Tuesday, April 7, 2020
முகப்பு செய்தி தமிழ்நாடு காவிரிக்காக போராடிய மதுரை தோழர்கள் 20 பேர் சிறையில் அடைப்பு !

காவிரிக்காக போராடிய மதுரை தோழர்கள் 20 பேர் சிறையில் அடைப்பு !

-

ச்சநீதிமன்றத்தின் காவிரி தீர்ப்பை எதிர்த்துப் போராடிய மதுரை மக்கள் அதிகாரம் தோழர்களைக் கைது செய்து சிறையிலடைத்திருக்கிறது மதுரை போலீசு. மதுரை தலைமை தபால் நிலையத்தை முற்றுகையிட்டு மக்கள் அதிகாரம் சார்பில் 17.02.2018 அன்று காலை முற்றுகைப் போராட்டம் நடத்தப்பட்டது.

இந்த முற்றுகைப் போராட்டத்தை ஒடுக்குவதற்காக, போராட்டம் நடக்கும் பகுதிக்குச் சிறிதும் சம்மந்தமே இல்லாத செல்லூர் போலீசு ஆய்வாளர் மணிவண்ணனை அனுப்பியது எடப்பாடியின் எடுபிடி போலீசு.

போராட்ட இடத்துக்கு வந்தது முதல், அமைதியாக நடைபெற்ற முற்றுகைப் போராட்டத்தைச் சீர்குலைக்கவே முயற்சித்துக் கொண்டிருந்தார் மணிவண்ணன். இறுதியில் தோழர்களைக் கைது செய்யும் போது, தோழர்கள் கொண்டு வந்த பேனர்களைக் கிழிப்பது, தோழர்களை அடிப்பது எனத் தனது வில்லத்தனங்களைக் காட்டியிருக்கிறார்.மேலும் வயது முதிர்ந்தவர்கள், பெண்கள், குழந்தைகள் என வித்தியாசமின்றி கடுந்தாக்குதலை ஏவி விட்டிருக்கிறார். போலீசு வெறி கொண்டு அடித்ததில் காயமடைந்த தோழர்களுக்கு மருத்துவ வசதி செய்து தராமல் இழுத்தடித்ததைக் கண்டித்து, மதிய உணவை மறுத்து ஒத்துழைக்க மறுத்தனர் தோழர்கள்.

கைது செய்யப்பட்ட தோழர்களின் மீது பொய்வழக்குகள் போட்டு, ரிமாண்டு செய்துள்ளது மதுரை போலீசு. இருபது தோழர்கள் மீது இந்திய தண்டனைச் சட்டம் 143 (சட்ட விரோதமாகக் கூடுதல்), 188 (அரசு ஊழியர்களின் உத்தரவுக்கு கீழ்படியாமை), 353 (அரசு ஊழியரைப் பணி செய்ய விடாமல் தடுத்தல்) ஆகிய பிரிவுகளிலும், கிரிமினல் இணைப்புச் சட்டம் 71(A) (அரசு ஊழியரைப் பணி செய்யவிடாமல் தடுத்தல்(பிணையில் வெளிவர முடியாதது) ) ஆகிய பிரிவுகளில் வழக்குகளைப் பதிவு செய்து ரிமாண்ட் செய்ய நீதிமன்றத்திற்கு அழைத்துச் சென்றுள்ளது. கைது செய்யப்பட்ட 20 தோழர்களோடு குழந்தைகள் 4 பேர் உள்ளனர்.

காவிரி உரிமைக்காக மத்திய அரசு, உச்சநீதிமன்றத்தை எதிர்த்து நடத்தப்பட்ட இந்த ஆர்ப்பாட்டத்தைக் கூட இவர்களால் சகித்துக் கொள்ளமுடியவில்லை. கைது, சிறைகளால் மக்கள் அதிகாரத்தை முடக்கிவிட முடியாது. முன்னிலும் அதிகமாய் போராட்டம் நடக்கும்.

 

சந்தா செலுத்துங்கள்

இணையத்தில் உழைக்கும் மக்களின் குரலாக பதினோரு ஆண்டுகளாக போராடும் வினவுடன் கை கோருங்கள். ஆதரியுங்கள்

  1. இந்தியாவின் நவீனஹிட்லர் மோடியின் எடுபிடி பழனிச்சாமியின் அடிமை சர்க்கார் வேறு என்ன செய்யும்? போலீஸ் நாய்கள் மூலமே தனது கார்ப்பரேட் அரசை வழிநடத்தும்.
    தமிழ் நாட்டில் ஆளும் கட்சிதான் இப்படி ஏவல்நாயாக இருக்கிறது என்றால் எதிர்க்கட்சிகளும் மக்கள் பிரச்சனைகளில் பாராமுகமாக இருப்பதின் மூலம் தாங்களும் கார்ப்பரேட்களின் கைக்கூலிகள் தான் என்பதை மீண்டும் மீண்டும் நிரூபிக்கின்றன.எனவே மக்களாகிய நாம்தான் ‘மக்கள்அதிகாரம்’ போன்ற அமைப்புக்களில் இணைந்து வலுவான போராட்டங்கள் வாயிலாக உண்மையான ஜனநாயகத்தை கட்டியெழுப்ப வேண்டும்.

விவாதியுங்கள்

உங்கள் மறுமொழியை பதிவு செய்க
உங்கள் பெயரைப் பதிவு செய்க