Sunday, November 27, 2022
முகப்புஉலகம்ஈழம்ஈழம்- செத்த பிறகும் ரத்தம் கறக்கிறார் ஜெகத் கஸ்பார்!!

ஈழம்- செத்த பிறகும் ரத்தம் கறக்கிறார் ஜெகத் கஸ்பார்!!

-

ஈழம் செத்த பிறகும் ரத்தம் கறக்கிறார் ஜெகத் கஸ்பார்!!

vote-012ஈழப் போர் துயரமான முறையில் முடிவுக்கு வந்திருக்கிறது. போர் நிறுத்தம் கேட்டு போராட வேண்டிய நேரத்தில் ஓட்டுச் சீட்டு சந்தர்ப்பவாத அரசியலில் சிக்கி  ஈழத் துரோகி கருணாநிதியோடும், உழைக்கும் மக்களுக்கே எதிரி ஜே ‘ வோடும் கைகோர்த்தவர்களும், ஈழப் பிணங்களை வைத்து ஆதாயமடையப் பார்த்தார்கள். ஒருவர் பதவியைக் காப்பாற்ற தொடர் நாடகங்களை நடத்தினார். இன்று வரை நடத்திக் கொண்டிருக்கிறார். இன்னொருவர் இதை வைத்து பதவிக்கு வரும் நோக்கத்திற்காகவே வெற்று வீர வசனங்களை உதிர்த்தார்.

மொத்தத்தில் ஈழ மக்கள் இந்திய, இலங்கை இராணுவங்களால் கொல்லப்பட்ட போது, அதை தங்களுக்கு ஆதாயமான ஒன்றாக மாற்றிக் கொண்ட சந்தர்ப்பவாதிகள் பிழைப்புவாதிகள் பலர். ஈழம் அவர்களுக்கு ஒரு கறவை மாடு. யானை இறந்தாலும் ஆயிரம் பொன் என்று கேள்விப்பட்டிருக்கிறோம். ஆனால் துடிக்கத் துடிக்கப் படுகொலை செய்யப்பட்ட ஈழம் எனும் பசுவின் மடியிலிருந்தும் கூட பால் கறக்க முடியும் என்பதை நமக்கு நிரூபித்துக் கொண்டிருக்கிறார் ஜெகத் கஸ்பார் எனும் பாதிரி.

“ஈழ மக்கள் மீதான படுகொலைகளுக்கு கண்டனம் தெரிவித்து, யுத்தக் குற்றவாளிகளுக்கு எதிராக நூறு பேர் கவிதை எழுதுகிறார்கள் நீங்கள் கவிதை கொடுக்க வேண்டும்” என்று த.செ.ஞானவேல் என்பவர் பலரிடமும் கேட்டிருந்தாராம். அவருக்காக ஆனந்தவிகடனின் திருமாவேலனும், டைம்ஸ் ஆப்ஃ இண்டியா இதழின் குணசேகரன் என்னும் பத்திரிகையாளரும் கூட இப்படிப் பலரிடமும் கவிதை கேட்டிருக்கிறார்கள். நூலை ஞானவேல் எனும் பத்திரிகையாளர் வெளியிடப் போவதாகச் சொல்லித்தான் அனைவரிடமும் கவிதை வாங்கியிருக்கிறார்கள்.

ஒரு வழியாக “ஈழம்…. மௌனத்தின் வலி” என்ற அந்தக் கவிதை நூல் இப்போது வெளிவந்திருக்கிறது. கிறிஸ்தவப் பாதிரி ஜெகத்கஸ்பர் ராஜ் என்பவருக்குச் சொந்தமான “நல்லேர் பதிப்பகம்” சார்பில் வெளிவந்திருக்கிறது இந்தக் கவிதை நூல். ஞானவேலோ  அவர் அமைப்பாளராக இருக்கும் “போருக்கு எதிரான பத்திரிகையாளர் அமைப்போ” இந்நூலை வெளிக் கொண்டுவரவில்லை என்பது இங்கே குறிப்பிடத்தக்கது. அதிகாரவர்க்கங்கள், புகழ்பெற்றவர்கள் என்னும் வரிசைப்படி கட்டமைக்கப்பட்டுள்ள அந்நூல் கமலஹாசன் முதல் ரஜினிகாந்த் வரை என்னும் அமைப்பில் பல நண்பர்கள் தோழர்கள், சமூக ஆர்வலர்களின் கவிதைகளோடு வெளிவந்திருக்கிறது.

ஈழம் செத்த பிறகும் ரத்தம் கறக்கிறார் ஜெகத் கஸ்பார்!!

“ஈழம்…. மௌனத்தின் வலி” என்னும் தலைப்பிலான அக்கவிதை நூலின் முதல் கவிதையை கமலஹாசனும், கடைசிக் கவிதையை ரஜினிகாந்தும் எழுதியிருக்கிறார்கள். கமல் எழுதிய கவிதை தெனாலி படப்பிடிப்பின் போது எழுதப்பட்டதாம். ரஜினிகாந்த் எழுதியுள்ள பஞ்ச் டயலாக் கவிதையை அவர் இவர்களுக்காவே எழுதிக் கொடுத்தாரா? அல்லது ஏதாவது மேடைகளில்  உதிர்த்த முத்தா ? என்று தெரியவில்லை. மற்றபடி தோழர் துரை.சண்முகம், இயக்குநர் கவிதா பாரதி, கலாப்பிரியா, ராஜுமூருகன் உள்ளிட்ட இன்னும் சிலரின் கவிதைகளைத் தவிர பெரும்பாலான கவிதைகள் மொக்கைகள்.

டைம்ஸ் ஆஃப் இந்தியா நாளேட்டின் நிருபர் குணசேகரன், “ஈழம் தொடர்பான புகைப்படங்களைப் பொருத்தமான கவிதையுடன் வெளியிட இருப்பதாகவும், பத்திரிகையாளர்கள் சேர்ந்து வெளியிடும் இந்த கவிதை நூலுக்கு நீங்களும் ஒரு கவிதை தர வேண்டும்” என்று தோழர்.துரை சண்முகத்திடம் கவிதை ஒன்று கேட்டாராம். “தன்னார்வக் குழுக்கள் வெளியிடுவதாக இருந்தால் கவிதை தரமுடியாது. கவிதையில் ஒரு சொல்லைத் தணிக்கை செய்வதாக இருந்தாலும் கவிதை தர முடியாது” என்று குணசேகரனிடம் கூறியிருக்கிறார் துரை.சண்முகம். இரண்டிற்கும் குணசேகரன் உத்திரவாதம் கொடுத்ததன் அடிப்படையில் கவிதையையும் தந்திருக்கிறார்.

இரக்கம் காட்டுவதாய்
நீங்கள் ஒரு அறிக்கை விடுவதற்கு
இன்னும் எத்தனை வேண்டும் ஈழப்பிணங்கள்….

தேர்தல் செலவுக்காக
எங்கள் இரத்தத்தையே திருடிய உங்களிடம்
ஒப்படைக்க முடியாது கண்ணீரை

தலை சிதறிப் போனாலும்
எம் தலைமுறைகள் மறவாது
இந்திய கொலைக்கரம் முறிக்காமல்
எம் பிள்ளை துயிலாது

என்று துரை சண்முகம் எழுதிக் கொடுத்த கவிதை வரிகளில் “தேர்தலுக்காக” என்ற சொல்லும் “இந்திய கொலைக்கரம்” என்ற சொற்களும் வெட்டப்பட்டிருக்கின்றன. பத்திரிகையாளர்களுக்குப் பதிலாக வெளியீட்டாளராக ஜெகத் கஸ்பார் அவதரித்திருக்கிறார். இவ்விரு விசயங்கள் குறித்தும் உடனே குணசேகரனுக்கு போன் செய்து கேட்டாராம் துரை. சண்முகம். அதிர்ச்சி அடைந்த குணசேகரன், கவிதையை ஞானவேலிடம் கொடுத்ததாகவும் இந்த அயோக்கியத்தனம் பற்றித் தனக்கு எதுவும் தெரியாது என்றும் கூறி வருந்தினாராம்.

ரஜனிகாந்த் கமலஹாசன் போன்ற கவிஞர்கள் எல்லாம் எழுதப்போகிறார்கள் என்ற விசயமும் துரை சண்முகத்துக்கு சொல்லப்பட வில்லையாம்.   இயக்குநர் சேரன் போன்றவர்கள் எழுதிய அயோக்கியத்தனமான கவிதைகளும் உண்டு. அழுது வடிந்து ஈழத்துக்காக போலிக்கண்ணீர் வடிக்கிற தந்திரக் கவிதைகளும் உண்டு. நூறு ரூபாய் விலையில்,”மனித நேயமிக்க எவரும் மறுபதிப்புச் செய்யலாம்” என்னும் அறிவிப்போடு பளபள காகித்தத்தில் வெளிவந்திருக்கும் நூலை, கிறிஸ்தவப் பாதிரி ஜெகத்கஸ்பார் ராஜ் வெளியிடுகிறார் என்பது தெரிந்திருந்தால் பாதிக்கும் மேலானவர்கள் கவிதை கொடுத்திருக்க மாட்டார்கள். ஏன் ஞானவேல் இப்படிச் செய்தார் என்று பலரும் இப்போது புலம்பித்திரிகிறார்கள்.

