என் பார்வையில் வினவு – 14 : ரிஷி
வாசித்தல் என்பது எனக்கு மிக மிக பிடித்தமான ஒன்று. சிறு வயதிலிருந்தே நிறைய வாசித்திருக்கிறேன். நான் பேசுவது குறைவு; அவதானிப்பதும், சிந்திப்பதும் அதிகம். தமிழில் அதிக ஆர்வம் உண்டு. பணிக்கு சென்று விட்ட பின் வாசிப்பது குறைந்து விட்டது.
விளையாட்டுப் போக்கில் கட்டுரை ஒன்றிற்கு பிழை திருத்தம் செய்யப்போக, தொடர்ச்சியாக நிகழ்ந்த அனுபவங்கள் என்னையும் எழுதத் தூண்டின. மனதுக்குப் பிடித்த எல்லாவற்றையும் எழுதிக் குவித்து வந்த காலத்தில் நிறைய்ய்ய்ய நட்புகள் அறிமுகமாகின; அதிலொன்று கனிந்து காதலாகி அபரிமிதமாய் விரிந்தது. ஆயினும், எனக்குள் இருந்த பல்வேறு மனத் தடைகளாலும் சூழல் இடர்ப்பாடுகளாலும், பூவாய் விரிந்த காதல் கருகி வீழ்ந்தது; என்னவளும் மறைந்து போனாள்.
மனம் ஸ்தம்பித்ததில் உலகம் காலடியில் இருந்து நழுவியதுபோல இருந்தது. மனம் தனிமைக்குள்ளானது; சமூகத்தின் மீது கோபமும் அதிகமாகியது. அப்போது அறிமுகமானதுதான் வினவு.
2010 இறுதியிலிருந்து வாசிக்க ஆரம்பித்தேன். கோபத்தைக் கொட்ட வெளியிடங்கள் இல்லாததால் வினவின் மீதே கொட்டினேன். வினவின் பல கருத்துகளுக்கு எதிர்கருத்துகளும் குற்றங்களும் சுமத்தினேன். எல்லாம் சில காலம்தான். நான் காறி உமிழ வேண்டியது வினவின் மீதல்ல; சமூகத்தின் அர்த்தமற்ற கட்டமைப்புகள் மீதுதான் என்பதை படிப்படியாக உணர்ந்தேன். அந்த மாற்றம் எப்போது நிகழ்ந்தது என்பதே தெரியாமல் நிகழ்ந்தது.
ஜனநாயகம் பற்றிய பார்வை வினவின் மூலம் விசாலமாய்க் கிடைத்தது. சமூகத்தின் கட்டமைப்புகளில் இருக்கும் இறுக்கம் தளர வேண்டிய அவசியத்தையும் உணர முடிந்தது. பெயரளவில் ஜனநாயகம் என்று சொல்லிக்கொண்டாலும் உரிமைகள் பறிக்கப்படுவதை பொறுத்துக்கொண்டு கெஞ்சினால் மட்டும் கிடைக்கும் என்ற அளவிலேதான் ஜனநாயகம் இருக்கிறது. வலுத்தவன் வாழ்வான்; எளியவன் சாவான் என்ற கட்டமைப்புதான் இங்கே இருக்கிறது. அதை உடைத்தெறிய வினவு போன்று கொள்கை உறுதிப்பற்றும், எழுத்து வன்மையும் தேவையிருக்கிறது. வழவழா கொழகொழா என்ற சப்பை எழுத்துகளல்ல. காத்திரமான உங்கள் எழுத்துகள் பிரமிக்க வைக்கின்றன. அவற்றில் காணும் நுணுக்கங்கள் எந்தளவிற்கு நீங்கள் உழைக்கிறீர்கள் என்பதைக் காட்டுகிறது.
வினவில் நடக்கும் விவாதங்கள் எனக்கு பிடித்தமான ஒன்று. நாமும் இணைந்து விவாதிக்கும்போது பல விஷயங்களில் தெளிவு கிடைக்கிறது; தொடர்ச்சியான பங்கேற்புகள் நம் சிந்தையை வளப்படுத்துகின்றன. கட்டுரைகளில் இருக்கும் எள்ளல், கேலி, கிண்டல் நகைச்சுவை ரசிக்கத்தக்கதாகவும், வியப்பூட்டுவதாகவும் இருக்கிறது. இருப்பினும் எதிர்கருத்துகளுக்கு சில தோழர்களது கன்னாபின்னாவென்ற பதிலுரைகள் சகிக்க முடிவதில்லை. அவை கட்டுரையின் நோக்கத்தையும், விவாதத்தின் தரத்தினை சீர்குலைப்பதாயும் அமைகிறது. எதிர்கருத்துகள் வரும்போது உணர்ச்சி வயப்படுதலைத் தவிர்க்க வேண்டும் என எண்ணுகிறேன்.
