Sunday, September 27, 2020
முகப்பு செய்தி ஒரு வரிச் செய்திகள் – 05/10/2012

ஒரு வரிச் செய்திகள் – 05/10/2012

-

செய்தி: கருப்புச் சட்டை அணிந்து துண்டு பிரசுரம் வழங்கும் நிகழ்ச்சியை இன்று காலை திமுக தலைவர் கருணாநிதி துவக்கி வைத்து உரையாற்றும் போது, தமிழகம் முழுவதும் துண்டறிக்கை போராட்டம் நடத்த வழிவகுத்த ஜெயலலிதாவுக்கு நன்றி தெரிவித்துள்ளார்.

நீதி: ஆர்ப்பாட்டத்திற்கு அஞ்சி பிட் நோட்டீசில் செட்டிலாக வைத்த ‘புரட்சித்தலைவிக்கு’ நன்றி செலுத்தவும் ஒரு மனசு வேணும்!

____________

செய்தி: தமிழகத்தில் கூடுதலாக 1,008 பணியிடங்களை காவல்துறையில் ஏற்படுத்த தமிழக முதலமைச்சர் அனுமதி அளித்துள்ளார்.

நீதி:  லாக்-அப் கொலை, கற்பழிப்பு, திருட்டு, கந்துவட்டி என கிரைம் ரேட் தமிழகத்தில் ஏற 1,008 வாய்ப்புகள் அதிகரித்துள்ளன!

____________

செய்தி: இன்று காலை வர்த்தகம் துவங்கியதும் பங்குச் சந்தை குறியீடு 19 ஆயிரத்தை தாண்டியது.

நீதி: சூதாட்ட கிளப்பின் இந்த தாண்டலில் நடுத்தர வர்க்கத்தின் எவ்வளவு பணம் அம்பேல் ஆனது என்ற கணக்கை யார் தருவது?

____________

செய்தி: இந்தியாவின் மிகப்பெரிய வாகன உற்பத்தி நிறுவனமான மாருதி சுசுகி, தனது அனைத்து மாடல் வாகனங்களின் விலையை உயர்த்துவதாக அறிவித்துள்ளது.

நீதி: இலாபவெறி கொண்ட இந்த பிராணி தொழிலாளியை கடித்துச் சுவைத்த பின் அடிமடியை கடிக்க உங்களை நோக்கித்தான் வருகிறது!

_____________

செய்தி: பொருளாதார சீர்திருத்த நடவடிக்கையின் தொடர்ச்சியாக, ஓய்வூதியத் துறையில் முதன்முறையாக அன்னிய நேரடி முதலீட்டை அனுமதிக்க மத்திய அமைச்சரவை ஒப்புதல் வழங்கி உள்ளது. மேலும், காப்பீட்டுத் துறையில் அன்னிய நேரடி முதலீட்டு உச்சவரம்பை அதிகரிக்கவும் முடிவு செய்துள்ளது.

நீதி: மக்களின் நிகழ்காலத்தை சுருட்டுவது போதாதென்று எதிர்காலத்தையும் சுருட்ட  ஆண்டைகளுக்கு வழிவகை செய்யப்பட்டுள்ளது!

_____________

செய்தி:  ஆதர்ஷ் குடியிருப்பில் உறவினர்கள் வீடு ஒதுக்கீடு பெற்றது தனக்குத் தெரியாது. இது குறித்த செய்திகள் ஊடகங்களில் வெளியான பின்பே தெரிய வந்தது என்று முன்னாள் முதல்வர் அசோக் சவாண் தெரிவித்தார்.

நீதி: தனக்கு உறவினர்கள் இருக்கிறார்கள் என்றே செய்தித்தாள் பார்த்துத்தான் தெரிந்து கொண்டார் என்றால் பார்த்துக்கொள்ளுங்களேன், அசோக் சவாண் அவ்வளவு அப்பாவி!

_____________

செய்தி: மின் ஆளுகை மூலம் ஊழலை ஒழிக்கலாம் என்று பாரதிய ஜனதா கட்சியின் தேசியத் தலைவர் நிதின் கட்கரி தெரிவித்துள்ளார்.

நீதி: அதாவது பங்காரு இலட்சுமணன் போல கேமராவில் கையும் கட்டுமாக மாட்டிக்கொள்ளாமல் இருக்கலாம் என்று சொல்கிறீர்கள்!

