணவர்களின் போராட்டத்தை பற்றி குறை கூறியுள்ளார் என்று பொதுவாக பேசாமல் என்ன குறை கூறியுள்ளார் என்று ஒவ்வொரு பாய்ண்டாக எடுத்து வைத்து பேசுங்கள்.

///இந்தியாவை தீர்மானம் கொண்டு வர சொல்வதன் நோக்கம் குற்றவாளியை தப்பிக்க செய்வதல்ல குற்றவாளியை குற்றத்தை ஒப்புக் கொள்ள நிர்பந்திப்பது///

மறுபடியுமா, திருந்துவதாகவே இல்லையா ? காளை மாடு பால் கறக்காதுன்னு சொல்லியிருக்காரே புரியலையா ? அந்த காளை மாடு இந்தியா தான்.

////அடுத்து சர்வதேச நீதி விசாரணை பற்றி தோழர் ஒன்றும் குறிப்பிடவில்லை…////

சர்வதேச நீதி விசாரணை பற்றி குறிப்பிட்டுள்ளார் மீண்டும் ஒரு முறை கேட்கவும், ஆனால் அதுவும் கூட ஏகாதிபத்திய நாடுகளின் தலையீடு இல்லாமல் நடக்க முடியாது என்பதை புரிந்து கொள்ளுங்கள்.

////இந்தியாதான் போரை நடத்தியது என தமிழன் ஒவ்வொருவருக்கும் தெரியும்…////

தமிழனுக்கு தெரியிறது இருக்கட்டும் முதலில் தமிழ்தேசியவாதிகளுக்குத் தெரியுமா என்று சொல்லுங்கள் ? தெரியும் என்றால் தெரிந்தும் ஏன் இந்தியாவிடம் போய் கெஞ்சிக்கொண்டிருக்கிறார்கள் என்பதற்கு பதில் சொல்லுங்கள் ?

நீங்களே மேலே என்ன சொல்லியிருக்கிறீர்கள், /இந்தியாவை தீர்மானம் கொண்டு வர சொல்வதன் நோக்கம் குற்றவாளியை தப்பிக்க செய்வதல்ல குற்றவாளியை குற்றத்தை ஒப்புக் கொள்ள நிர்பந்திப்பது தான்/ என்று கூறியுள்ளீர்கள். இந்தியா தான் போரை நடத்தியது என்று ஏற்றுக்கொள்கிறீர்கள் பிறகு அந்த குற்றவாளியிடமே தீர்மானம் கொண்டு வரச் சொல்கிறீர்கள். இதை என்னவென்று சொல்வது மணி ?

///தோழர் சொல்லும் தீர்வானது சாத்தியமே இல்லை….///

தோழர் சொல்லும் தீர்வு சாத்தியம் இல்லை என்று சொல்வதற்கு முன்னால் தமிழினவாதிகள் சொன்ன தீர்வுகள், முன் வைத்த வழிமுறைகள் எல்லாம் இதுவரை என்னென்ன இலக்குகளை சாதித்திருக்கிறது என்பதையும், முள்ளிவாய்க்கால் வரை கடந்த முப்பது ஆண்டுகளுகளில் கொல்லப்பட்ட லட்சக்கணக்காண ஈழத்தமிழர்களின் அழிவுக்கு தோழர் மருதையன் கூறும் சாத்தியமற்ற கொள்கை காரணமா தமிழினவாதிகளின் சாத்தியமான கொள்கை காரணமா என்பதைச் சொல்லுங்கள்.

/////தமிழகத்தில் உள்ள சாதி மோதல்களை பெரும்பாலான மக்கள் ஆதரிப்பதில்லை மேலும் அவர்கள் தமிழர் என்ற அடையாளத்துடன் ஒன்றிணைய சாத்தியம் அதிகம்…////

உண்மை தான் பெரும்பாண்மையான ‘உழைக்கும் மக்கள்’ சாதிவெறியர்களை ஆதரிப்பதில்லை தான். ஆனால் அதற்கு காரணம் நாம் எல்லோரும் தமிழர்கள் என்கிற இன உணர்வு அல்ல மாறாக அந்த பெரும்பாண்மை உழைக்கும் மக்களின் வாழ்நிலையிலிருந்து இயல்பாக எழும் வர்க்க உணர்வு தான் காரணம்.