முதலாளித்துவத்தை ஒட்டுமொத்தமாய் எதிர்த்தாலும் சோஷலிச, கம்யூனிச சித்தாத்தங்கள் மீது இன்னும் முழுமையான ஈடுபாடு வரவில்லை. தற்போதைய நடைமுறை பல காலமாய் அமிழ்த்து வைத்திருப்பதால் உடைத்து வெளிவர முடியாத இயலாமை காரணமாக இருக்கலாம்.
தனிநபர் சாகசங்களால் நிச்சயம் இக்கட்டுப்பாட்டினை உடைக்க முடியாது. ஒட்டுமொத்தமாய் மக்களிடம் விழிப்புணர்வு ஏற்பட்டு அவரவர் மனங்களில் இருந்து இந்த உடைப்பு சாத்தியப்பட வேண்டும். இன்று எனக்கு எவ்வித மனத்தடையும் இல்லை. எனக்குள் இருந்த கட்டுப்பாடுகள் பலவற்றை தகர்த்தெறிந்துவிட்டேன். பல விஷயங்களுக்கு இதில் தொடர்பிருந்தாலும் வினவிற்கு மிக முக்கிய இடம் உண்டு. வினவின் விளைவு சமூகத்தில் நிச்சயம் எதிரொலிக்கும்.
கட்டுரையாளர்கள் பெயர் ஏன் கட்டுரையில் இடம்பெறுவதில்லை? பலரின் பங்களிப்பு ஒரு கட்டுரையில் இருப்பதனாலா? தோழர்களை அடையாளங்காண இது உதவுமென நினைக்கிறேன்.
மெய்ஞானம் பற்றிய கட்டுரைகள் வினவில் அதிகம் வரவேண்டும். அதிக விவாதம் தேவைப்படும் பகுதியாக அது அமையக்கூடும்.
அடுத்ததாக, சாதி பற்றிப் பேசும்போது வினவு தலித்தியம் தாண்டியும் வெளிவரவேண்டுமோ என எண்ணத் தோன்றுகிறது. முற்றிலும் வேறுபாடுகள் களையும்போது சாதிக்கூறுகள் மறைந்துவிடுமெனினும் அவற்றை இப்போதிருந்தே அகற்ற முயற்சிப்பதில் தடையென்ன என்ற கேள்வி எழாமலில்லை.
வினவு ஆயுதப் புரட்சியை ஆதரிப்பதாக உணர்கிறேன். அதிகார வர்க்கத்தின் ஆயுதமேந்திய ஓநாய்களை ஒழித்துகட்ட அது நிச்சயத் தேவையாக நான் நினைக்கவில்லை. ஆயுதமற்ற புரட்சியும் சாத்தியப்படும்; அதை சாத்தியப்படுத்த வேண்டும். எதிரிக்கும் நமக்கும் வித்தியாசம் வேண்டுமல்லவா!
மேலும் சில கருத்து வேறுபாடுகள் இருப்பினும், தற்சுதந்திரம் பெற்றுவிட்டு அமைதியாக ஓரமாய் நிற்கும் என்னைப் போன்றோருக்கு, களத்தில் நிற்கும் தோழர்களிடம் அவற்றை முன்வைக்கும் தகுதி இருக்கிறதாவெனத் தெரியவில்லை.
வினவு மென்மேலும் வளர்ந்து மகிழ்ச்சியுணர்வும், கொண்டாட்டமும் மட்டும் நிறைந்த உலகை உருவாக்க என் வாழ்த்துகள்! என்னால் இயன்ற பங்களிப்பை சரியான நேரத்தில் தர முடியும் என்ற எண்ணமும் நம்பிக்கையும் இருக்கிறது. சந்திப்போம்.