ஞானவேல் பத்திரிகையாளரா? என்று சிலர் கேட்டார்கள். அவர் ஆனந்த விகடனில் நிருபராக வேலை பார்த்ததாகவும் அதில் கிடைத்த தொடர்புகள் மூலம் அதிகார மட்டங்களில் உறவுகளை வளர்த்த பிறகு கலைக்குடும்பமான நடிகர் சிவக்குமார், அவரின் வாரிசு நடிகர் சூர்யா ஆகியோரின் பி,ஆர்.ஓவாகவும், சூர்யா ரசிகர் மன்றம், அவர்களின் அறக்கட்டளை வேலைகளைக் கவனித்துக் கொள்வதாகவும், நடிகர் பிரகாஷ்ராஜிற்கும்  பி.ஆர்.ஓவாக இருப்பதாகவும் சொல்கிறார்கள். அவ்வப்போது “உழைப்பால் உயர்ந்த உத்தமர்கள்” என்னும் திடீர் பணக்காரர்கள் குறித்த தன்னம்பிகை கட்டுரைகளை சிலிர்க்க சிலிர்க்க உருட்டி உருட்டி எழுதுகிறவர் என்றும் நண்பர்கள் சொல்கிறார்கள்.

ஞானவேல் என்ற நபர் என்ன தொழில் செய்கிறார் என்பது இங்கு முக்கியமல்ல,  ஆனால் இன்றைய இவரது நடவடிக்கை ஈழப் பிரச்சனை என்னும் பொதுப் பிரச்சனையில் அசிங்கமான அவதாரமாக உருவெடுத்திருக்கிறது. ஈழப்போராட்டத்தை இங்குள்ள அதிகார பீடங்களிடமும்,  சந்தர்ப்பவாத  சாமியார்கள், பெரும் பண்ணைகளிடமும் கொண்டு போய் அடகு வைத்து இவர்களை ஈழ நாயகர்களாக உருவாக்குகிற ஆளும் வர்க்க நலன் சார்ந்த தந்திரமாக உருவெடுத்திருக்கிறது.

போருக்கு எதிரான பத்திரிகையாளர்  என்ற அமைப்பு என்ற ஒன்றைத் துவங்குவதோ, அதற்கு அமைப்பளாராக ஞானவேல் இருப்பதோ, ஈழத்துக்காக நூல் வெளியிடுவதோ தவறிலை, ஆனால் தனக்குத் தெரிந்த பணக்காரர்கள், ஆளும் வர்க்க அடிவருடிகள், நடிகர்கள், என்ற இவர்களின் பின்னணியில் ஜெகத் கஸ்பார் என்னும் ஆளும் கட்சி ஆதரவுபெற்ற ஒரு நபரின் நிதி உதவியோடு வெளியிடுவதும் , அதற்குப் பத்திரிகையாளர்களின் பெயரைப் பயன்படுத்திக் கொள்வதும்தான் இங்கு பிரச்சனை. ஞானவேல் “அகில இந்திய சூர்யா ரசிகர் மன்றம்” சார்பில் இதைச் செய்திருந்தால் யாரும் கேட்கப் போவதில்லை.

போருக்கு எதிரானவர்கள் யார்?

ஈழம் செத்த பிறகும் ரத்தம் கறக்கிறார் ஜெகத் கஸ்பார்மாவிலாறில் தொடங்கி முள்ளிவாய்க்கால் வரை நீடித்த இரண்டரை ஆண்டுகால இலங்கை அரசின் போர் என்பது வெறுமனே இலங்கை அரசின் போர் அல்ல. பிராந்திய வல்லரசுகளின் ஆதிக்க வெறியே ஈழத்தில் போர் வெறியாக மக்களைக் கொன்று தீர்த்தது. ஆனால் இப்பிராந்தியத்தில் வேறெந்த ஒரு நாட்டின் பங்களிப்பையும் விட இந்தியாவின் பங்களிப்பே வன்னிப் போரில் அதிகம்.

இவர்களே ஆயுதங்களைக் கொடுத்தார்கள், இவர்களே இராணுவத்தை அனுப்பினார்கள், இவர்களே இராணுவ டாங்கிகளையும், விமானங்களையும் அனுப்பினார்கள். இவர்களே கொலைகார பாசிஸ்டுகளான ராஜபட்சே சகோதர்களை பாதுகாத்தார்கள். போரை நிறுத்துங்கள் என்று தமிழகம் கேட்ட போது இறையாண்மையுள்ள இலங்கை தேசத்திற்குள் தலையிட மாட்டோம் என்றார்கள். போரை நடத்திய இந்திய, இலங்கை கூட்டு இராணுவப் படைகள் கொன்றொழித்தது புலிகளை மட்டுமல்ல ஐம்பதாயிரம் வன்னி மக்களையும்தான்; இனப்படுகொலையின் சூத்திரதாரி இலங்கை மட்டுமல்ல மத்திய ஆளும் காங்கிரஸ் கட்சியும்தான்.

போரை நிறுத்தாமல் அதை வேகமாக முடிக்க நெருக்கடி கொடுத்த இந்தியா இன்று ராஜபட்சேவுக்கும், சரத்பொன்சேகாவுக்குமிடையிலான போரை தீர்த்து வைக்க விரும்புகிறது. சமாதானம் பேசவே கொழும்பு சென்றிருக்கிறார் பிரணாப்முகர்ஜி. வன்னி மக்களைக் கொன்றொழித்த மத்திய காங்கிரஸ் அரசு, போர் நிறுத்தம் கோரிய ஜனநாயக சக்திகளின் நண்பனா? எதிரியா?

இதற்கும் இந்த நூல் வெளியீட்டு விழாவுக்கும் என்ன தொடர்பு என்ற கேள்வி எழலாம். கட்டுரையை எழுத நினத்ததன் தேவையே அங்கிருந்துதான் உருவாகிறது. அதைச் சொல்வதற்கு முன்னால், வேறு சில விஷயங்களைப் பேசியே ஆகவேண்டும்.

கடந்த பத்தாண்டுகளுக்கும் மேலாக ஏதோ ஒரு வகையில் மத்திய மாநில அரசு அதிகாரங்களை துய்த்து வரும் தி.மு.க இப்போது மாநிலத்தில் ஆளும் கட்சி, மத்தியில் ஆளும் கட்சியோடு பதவியை பங்கிட்டிருக்கும் கட்சி. தமிழகத்தில் போர் நிறுத்தம் கேட்ட போது கருணாநிதி தன் பதவி அதிகாரத்தைப்ப பாதுகாத்துக் கொள்வற்காக ஈழம் தொடர்பாக நாடகங்களை அரங்கேற்றினாரே தவிர கடைசி வரை ஈழ மக்களிடம் கரிசனம் காட்டவில்லை. மக்கள் கொல்லப்படுகிறார்கள் என்ற போது அவர் புலிகளின் சகோதரப் படுகொலை பற்றி பேசினார். வன்னி மக்களை காப்பாற்றுங்கள் என்ற போது பிரபாகரன் சர்வாதிகாரி என்றார். ஈழம் தொடர்பாக மத்திய அரசின் கொள்கையே மாநில அரசின் கொள்கை என்றார் கருணாநிதி.

கருணாநிதி மட்டுமல்ல அவரோடு அன்று  காங்கிரஸ் கூட்டணியில் இருந்த டாகடர் ராமதாஸ் கூட சூழலுக்கு தக்கவாறு பேசியே நாடகங்களை அரங்கேற்றினார்.போர் என்றால் மக்கள் மடியத்தான் செய்வார்கள் என்று பார்ப்பனத் திமிரோடு பேசிய ஜெயலலிதாவோ, கருணாநிதியின் பெயர் கெடுகிறது என்பதைத் தெரிந்து கொண்டு ஈழப் பிரச்சினையை கருணாநிதிக்கு எதிராக மடை மாற்றினார். மக்கள் அதை நம்பவில்லை என்பது தனிக்கதை.

கடைசியில் புலிக்கோஷமிட்டவர்களாலேயோ, நாடகங்களை நடத்தியவர்களாலேயோ, ஈழத் தமிழர்களை காப்பாற்ற முடியாது என்பதைத் தெரிந்து கொண்டோம். இவர்களால் உள்ளூர் தமிழர்களையும் காப்பாற்ற முடியாது என்பதை இன்றைக்கு மீனவர் பிரச்சனையில் பார்த்துக் கொண்டிருக்கிறோம். வைகோ, திருமா, கருணாநிதி, ஜே, நெடுமாறன், என எல்லா தலைகளும் சந்தர்ப்பவாதிகளே என்பதை தீயில் எரிந்து முத்துக்குமார் உணர்த்தினான். முத்துக்குமாரின் தியாகத்தை தற்கொலை என்றார் திமுகவின் அன்பழகன்.  இதெல்லாம் போரின் போது நடந்த சில கசப்பான உண்மைகள்.