///முள்ளிவாய்க்கால் போரின் போது எவ்வித எதிர்ப்பும் தெரிவிக்காத சிங்கள பெரும்பான்மையினர், வெற்றிக் களிப்பில் இருக்கும் போது தமிழர் பற்றி சிந்திப்பார்களா ?///

அதற்காக அவர்களை விமர்சிப்பதும் அந்த பக்கம் இருக்கக்கூடிய ஜனநாயக சக்திகளை சிங்கள இனவெறி பாசிசத்துக்கு எதிராக வென்றெடுப்பதும் தான் இதற்கு தீர்வாக இருக்க முடியும். அவ்வாறு வென்றெடுக்கவும் முடியும், ஏனெனில் சிங்களவர்கள் அனைவரும் தமிழினவாதிகள் சித்தரிப்பதைப் போல ராஜபக்சேக்கள் அல்ல.

குஜராத்தில் முசுலீம் மக்கள் படுகொலை செய்யப்பட்ட போதும் இந்துப் பெரும்பாண்மை இவ்வாறு தான் அமைதி காத்தது. குஜராத்தில் என்ன செய்வது ? இசுலாமிய தீவிரவாதத்தை ஆதரிப்பதா அல்லது பெரும்பாண்மை இந்துக்களின் மவுனத்தை உடைத்து இந்து பாசிசத்துக்கு எதிராக பெரும்பாண்மை இந்துக்களை நிறுத்துவதா, எது சரி ?

இது மதவெறிக்கு மட்டுமல்ல ஆதிக்க சாதிவெறிக்கும் பொருந்தும். சாதிவெறியர்களை தலித் மக்கள் மட்டும் தனியாக நின்று எதிர்த்து வீழ்த்திவிட முடியாது.

///கம்மியுனிச நாடுகள் பற்றிய தோழரின் விமர்சனத்தில் நேர்மையில்லை… அமேரிக்கா கொண்டு வருவதால் தீர்மானத்தை எதிர்க்கும் சிவப்பு நாடுகள் தாங்களே முன் வந்து ஈழத்தில் வந்து நிலையை அறிந்து தீர்மானம் கொண்டு வரலாமே ? மாறாக சிகப்பு நாடுகள் சிங்களனை ஆதரிக்க அல்லவா செய்கிறது ?///

இன்று உலகில் எங்குமே கம்யூனிச நாடு இல்லை. தோழர் இதை தனது உரையிலும் தெளிவாக கூறியுள்ளார். இந்த ஒரு காரணத்திற்காக மட்டுமல்லாமல் வேறு பல காரணங்களுக்காகவும் இந்த உரையை நீங்கள் மீண்டும் ஒருமுறை கேட்பது நல்லது.

மிகவும் சிக்கலான விடயமாக இருக்கிறது. சிங்கள அரசையே போர் குற்ற விசாரணை நடத்தி தீர்ப்பளிக்கச் சொல்வது என்பது எந்தளவிற்கு கேலிக்கூத்தான ஒன்றோ அதுபோன்ற ஒன்றுதான் போரை வழிநடத்திய இந்தியாவையே தீர்மானம் கொண்டுவரச் சொல்வதும். போர்குற்றத்திற்காக இலங்கையை தண்டிக்கவேண்டும் என்று கூறிக்கொண்டே இலங்கையினூடான வர்த்தகத்தை ஐரோப்பிய நாடுகள் அதிகப்படுத்தியிருக்கின்றன. அமெ,சீனா,ரஷ்யா,பாக்,ஜெர்,பிரா.,சவூ, போன்ற எந்த நாடுகளுக்கும் அந்த அருகதையும் இல்லை, அவை நியாயமான விசாரணையை செய்யவும் மாட்டா, என்பது சதாம் மீதான விசாரணையின் போதே வெட்ட வெளிச்சம். தீர்மானத்தை வெனிசுலா, கியூபா போன்ற நாடுகள் கொண்டு வரவேண்டும் அல்லது ஈழத்தமிழர்களே ஒரு தீர்மானம் கொண்டு வர வழி செய்யவேண்டும் அல்லது ஏழுமலையானாவது தண்டிக்கவேண்டும். பலவாறாக யோசித்தும் எதுவும் தற்போதைக்கு எதுவும் நடைபெறும் என்று தோன்றவில்லை. இறுதியில் மருதையன் முடிவும் சரியானதாகத் தோன்றுகிறது. ஆனால் அது காலம் பிடிக்கும் செயல். இருந்தாலும் நிரந்தரத் தீர்வை அளிப்பது. தற்போதைக்கு என்ன செய்யலாம் என்றால் ஒன்றே ஒன்றுதான் இருக்கிறது அது தற்கொலைத் தாக்குதல்.

