privacy

about us

write

contact

shop

புதிய ஜனநாயகம்

புதிய கலாச்சாரம்

e-books

Global Influence

Communication

Legal Agreement

முகப்புகட்சிகள்இதர கட்சிகள்இசைப்பிரியாக்களுக்கு என்ன பதில் ?

இசைப்பிரியாக்களுக்கு என்ன பதில் ?

-

விடுதலைப் புலிகள் அமைப்பின் ஊடகப் பிரிவில் பணியாற்றியவரும், செய்தி வாசிப்பாளருமான இசைப்பிரியா சிங்கள் இராணுவத்தினரால் இழுத்து செல்லப்படும் வீடியோ ஆதாரத்தை சானல் 4 வெளியிட்டுள்ளது. நான்கு நிமிடம் ஓடும் இந்த புதிய வீடியோ ஆதாரத்தின் மூலம் இசைப்பிரியா போரில் கொல்லப்பட்டார் என்ற இலங்கை அரசின் கூற்று பொய் என்பது அம்பலமாகியுள்ளது. இசைப்பிரியாவின் முகத்தில் உள்ள ஆழமான காயங்கள் அவர் சிங்கள இராணுவத்தால் பாலியல வன்கொடுமைக்கு உள்ளாக்கி கொல்லப்பட்டதை உறுதி செய்வதாக உள்ளது.

இசைப்பிரியா
இசைப்பிரியா

நான்கு நிமிடங்கள் ஓடும் இந்த காணொளியில் இசைப்பிரியா அரை நிர்வாணமாக  சகதியில் கிடக்கிறார். சிங்களப் படையினர் இவரை பிரபாகரனின் மகள் என்று  கூறி இழுத்துச் செல்கின்றனர். அதை இசைப்பிரியா மறுக்கிறார். முகத்தில் பலமான காயங்களுடன் கைகள் கட்டப்பட்டு பாலியல் வன் கொடுமைக்கான அறிகுறிகளுடன் இசைப்பிரியா இறந்து கிடக்கும் காட்சியும் இடம் பெற்றுள்ளது.

கடந்த ஜூன் 2011-ல் வெளியான “இலங்கையின் கொலைக்களங்கள்” என்ற ஆவணப்படத்தில் இசைப்பிரியா அரை நிர்வாணமாக, கடுமையான காயங்களுடன் இறந்து கிடக்கும் காட்சி வெளியானது. பாலியல் வன் கொடுமைக்கான ஆதாரங்கள் இதில் இருப்பதாக வைக்கப்பட்ட குற்றச் சாட்டை நிராகரித்த இலங்கை அரசு “சிங்களப் படையின் மேஜர் ஜெனரல் கமல் குணரத்னே தலைமையிலான 53-வது டிவிசனுடன் நடந்த சண்டையில், மே 18 2009-ல் இசைப்பிரியா கொல்லப்பட்டார்” என அறிவித்தது. தற்போது  கிடைத்திருக்கும் ஆதாரத்தின் மூலம் இசைப்பிரியா போரில் கொல்லப்படவில்லை, சிங்கள இராணுவத்தால் சிறை பிடிக்கப்பட்டு கொல்லப்பட்டார் என்று நிரூபிக்கப்பட்டுள்ளது.

கொல்லப்பட்ட இசைப்பிரியாவின் உடல்
சிங்கள படையினரால் கொல்லப்பட்ட இசைப்பிரியாவின் உடல்