ஜெகத்கஸ்பார் கும்பல் சொல்கிற மாதிரி அமைதியாக மௌனமாக இல்லாமல் தமிழகத்தின் இரண்டு துருவ அரசியல்வாதிகளுக்கு அப்பாற்பட்டு பல அமைப்புகளும்,வழக்கறிஞர்கள், மாணவர்கள், பெண்கள், மனித உரிமை அமைப்பினர், கண் தெரியாதவர்கள், தையல் கலைஞர்கள்,  விவசாயிகள், மீனவர்கள், என பலரும் போராடினார்கள். ஆனால் பத்திரிகையாளர்கள் மட்டும் போருக்கு எதிராக போராடவில்லை. ஒரு வேளை அப்போது இந்த அமைப்பு துவங்கப்பட்டு போருக்கு எதிராக போராடியிருந்தால் சீமானையும், கொளத்தூர் மணியையும், கோவை இராமகிருட்டிணனையும் ஏனைய தோழர்களையும் சிறையில் தள்ளி ஒடுக்கிய கருணாநிதி, இந்த பத்திரிகையாளர்களையும் உள்ளே தான் தள்ளியிருப்பார்.

ஈழப்போருக்கு எதிராக தொடர் போராட்டங்களை முன்னெடுத்த  வழக்கறிஞர்களுக்கு உயர் நீதிமன்றத்தில் எது கிடைத்ததோ, அதுவே பத்திரிகையாளர்களுக்கும் கிடைத்திருக்கும். போராட்டம் என்பதன் வலியறியாத பத்திரிகையாளர்கள் ஈழத்துக்காக போராடவில்லை என்றால், சில பிழைப்புவாத துரோகிகளோ அம்சாவின் காலடியில் விழுந்து கிடந்தார்கள். இது குறித்தெல்லாம் ஏற்கனவே விரிவாக வினவில் எழுதியிருக்கிறோம். போர் நடக்கும் போது மவுனமாக இருந்து விட்டு இப்போது போருக்கு எதிரான அமைப்பு என்று துவங்கியிருக்கிறார்களே, எந்த போருக்கு எதிரானது இந்த அமைப்பு என்று அதன் அமைப்பாளர் ஞானவேல் சொல்வாரா?

வடகிழக்கில் இந்தியப் படைகள் நடத்திக் கொண்டிருக்கிறதே அந்தப் போருக்கு எதிரானதா? அல்லது அமெரிக்க ஆக்கிரமிப்புப் படைகளுக்கு எதிராக ஈராக் மக்கள் நடத்திக் கொண்டிருக்கிறார்களே வீரம் செறிந்த போர், அந்தப் போருக்கு எதிரானதா? அல்லது ஆப்கான் போருக்கு எதிரானதா? அல்லது இந்திய அரசு விரும்பாத போராக  சரத்பொன்சேகாவிற்கும், ராஜபட்சேவுக்கும் இடையில் தற்போது நடக்கும் போருக்கு எதிரானதா?

ஜெகத் கஸ்பர் என்னும் பாதிரி

ஈழம் செத்த பிறகும் ரத்தம் கறக்கிறார் ஜெகத் கஸ்பார்இன்று இந்தப் பாதிரியார் குறித்து எழுத பலரும் பயப்படுகிறார்கள். சிலர் இவர் பிரபாகரனோடு உண்டு உறங்கி வாழ்ந்தவர் என்று மிரட்சியோடு பார்க்கிறார்கள். இன்னும் சிலரோ இவர் கனிமொழி, கார்த்திக் சிதம்பரம், சிதம்பரம் என பெரிய இடத்து தொடர்புகள் உள்ளவர் அதனால் வம்பு வேண்டாம் என்று ஒதுங்குகிறார்கள். இன்னும் சிலரோ இவர் பின்னால் திருச்சபை இருக்கிறது. மிகப் பெரிய அதிகார பீடமது. அதனால் நாம் இவரை பகைத்துக் கொள்ள முடியாது என்று ஒதுங்குகிறார்கள். மே 18க்குப் பிறகு இவர் எழுதிய நக்கீரன் கட்டுரைகளை பதிவுலகில் பலர் வெளியிட்டு ஜெகத் கஸ்பாரை பிரபாகரன் ரேஞ்சுக்கு உயர்த்தினார்கள்.

கஸ்பாரைப் பொறுத்தவரை ஈழம் என்பது அவருக்கு “காலம் உருவாக்கித் தந்த கறவை மாடு. அவருக்கு ஈழத்தின் மீதோ, திமுக மீதோ, கருணாநிதியின் மீதோ அபிமானமோ, பற்றோ கிடையாது. பெரிய மனிதர்களின் பழக்கமும் தனது தன்னார்வக்குழுவுக்கு அதைப் பயன்படுத்திக்கொள்வதும்தான் ஜெகத்தின் நோக்கம்.

கஸ்பார் கிறிஸ்தவ நிறுவனமான வெரித்தாஸ் வானொலியில் பிலிப்பைன்சில் பணியாற்றிய போது புலிகளோடு தொடர்பை ஏற்படுத்திக் கொண்டு வன்னி மக்களுக்கு உதவுகிறோம் என்ற பெயரில் புலத்து மக்களிடம் வசூலித்ததாகவும், பின்னர் அதில் நிதி தொடர்பான பிணக்கில் ஃபாதரை வன்னிகே அழைத்து புலிகள் எச்சரித்து அனுப்பியதாகவும் கூறப்படுவதுண்டு. அதன் பின்னர் கஸ்பார் சாதித்து வந்த மௌனத்தின் உணைமையான வலி இதுதான்.

நீண்டகால மௌனத்திற்குப் பிறகு, புலிகள் இல்லாமல் போன பிறகு, புலிகள் பற்றி பேசத் தொடங்கியருக்கிறார் கஸ்பார். புலிகளோடு தான் மிக மிக நெருக்கமாக இருந்ததாக தொடர்ந்து எழுதுகிறார். கடந்து போன நிகழ்வுகள் குறித்து எழுதும் போது, அதை மறுக்கவோ, அல்லது உண்மைதான் என்று சொல்லவோ சம்பந்தப்பட்ட நபர்கள் இல்லை என்றால் இம்மாதிரி நபர்களுக்கு அதுவே கொண்டாட்டமாகிவிடுகிறது.

பிலிப்பைன்சில் இருக்கும் வெரித்தாஸ் வானொலி நிலையம் அமெரிக்க சி.ஐ.ஏவின் நிதி, கட்டுபாடுடன் ஆசியாவில் கம்யூனிசத்தையும், தேசிய விடுதலை இயக்கங்களையும் உளவறிந்து ஊடுறுவி, கண்காணத்து குலைப்பதற்கான பிரச்சாரத்தை செய்து வந்த நிறுவனம் என்பது பலருக்கும் தெரியாது.

இப்போது ஜெகத் இந்திய உளவு நிறுவனத்தில் உளவாளியாக இருப்பாரோ என்ற சந்தேகங்கள் புலத்து மக்களிடமிருந்து வெளிப்படுவதோடு, தமிழகத்திலும் கூட அப்படியான பேச்சுகள் அடிபடுகின்றன. அதற்கு அவர்கள் சொல்லும் காரணம் மிக முக்கியமாக ஆராயப்பட வேண்டியது. மே-மாதம் வன்னிப் போர் துயரமான முறையில் – இருபதாயிரத்திற்கும் மேற்பட்ட வன்னி மக்களையும் போராளிகளையும் ஈவிரக்கமற்ற முறையில் கொன்றொழித்து – முடிவுக்கு வந்த பிறகு வெளிவந்த  நக்கீரனில்  “வன்னியில் என்ன நடந்தது?”  என்ற தலைப்பில் ஒரு கட்டுரை வந்தது.

அக்கட்டுரையில் காங்கிரஸ் கட்சியின் பெரியவர் ஒருவரைத் தொடர்பு கொண்டு புலிகளின் சரணடைவுக்காக, தான்  முயற்சித்ததாகவும் தானே கைப்பட கடிதம் ஒன்றை எழுதி வெள்ளைக் கொடியோடு புலிகளை  சிங்கள இராணுவத்திடம் சரணடைய வைத்ததாகவும், ஆனால் இலங்கை அரசின் துரோகிகள்  நடேசனைக் கொன்று விட்டதாகவும் ஒரு கட்டுரையை எழுதியிருந்தார்  ஜெகத் கஸ்பார் . இதில் நமக்கு உறுத்துகிற ஒரு கேள்வி இருக்கிறது. சரண்டையச் சொல்லி புலிகளுக்கு ஆலோசனை அல்லது நிர்ப்பந்தம் கொடுத்த மூன்றாம் தரப்பு யார்?