_____________

செய்தி:  தேசிய அளவில் அமைக்கப்படும் புதிய கூட்டணியில் மம்தா பானர்ஜி சேர்க்கப்பட மாட்டார் என்று இந்திய கம்யூனிஸ்ட் கட்சி அறிவித்துள்ளது.

நீதி: முதல்ல உங்கள கூட்டணியில சேப்பாங்களா? லெட்டர் பேடு கட்சிக்கெல்லாம் சீட்டு தரதில்லையாம்…!

_____________

செய்தி: ராகுல் காந்தி பிரதமராகும் நாள் வெகு தொலைவில் இல்லை என்று மத்திய மரபு சாரா எரிசக்தித்துறை அமைச்சர் ஃபரூக் அப்துல்லா தெரிவித்தார்.

நீதி: செருப்பாண்ட ஜனநாயக நாடு! வெட்கக்கேடு!!

______________

செய்தி: மாவோயிஸ்டுகள் தேடுதல் வேட்டைக்கு உதவும் விதத்தில், இரவிலும் மனிதர்களைக் கண்டறியக்கூடிய 4 ஆயிரம் சிறப்பு கருவிகளைக் கொள்முதல் செய்ய மத்திய அரசு திட்டமிட்டுள்ளது.

நீதி: பட்டப்பகலில் கொல்லப்படும் பழங்குடி மக்கள் இனி இரவிலும் கொல்லப்படுவார்கள்!

_______________

செய்தி: இந்திய தயாரிப்பான பிருத்வி-2 ஏவுகணை வியாழக்கிழமை வெற்றிகரமாக சோதித்து பார்க்கப்பட்டது.

நீதி: அமெரிக்கா அனுமதியில்லாம பாகிஸ்தான் நோக்கி ஒரு தீவாளி ராக்கெட்டு கூட வுட முடியாது, இதுக்கு எதுக்கு இந்த வெத்து பில்டப்பு?

______________

செய்தி: இரட்டைக் கோபுர தகர்ப்பு சம்பவத்தில் பாதிக்கப்பட்டவர்களுக்கு, 600 கோடி அமெரிக்க டாலர்கள் இழப்பீடாக வழங்க வேண்டும் என ஈரான் மற்றும் அல் காய்தா, தலிபான் உள்ளிட்ட அமைப்புகளுக்கு அமெரிக்க நீதிமன்றம் உத்தரவிட்டுள்ளது.

நீதி: நல்லது. அமெரிக்கா உலக நாடுகள் பலவற்றில் ஏற்படுத்திய கொலை, கொள்ளை, பேரழிவுக்கு உரிய நிவாரணத்தை – இதை எண்ணவே பல வருசம் ஆகும் – எப்ப குடுப்பீங்கண்ணே?

_______________

செய்தி: உலகளவில் கலிஃபோர்னியா தொழில் நுட்பக் கல்வி நிறுவனம், ஆக்ஸ்போர்டு, ஸ்டாண்ஃபோர்டு, கேம்பிரிட்ஜ், ஹார்வர்டு, இம்பீரியில் கல்லூரி முதலான அமெரிக்கா மற்றும் பிரிட்டன் பல்கலைக்கழகங்கள் கல்வி தரத்தில் தொடர்ந்து முதலிடம் வகிப்பதாக ஆய்வில் தெரியவந்துள்ளது.

நீதி: என்ரான், லெஹ்மென் பிரதர்ஸ், ஏஐஜி, கோல்டுமேன் சாக்ஸ் இன்ன பிற இன்ன பிற உலக மகா பிராடு கம்பெனிகளின் தலைமை நிர்வாகிகள் அனைவரும் மேற்கண்ட பல்கலையில்தான் குப்பை கொட்டியவர்கள்தான் என்பது குறிப்பிடத்தக்கது.

சந்தா செலுத்துங்கள்

இணையத்தில் உழைக்கும் மக்களின் குரலாக பதினோரு ஆண்டுகளாக போராடும் வினவுடன் கை கோருங்கள். ஆதரியுங்கள்

  1. //அமெரிக்கா அனுமதியில்லாம பாகிஸ்தான் நோக்கி ஒரு தீவாளி ராக்கெட்டு கூட வுட முடியாது, இதுக்கு எதுக்கு இந்த வெத்து பில்டப்பு?
    //

    செம காமெடி…

விவாதியுங்கள்

உங்கள் மறுமொழியை பதிவு செய்க
உங்கள் பெயரைப் பதிவு செய்க