சானல் 4 இதுவரை மூன்று ஆவணப் படங்களை வெளிக் கொண்டு வந்துள்ளது. இவை இலங்கை அரசு இழைத்த போர்க் குற்றங்கள் சிலவற்றை வெளிச்சமிட்டு காட்டின. புலிகளுக்கு எதிரான போர் என்று அழைத்துக் கொண்டு இலங்கை அரசு செய்த இனப்படுகொலை என்ற பனிப்பாறையின் நுனிதான் இவை எல்லாம். மாவிலாறில் ஆரம்பித்து முள்ளிவாய்க்காலில் முடிவுற்ற இந்த இன அழிப்புப் போரில் ஈழ மக்களுக்கு இழைக்கப்பட்டிருக்கும் கொடுமை நினைத்துப் பார்க்க இயலாத அளவுக்கு பயங்கரமானது. பாதுகாப்பு வளையங்கள் ஏற்படுத்தி அங்கு மக்களை வரவழைத்து, பின் அங்கு குண்டு வீசியது, மருத்துவமனைகள் மீது தாக்குதல் தொடுத்து காயமடைந்த மக்களை கொன்றது, கடைசி நாட்களில் கொத்து கொத்தாக பல ஆயிரக்கணக்கான மக்கள் ஒரே அடியாக கொல்லப்பட்ட்து, சரணடைந்த புலித் தலைவர்களை கொன்றது என்ற அநீதியான போரின் சில நிகழ்வுகள் மட்டும் வெளிச்சத்துக்கு கொண்டு வரப்பட்டுள்ளன.

லசந்தா விக்கிரமசிங்கே
மர்மமான முறையில் கொல்லப்பட்ட பத்திரிகையாளர் லசந்தா விக்கிரமசிங்கே.

இலங்கை அரசின், சிங்கள இராணுவத்தின் மனித உரிமை மீறல்களை அம்பலப்படுத்தும் லசந்தா விக்கிரமசிங்கே போன்ற பத்திரிகையாளர்கள் மர்மமான  முறையில் கொல்லப்பட்டார்கள். இலங்கையில் சுதந்திரமான பத்திரிகைகள் தாக்கப்பட்டன. கடந்த ஐந்து  ஆண்டுகளில் 23 பத்திரிகையாளர்கள் நாடு கடத்தப்பட்டிருக்கிறார்கள். 9 பத்திரிகையாளர்கள் காணாமல் போகச் செய்யப்பட்டுள்ளனர். இவர்களில் சிங்கள பத்திரிகையாளர்கள் கணிசமான எண்ணிக்கையில் உள்ளனர். இந்த இன அழிப்புப் போரின் ஒவ்வொரு அசைவையும் கண்காணித்து, வழிகாட்டி வேண்டிய உதவிகளை செய்த  இந்திய அரசு தற்போது  இந்த ஆவணப் பட இயக்குநர் கல்லம் மேக்ரேவுக்கு இந்தியா வர விசா மறுத்துள்ளது.

இஷ்ரத் ஜகான்
குஜராத் போலீசால் கொல்லப்பட்ட இஷ்ரத் ஜகான்.

இந்தக் காணொளி நமக்கு வாச்சாத்தியையும்,குஜராத்தையும், காஷ்மீரையும், மணிப்பூரையும் நினைவுபடுத்துகிறது. நம்மைச் சுற்றி இசைப்பிரியாக்கள் நிறைந்திருக்கிறார்கள். ஈழத்து இசைப்பிரியாவுக்காகவும், குஜராத்தின் இசைப்பிரியாகளுக்காகவும் நீதி பெற நாம் போராட வேண்டியுள்ளது.

கொன்ற இராஜபக்சேக்கள் (ஈழம், இந்தியா இரண்டிலும்) தங்களை புனிதப்படுத்தி கொள்ள வளர்ச்சி என்ற முகமூடியுடன் பாசிசத்தை ஆயுதமாக தரித்து வருகிறார்கள். இராஜபக்சேக்களுக்கு ஆதரவாக டக்ளஸ்களும், கருணாக்களும், தமிழருவி மணியன்களும், நெடுமாறன்களும் களம் இறங்கியிருக்கிறார்கள்.

இசைப்பிரியாகளின் அழுகுரல் உங்களுக்கு கேட்கிறதா? இந்த இராஜபக்சேக்களை என்ன செய்யப் போகிறீர்கள்?

ஆவணப் படம்

  1. இந்த காணொளி மனதை பதற வைக்கிறது. கானொளியில் வராமல் செய்தியாக வந்தால் சமூக மனம் சாதாரணமாக எடுத்துக்கொள்கிறது ( நான் உட்பட) சமூகம் மாற வேண்டும்.