தோழமையுடன்
ரிஷி
நல்ல பகிர்வு ரிஷி! வினவு உங்கள் பார்வையை மற்றி அமைத்தது என்பதை நீங்கள் பகிர்வது உங்கள் நேர்மை.. வினவுக்கு இதுவே சரியான உந்துதல்…வாழ்த்துக்கள்
வாழ்த்துகளுக்கு நன்றி ராதா கிருஷ்ணன்.
”ஜனநாயகம் என்பது இரண்டு சிங்கங்களும் ஒரு ஆடும் வாக்களித்து என்ன சாப்பிடுவது
————
என்று முடிவு செய்வது.
விடுதலை என்பது ஆயுதம் ஏந்திய ஆடுகள் அந்த முடிவை எதிர்த்து போராடுவது.”
ஒரு சிறுதிருத்தம் சிங்கங்கள் அல்ல “ஓநாய்கள்” என்று இருக்கவேண்டும். அருமை.
ஆம் புதுநிலா. ஓநாய்கள் என்றிருப்பதே சரி! இதை வினவு எழுதியிருக்கிறார்கள். பதிவில் நான் கேட்ட கேள்வி ஒன்றிற்கு பதிலாக இதைக் குறிப்பிட்டிருக்கிறார்கள் என எண்ணுகிறேன். ஏற்றுக்கொள்ள வேண்டியதாகத்தான் உள்ளது 🙂
நன்றாக எழுதியிருக்கிறீர்கள். வாழ்த்துக்கள்.தொடர்ந்து விவாதியுங்கள் ரிஷி.
// மெய்ஞானம் பற்றிய கட்டுரைகள் வினவில் அதிகம் வரவேண்டும். அதிக விவாதம் தேவைப்படும் பகுதியாக அது அமையக்கூடும். //
ஆகா.. கேட்கவே பரவசமாக இருக்கிறதே.. இந்து ஞான மரபில் இல்லாத மெய்ஞானமா..?! மிலிட்டரி ஓட்டலுக்குள் வள்ளலார் வராவிட்டால் என்ன..? நமது சுவாமிகள், நான், நீங்கள், ஏழுமலை சித்தரான சந்தானம் என்று நால்வர் இருக்கிறோமே போதாதா.. இஸ்லாத்தில் உள்ள மெய்ஞானத்தை மேற்கோள் காட்ட இப்ராஹிம் பாயும், கிறித்தவ மெய்ஞான மரபை எடுத்துரைக்க @அவன்காலடியாரும் ஏற்கனவே வந்து உட்கார்ந்து வறுவல் சாப்பிட்டுக் கொண்டிருக்கிறார்கள்.. நமது இந்து ஞான மரபு தரப்பின் தலைவர், நம் சுவாமிகளாகப்பட்டவர் மட்டும் வந்துவிட்டால் இங்குள்ள எல்லோருக்கும் கூடிய சீக்கிரம் மெய்ஞானம் கைக்கூடிவிடாதா..
அம்பி,
வெகுவாய் ரசித்தேன். சுவாமிகள் அப்பதிவிற்குப் பின் இந்தப் பக்கம் தலை வைத்துப் படுப்பதில்லை என்பது தாங்கள் அறியாததல்ல! சொந்தக் கடை ஆரம்பித்து அங்கேயும் வாங்கிக் கட்டிக்கொண்டிருக்கிறார்!
மெய்ஞானம் என்பது நம் உடலைப் பற்றியது; இந்த மெய்யினை நாம் இன்னும் சரியாகப் புரிந்துகொண்டிருக்கவில்லை என்பது வருத்தத்தை தருகிறது. மெய்ஞானம் எப்போதும் ஒன்றாகத்தான் இருக்க முடியும். அது நம் சுவாமிகளைப் போன்றவர்களால் மதங்களுக்குள் இழுத்துக்கொள்ளப்பட்டு நாஸ்தியாக்கப்பட்டுவிட்டது.
அண்டத்தில் உள்ளதே பிண்டத்தில் உள்ளது என சித்தர்கள் குறிப்பிட்டனரே அதுதான் மெய்ஞானம். அவர்களைப் போல மெய்ஞானத்தில் திளைத்தவர்கள் வேறு எவரையும் குறிப்பிட முடியாது. இறைபக்தி, கடவுள் உள்ளிட்ட ஒன்றுக்கும் உதவாத கோட்பாடுகளைக் கொண்ட மதங்கள் மெய்ஞானத்தை – நம் உடலைப் பற்றி நாம் அறிவதை – தங்களுடையதாக சுவீகரித்துக் கொண்டன. அதன்மூலம் கடவுள் தன் இருப்பின் திடத்தை அதிகரித்துக் கொண்டான்(ர்)(ள்)(து)!!