//மாணவர் கோரிக்கைகளை குறை சொல்லும் அவசியம் புரியவில்லை…//

தமிழ் ஈழத்துக்காக ஏதாவது போராட்டம் நடந்தால் அதை விவாதிப்பவர்கள் முதலில் புலிகளையும் தமிழ் தேசியவாதிகளையும் திட்டுவது என்பதையே வாடிக்கையாக கொண்டுள்ளனர்.

அது மட்டுமின்றி அதை ஒரு இயக்கம் நடத்தினால் மற்ற இயக்கங்களுக்கு அப்போராட்டம் நம் தலைமையின் கீழ் நடைபெறவில்லையே என்ற பொறாமை வந்து விடுகிறது. அதனாலேயே அவர்களும் பதிலுக்கு வேறு கோரிக்கைகளை வைத்து போராட்டம் தொடங்கி எதிர் இயக்கங்களின் கோரிக்கைளை குறை சொல்வதும், பழைய வரலாற்று தவறுகளை கண்டுபிடிப்பதும், அந்த தவறுகளை நாங்கள் தான் கண்டுபிடித்து மக்களுக்கு சொன்னோம் என்று சொல்லிகொள்வதும், எங்கள் இயக்கம் மட்டும் தான் நேரான தொலைநோக்கு பார்வையில் போராடுகிறது என்று பீற்றிக் கொள்வதிலும் தான் முனைப்போடு செயல்படுகிறதே தவிர போராடுகிற மற்ற இயக்கங்களுடன் ஒன்று பட்டு கலந்து பேசி ஒருமித்த தெளிவான கோரிக்கையை வைத்து போராட்டத்தை முன்னெடுத்து செல்லாததே எந்த ஒரு அரசியல் பிரச்சனை தீராததற்கு முக்கிய காரணம்.

தமிழ் ஈழ ஆயுத போராட்டத்திலும் இதே நிலைமை தான் ஏற்பட்டது. ஆனால் அதிலிருந்து பாடம் கற்காமல் மீண்டும் மீண்டும் தமிழகத்திலுள்ள இயக்கங்களிடையே முரண்பாடுகளும் பகைமையும் தான் நிலவுகிறது.இதனாலேயே டில்லி பயல்கள் தமிழகத்தில் ஏதாவது போராட்டம் நடந்தால் அதை ஒரு பொழுதுபோக்கு நிகழ்வாக பாக்குறாங்க. அது மட்டும் இன்றி இன அழிப்பு குற்றவாளிகளும் எளிதில் தப்பி விடுகின்றனர்

இதே தவறை இந்த மாணவர்கள் போராட்டத்திலும் நிகழ்த்தி விடக்கூடாது.

////தமிழ் ஈழத்துக்காக ஏதாவது போராட்டம் நடந்தால் அதை விவாதிப்பவர்கள் முதலில் புலிகளையும் தமிழ் தேசியவாதிகளையும் திட்டுவது என்பதையே வாடிக்கையாக கொண்டுள்ளனர்////

புலிகளை திட்டுகிறார்களா விமர்சிக்கிறார்களா ? திட்டுகிறார்கள் என்றால் எப்படித்திட்டுகின்றனர் என்று கூறுங்கள்.