  2. முடியல……… எதெல்லாம் எதோடு லிங்க் செய்து பார்க்க வேண்டும் என வினவிடம்தான் கற்று கொள்ள வேண்டும்…….. முடிவில் மோடிக்கு எதிராக போராட வேண்டும்.,

    • //மோடிக்கு எதிராக போராட வேண்டும்.,//

      சிறு திருத்தம்,

      மோடிக்கு எதிராகவும் போராட வேண்டும்.,

  3. சேனல் 4 வெளியிட்ட இசைப்ரியா கொலையினை தமிழ் மக்கள் அன்றடம் தொலைகாட்சியில் சீரியல்களை பார்த்து கண்ணீர் வடிப்பவர்கள் என காங்கிரஸ் கயவாளி சுதர்சனநா(ற)ச்சியப்பன் தெரிவித்தார் .இவரது கட்சிகாரன் தந்த்தூரி அடுப்பில் வைத்து மனைவியை கொன்ற பாரம்பரியம் அல்லவா?காஙகிரஸ்,பி ஜெ பி கும்பலால் மனித உரிமை பற்றி எப்படி பேச முடியும்?இலங்கையின் மனித உரிமைமீறலை இந்தியா பேசினால் காஸ்மீரில் இந்திய மனித உரிமை மீற்லை ராஜபக்ச பேசமாட்டானா? அதனால் தான் இந்திய பாசிஸ்ட்டுகள் எலலாம் ஒன்று சேர்ந்து இலங்கயில் நடைபெறும் மாநாட்டில் கலந்துகொள்ள துடிக்கின்றனர்.

  4. Felt very bad to see such a barbaric torture for this girl.
    Hope Tamil politicians put pressure of PM not to attend common wealth as a gesture.

    Is there any main stream Tamil media news about it?
    Would like to see how brahmanic, draviden and xian media down played ?

  5. புலிதலை வேலுப்பிள்ளை பிரபாகரன் மேமாதம் 19 ம் திகதி 2009 ஆண்டு கொல்லப்பட்டவுடன் இலங்கையின் உள்நாட்டு போர் முடிவு வருகிறது. இதன் அர்த்தம் விமானகுண்டு வீச்சில்லை செல்லடி இல்லை தற்கொலைதாக்குதல் இல்லை அவலமான இடப்பெயர்வுகள் இல்லை.

    கடலும் காடுகளும் தரையும் பாதைகளும் சுகந்திரம் அடைகின்கின்றன. மக்களும் மரணபயம் தொலைவுதூரம் தம்மை விட்டு போய்விட்டது என்கிற நம்பிக்கையில் வாழ்வை தொடர்ந்து நடத்திக் கொண்டிருக்கிறார்கள்.

    வன்னியில் நான்குலட்சம் தமிழ்மக்கள் தான் பிரபாகரன் பிடியில் அகப்பட்டுக் கொண்டிருந்தார்கள். மிகுதியாக இருந்த முப்பது லட்சம் தமிழ்மக்களும் இலங்கைதீவு பூராவும் பரவி வாழ்நது கொண்டிருந்தார்கள்.

    புலிகள் செய்த ஒவ்வொரு நடவடிக்கைகளுக்கும் இந்த முப்பது லட்சம் தமிழ்மக்களும் வினையாக வட்டி செலுத்திக் கொண்டிருந்தார்கள்.

    உலகத்தில் உள்ள இராணுவம் எல்லாம் கட்டுப்பாடானது கண்ணியமானது இலங்கைஇராணுவம் மட்டும் தான் ஒழுக்க குறைவானது காட்டுமிராண்டி தனமானது என்கிற பிரமை பிரச்சாரத்தால் ஏற்படுத்தப் படுகிறது.

    எமக்கு எதுவருகிறது இல்லையோ உடனடியாக கண்ணீர் வந்துவிடும் தமிழனுக்கு. இது திரைப்படம் பார்த்து கண்ணீர் வடித்து பழக்கப்பட்ட தோஷங்கள் போல.

    கடந்துபோன உள்ளநாட்டு யுத்தத்தில் ஒரு இசைப்பிரியாவும் ஒரு பாலச்சந்திரனும் கொல்லப்படவில்லை.ஆயிரக்கணக்கான பாலச்சந்திரன்களும் ஆயிரக்கணக்காண இசைப்பிரியாக்களும் புலியியக்கத்தால் கொல்லப் பட்டிருக்கிறார்கள். இதற்கு விசாரணயைும் இல்லை பிரச்சாரமும் இல்லை.