இறைவன் இருக்கிறான் என்று சொல்லிக்கொண்டே எவராவது மெய்ஞானம் பற்றிப் பேச வந்தால் அவர்களைப் புறந்தள்ள வேண்டும்.
சரியாக சொன்னிர்கள் ரிஷி சிலருக்கு மெய்ஞானம் என்றல் என்ன என்றே தெரியாமல் வெளியில் தேடிக்கொண்டு இருகிறார்கள்!!!
மெய்ஞானம் இரு வகைப்படும்..
முதல் வகை – மெய்யான ஞானம் என்ற பொருளில் உண்மையை தேடி கண்டடையும் ஞானம்.. மதங்களின் வழியே போய் அந்த உண்மையைக் கடவுளாக உணர்வது, மதங்களைக் கடந்து உண்மையை தேடி உணர்வது என மனப்பக்குவத்திற்கேற்ப வழிமுறைகள் பல உண்டு..
இரண்டாவது வகை – மெய்யைப் பற்றிய ஞானம் எனவும் புரிந்துகொள்ளப்படுவதுண்டு.. ரிஷி நல்ல மனிதர் என்பதால் சித்தர்களை மெய்ஞானிகளாக கூறுகிறார்.. அவர்களது வழி மனித உடலை அடிப்படையாக வைத்து யோக முறைகள் மூலம் ஞானம் (கூடவே சித்திகளும் கிட்டும் என்று அவர்களே கூறுவார்கள்) அடைவது.. இந்த மெய்யைப் பற்றிய ஞான மார்க்கத்தில் உள்ள ஆபத்து என்னவெனில் ஓஷோ, நித்தி அடியார்கள் போல கில்மாக்களின் மெய்யில் ஞானம் தேடுவதுதான் மெய்ஞானம் அடையும் வழி என்று விரும்பி நம்பி ஞானத்தேடலையே ஒரு கிளுகிளுப்பாக்கிவிட்டு தேடித்தேடி நைந்து போய்விடுகிறார்கள்..
எல்லோரும் உண்மை உண்மை என்கிறார்கள்! அப்படின்னா என்ன அம்பி? உண்மை உணர்வு என்பதே அவரவர் பார்வைக்கேற்ப மாறுபடுவதுதானே! இப்பிரபஞ்சம் பல புதிர்களை உள்ளடக்கியது. அவற்றை அறிய இன்றைய அறிவியலின் வேகம் போதவில்லை; அக்காலத்தில் மனித நிலையில் இருந்தே மெய்ஞானிகளாக விளங்கியவர்களை இன்று காணவே முடியவில்லை. சம்ஸ்காரங்களை அழிக்கிறேன் பேர்வழி என கடவுளின் காலடியில் தஞ்சமடைபவர்களையெல்லாம் மெய்ஞானி எனக் கருதவியலாது. கில்மாஞானிகள் உருவாவதும் கூட கடவுளின் அடியைப் பின்பற்றித்தான்!
// எல்லோரும் உண்மை உண்மை என்கிறார்கள்! அப்படின்னா என்ன அம்பி? //
பொய் என்பது கற்பனை, தவறான புரிதல், அறியாமை போன்றவற்றை சார்ந்து இருப்பதால், உண்மை என்பது இவற்றைச் சாராது, ’இருக்கும்’ ஒன்று என்ற ஒரு எளிய விளக்கத்தை ஏற்கிறீர்களா..?
// உண்மை உணர்வு என்பதே அவரவர் பார்வைக்கேற்ப மாறுபடுவதுதானே! //
’உண்மை உணர்வு’ மாறுபடலாம், உண்மை மாறுபடுமா..?