பல நாட்களாக தூக்கமின்றி, உணவின்றி, போராடும் வலுவின்றி, காயங்களுக்கு மருந்தின்றி உளவியல் ரீதியாக பலவீனமாகிப் போயிருந்த போராளிகளை சரணடையச் சொல்லி கடிதம் தயாரித்த ஜெகத் அக்கடிதத்தை யாருக்காக, யாருடைய வழிகாட்டுதலின் பேரில் தயாரித்தார்? தான் ஏதோ புலிகளுக்கு உதவி புரிந்ததாகவும், ஆனால் ராஜபட்சே சகோதர்கள்தன் துரோகம் இழைத்து நடேசனைக் கொன்று விட்டதாகவும் கூறுகிறார். அப்படியே வைத்துக் கொண்டாலும். கடைசி நேரத்தில் ஜகத் கஸ்பார் தொடர்பு கொண்ட “அந்த டில்லி பெரியவர்” இந்த துரோகம் குறித்து என்ன சொன்னார்? அந்தப் பெரியவர் யார்? இந்தக் கபட நாடகம் குறித்து அந்தப் பெரியவருக்குத் தெரியாதா? தெரியாது என்று கஸ்பார் தேவ சாட்சியம் கூறுகிறாரா? ஒரு கொடூரமான அரசியல் படுகொலையை நடத்திவிட்டு, தான் நடத்திய திரை மறைவு பேரத்தை இன்னமும் இரகசியமாக வைத்துக் கொள்ளும் உரிமை கஸ்பாருக்கு உண்டா?

புலிகளின் பலவீனமான நிலையைப் பயன்படுத்திக் கொண்டு அவர்களை இலகுவாக வெல்ல இந்தியா பயன்படுத்தியிருக்கக் கூடிய தந்திரம்தான் இந்த “சரணடைவு நாடகம்” என்பதை இப்போதும் கூடவா ஒருவர் புரிந்து கொள்ள முடியாது? அதற்கு இந்திய வம்சாவளியினரான விஜய்நம்பியாரை இந்தியா பயன்படுத்திக் கொண்டது. அவரது சகோதரர் சதீஷ் நம்பியார் இலங்கை இராணுவத்தில் ஊதியம் பெறும் ஆலோசகராக இருக்க அவரது அண்ணனான விஜயநம்பியாரோ ஐநாவின் சார்பில் இலங்கையில் சமாதானம் பேசுகிறார். தம்பியின் கையில் துப்பாக்கி… அண்ணனின் கையில் சமாதானப்புறா….. இந்த சமாதானப்புறாவை வைத்து தமிழக சமாதானபுறாவான ஜெகத் கஸ்பர் மூலமாக புலிகளை வழிக்குக் கொண்டு வந்திருக்கிறது,  இந்திய. இலங்கை கூட்டு இராணுவம். இந்த திட்டம் குறித்து அன்றைக்கு எனக்குத் தெரியாது என்று கஸ்பார் சாதிக்கலாம். ஆனால் இன்றைக்கும் இது புரியவில்லை என்று அவர் வாதாடமுடியாது.

இந்தக் கொலை வெறித் திட்டம் குறித்த செய்திகள்  21-05-2009 தேதியிலேயே கசிந்தது. அன்றைய மன அழுத்தங்களில் யாரும் பெரிதாக அதை கண்டுகொள்ளவில்லை. அந்தச் செய்தியில் இருந்தது இதுதான். வற்புறுத்தலாக சமாதானச் செயலகத்தைச் சேர்ந்தவர்கள் சரணடைய நிர்பந்திக்கப்பட்டதாக தெரிவித்த செய்திகளில் உண்மை இருக்கத்தான் செய்தது. விரைந்து போரை முடிக்க இந்தியா இலங்கைக்கு கொடுத்த நெருக்கடியின் இன்னொரு தந்திரமே இந்த வற்புறுத்தலான சரணடைவு. ஜெகத் கஸ்பார் ராஜ் யாருக்காக நடேசனுக்கு இந்த வற்புறுத்தலைக் கொடுத்தார்? பின்னர் எதற்காக இப்போது ஈழத் தமிழர்களுக்காக நீலிக் கண்ணீர் வடிக்கிறார்?

சில வருடங்களுக்கு முன்பு கிறிஸ்தவ திருச்சபையின் இதழான நம்வாழ்வு இதழில் புலிகளை மோசமாக சித்தரித்து கட்டுரை எழுதினார் இதே ஜெகத். அன்றைய மதுரை ஆர்ச் பிஷப் ஆரோக்கியசாமி இதனைக் கண்டிக்க, உடனே “மறுப்பு மாதிரி” ஒன்றை வெளியிட்டு சமாளித்தார். (இதற்கும் ஆரோக்கியசாமி தொடர்பாக சால்ஜாப்பு எதையும் ஜெகத் எழுதினால் அதை மறுக்க ஆரோக்கியசாமியும் உயிருடன் இல்லை)

சி.ஐ.ஏ புகழ் வெரித்தாஸ் வானொலியில் பணியாற்றிய இந்த அனுபவசாலியை இந்திய உளவு நிறுவனங்கள் கைவிடவில்லை என்பது இப்போது தெரிகிறது. சமாதானக் காலத்தில் புலிகளுடன் உறவு கொண்டு ஊடுறுவ அனுப்பியிருக்கிறது. ஆனால் இந்த வசூல் மன்னனின் உண்மை முகத்தைத் தெரிந்து கொண்ட புலிகள் இவரை பட்டும் படாமலும் ஒதுக்கி தங்கள் தேவைக்கு மட்டும் பயன்படுத்தப் பார்த்திருக்கின்றனர். கூடாநட்பு குழிபறித்து விட்டது.

இப்போது புலிகள் இல்லை. கஸ்பார் புலிகள் பற்றிப் பேசுகிறார். ஈழ மக்களுக்காக எதையாவது செய்யத் துடிக்கிறாராம். அதற்காகவே சிதம்பரத்தோடும், ஆளும் கட்சியோடும் நெருக்கமாக இருப்பதாக வேறு சொல்லிக் கொள்கிறார்.

ஞானவேல்.. வளர்ந்து வரும் ஜெகத் கஸ்பாரே!

ஈழம் செத்த பிறகும் ரத்தம் கறக்கிறார் ஜெகத் கஸ்பார்!!ஜெகத்தின் நல்லேர் பதிப்பகத்தின் நிதியில் பத்திரிகையாளர்களின் பெயரில் நூல் கொண்டு வந்திருப்பதன் மூலம் அதில் ஏழுதிய ஏராளமானவர்களையும் ஏமாற்றி, சக பத்திரிகையாளர்களையும் ஜெகத் கஸ்பாரோடு சேர்ந்து ஏமாற்றியிருக்கிறார் ஞானவேல். பொதுவாக எதிர்ப்பியக்கங்களின் போராட்ட வடிவங்களெல்லாம், இன்றைய அரசு அடக்குமுறைகளின் விளைவாக போர்க்குணமிக்க வடிவத்துக்கு மாறும் காலம் இது. அது போல அரசு அடக்குமுறைக்கு எதிராக உண்ணாவிரதம் இருப்பது, மனுக்கொடுப்பது, கண்ணீர் அஞசலி செலுத்துவது போன்ற அபத்த நாடகங்கள் இந்தியாவில் காமெடியாகிவிட்டது. மக்கள் இவ்வாறு போராடி போராடி அலுத்துப் போய்விட்டார்கள்.  அப்படி போராடுகிறவர்கள் மண்டையை பிளக்கிறது போலீஸ் அராஜகம். இப்போது இம்மாதிரி போராட்டங்களில் மக்கள் சலிப்படைந்து விட்டார்கள். அதனால்தான் போர் நடைபெற்ற காலத்தில் ஈழ ஆதரவுப் போராட்டங்களும் வன்முறை வடிவம் எடுத்தன. அப்போது ஜெகத் மௌன ஊர்வலம் நடத்தினார்.

அதாவது யாரைப் பற்றியும் எதுவும் பேசாமல் ஒரு ஊர்வலம். அதாவது கொலை செய்கிற இந்தியாவைப் பற்றிப் பேசக் கூடாது. கொலைகார அரசுகளைப் பற்றிப் பேசக் கூடாது. கொலைகார இந்திய அரசோடும், அதற்கு துணைபோகும் மாநில அரசோடும் சேர்ந்து கொண்டு “ஏதாவது” செய்ய வேண்டும். இதுதான் கஸ்பாரின் கொள்கை. அந்தக் கொள்கையை இப்படித்தானே அமல் படுத்த முடியும்?