    துணுக்காயில் புலிகள் துரோகிகளாக முத்திரை குத்தி பிடித்து வைத்திருந்த 5000 பேர் வரை என்ன ஆனார்கள் என்பது தெரியவில்லை. இதில் இசைப்பிரியாவை விட அழகில் கூடியவளும் அடக்கம்.

    சணல்நான்கிற்கு ஜனநாயகத்தில் வந்த அக்கறை தமிழ்மக்கள் மீது வந்த அக்கறையா? எதிர்காலத்தில் கிழக்காசியாவை இந்து சமுத்திரபிராந்தியத்தை யுத்தக்களமாக மாற்றப்போகும் ஏகாதிபத்தியத்தின் கைக்கூலிக்கான பணியா??

    செய்திகள் விபரங்கள் புள்ளிவிபரங்களை சேகரித்து அதன் மூலம் பிரச்சனைகளை அணுகுவதே ஏகாதிபத்தியத்தின் அதி உயர்ந்த புத்திசாலித்தனம் ஆனபடியால்தான் இந்தியாவில்கூட மாக்கியவாதிகள் என்று பெயர்சொன்ன முற்போக்கு இயக்கங்களை கூடா அரசசார்பற்ற தொண்டுநிறுவனங்கள் மூலம் கையகப் படுத்த முடிந்தது.

    இன்று ஏகாதிபத்தியத்தின் விசுவாசிகளாக செயல்படுபவர்கள் லங்காசிறீ தமிழ்வின் போன்ற இணைத்தளங்கள் மட்டுமல்ல லண்டன்வாழ் யாழ்பாணத்துபனங் கொட்டைகளுமே!.

    90 காலப்பகுதியில் யாழ்ப்பாண கவிஞனின் ஏக்கப்பாடல்…

    துரோகி என தீர்த்து
    முன்னொரு நாள் சுட்ட வெடி
    சுட்டவனையும் சுட்டது.
    சுடுமாறு ஆணையிட்டவனையும் சுட்டது.

    குற்றம் சாட்டியவனை
    வழக்குரைத்தவனை
    சாட்டி சொன்னவனை
    தீர்ப்பு வழங்கியவனை சுட்டது.

    தீர்ப்பு ஏற்றவனைச் சுட்டது.
    எதிர்த்தவனைச் சுட்டது.
    சும்மா… இருந்தவனையும்
    சுட்டது.

    தமிழீழப் போராட்டத்தின் வரலாறு இப்படித்தான் நடந்து முடிந்தது. உண்மையில் எழுபது வீததிற்கு மேலான சிங்கள மக்கள் இலங்கையில் வாழுகிறார்கள்.இதில் பெருபான்மையான சிங்களமக்கள் மலையகமக்களின் வாழ்வுநிலையே!

    என்று இந்தமக்களின் வறுமையின் சூத்திரங்களை யாழ்ப்பாண தமிழன் அறிய முற்படுகிறானோ அன்றுதான் அவன் சுகந்திரம் அடைவான்.அதுவரை அவன் அடிமை. கைக்கூலி. ஏவல்நாய்.

    குறிப்பு: புலியியக்கம் யாழ்பாணமேல் நிலையில் உள்ளவர்களால்
    புலம்பெயர்ந்து வந்தவர்களால் கட்டிவளர்க்கப் பட்டது என்கிற உண்மையை மறந்துவிடாதீர்கள் இதில் பலியாகிபோனவர்கள் உழைப்பாளிகள் உழைப்பாளிகளின் குழந்தைகள் இசைப்பிரியா போன்றவர்களுமே. நடந்துமுடிந்த யுத்தம் புலத்தில் பல தமிழ் கோடீஸ்வரர்களை உருவாக்கியிருக்கிறது.

    • பிரபகரன் ஒரு உயர் சாதியோ அவர் சாதி முறையை கடைப்பிடிதவரரோ இல்லை. உன்மையில் அவர் சாதி கட்டமைப்பை உடைத்தார் . அதனால் மேல் சாதியினர் புலிகளின் அழிவுக்கு உதவினர்.