// இப்பிரபஞ்சம் பல புதிர்களை உள்ளடக்கியது. அவற்றை அறிய இன்றைய அறிவியலின் வேகம் போதவில்லை; அக்காலத்தில் மனித நிலையில் இருந்தே மெய்ஞானிகளாக விளங்கியவர்களை இன்று காணவே முடியவில்லை. //
மெய்ஞானிகள் தங்களை அப்படிக் கூறிக் கொள்வார்களா என்று தெரியவில்லை.. அப்படி கூறிக் கொள்பவர்கள் மெய்ஞானிகளா இல்லையா என்று அறிய முடியாததாலேயே அப்படி கூறிக் கொள்பவர்கள் அதிகம்.. நாம் உணரமுடிந்த முப்பரிமாண பிரபஞ்சமே புதிர்களால் நம்மைக் குழப்பும் போது அறிவியல் கூறும் 4,5,… பரிமாணங்களுடன் பிரபஞ்சத்தை கற்பனை செய்வது கூட கடினம்.. மாறாக 4,5,… பரிமாணங்களை நம்மால் உணர இயலுமானால் புதிர்களுக்கு விடையும் கிட்டலாம் அல்லது மேலதிக புதிர்களும் எதிர்ப்படலாம்..
பொருள் முதல் வாதம் மற்றும் நிருபண முறை அறிவியல், இந்தப் பிரபஞ்சம் வெளி-ஆற்றல்-அணுத்துகள்களால் ஆன, இயற்கை விதிகள் அடிப்படையில் இயங்கும், ஒரு ஜடத் தன்மையுள்ள சுயம்புவான கட்டமைப்பு என்று ’முடிவு’ செய்து கொண்டு மேற்கொண்டு ஆராயவோ, செயலாற்றவோ முயல்கிறது..
கருத்து முதல் வாதம், ஜடத் தன்மை வாய்ந்த பிரபஞ்சக் கட்டமைப்பை கட்டுப்படுத்துவது ஜடத்தன்மை இல்லாத உணர்வுள்ள ’ஏதோ ஒன்று’ என்ற ’நம்பிக்கையின்’ அடிப்படையில் பல்வேறு கருதுகோள்கள், மத நம்பிக்கைகள் என்று விரிகிறது.. மெய்ஞானம் என்பது மேற்படி நம்பிக்கை உண்மைதான் என்று தெளிவதால் ஏற்படுவது.. இத்தெளிவு, அந்த மேற்படி ‘ஏதோ ஒன்று’டன் உணர்வு ரீதியாக ஒருங்கிணைய இயல்வதால் கிட்டுவது.. எனக்கும் மேற்படி மெய்ஞானம் கிட்டினால் கட்டாயம் தங்களுக்கு தெரிவிக்கிறேன்..
//பொய் என்பது கற்பனை, தவறான புரிதல், அறியாமை போன்றவற்றை சார்ந்து இருப்பதால், உண்மை என்பது இவற்றைச் சாராது, ’இருக்கும்’ ஒன்று என்ற ஒரு எளிய விளக்கத்தை ஏற்கிறீர்களா..?//
ஓரளவு ஏற்கிறேன் 🙂 இன்னும் கொஞ்சம் நுணுக்கமாய் உள்ளே போகலாம். இப்போது வேண்டாம்.
//மெய்ஞானம் என்பது மேற்படி நம்பிக்கை உண்மைதான் என்று தெளிவதால் ஏற்படுவது.//
‘ஏதோ ஒன்று’ உண்மை என்றால்தான் மெய்ஞானம் கிடைக்கிறது என்று முடிவு செய்துவிட்டீர்கள் அம்பி. நான் நாத்திக வழியில் மெய்ஞானத்தை ஆராய்கிறேன். நீங்கள் மதங்கள் கூறும் ஆத்திக வழியில் சென்று ஆராயுங்கள். எங்கேயாவது சந்திப்போம் 🙂
பிறிதொருமுறை வாய்ப்புக் கிடைக்கும்போது விவாதிப்போம்.
நன்று ரிஷி! இயல்பான பதிவு
ரிஷி ,
\\
மேலும் சில கருத்து வேறுபாடுகள் இருப்பினும், தற்சுதந்திரம் பெற்றுவிட்டு அமைதியாக ஓரமாய் நிற்கும் என்னைப் போன்றோருக்கு, களத்தில் நிற்கும் தோழர்களிடம் அவற்றை முன்வைக்கும் தகுதி இருக்கிறதாவெனத் தெரியவில்லை.\\\
அருமையான வரிகள்..நான் , வினவை பற்றி என் தந்தையுடன் விவாதிக்கும் போது , அவர் கூறுவது இதுதான் ..களத்தில் இறங்காமல் , கருத்துகளை சொல்ல, சற்று நாவடக்கம் வேண்டும் என்பதே ..கஷ்டபடுபவனுக்கு தான் வலியும் ,மருந்தும் ..
