நடைப்பிணங்கள் ஜாக்கிரதை !

4

05-coffin-bloodநடைப்பிணங்கள் ஜாக்கிரதை!

ந்தக வெம்மையில்
கருகிய இலைகளின் நரம்புகள்,
கொஞ்சம் அழுந்தத் தொட்டால்
உதிரும் மழலையின் நாவுகள்.

அடுத்தடுத்து விழுந்து
ஆக்சிஜன் உறிஞ்சிய குண்டுகள்
அடுத்த தலைமுறையே இல்லாமல்
பிள்ளைகள் எரிய
தாயுடல் விறகுகள்.

முண்டம் வேறு தலை வேறாய்
முடிந்தவர்கள் கதையை விட
பயங்கரமானது,
முள்வேலிக்குள் அடைத்துவைத்து
முழு நிர்வாணமாக்கி
உணர்வுகளை சோதனையிட்டு
உறுப்புகளில் ‘பயங்கரவாதத்தை’ தேடும்
மீட்புப் பணி!

வெடித்துச் சிதறி
இரத்தத்தில் பிசறிக் கிடப்பது
பனை நுங்கின் சிதறலா?
இல்லை,
நிறைமாதக் கர்ப்பிணியின் சிசுக் கூழா?
வளி மண்டலமே
வலி மண்டலமாகும் படி
அதிர்ச்சியில் அலறிய காற்று
பிதுங்கிய விழிகளில்
பீதியில் உறைந்தது.

இசைப்பிரியாஉரிமைகள் உச்சரித்த
உதடுகள் குதறி…
தாய் மண் நிறைந்த
விழிக்கோளம் சிதறி…
உடல் திசுக்களெல்லாம்
வெறிப்பல் நுழைத்து…
பெண் என்பதற்கும் மேலாக
அவளது பிறப்புறுப்பில் இறங்கி,
இராணுவம் வேட்டையாடிய
ஈழத்து இசைப்பிரியாக்களின் உடம்பில்
இந்திய அரசின்  மேலாதிக்கம்
அம்பலமானது!

ஈழக்கொலைக்களத்தை
இயக்கி நடத்தியதே இந்திய அரசுதான்!
இந்த உண்மையை உரைக்காமல்
இந்திய மேலாதிக்கம் எதிர்க்காமல்,
ஈழத்தைக் காப்பாற்ற
இந்தியாவிடமே வலியுறுத்தும்
தில்லிவாய்க்கால்களின் மோசடிகள்
முள்ளிவாய்க்காலை விட பயங்கரமானவை!

சனம்
தவியாய்த் தவிக்கையில்
பிணமாய்க் கிடந்தவர்கள்,
பிணங்கள் உறுதியானவுடன்
சனங்களுக்காக பேச
எழுந்துவர ஆரம்பித்து விட்டார்கள்,
தளபதியாய்… புரட்சித் தலைவியாய்…புரட்சிப் புயலாய்.
எச்சரிக்கை!

நடமாடும் தமிழகமே
நடைப் பிணங்கள் ஜாக்கிரதை!

– துரை. சண்முகம்
________________________________________________________________________________
புதிய கலாச்சாரம் – மார்ச் 2013
________________________________________________________________________________

சந்தா செலுத்துங்கள்

அச்சுறுத்தும் அதிகார வர்க்கத்தை அச்சமின்றி எதிர்க்கும் வினவு தளம் உங்கள் ஆதரவின்றி போராட இயலுமா? ஆதரியுங்கள்.

4 மறுமொழிகள்

  1. நடைப்பிணங்கள் ஜாக்கிரதை
    ————————–
    தில்லிவாய்க்கால்களின் மோசடிகள்

    முள்ளிவாய்க்காலை விட பயங்கரமானவை!

    புலிகள் பிழைத்துக்கிடந்தபோது

    பூனையாய் பதுங்கி கிடந்தவர்கள்

    பிணங்கள் உறுதியானவுடன், சனங்களுக்காக

    நரியாய் பேச எழுந்துவர

    ஆரம்பித்து விட்டார்கள்,

    தளபதியாய்… புரட்சித் தலைவியாய்…புரட்சிப் புயலாய்.

    எச்சரிக்கை! எச்சரிக்கை! எச்சரிக்கை! எச்சரிக்கை!!!!!!

  2. தும்பை விட்டு வாலை பிடிப்பது போல இருக்கின்றது இந்திய அரசின் நடவடிக்கை. எப்படியாவது ஈழத்தமிழர்களின் கோரிக்கை நிறைவேற்றப்படவேண்டும் என்பதே என்னை போன்றவர்களின் கருத்து

  3. தமிழர்களது இயலாமை, பிழைப்புக்காக தமிழ்னாட்டிற்கு வந்த கூத்தாடிகளை கடவுளாக நம்பும் மக்கள், அது வேறுநாடு , இது வேறுநாடு என்ற பார்பன வியாகியானம், ஒன்று பட்டால் உண்டு வாழ்வு என்று ஆரம்ப கல்வியில் படித்தது, டாச்மாச் போதையில் மறந்து போனது , இன்னும் எத்தனையோ இடர்பாடுகள்! ஒரே ஆறுதல் எண்பதுகளில் இருந்து வின்வின் நிலைப்பாடு சரியானதாகவே உள்ளது!

விவாதியுங்கள்

உங்கள் மறுமொழியை பதிவு செய்க
உங்கள் பெயரைப் பதிவு செய்க