/////ஒரு இயக்கம் நடத்தினால் மற்ற இயக்கங்களுக்கு அப்போராட்டம் நம் தலைமையின் கீழ் நடைபெறவில்லையே என்ற பொறாமை வந்து விடுகிறது.////

எந்த அரசியல் அறிவும் இல்லாமல், எந்த அமைப்பு பலமும் இல்லாமல் வதவதவென்று டஜன் கணக்கில் உலாவும் பெயர்ப்பலகை அமைப்புகளும் நோகாமல் நொங்கு திண்க நினைக்கும் தமிழ்தேசியவாதிகளும் அப்படித்தான் நினைக்கிறார்கள். அதை அவர்கள் புலிகளிடமிருந்து கற்றுக்கொண்டிருக்கக்கூடும். ஏனெனில் புலிகளும் அவ்வாறு தானே செயல்பட்டனர், தம்மைத்தவிர வேறு யாரும் ஈழம் என்று பேசக்கூடாது என்று சர்வாதிகாரமாகத் தானே நடந்து கொண்டனர். மே நாளைக்கூட நாங்கள் தான் நடத்துவோம் என்று கம்யூனிஸ்டு இயக்கங்களையே தாக்கிய அவர்களைப் போலவே தான் இவர்களும் இருக்கின்றனர்.

////தெளிவான கோரிக்கையை வைத்து போராட்டத்தை முன்னெடுத்து செல்லாததே எந்த ஒரு அரசியல் பிரச்சனை தீராததற்கு முக்கிய காரணம்.////

தெளிவான பாதைக்கு நாமும் போகக்கூடாது ஈழத்தமிழர்களையும் போகவிடக்கூடாது என்பதில் தமிழகத்திலுள்ள தமிழினிவாதிகள் தெளிவாக இருக்கிறார்கள். அப்படி இருப்பது தவறு என்று கூறினால் ம.க.இ.க வை துரோகிகள் என்றார்கள்.

////தமிழ் ஈழ ஆயுத போராட்டத்திலும் இதே நிலைமை தான் ஏற்பட்டது. ஆனால் அதிலிருந்து பாடம் கற்காமல் மீண்டும் மீண்டும் தமிழகத்திலுள்ள இயக்கங்களிடையே முரண்பாடுகளும் பகைமையும் தான் நிலவுகிறது.///

இது சரியானது இதை ஏற்கிறேன். ஆனால் தமிழ்தேசியவாதிகள் எவ்வளவு சூடுபட்டாலும் அதிலிருந்து பாடம் கற்றுக்கொள்வதாகத் தெரியவில்லை.

இந்த உரையாடல் மாணவர்களின் போராட்டத்தை சரியான திசையில் வழிநடத்த சரியான சாத்தியமான முறையை கொடுத்துள்ளது.நன்றி தோழர் மருதையன்.

அருமை.சரியான தருணத்தில் தெளிவான பார்வையோடு இந்த நேர்காணல் வந்திருக்கிறது.நன்றியும் வாழ்த்துக்களும்.

வார்க போராட்டத்தை இன, மோழி போராட்டத்துக்கள் உண்டாக்கும் பகைமைகளை குறைக்கும் வழியில் கொண்டு போகணுமா? அல்லது, எப்படி வேணா CPMமாதிரி கொண்டு போலாமா?
முதல் நிலையாக இலங்கையில் ஒரு தனி தமிழ் மாநிலம், தெலுங்காணாபோல் கேக்லாமா? தருவார்களா? இந்தியா இலங்கையிடம் மும்மொழி கொள்கையை கேட்டுள்ளது …

தோழர் மருதையன் அவர்களின் இந்த நேர்காணல் அவசியம் அனைவரும் கேட்கவேண்டிய ஒன்று. அருமை!

ஈழத்திற்கு சுயநிர்ணய உரிமை / விடுதலை பற்றி எல்லாம் பேசும் நாம் தமிழகத்திற்கும் சுயநிர்ணய உரிமை உண்டு என்பதை போற்றும் வகையில், இனி தோழர் மருதையன் அவர்களை தமிழ் மாநில செயலாளர் என்று அழைக்காமல், தமிழ்நாடு செயலாளர் என்றோ தமிழக செயலாளர் என்றோ தமிழ் தேசிய செயலாளர் என்றோ குறிப்பிடலாமே.