ஆம் பாலாஜி! சரியாகச் சொல்லியிருக்கிறீர்கள். குடும்பத்தில் வினவைப் பற்றி விவாதிப்பது ஆரோக்கியமான விஷயம். ஜனநாயகம் என்பது ஏதோ ஒரு நாட்டின் நிர்வாக அமைப்பு முறை என்ற அளவில் மட்டும் பார்த்து வந்த எனக்கு வினவைப் படித்தபின்தான் புரிந்தது. இரு நபர்களுக்குள் இருக்கும் பழகும்விதத்தில் கூட ஜனநாயகத்தைப் பொருத்த முடியும் என்பது! இதன்மூலம் குடும்ப உறுப்பினர்களிடமும் அன்பு பாசம் வைப்பது தாண்டி அங்கு ஜனநாயகமும் நிலவினால்தான் அக்குடும்பத்தில் அன்பு நிரந்தரமாக குடியிருக்க முடியும் என்பதுவும் நடைமுறையில் நான் அனுபவித்து உணர்ந்தது.
களத்தில் நிற்காதவர்கள் சொல்லும் கருத்துக்கு மதிப்பு தருவது தேவையில்லையா.. கொஞ்சம் காமன் சென்சில் இது உதைக்கிறதே!
தேவையில்லை என அவர் சொல்லவில்லையே.. அதன் வலி புரிந்து அதற்கேற்ப பதிலுரைக்கவேண்டும் என்ற பொருளில்தானே குறிப்பிட்டிருக்கிறார்.
வலிக்கேற்றது போல கருத்தை கொஞ்சம் மாற்றினால் சரி என்கிறீர்களா?
சரியாகப் பொருளுரைக்கவில்லையோ!! களத்தில் நிற்பவர்களின் கருத்துகள் நடைமுறைக்கேற்றவகையில் எதிரொலிக்கும். வெளியில் நிற்பவர்களின் கருத்துகள் விருப்பக் கருத்துகளாக மட்டுமே இருக்கும். நடைமுறைப்படுத்துவதனால் ஏற்படும் வலியை அறிந்திராததால் “இப்படி செஞ்சிருக்கலாமே.. அத விட்டுட்டு..” என்பது போல வியாக்யானம் மட்டும் பேசுவதாக இருக்கும். ஆனால் அவர்களிடம் விஷயஞானம் இல்லை என்பது பொருளல்ல. அந்த விஷயஞானத்தின் மதிப்புக் கூடுவதென்பது களப்பணியாற்றும்போதுதான் என்பதுதான் என் நிலைப்பாடு!!!
மிக்க நன்றிகள் குருத்து மற்றும் நாயகன்.
//மேலும் சில கருத்து வேறுபாடுகள் இருப்பினும், தற்சுதந்திரம் பெற்றுவிட்டு அமைதியாக ஓரமாய் நிற்கும் என்னைப் போன்றோருக்கு,//
ரொம்ப காலம் ஒரமா நிக்காதீங்க ரிஷி, உள்ளே சீக்கிரம் வாங்க!
என்றாலும் நன்றாக உணர்ந்து இயல்பா எழுதியிருக்கீங்க, வாழ்த்துக்கள் !
நன்றிகள் 🙂
// மேலும் சில கருத்து வேறுபாடுகள் இருப்பினும், தற்சுதந்திரம் பெற்றுவிட்டு அமைதியாக ஓரமாய் நிற்கும் என்னைப் போன்றோருக்கு, களத்தில் நிற்கும் தோழர்களிடம் அவற்றை முன்வைக்கும் தகுதி இருக்கிறதாவெனத் தெரியவில்லை.//
ரிஷி நீங்க எழுதுனதுல இந்த வரிய பலரும் சாதாரணமாக கடந்து போவாங்க. ஆனா அதோட பொருள புரிஞ்சிக்கிட்டு அடக்கத்தோட எழுதிறீங்க பாருங்க, அங்க நிக்கிறீங்க 😆
வாழ்த்துக்கள்!
நன்றி வெற்றிவேல்.