மக்களின் எதிர்ப்பு வடிவங்களை அரசியல் அற்ற ஒன்றாக மாற்றுவதும் அதை அரசு நிறுனத்தின் ஒரு அங்கமாக மாற்றுவதும்தான் ஜெகத் கஸ்பர் என்னும் பாதிரியின் வேலை. பெரும்பாலான கிறிஸ்தவ பாதிரிகளின் வேலையும் இதுதான்.

அயோக்கியத்தனத்தின் ஒரு போராட்ட வடிவமாக மௌன ஊர்வலத்தையும், மெழுகுவர்த்தி பிரார்த்தனயையும் நடத்தினார் ஜெகத். அதன் போருக்குப் பிந்தைய இன்னொரு வடிவம்தான் இந்த ”மௌனத்தின் வலி” நூல் வெளியீட்டு விழா. கருணாநிதின் பெயரை சரி செய்யும் முயற்சியும், போராட்டங்களை மடைமாற்றும் முயற்சியும் கூட இந்த விழாவில் இருக்கிறது. அதாவது அனைத்து பத்திரிகையாளர்களும், கலைத்துறையினரும், கவிஞர்களும், எழுத்தாளர்களும் எங்களின் பின்னால்  நிற்கிறார்கள் என்ற தோற்றத்தை ஞானவேலும், ஜெகத்தும் தோற்றுவித்திருக்கிறார்கள். கவிதை வெளியீட்டு விழாவில் பிரமுகர்கள் மேடையில் பேசினார்கள்.

பிரகாஷ்ராஜ் அவர் என்ன பேசினார் தெரியுமா? மௌனமாக இருந்து விட்டோம் என்று குறைபட்டார். ( மௌனமாக இருந்த ஞானவேல் பக்கத்தில் இருந்தார்) சிவக்குமார் பேசவே இல்லை ஏதோ கவிதை படித்தார். போலிச் சாமியார் சத்குரு ஜக்கி வாசுதேவ் “அன்பும் கருணையும் பொழியட்டும், மக்கள் போராடக் கூடாது, சேகுவேராவை யாரும் பின்பற்றக் கூடாது” என்றான் அந்த தாடிக்கார சொறி நாய்……”நான் விரைவில் ஈழ மக்களுக்காக ஒரு ப்ராஜக்ட் செய்யப் போகிறேன்” என்று ஆட்டையப் போட்டான் அந்தப் பாவி. ஏ.ஆர் முருகதாஸ் ஏதோ பேசினார்.

அந்த விழாவில் கடைசியாக நன்றி சொன்னது யார் தெரியுமா? மருத்துவர் எழிலன். அவர் திட்டக்குழு தலைவரும் தீவிர திமுக அனுதாபியுமான கருணாநிதியின் செல்லப் பிள்ளையுமான நாகநாதனின் மகனாம். துரோகங்களை என்ன மையிட்டு மறைத்தாலும் அது இந்த புயல் மழையில் கரைந்து கொண்டே இருக்கும்தானே? எவருடைய பேச்சிலும் அரசியல் இல்லை. போரின் இந்திய முகத்தை சுட்டிக் காட்டவோ, தமிழக துரோகத்தை தோலுரிக்கவோ முடியாத ஆளும் வர்க்க பெரும்பண்ணைகள் தங்களின் சந்தர்ப்பவாத ஆளும் வர்க்க நலனை முன்னெடுத்தே இதில் பேசினார்கள்.

வந்திருந்த கூட்டத்தில் பாதி அல்லேலுயா கோஷ்டிகள். மீதி பேர் சத்குருவின் பக்தர்களாம். கூட்டம் முடிந்ததும் சத்குருவைப் பார்த்து அழுது அரற்றினார்களாம். சத்குருவிடம் அழுதால் கஷ்டங்கள் மறைந்து விடும் என்று சாங்கியம் இருப்பதால் அப்படியாம். ஆக ஈழத்துக்காகப் போட்ட கூட்டத்தில் ஆடியன்ஸ் அழுதது சத்குருவுக்காக.

இந்த விழாவில் பேசிய கிறிஸ்தவ பிஷப் மலையப்பன் சின்னப்பா, இறைவன் ராஜபக்சேயை தண்டிப்பான் என்று பேசினார். தங்களைப் போன்ற யூதாஸ்களுக்கு என்ன தண்டனை என்பதை அவர் கூறவில்லை. கிறிஸ்தவத்துக்குள் இருக்கும் பெரும்பலான பாதிரிகள் சாதி வெறியர்கள். பண மோசடிப் பேர்வழிகள். கிறிஸ்தவ மீனவர்களுக்காக வந்த நிதிகளை பெருமவளவு மோசடி செய்த குற்றச்சாட்டுகள் பாதிரிகளுக்கு உண்டு. இந்த சென்னை மயிலை பிஷப் மலையப்பன் சின்னப்பாவோ திமுக ஆதரவாளர். ஆளும் கட்சியோடு தொடர்பு வைத்து தங்களின் மத நிறுவனங்களுக்கு அனுகூலங்களைப் பெற்று அதன் மூலம் தங்கள் வாழ்வையும் வளப்படுத்திக் கொண்டவர்கள் இவர்கள்.

ஜெகத் தனது “நாம்” அமைப்பின் நிகழ்ச்சிகளுக்கும்,இந்த மௌனத்தில் வலி நூலிற்கும் 68,லஸ் கோவில் சாலை என்னும் முகவரியைப் பயன்படுத்துகிறார். இது கிறிஸ்தவ நிறுவனமான சாந்தோம் கலைத் தொடர்பு நிலையத்தின் முகவரியாகும். ஆக ஜெகத்தின் இன்றைய ஈழம் சார்ந்த துரோகக் கருத்துக்களுக்கு வலிமை சேர்க்க கிறிஸ்தவ திருச்சபையின் ரப்பர் ஸ்டாம்ப்

இறுதியாக,

பத்திரிகையாளர்கள் ஈழத்துக்காக நூல் வெளியிடுவதோ, அதற்காக  போரடுவதோ தவறில்லை, ஆனால் போர் நடந்து கொண்டிருந்த போது இந்த பத்திரிகையாளர்கள் எங்கே போயிருந்தார்கள் ? போருக்கு எதிரானது என்று சொல்லப்படும் இந்நூல் நல்லேர் எனப்படும் ஜெகத்தின் பணத்தில் ஏன் வெளிவரவேண்டும்? “நாம்” அமைப்பின் நிறுவனர்களாக இருக்கும் கார்த்திக் சிதம்பரம் போன்ற ஈழக் கொலைகாரர்களின் பணம் “நாம்” அமைப்பிடம் இல்லை என்பதற்கு பத்திரிகையாளர்களின் பெயரில் ஜெகத்திற்கு பந்தி வைத்த ஞானவேல் ஏதாவது உத்திரவாதம் தருவாரா? அல்லது நல்லேர் பதிப்பகத்தின் செலவில் வெளிபட்டப்பட்டிருக்கும் இப்பணம் என்பது புலிகளை கடைசி நேரத்தில் எளிதாக சரணடைய வைத்ததற்காக இந்திய உளவு நிறுவனம் ஜெகத் கஸ்பருக்கு சன்மானமாக வழங்கப்பட்ட பணத்தில் இந்நூல் வெளியிடப்படவில்லை என்று உத்திரவாதத்தையாவது ஞானவேல் கொடுப்பாரா?

அன்பான ஈழத் தமிழர்களே!புலத்து மக்களே!  தமிழக மக்களே! வித விதமான குரலில் பேசி உங்கள் கழுத்த்தறுத்த இந்த துரோகிகளை இனம் காணுங்கள். இன்னும் நீங்கள் இவர்களிடமிருந்து பாடம் கற்றுக் கொள்ளவில்லை என்றால் ஈழத்தில் எஞ்சியிருக்கும் உயிர்களைக் கூட இந்த இரத்த வெறியர்களிடம் நீங்கள் இழக்க வேண்டியிருக்கும். இந்தத்  துரோகிகளை இனங்கண்டு கொள்ளுங்கள். துரோகத்தை மறைக்க வித விதமான முகமூடிகளோடு வந்து தங்கள் கறைகளை கழுவ நினைக்கும் இந்த கைக்கூலிகளை அம்பலப்படுத்துங்கள். புதிய அரசியல் பாதையை உங்களின் சொந்த அரசியல் அறிவில் முன்னெடுங்கள்.

–          கட்டுரையாளர்: வெண்மணி

தொடர்புடைய பதிவுகள்

  1. அதிரடியான தகவல்களுக்கு வாழ்த்துக்கள் வெண்மணி… உங்கள் அம்பலங்கள் தொடரட்டும். 

    • ஈழத்தின் பால் கட்டுரையாளர் கொண்டுள்ள நேர்மையும் அர்ப்பணிப்பும் ஒவ்வொரு சொல்லிலும் புலப்படுகின்றது. இந்த துரோகிகளை எண்ணி இரத்தம் கொதித்திருஃக்கிறார், நமக்கும் கொதிக்க வைக்கிறார். இறுதியாக அவர் முன் வைக்கும் மாற்று அரசியல் தீர்வை நாம் வெகு விரைவில் காண வேண்டும்.