மூப்பனார்கள் வேண்டுமானால் தமிழ் “மாநில” செயலாளர்களாய் இருக்கட்டும்.

இலஙகைத்தமிழர்கள் மட்டுமல்ல், இந்திய தமிழர்களின் நிலையும், பார்ப்பன வஞசக அரசியலில் மாட்டிக்கொண்டு அழிகின்ற்னர்! பிரபாகரன் இறுதியில் பல்லாயிரம் அப்பாவித்தமிழருடன் அழிந்ததுக்கு காரணம் தமிழ்னாட்டு பார்ப்பன சக்திகள் தான்! கருணானிதியிடமிருந்து பிரித்து, வள்ர்த்து பிறகு அழித்தார்கள்! ராஜிவ் படுகொலையினால் பலனடைந்தது ஈழமோ, கருணானிதியோ அல்லவே ! மாறாக பழி அல்லவா சுமந்தார்கள்! பார்ப்பனர்களின் இந்திய ஏகாதிபத்திய அரசியல் புரிந்தவர்கள் தமிழின துரொகிகளை அடயாளம் கண்டு கொள்வர்! கருணானிதியை உயரத்தில் தூக்கிபிடித்த இந்து ராம்கள், சன் டி வி , சமயம் பார்த்து , தஙகள் முகத்திரையை அகற்றிகொண்டனர்!நல்ல்நாடகம் அரஙகேறியுள்ளது!

why is sun TV included here?

இலங்கை விவகாரம் குறித்து இத்தனைத் தெளிவாக இவ்வளவு எளிமையாக இவ்வளவு ஆழமான ஒரு விளக்கத்தை இதுவரைப் படித்ததுமில்லை.கேட்டதுமில்லை. தோழர் மருதையன் அவர்கள் மிக அருமையானதொரு படப்பிடிப்பைத் தந்திருக்கிறார். இலங்கைப் பிரச்சினையின் ஆரம்பத்திலிருந்து ஜெனிவா வாக்கெடுப்புவரை அவர் தந்த லைவ் ரிலே கச்சிதம். அருமை. ஆனால் தீர்வுதான் கொக்கு தலையில் வெண்ணெய் சமாச்சாரமாய் இருக்கிறது.

சரியான தீர்வுக்கு நாமெல்லாரும் மறுபடியும் உட்கார்ந்து யோசிக்கணும் போல.

தோழர் மருதையன் “போர்க்குற்றவாளியே இந்தியாதான். அவர்களிடமே தீர்வைக் கேட்பதா?” என்ற கேள்வியை மறுபடி மறுபடி எழுப்புகிறார். ‘லாஜிக்கலாக’ சரியான கேள்வியாக இருக்கலாம். நான் இதனை எப்படி எளிமையாகப் புரிந்துகொள்கிறேன் என்றால் பணிபுரியும் தொழிற்சாலையில் பணியாளருக்கு எதிரான சில முடிவுகள் எடுக்கப்படும்பொழுது அந்தத் தொழிற்சாலைக்குள்ளேயே இருந்துகொண்டு நீதி கேட்டு தொழிற்சாலை நிர்வாகத்துக்கு எதிராக போராடுவதில்லையா? அப்படித்தானே போராடியாக வேண்டியிருக்கிறது என்பாதகத்தான் புரிந்துகொள்கிறேன்.

// நான் இதனை எப்படி எளிமையாகப் புரிந்துகொள்கிறேன் என்றால் பணிபுரியும் தொழிற்சாலையில் பணியாளருக்கு எதிரான சில முடிவுகள் எடுக்கப்படும்பொழுது அந்தத் தொழிற்சாலைக்குள்ளேயே இருந்துகொண்டு நீதி கேட்டு தொழிற்சாலை நிர்வாகத்துக்கு எதிராக போராடுவதில்லையா? அப்படித்தானே போராடியாக வேண்டியிருக்கிறது என்பாதகத்தான் புரிந்துகொள்கிறேன்.//

நீங்கள், ஈழத்திற்கான தீர்வு இந்தியாவின் கையில் இருப்பதாக நினைத்துக் கொள்வதால் வரும் தவறான கருத்து இது. ஈழத்திற்கான தீர்வு ஈழத்திலேயே தான் உள்ளது. அங்குள்ள பல்வேறு வேறுபட்ட மக்களை சிங்களப் பேரினவாத, பாசிச அரசுக்கு எதிராக அணி திரட்டி போராடுவதன் மூலம் தான் ஈழத்தமிழ் மக்கள் மட்டுமல்ல, அங்குள்ள பல்வேறுபட்ட மக்களும் நிம்மதியாக வாழமுடியும்.