//முதலாளித்துவத்தை ஒட்டுமொத்தமாய் எதிர்த்தாலும் சோஷலிச, கம்யூனிச சித்தாத்தங்கள் மீது இன்னும் முழுமையான ஈடுபாடு வரவில்லை. தற்போதைய நடைமுறை பல காலமாய் அமிழ்த்து வைத்திருப்பதால் உடைத்து வெளிவர முடியாத இயலாமை காரணமாக இருக்கலாம்//
என் நிலை இது தான் ஆனால் சிறு மாறுபாடு,வெளி வந்து விட்டேன் அடுத்து என் கண் முன் நிற்பது
எப்படி இதனை ஒழிப்பது என்று தான்.
முதலாளித்துவத்தை ஒட்டுமொத்தமாய் எதிர்த்தாலும் சோஷலிச, கம்யூனிச சித்தாத்தங்கள் மீது இன்னும் முழுமையான ஈடுபாடு வரவில்லை. தற்போதைய நடைமுறை பல காலமாய் அமிழ்த்து வைத்திருப்பதால் உடைத்து வெளிவர முடியாத இயலாமை காரணமாக இருக்கலாம்
Capitalism and democracy is made to look like demons. It is not.It has its draw backs but it certainly a lot better than communism.
When trying to understand the world, and difference between isms , I also had this dilemma
But now I am clear. Capitalism is the way to go.
Now I am saying this, in-spite of knowing that capitalist will sack me out of job when I reach around 45.
I am fortunate enough to work with Russians, Polish and Koreans. They all have horror stories.
Abolishing private ownership may look nice on paper but will not work. All experiment to remove greed out of humans are failed.
Vinavu will reject all the experiments as fake and they still have real solution. Compare it with muslims. They will also say all the failure of Islam implemented countries are either not implemented properly or fake implementation. When you really really implement the green book, everything will turn gold.
Both have hope in common.
அப்படியா ராமன். இதுபற்றி பலரும் பலவிதமாய் பல பதிவுகளில் பேசிவிட்டார்கள். எல்லாவற்றையும் வாசித்து ஒரு கருத்தோட்டத்திற்கு வந்தாகிவிட்டது. மறுபடியும் முதலிலேருந்தா!!! கடந்த இருபதாண்டுகளில் சமூகத்தில் மக்கள் மகிழ்ச்சியாக வாழ எல்லாமே அதிவேகமாக உற்பத்தி செய்து குவித்தாகிவிட்டது. இருப்பினும் அது பரவலாக சென்று சேரவில்லையே!! சமூக உறவுகளில் இன்னும் இறுக்கம் கூடிக்கொண்டேதானே செல்கிறது.
// சமூகத்தில் மக்கள் மகிழ்ச்சியாக //
What is happiness is always relative one.
கடந்த இருபதாண்டுகளில் சமூகத்தில் மக்கள் மகிழ்ச்சியாக வாழ எல்லாமே அதிவேகமாக உற்பத்தி செய்து குவித்தாகிவிட்டது. இருப்பினும் அது பரவலாக சென்று சேரவில்லையே!! சமூக உறவுகளில் இன்னும் இறுக்கம் கூடிக்கொண்டேதானே செல்கிறது.
You are witnessing both the problem of Capitalism and Banana Republic democracy.
Law and order will solve most of the problem. And if our citizens get smart and elect good people for governance , most of the problems can be solved.
But ASSUMING communism will solve all this issues is not right. Do a research and compare it with quality of life for communist and democratic countries. If possible talk to people who have gone through communist regime.
Read the book
http://en.wikipedia.org/wiki/Animal_Farm to understand the perils for communism in fun way!
Whatever path you choose,I wish you a fun trip 🙂 !
//Law and order will solve most of the problem. And if our citizens get smart and elect good people for governance , most of the problems can be solved.//
சரி.. இதை எப்படி சாத்தியமாக்கலாம் என்று கருதுகிறீர்கள்? and what do you mean by good people?
Philosophers.
//சரி.. இதை எப்படி சாத்தியமாக்கலாம் என்று கருதுகிறீர்கள்//
Capitalism runs with greed as fuel and it should always be kept under check.
For that a country needs robust law and order system.
Speedy judgment and proper investigation is a must.
Aam aadmy party has proposed one solution to create Lok pal an another entity to remove police and investigation bodies under politician influence.
I believe that solution will help.