  2. அட பாவி மக்கா, பாதிரி கஸ்பரு செஞ்ச வில்லங்கத்தை பாத்தா ரத்தம் கொதிக்குதே, அம்புட்டு ரகசியத்தையும் வெளிய கொண்டுவந்த அண்ணாச்சி வெண்மணிக்கு நன்றி. நக்கீரனுல என்னமாதிரி ஆட்டத்தை போட்டு இந்தியாவோட ஏஜண்ட் கணக்கால்ல பாதிரி புகுந்து வெளையாடியிருக்குதாரு. பாவம் நம்ம ஈழத்து மக்கள் இன்னும் எத்தனை துரோகிகளை பாக்கதுக்கு அவுகளுக்கு விதி விதிச்சிருக்கோ, தெரியலை

    • துணிச்சலான கட்டுரை. பெரிய இடத்தில் மோதியிருக்கிறீர்கள் நிச்சயம் எதிர்வினையை எதிர்பார்க்கலாம். காளமேகம் சொன்னது போல கையறுநிலையென்றால் இதைப்போல இருக்கவும் முடியுமா? திரும்பிய பக்கமெல்லாம் துரோகிகள் அப்பப்பா . இந்த ஈழத்தமிழர் அழித்தொழிப்பு போர் பல பத்தாண்டுகளின் அரசியல் பாடங்களை சில மாதங்களில் சொல்லிக்கொடுத்துவிட்டது. அதற்காக நாம் அளித்த விலை…:-(

  3. நான் மணி

    1. ஜெக‌த் க‌ஸ்பார் ம‌ற்றும் ஞான‌வேல் ஆகியோரின் செல்போன் ந‌ம்ப‌ர் தேவை. அனைவ‌ரும் அவ‌ர்க‌ளுக்கு போன் செய்து நாக்கை பிடுங்குவ‌து போல‌ கேள்வி கேட்க‌ வேண்டும். குறிப்பாக‌ இதைன‌ அவ்விழாவில் க‌ல‌ந்துகொண்ட‌ ப‌த்திரிக்கையாள‌ர்க‌ள் க‌ட்டாய‌ம் செய்ய‌ வேண்டும். அப்ப‌டி செய்யாம‌ல் ப‌த்திரிகையாள‌ர்க‌ள் ஜ‌ன‌நாய‌க‌ம் ப‌ற்றியெல்லாம் பேச‌க் கூடாது.

    2. க‌ட்டாய‌மாக‌ புத்த‌க‌மாக‌ வ‌ந்துள்ள‌தால் பேனாவை வைத்தாவ‌து விடுப‌ட்ட‌ அர‌சிய‌ல் வார்த்தைக‌ளை எழுதியே ஆக‌ வேண்டும். அதுதான‌ ஜ‌ன‌நாய‌க‌த்திற்கான‌ போராட்ட‌த்தின் அங்க‌மாக‌ இருக்க‌ முடியும்.

  4. தமிழ் மக்கள் கொத்து கொத்தாக கொல்லப்படும் போது மனித நேய முகமூடி அணிந்து மக்களை நம்ப வைத்து கழுத்தறுத்த “எட்டப்பன்கள்” , இன்று மக்கள் தங்கள் மனதில் தேக்கி வைத்திருக்கும் ஈழ ரணங்களை பொய்யால், துரோகத்தால், மனித நேய முக மூடியால் ஆற்றி, மக்களின் போராட்டத்தை வலுவிழக்க செய்யும் இந்த கோமாளித்தனங்களை என்னவென்று சொல்ல… காந்தி காலம் முதல் இன்று வரை துரோகிகளுக்கு பயன்படும் இந்த உத்தியை உடைத்து எறிவோம். மக்கள் எழுச்சியை ஆதரிப்போம்.

  5. ஐயோ ஐயோ இந்த அயோக்கியனின் நக்கீரன் கட்டுரைகளைப் படித்து விட்டு என் தம்பி நிறைய தடவை இவரை ‘என்னமா கருணை உள்ளவர்’ என்று உருகுவான். இந்தப் பாவிதான் பிரபாகரனைச் சரணடைய வைத்துக் கொன்றது என்பது தெரியும் போது, நெஞ்சு வெடித்து விடுகிறது. இவரை – என்ன மரியாதை இவனுக்கு – இவன் கனிமொழியின் அல்லக்கை என்றுதான் நினைத்துக் கொண்டிருந்தேன். ஆனால் இவன் ஒரு இந்தியக் கையாள் என்பது இப்போதுதான் தெரிகிறது.

  6. ஜெகத் காஸ்பர் தலைமை தாங்கி நடத்திய போராட்டங்களில் கலந்து கொண்டதை நினைத்து இப்பொழுது வெட்கப்படுகிறேன்.
    யாரை நம்புறது…யாரை நம்பக் கூடாதுன்னே தெரியல…

  7. நானும் முதலில் தமிழ்உணர்வுள்ள ஒரு பாதிரியார் என்று நினைத்து மேற்படி ஜெகத் அடிகளார் நடத்திய கூட்டங்களுக்கு
    ஆர்வமாக போய்வந்தேன்.ஆனால் இவரைப்பற்றி புலம்பெயர்ந்த நண்பர்கள் சொன்ன தகவல்கள் வேறு மாதிரி இருந்தது.அப்புறம் இவரைப்பற்றி விசாரித்தபோதுதான் மேற்படியார் கில்லாடிக்கு கில்லாடி என்பதை தெரிந்து கொண்டு அதன்பிறகு அவருக்கு முக்கியத்துவம் தராது ஒதுங்கி விட்டேன்.அவரின் உண்மை முகம் நாளொருமேனியும் பொழுதொருவண்ணமுமாக வெளிவருவதில் மகிழ்ச்சி.வினவுக்கு பாராட்டுக்கள்,

    • ஜனவரியில்,கிளிநொச்சி விழுந்த வேதனையில் நாம் இருந்தபோது கனிமொழி இந்துராம் வகையராக்களோடு சேர்ந்து சென்னை சங்கம்ம் என்றபெயரில் கத்தடித்த இவன் எப்படி நம்மாளாய் இருக்க முடியும்.பார்பன சங்கீத அம்மணிகள் மற்றும் அகிலாசீனிவாசன்,பாம்பே ஜெயஸ்ரீ கும்பலுடன் நெர்க்கமான தொடர்பு வைத்திருக்கும் இவன் ஒரு பச்சோந்தி.பார்ப்பன அடிவருடி

  8. ஒற்றன்/துரோகி என அடையாளம் கண்டுவிட்டோம். இவனை ஏது செய்யலாம். இழவு விழந்தபின்னும் அதை காட்டி பிச்சை எடுக்கும் இவனை ஏது செய்யலாம் கம்பீராமாக, துக்கமின்றி, மான, அவமானமின்றி உலா வருகிறானே ஏது செய்யலாம்

  9. கூடிய விரைவில் பிரபாகரன் செய்த துரோகங்களையும் தோண்டி துருவி வெளியிடுவீர்கள் போலிருக்கு. அவர் ஒருவர் மட்டும் தான் துரோகிகள் லிஸ்டில் பாக்கி.

    • ஈழப் போராட்டத்தில் பிரபாகரனுக்கு அடுத்த நிலையில் பாதர் ஜெகத் கஸ்பாரை உங்கள் இதயத்தில் வைத்திருந்தீர்களா

  10. கிருஸ்துவத்திடம் சரணடைந்த ஈழப்போராட்டம் – கட்டுரை சூப்பர்.

    • நெத்தியடி பாய், உங்கள் விவாதம் எரிச்சலை கிளப்பும் விதமாக இருக்கின்றது. இங்கு மக்கள் வாசிப்பதும் விவாதிப்பதும் உயிரும் சதையுமான பிரச்சனை, மரணத்தின் வாசலில் நிற்கும் மக்களை பற்றியது. இங்கே வந்து நீங்கள் points score செய்ய நினைப்பது மிகவும் அறுவறுக்கத்தக்கதாகம் சிறுபிள்ளைத்தனமாகவும் இருக்கின்றது. ஈழத்தமிழ் மக்களின் துண்பங்களில் பங்கு கொள்ளாவிடினும் குறைந்தபட்சம்மாக அமைதியாக இருக்கலாமே. இறுதியாக ஒன்று மத அபிமானம் இருப்பது தவறல்ல ஆனால் பித்து..ஆபத்து!

      • மற்றவர்களின் வலி புரியாதவர்கள் அல்ல,முஸ்லிம்கள். உலகெங்கிலும் இந்த வலியை மற்றேல்லாரைவிடவும் மிக அதிகமாக அனுபவித்துக்கொண்டுதான் இருக்கிறோம். அந்த வலியை புரியவைக்க இன்னொரு முயற்சி.