  6. என்னடா எலி அம்மணத்தோட ஓடுதேன்னு?
    இத்துனை இசைப்பிரியாக்கள் இறந்துவிட்டார்கள்.ஆனால் வாழும் சாட்சியாக உள்ள மலாலாவைப் பற்றி ஒன்றுமே குறிப்பிடப்படவில்லை.
    ஏன் தங்களது மற்றொரு முகம் தெரிந்துவிடும் என்பதாலா?

  7. //இசைப்பிரியாக்களுக்கு என்ன பதில் ?

    We have to fight against this Srilankan gov by joining hands with Srilankan singala people!!!!!!!!!!!

    But How many srilankan singala people will support us currently???

  8. என்னதான் காங்கிரஸ் மீது பழி சுமத்தினாலும் மதசார்பற்ற ஆட்சியை காங்கிரசால் மட்டுமே தர முடியும் என்பதுதான் உண்மை

    • என்னதான் மோதி மீது வீண் பழி சுமத்தினாலும், இந்தியாவை தலைனிமிரவைக்க மோதியால் மட்டும் தான் முடியும் என்பது உண்மை..

      • எப்படி பையா? கொஞ்சம் விளக்கம் தாருங்கள், நானும் மோடிக்கு ஓட்டு போடுகிறேன்.

        அனைவர்க்கும் இலவச, கட்டாய, தரமான, பொதுவான, கல்வி; இலவச தரமான மருத்துவம், அனைவர்க்கும் அரசு வேலை, ஏகாதிபத்தியங்களை நாட்டுக்குள் வர விடாமல் அடித்து விரட்டுவது, ஏழை பணக்காரன் இல்லாத சமமான சமூகத்தை உருவாகி விடுவாரா?

        அது சரி, ஒரு நாள் நீங்க, SRM மோபிய கும்பலை கல்வி என்ற பெயரில் கொள்ளை அடிக்கிறான் என்று சொல்லி இருந்திங்கிலே, இன்று IJK – வுடன் மோடி கூட்டு வைத்திருக்கிறார். மோடிய பார்த்து கேக்க வேண்டியது தானே, அவன் சாதி கட்சி நடதுரன், கல்வி, மருத்துவம் என்ற பெயரில் கொள்ளை அடிக்கிறான் அவனோட ஏன் கொட்டு வைக்குறீங்க என்று?

        வினவு தான் மோடி மீது அவதூறு வீசுகிறது என்பது உங்களின் அறிவுபூர்வமான கண்டுபிடிப்பு, சரி ,நேற்று ` தி இந்து` வில் மோடியை அடிச்சு துவச்சு காய போட்டாரகள், அதுவும் பொய்யா?

      • Paiya.. U supporting MODI is not a problem .. But u believing tat he will make INDIA rise in nowhere true… Let me take two pints he has mentioned..

        1. Move a large number of people from BPL to APL
        Note here he never says wat is BPL… He alwasy critizes congress for RS 26 for a day but he never says wat amount he will suggest … Accoring to a vinavu article which discusses with evidence an average house hold needs RS. 85 per head a day to atleast come out of poverty.. What amount MODI has calculated ???

        2. To bring 10 INDIAN universities in top 100 universities list.
        Again he comes for fake fame… its NOT important how many universities u bring under top 100 because its just a certificate what matters is to have a better educational system which boosts research and science and helps our country to solve its problems scietifically.. but he will NOT talk about that…

        All he does is Rahul bashing and fake patriotic gimmicks… Iam sure he is going to be PM but iam also sure INDIA will remain the same even after 2019 (This is only possible if he controls his emotions to wage war against pakistan and china if tat is the case INDIA will go back to 1960)…

    • உண்மைதான்!
      மதசார்பற்ற ஆட்சி…
      நான் எல்லா சூபர் மார்க்கட்டிலும்
      கேட்டுப் பார்த்துவிட்டேன்,அகமது பாய்..கிடைக்கவில்லை:ஒருவேளை
      கீழக்கரை பள்ளிவாசலில்(பைத்தியங்களுக்கு மருத்துவம் என்ற பெயரில்
      சங்கிலி போட்டு கட்டி வைத்திருப்பார்களே)கிடைக்கிறதா?