இந்தியாவின் ஆளும் வர்க்கம் தனி ஈழத்தை என்றுமே விரும்பாது. அதுமட்டுமல்ல, இந்தியா தனி ஈழத்தை ஆதரித்தால் காஷ்மீர், வட கிழக்கு மாநில மக்களின் சுய நிர்ணய உரிமைப் போராட்டத்தையும் ஆதரிக்க வேண்டும். ஆகவே, இந்தியா ஈழ மக்களுக்கு ஆதரவாக, இலங்கை அரசுக்கு எதிராக ஒரு நிலைப்பாட்டைக் கண்டிப்பாக எடுக்காது என்பதுதான் யதார்த்தம்.

ஈழப்போரைப் பொறுத்தவரை, நாம் அங்கு இந்தியாவின் தலையீடு இருக்கக் கூடாது. இந்தியா இலங்கைக்கு ஆயுத உதவி வழங்கக் கூடாது என்பதை வேண்டுமானால் இந்தியாவிடம் வலியுறுத்தலாம். ஆனால் இலங்கை இனப்படுகொலைக்கு நீதி கேட்டோ, ராஜபக்சேவைத் தண்டிக்கவோ இந்தியாவை வலியுறுத்துவது கேலிக் கூத்து. ராஜபக்சே பலமுறை வெளிப்படையாகக் கூறியிருக்கிறான். ” இந்தியாவின் போரை நான் நடத்துகிறேன் ” என்று. அப்படியிருக்கும் போது இந்தியா ராஜபக்சேவை மிரட்டினால் ராஜபக்சே இந்தியாதான் எங்களுக்கு எல்லா உதவியும் அளித்து போரை வழிநடத்திச் சென்றது என்ற உண்மையக் கூறிவிடுவான் என்பது இந்தியாவிற்கு மிக நன்றாகவே தெரியும். ஆகவே தான் மருதையன் தெளிவாக இந்தியாவிடம் கேட்பது கோமாளித்தனம் என்று கூறுகிறார்.

// அப்படியிருக்கும் போது இந்தியா ராஜபக்சேவை மிரட்டினால் ராஜபக்சே இந்தியாதான் எங்களுக்கு எல்லா உதவியும் அளித்து போரை வழிநடத்திச் சென்றது என்ற உண்மையக் கூறிவிடுவான் என்பது இந்தியாவிற்கு மிக நன்றாகவே தெரியும். //

அப்படியிருக்கும் போது இந்தியா ராஜபக்சேவை மிரட்டினால் ராஜபக்சே இந்தியாதான் எங்களுக்கு எல்லா உதவியும் அளித்து போரை வழிநடத்திச் சென்றது என்ற உண்மையை ஆதாரங்களோடு வெளியிட்டு இந்தியாவிற்கெதிராகத் திரும்பி விடுவான். இதனால் பாதிக்கப்படுவது இந்தியத் தரகு முதலாளிகளின் நலன்கள் தான். அப்படி இந்தியத் தரகு முதலாளிகளின் நலன்கள் பாதிப்பதை இந்தியா ஒரு போதும் விரும்பாது.

முட்டாள் தமிழனுக்கு ஏற்ற தலைவர்கள் தாம் நமக்கு கிடைத்தார்கள்! ஆடுகள் கசாப்பு கடைக்காரனை நம்பித்தான் சென்றன! இந்திய ஏகாதிபத்தியம் நமது உணர்வுகளை பயன்படுத்தி கொண்டது போலவே, புலிகளையும் பயன்படுத்திக்கொண்டது! இன்னமும் மக்கள் ஏகாதிபத்தியஙகளின் சூழ்ச்சிகளை உணராததுதான் வேதனை!