        கம்யூனிச கொள்கை அபிமானம் இருப்பது தவறல்ல. ஆனால் பித்து..ஆபத்து! அது, தவறான மௌட்டீகத்துக்கு தங்களை அழைத்து சென்றது. அதுதான், “பார்ப்பனீயத்தில் சரணடைந்த இஸ்லாம்” என்று தங்களை தலைப்பிட வைத்தது.

        இதே பதிவை, உங்களுக்கு முன் தமிழ் சர்க்கிளில் போட்ட இரயாகரன், ஏன் இதே தலைப்பை வைக்கவில்லை? அவர், வலியை உணர்ந்தவர். அவருக்கு கம்யுனிச பித்து தலைக்கு ஏறவில்லை. அவ்வளவு பேர் சொல்லியும், ஏன் இந்த ஈகோ? பலவகையிலும் முயன்று முடியாமல் போய் என்னை இந்த நிலைமைக்கு தள்ளியது நீங்கள்தான். இது எதிர்வினை. உங்களால் விளைந்த எதிவினை.

        • கம்யூனிச பித்து பிடித்தால் மோடிக்கள், முல்லா உமர் போன்றவர்கள் இருக்க மாட்டார்கள். மன்னிக்கவும் பார்ப்பனியமும் இருக்காது

    • நண்பர் முகம்மது அவர்களுக்கு,

      தயவு செய்து ஈழ மக்களின் துயரத்தை கேலிக்குள்ளாக்காதீர்கள்.

      • நண்பர் ராமலிங்கம் அவர்களுக்கு, தயவு செய்து ஈழ மக்களின் துயரத்தை கேடயமாக ஆக்கி, அநியாயம் இழைக்கப்பட்டவர்களை கேலி செய்யாதீர்கள். அவர்களின் நியாயத்தை மிதித்து அழிக்காதீர்கள்.

        • நெத்தியடி முகமது,

          இங்கே ராமலிங்கம் எங்கே கேலி செய்தார்? அது நீங்கள் செய்த்தே. கட்டுரையின் மையமான விசயத்தை விட்டு விட்டு இப்படி விவாதத்தை திசை திருப்பும் உங்களது செயல் மிகவும் கண்டிக்கத்தக்கது. இதனால் நீங்கள் என்ன ஆதாயம் அடையப்போகிறீர்கள்? வாசகர்கள் மத்தியில் நீங்களாகவே அம்பலப்படுவதுதான் நடக்கும். தயவு செய்து அணுகுமுறையை மாற்றிக் கொள்ளுங்கள்

        • கிருஸ்துவத்திடம் சரணடைந்த ஈழப்போராட்டம் : இதில் தவறாக நான் என்ன கூறினேன்? இது ஒன்றும் கட்டுரையின் மையக்கருத்துக்கு முரணாக இல்லையே? கட்டுரையை ‘சூப்பர்’ என்று பாராட்டினேன். அது தவறா? இதில் எதை தவறு என்கிறீர்கள் ?

    • Tecan போலவே, ஈழம் சம்பந்தப்பட்ட பதிவுகளின் விவாதங்களை சீர்குலைக்க எத்தனிக்கும் நெத்தியடி- யார்? துரோகிகளை அறியும் காலமிது!

      • ////கிருஸ்துவத்திடம் சரணடைந்த ஈழப்போராட்டம்////
        —-விவாதங்களை சீர்குலைக்க எத்தனிக்கும் இந்த “?” யார்?
        ஒரு பாதிரியாரின் தாக்கம் எந்த அளவுக்கு வலிமையான ஈழப்போராட்டத்தில் ஊடுருவி இருந்து உள்ளது என்பதை மிக தைரியமாக கட்டுரையாளர் அம்பலப்படுத்தி உள்ளார். அதைப்பற்றி பேச “?”-க்கு பயமா?

      • ஜெகத்தின் குடும்பம் ஏழ்மையானது.ஆனால் இன்று ஆவர் கோடியில் புரள்கிறார்.இதை ஏன் யாரும் கண்டுகொள்ளவில்லை.இந்து சாமியார்களோ துறவிகளோ இப்படி இருக்க முடியுமா?விடுவார்களா?கஸ்பரின் ஆடம்பர வாழ்க்கையையும்,மேல்மட்ட தொடர்புகளையும் அதனால் அடையும் ஆதாயங்களையும் யாராவது எழுதினால் சுவையாக இருக்கும்

  11. ஈழம் – கூத்தாடிகள் கூலிக் கவிஞர்களின் ஒப்பாரி! யார் இந்த ஜெகத் கஸ்பார் ?

    http://vrinternationalists.wordpress.com/2009/11/16/%E0%AE%88%E0%AE%B4%E0%AE%AE%E0%AF%8D-%E2%80%93-%E0%AE%95%E0%AF%82%E0%AE%A4%E0%AF%8D%E0%AE%A4%E0%AE%BE%E0%AE%9F%E0%AE%BF%E0%AE%95%E0%AE%B3%E0%AF%8D-%E0%AE%95%E0%AF%82%E0%AE%B2%E0%AE%BF%E0%AE%95/

  12. அய்யோ அய்யோ என்னத்த சொல்ல,
    சரி நீங்க இப்படித்தான்னு தெரியும் அதுக்காக இப்படியா
    உங்க கருத்துக்களும் நீங்க சொன்ன விசயங்களும் அதிர்ச்சிகரமானவை நீங்கள் சந்தேகிக்கும் சில காரியங்கள் உண்மையாக இருக்குமேயாயின் காரணமானவர்கள் கொல்லப்படவேண்டியவர்கள். . ஆனாலும் எல்லாருடைய எதிர்மறையான பல விசயங்களை ஆராயும் நீங்கள் புலிகள் இப்படி ஆனதற்கான காரணத்தை மட்டும் ஏன் அறிய தர மறுக்கிறீர்கள்

    இத்தனை ஆண்டுகளாக கட்டுக்கோப்பாக வெற்றிகளை பெற்றுவந்த ஓர் போராட்ட குழு முழுமையாக அழிக்கப்பட்டதன் பின்னணி என்ன? (முழுமையாக அழிந்து விட்டதா?) என்பெதெல்லாம் பற்றி அலசி ஆராய்ந்து ஒரு கட்டுரை வெளியிடுங்களேன் . . 

    இப்படி எல்லாருமே சுயநலவாதிகளாக இருந்தால் சொந்த நாட்டிலே அனாதைகளாக்கப்பட்டு வரும் தமிழர்கள் இனி என்னதான் ஆவார்கள்?

    • நான் மணி

      அவங்க அப்படித்தான்னு எப்படி தெரிந்து கொண்டீர்கள். எதனை ரெபரன்சாக வைத்திருந்தீர்கள். நேர்மறையில் மாத்திரமே தெரிய வேண்டும் என்ற உங்களது பார்வையின்படி பாதிரி ஜெகத் கஸ்பரின் நேர்மறை அம்சங்களை நீங்கள் தொகுக்கலாமே… புலிகள் ஏன் இப்படி ஆனார்கள் என இதே தளத்தில் வெவ்வேறு தருணங்களில் பல முறை எழுதப்பட்டுள்ளது. படித்து விட்டு பேசலாம். மாறாக உங்களது வசதிக்காக வினவைத் தொகுத்துத் தரக் கூறுகின்றீர்கள். தனியாக மொத்த ஈழம் சார்ந்த வெளியீடு மூன்றும் தளத்தில் உள்ளது என நினைக்கிறேன்.

      ஒரு பொருள் அல்லது நிகழ்ச்சியின் வளர்ச்சிப் போக்கின் சாரத்தை எடுத்துக் கொண்டு அதன் தன்மையை ஆராய்வதுதான் சரியான பார்வை. இதில் விடை எதிர்மறையாக வருமானால் அது ஆராய்ந்தவனின் குற்றமா.. ஆராயப்பட்ட பொருள் அல்லது நிகழ்வின் குறைபாடா என்பதை நீங்கள்தான் சொல்ல வேண்டும்…

      மாறாக வெள்ளையாக இருப்பதெல்லாம் உப்பு என்று கருதி சோடா உப்பை சாப்பாட்டில் சேர்த்துக் கொள்ள முடியாது என நினைக்கிறேன்..

  13. ஒருவேளை புத்தக வெளியீட்டு மேடையில் நிற்பவர்களில் ஜத்குருவுக்கும் பிரகாஷ் ராஜுவுக்கும் இடையில் கி.வீரமணியை நிறுத்தி இருந்தால் பத்திரிகையாளர்கள் ஏமாந்திருக்க மாட்டார்களோ…

    • வீரமணியும் என்ன லேசுப்பட்ட ஆளா? ரத்தச்சேறு படிந்த ராஜபக்சேயின் கொலைக்கரத்துடன் கைகோர்த்து வடக்கின் வசந்தம் மூலம் பணம் சம்பாதிக்கும் ஓநாய்தானே..அது! செத்த பிறகும் ரத்தம் குடிக்கும் ஓநாய் அது. பெரியார் மணியம்மை பல்கலைக்கும் வடக்கின் வசந்தத்திற்கும் உள்ள வியாபார (மூன்றாம் தரப்பு) ஒப்பந்தம் ஏற்கெனவே அம்பலமாகி விட்டது.