      • காங்கிரசில் நிறைய ” ஏர்வாடி” கேசுகள் உண்டு அகமது பாய்…
        இந்தியாவை சூறையாடும் கயவாளிகள் உஙகளுக்கு
        மதசார்பற்ற ஆட்சியை தரப் போகிறார்களா?
        பிரியாணி ரொம்ப சாப்பிட்டால் செரிக்காது பாய்….

  9. நண்பர் ராமதாஸ் அவர்களே எனது உணவு பழக்கம் பற்றிய உங்களது கனிவான விசாரணைகளுக்கு நன்றி 🙂
    அரசியலை பொறுத்தளவில் the best என்று யாரும் இல்லை..தெரியாத பூதத்தைவிட தெரிந்த சாத்தானே மேல் என்பது போல மோடி ஒரு மாநிலத்தில் கட்டவிழ்த்து விட்ட வன்முறை அதனால் பாதிக்கப்பட்ட இதே இந்தியாவை சேர்ந்த அப்பாவி இஸ்லாமியர்கள்…சரி வேண்டாம் அப்பாவி இந்தியர்கள் என்றே வைத்துகொள்வோம்..ஒரு மாநிலத்திலேயே சட்டம் ஒழுங்கை பாதுகாக்க முடியாத மோதி போலி என்கவுண்டர் மூலம் மதவெறி படுகொலையை மறைக்க முயன்ற குள்ளநரித்தனம் இதெல்லாம் இந்திய அளவில் நடந்தால் என்னாகும்?
    மூன்றாவது அணி என்பது தேர்தல் வரையே..தேர்தல் முடிந்த பின் ஒருவேளை மூன்றாவது அணி ஆட்சி அமைத்தலும் எனக்கு மூணு மாசம் பிரதமர் பதவி உனக்கு மூணு மாசம் என்று அந்த கூட்டணியில் உள்ள ஒவ்வொரு பிரதமர் கனவு காண்போரும் அடித்துக்கொண்டு நிற்பார்கள் என்பதே நிதர்சனம்…இதற்கு முன் 1989,1990,1996,1997 ஆகியவைகள் உணர்த்தியது இதைத்தான்…நாட்டுக்கு தேவை நிலையான ஆட்சி..மத வெறி மோதல்களை தனது ஆதாயத்திற்காக பயன்படுத்திகொள்ளாத (ஒப்பீட்டளவில்) ஆட்சி

  10. தெரியாத பூததைவிட…
    அதாவது 3 பேர் தேர்தலில் நின்றால்.3ல் ஒருத்தனை
    தேர்வு செய்தே ஆகவேண்டும்….
    1)முடிச்சவிக்கி
    2)மொள்ளமாரி
    3)கன்னக்கோலன்
    இதைதான் நான் போலி சனநாயகம் …
    எவன் எத்தனை மாதம் பிரதமாக இருந்தால் என்ன?
    இன்றளவில் தமிழ்நாட்டின் வளர்ச்சியில் பங்குகொள்ளாத பரதேசிகள்
    நிறைய பேர் பிரதமராக “அலங்கரித்து”…இந்தியாவை(குறிப்பாக வட மாநிலங்களை) வளர்ப்பதில் குறியாக உள்ள குள்ள நரிகள் அவை…
    வட இந்தியாவுக்கு அன்மித்து எத்தனை வெளிநாடுகள்/
    தமிழ்நாட்டை ஒட்டி ஏதேனும் நாடு உண்டா?
    இது சனநாய நாடு..யார் எத்தனை மணிநேரம் வேண்டுமானாலும் தூங்கலாம்..நம்மை ஆண்ட
    பிரதமர்களில் பெரும்பாலோர் கும்பகர்ணனின் வாரிசுகள்..தமிழன் வயிறு கிழிய கத்தினாலும்,காதையும்….சூ….பொத்திக்கொண்டு இலங்கை குரங்குகளுக்கு,ஆயுதம் வழஙிகிய. ..
    பிரியாணி எனக்கு செரித்துவிட்டது பாய்!

விவாதியுங்கள்

உங்கள் மறுமொழியை பதிவு செய்க
உங்கள் பெயரைப் பதிவு செய்க