// what do you mean by good people//
This is left to everybody’s individual judgement.
However you will know the difference when one leader come out says
“I want to see everybody have a TV at home”
VS
” I want to see everybody gets clean drinking water and these are the plans to achieve it ”
In democracy you can still change the leader if you find is not up to the mark
In communist countries, that is left to the mercy of communist party.
Think about it, If you are stuck with Kim jong un you are doomed
Then you may be ask, how about democratic socialist Govt? I will write about its perils in next post
//I believe that solution will help.//
I leave it to you 🙂
I have seen enough scenes!!!
//In democracy you can still change the leader if you find is not up to the mark//
யார் நிற்கிறார்களோ அவர்களைத்தான் தேர்ந்தெடுக்கலாம் + மாற்றலாம்! எங்கள் சிவகாசி தொகுதியில் திறம்படத் தொழிலாற்றும் பட்டாசுத் தொழிலாளியொருவர் தேர்தலில் நின்றால் அவருக்கு 60 வோட்டுகள் விழலாம். இதுவே பல்வேறு பட்டாசு, தீப்பெட்டி, பிரிண்டிங் நிறுவனங்களின் அதிபர் நின்றால் மொத்த ஓட்டுகளும் அவருக்குத்தான் விழும். வேண்டுமானால் இன்னொரு அதிபர் நின்றால் இருவருக்கிடையில் மோதல் இருக்கும். அதை மீறி பட்டாசுத் தொழிலாளி ஆறாயிரம் வோட்டுகள் வித்தியாசத்தில் ஜெயித்தால் அது தஞ்சாவூர் கல்வெட்டில் வெட்டி வைக்கக்கூடிய நிகழ்வாகத்தானிருக்கும். சொகுசுக் காரில் சுகமாய் பயணிப்பவனுக்கு அன்றாடங்காய்ச்சியின் வேதனை தெரியாது. உழைக்கும் வர்க்கம் அதிகமிருக்கும் ஊரில் அதே வர்க்கத்தைச் சேர்ந்த ஒருவன் அவர்களின் பிரதிநிதியாக தன் பங்களிப்பைச் செய்ய இப்போதிருக்கும் அமைப்பு முறையில் முடியவே முடியாது!!
//I have seen enough scenes!!!//
Western countries,Singapore,Japan all are able to bring law and order to the mass, if they can design such a system, why Cant we?
//எங்கள் சிவகாசி தொகுதியில் திறம்படத் தொழிலாற்றும் பட்டாசுத் தொழிலாளியொருவர் தேர்தலில் நின்றால் அவருக்கு 60 வோட்டுகள் விழலாம். இதுவே பல்வேறு பட்டாசு, தீப்பெட்டி, பிரிண்டிங் நிறுவனங்களின் அதிபர் நின்றால் மொத்த ஓட்டுகளும் அவருக்குத்தான் விழும். வேண்டுமானால் இன்னொரு அதிபர் நின்றால் இருவருக்கிடையில் மோதல் இருக்கும்//
சிவகாசி தொழிலாளர்களே ஒன்றுபட்டு சக தொழிலாளிக்கு வாக்கு அளிக்காத போது,
உலகத் தொழிலாளர்களே ஒன்று படுங்கள் என்று சொன்ன மார்க்ஷிச்ச்யம் மட்டும் எப்படி சாத்தியமாகும் ?
You are not willing to accept the bitter truth and your mind craves the safety promised by communism.
இந்தியர்களாகிய நமக்கு ஜனநாயம் திணிக்கப்பட்ட ஒன்று. மக்கள் தெளிவு அறிவு பெற தாமதமாகலாம் . ஆனால் வருங்கால தகவல் உலகத்தில் , புதிய தலைமுறை தெளிவு பெரும் .
http://www.firstpost.com/economy/the-menace-of-rte-amartya-sen-is-right-about-indias-education-system-978207.html
Read the perils of Socialism in above link.
It is a real world example and NOT and Experiment
Teachers are given guaranteed unconditional job. They dont need to produce result.
Students are told, everybody is equal.They dont need to compete and produce result.
You can see the net output of the above system.
வாழ்த்துக்கள் ரிஷி. உங்கள் feedback பார்த்திருக்கிறேன்.. அவற்றைப் போலவே உங்கள் பதிவும் அருமை…
நன்றிகள் ஓடு.