puka17_nov_16_wrap

பருத்தி விவசாயிகள் தற்கொலை செய்யும் மண்ணில்தான் பத்து இலட்ச ரூபாய் கோட்டை அணியும் மோடி பிரதமர்! முன்னது தனிப்பட்ட காரணங்களுக்கான தற்கொலையாம்; பின்னது பிரதமரின் தனிப்பட்ட விருப்பமாம்!

சுனாமி அழிவுக்குப் பின் பத்தாண்டுகளாகியும் வீடுகள் கிடைக்காமல் அவதிப்படும் மக்களைக் கொண்ட நாடு இது. கட்டுமான நிறுவனங்களின் ஆசை வார்த்தைகளில் சிக்கி புது வீடு வாங்கிய நடுத்தர வர்க்கம் ஆயுட்கால கடனாளியாக அலைகின்றது. ஆனால் அம்பானியின் ஆன்டிலியா மாளிகையின் தோராயமான மதிப்பே ஐந்தாயிரம் கோடி ரூபாய்.

ரிலையன்ஸ் துணிக் கடைகளில் இலட்ச ரூபாய் உடைக்குப் போட்டியாக தமிழக பொது வினியோகக் கடைகளில் பொங்கல் வேட்டி சேலைகளை இலவசமாக வாங்கக் கூட்டம் அலைமோதுகின்றது. பாதையோர மக்களை எமலோகம் அனுப்பும் பி.எம்.டபிள்யூ, ஆடி, பென்ஸ் ரகக் கார்கள் கோடிகளில் விற்கப்படுகின்றன. ஓட்டைக் கூரைகளுடன் ஊர்ந்து போகும் அரசுப் பேருந்துகளில் காற்றே புக முடியாத அளவுக்கு மக்கள் கூட்டம்! புதிய பேருந்துகள் வாங்குவதற்கு அரசாங்கத்திடம் காசில்லையாம்!

எட்டு ரூபாய் தேநீரை “ஒன் பை டூ” என இரண்டு பேர் அருந்தும் உலகில் தாய்லாந்தின் ஐவரி காஃபி ஒரு கிலோ ஒரு இலட்ச ரூபாய்! மராட்டிய விவசாயிகள் தமது பிள்ளைகளின் திருமணத்திற்குக்கூட காசில்லாமல், பத்து – இருபது ஜோடி என கூட்டுத் திருமணம் நடத்தும் நாட்டில், பணக்காரர்களின் “தீம் திருமணங்கள்” சினிமாவின் பிரம்மாண்டத்தையும் விஞ்சுகின்றன.

மக்களுடைய மூளை நரம்பு மண்டலத்தில் ஒவ்வொரு முடிச்சிலும் அமர்ந்து ஆணையிடும் விளம்பரங்கள், நுகர்வுக் கலாச்சாரத்தை அனிச்சைச் செயலாக்கியிருக்கின்றன. மக்கள் கண்டதனைத்தையும் தின்று கழிக்கும் விலங்குகளாக்கப்பட்டு விட்டனர்.

உலகமயம் உலகத்தையே ஒரு கூரையின் கீழ் கொண்டு வந்து விட்டது என்கிறார்கள். உப்பரிகைகளில் பணக்காரர்களும், தாழ்வாரங்களில் உழைக்கும் மக்களும் புரளுகின்ற ஒரே கூரை இது!

தோழமையுடன்
புதிய கலாச்சாரம்

நூலில் இடம்பெற்றுள்ள கட்டுரைகள்:

  • தீம் திருமணங்கள் – அழகின் வக்கிரம் !
  • சுதேசி மோடியின்  விதேசி மேக்கப் செலவு தெரியுமா ?
  • ஆன்டிலியா – அம்பானியின் மர்ம மாளிகை !
  • சட்டை ரூ.15,000/, ஜீன்ஸ் 13,000/ கைப்பை 1 லட்சம்… !
  • குடி, கூத்து, ரேப்: இதுதாண்டா ஐ.பி.எல் !
  • ”விளம்பரங்களில் ஆங்கிலம்” – கேள்வி பதில் !
  • பண்டிகை விடுமுறைகள் எந்த மதத்திற்கு அதிகம் ?
  • தீபாவளி : முற்போக்காளர்களின் ஊசலாட்டம் !
  • விஜய் டி.வி – யின் வை ராஜா வை !
  • பிஞ்சுக் குமாரிகள் ! பி.பி.சி. செய்திப்படம்: “ சாயம் பூசப்பட்ட குழந்தைகள்”
  • ஒரு கப் காஃபியின் விலை ஐந்தாயிரம் ரூபாய் !
  • கார்கள் : வளர்ச்சியின் அறிகுறியா ? முதலாளித்துவ அழிவின் குறியா ?
  • இந்தியாவில் ஹார்லி டேவிட்ஸன் பைக்குகள் : நாடு ‘ முன்னேறுதாம் ’ !
  • உங்கள் சிந்தனையை வடிவமைக்கும் விளம்பரங்கள்
  • சேரி சுற்றுலா !
  • மனித நாகரிகமும் மண்புழு நாகரிகமும்

பக்கங்கள் : 80
விலை ரூ. 20.00

ஆண்டுச் சந்தா உள்நாடு: ரூ 300

ஆண்டுச் சந்தா வெளிநாடு: ரூ 1600

மாதந்தோறும் தவறாமல் புதிய கலாச்சாரம் நூல் உங்களுக்கு கிடைக்கும் பொருட்டு ஆண்டு சந்தாவை உடன் அனுப்பி ஆதரிக்குமாறு கோருகிறோம். சந்தா அனுப்புவோர் கன்னையன் ராமதாஸ் பெயருக்கு டிடி, MO, அனுப்பலாம். வங்கிக் கணக்கிற்கு நேரடியாகவும் அனுப்பலாம். விவரங்கள்,

KANNAIAN RAMADOSS
AC,NO – 046301000031766
IFSC – IOBA0000463
BRANCH IOB ASHOK NAGAR.

சந்தா தொகை அனுப்பிவிட்டு உங்களது பெயர், முகவரி விவரங்களோடு உங்களது தொலைபேசி எண், மின்னஞ்சல் முகவரி (இருந்தால்) அனுப்புமாறு கோருகிறோம்.

அலுவலக முகவரி:
புதிய கலாச்சாரம்,
மக்கள் கலை இலக்கியக் கழகம்,
122, நேரு பூங்கா ( கு.மா.வா குடியிருப்பு )
பூந்தமல்லி நெடுஞ்சாலை
சென்னை – 600 084.

தொலைபேசி
99411 75876, 97100 82506

மின்னஞ்சல்
vinavu@gmail.com