இந்தியா ஒரு ஜனநாயக நாடுதானா? நம் நிலத்தில் மீத்தேன் கிணறு வேண்டாமெனப் போராடினால் சிறை! நமது ஊரில் ஸ்டெர்லைட் ஆலை வேண்டாம் எனப் போராடினால் துப்பாக்கிச் சூடு. எட்டு வழிச் சாலையைப் பற்றி பேசினாலே சிறை. போராடுபவர்களுக்கு தேசவிரோதி பட்டம் ! தமிழகம் மட்டுமல்ல, இந்தியா முழுவதும் இதுதான் நிலை.

நீதித்துறை முதல் ஊடகங்கள் வரை ஜனநாயகத்தின் அனைத்துத் தூண்களையும் கார்ப்பரேட் நலனுக்காக காவி மயமாக்கியிருக்கிறது சங்க பரிவாரம். எதிர்த்தால் கொலை! கவுரி லங்கேஷ், கல்புர்கி, பன்சாரே… தொடர்கிறது பாசிசத்தின் பலிகள் ! மாட்டுக்கறியின் பேரில் அக்லக் முதல் பெஹ்லுகான் வரை தினமும் இந்துமதவெறியர்களால் கொல்லப்படுவதற்கு காத்துக் கொண்டிருக்கிறார்கள்.