  14. ஈழத்தமிழர்களின் வாழ்வோடும். உயிரோடும் எல்லோரும் விளையாடிப்பார்த்து முடித்து விட்டார்கள். இப்போது பத்திரிகையாளர்கள் முறை. நக்கீரன் கோபால் நன்றாக கற்று வைத்துள்ளார். தேசியத்தலைவர் பற்றிய செய்திகள், புகைப்படங்கள் தான் அவருக்கு காமதேனு. இப்படியும் ஈனப்பிறவிகள் இருக்கிறார்கள் என்று வெட்கி தலைகுனிகிறேன்.

  15. இந்த துரோகியை காவி இந்தளவுக்கு உயர்த்தியதில் வலைப்பதிவர்களாக எமது பங்கும் இருந்தது என்பது வருத்தமே

    இருப்பினும் இனியாவது உணர்ந்து கொள்வார்கள் என்று பார்த்தால்

    இன்னும் இவரின் சாத்தான் வேதத்தை கர்த்தரின் வேதமாகவும் ஈழத்தின் காவலனாகவும் காவி வரும் தளங்களையும் அருவருடிகளையும் என்ன என்று சொல்வது ??

    இதற்கு வினவுக்கு எனது நன்றிகள் வெண்மணிக்கு பாராட்டுக்கள்

  16. இக்கட்டுரை எதிர்பார்த்தது தான். இந்த பாதர் என்றைக்கு மத்திய காங்கிரஸ் அரசை மறைமுகமாக ஆதரித்தும், காங்கிரஸின் ஜெயந்தி நடராஜனையும் சிதம்பரத்தையும் பாராட்டிப் பேச ஆரம்பித்தாரோ அன்றைக்கே இவரின் நடவடிக்கைகள் மாறத் தொடங்கிவிட்டது. ஒரு முறை வதை முகாம்களில் உள்ளவர்களை விடுவிக்கக் கோரியும் இந்திய இலங்கை அரசுகளை கண்டித்தும் தகவல் தொழில்நுட்ப இளைஞர்கள் மற்றும் கல்லூரி மாணவர்கள் சார்பாக சென்னையில் கடந்த ஜூன் 7, 2009 அன்று நடைபெற்ற பேரணியில் கண்டிப்பாக பிரபாகரன் புகைப்படம் தாங்கிய அட்டைகளை பிடிக்கக் கூடாது என்று அங்கிருந்தவர்களிடம் எச்சரித்தவர் தான் இந்த கஸ்பர் (அவர் சொல்லியும் பெரும்பாலானோர் பிரபாகரன் புகைப்படம் தாங்கிய அட்டைகளை தாங்கிச் சென்றோம் என்பது வேறு விடயம்). தற்போது கனிமொழியுடனான அடிக்கடி சந்திப்பு வேறு (அது ஒரு வேளை கருணாநிதியை தமிழின துரோகி என்ற பட்டத்திலிருந்து காப்பாற்றவா?). புலம் பெயர்ந்த தமிழர்கள் கடந்த சில நாட்களுக்கு முன்பாகவே இவரின் முகமூடியை கிழித்து இணையதளங்களில் செய்தி வெளியிட்டுவிட்டனர். அதை மறைக்க நக்கீரனில் ஏதேதோ சொல்லி சப்பை கட்டு கட்டிக் கொண்டிருக்கிறார் இந்த பாதர்.

    தோழர் வினவு, தக்க நேரத்தில் கஸ்பரைப் பற்றி கட்டுரை வெளியிட்டதற்கு நன்றி. இல்லையென்றால் இவரும் திருமா போல் புலிகளின் வீரம் பேசியே தமிழக மக்களை ஏமாற்றி, காங்கிரஸ் மற்றும் கருணாநிதியின் ஈழ துரோகத்தை மறைக்கும் முயற்சியை தொடர்ந்திருப்பார். ஈழ விடுதலை போராட்டத்தில் துரோகிகளை கண்டறிவதிலேயே காலம் முடிந்துவிடும் போலிருக்கிறதே. தமிழர்களே இனியாவது உணர்ந்து செயல்படுவோம்.

  17. தோழர்..

    இங்கு இணையத்தில் கூடி கும்மியடிபதாலோ அல்லது ஊர்வலம் ஆர்பாட்டம் செய்வதாலோ அல்லது நீ துரோகி நான் துரோகி என ஆராய்ச்சி செய்வதாலோ அந்த மக்களுக்கு விடிவு வரப்போவதில்லை..

    மொத்ததில் டில்லி ஏகாதிபத்தியத்தை தமிழர் நாட்டில் முடக்குவதே சரி! நம்ம கோரிக்கைக்கு செவி சாய்க்காத மத்திய அரசாங்கம் என்ன மயித்துக்கு தமிழ் நாட்டில் நடக்க வேண்டும்.. தெரு முக்கில் நின்று கத்துவதால் யாரும் கவலைபட போவதில்லை.. வேடிக்கை பார்த்தே பழக்கபட்ட தமிழ் இனம் யாரோ யாருக்காகவோ..என்று வேடிக்கை மட்டுமே பார்ப்பார்கள்.. எங்கள் ஊரில் பா.உ. சண்முகம் என்று ஒரு எம்.எல்.ஏ இருந்தார் ஒரு ஓட்டுக்காக ஒருநாள் முழுவதும் அந்த வீட்டில் தங்குவார்.. உணவு உண்பார்.. குசலம் விசாரிப்பார்.. முடிவில் வெற்றி அவருடையதே.. தோழர்கள் அத்தகைய வழிமுறைகளை பின்பற்ற வேண்டும்.. வீடு வீடாக புகுந்து அவர்களின் உறவினனாக பழகி இந்த கொடுமைகளை விளக்க வேண்டும் ..குறிப்பாக தயார்படுத்த பட்ட ஆவணங்களுடன்.. எத்தனை தோழர்கள் அவ்வாறு உங்களுடன் இருக்கிறார்கள்.. என் பணியை நான் எப்போதே ஆரம்பித்துவிட்டேன்

    செந்தமிழன்

  18. //தோழர்கள் அத்தகைய வழிமுறைகளை பின்பற்ற வேண்டும்.. வீடு வீடாக புகுந்து அவர்களின் உறவினனாக பழகி இந்த கொடுமைகளை விளக்க வேண்டும் ..//ஓகோ..அப்படியா…மேமாதம் நடந்த தேர்தலில் வீடுவீடாகப் போய் காங்கிரசுக்கு ஓட்டுப்போடாதீங்க..ஈழத்தாய்க்கு இரட்டை இலையில் ஓட்டுப் போடுங்க என்று சொல்லி டில்லி ஏகாதிபத்தியத்தை 40 தொகுதிகளில் முடக்கினாங்களே…அதே மாதிரியா?

    • தோழர் ..

      நான் இரட்டை இலைக்கு வாக்கு கேட்கவும் இல்லை..யாரையும் ஆதரிக்கவும் இல்லை..நீங்களாகவே ஒரு கற்பனையை வளர்த்து கொள்கிறீர்கள் ..நான் அந்த எம்.எல்.ஏ எந்த கட்சியை சேர்ந்தவர் என்று குறிப்பிடவே இல்லை.. ஆனால் அது போல் பழக வேண்டும் என்று சொன்னேன்.. ஆனால் அவருடைய பூர்வீகம் தெரிந்து குறுக்குசால் ஓட்டுகிறீர்கள் என்றால் கட்டாயம் நீங்கள் ரோவினுடைய உள்வாளிதான்..இந்தி தேசிய தேர்தல் என்பது முடிச்செறுக்கியையும் முள்ளமாறியையும் நேருக்கு நேர் நிறுத்தி இரண்டில் ஒன்றைதேர்வு செய்க என்பதாகும்.. ஒருவரை நீங்களே எதிரியாக தேர்வு செய்துவிட்டபிறகு வேறு என்ன நீங்கள் “அந்த” கட்சியின் ஆளாகத்தான் இருக்க வேண்டும்..இதுதான் திராவிட அரசியல் நியதி!!!!

      ரோ உளவாளியே வாழ்க! நீங்களாகவே ஜெயலலிதாவினை இழுப்பதில் இருந்து தெரியவில்லை..நீங்கள் இந்த கொலைகார தேசிய அரசியலில் உள்வாஙக்ப்ட்டுள்ளீர்கள் என.. என்ன மீண்டும் தெரு முக்கில் கூடி கும்மி அடியுங்கள் ராச பக்சே மிர மிரண்டு போவார்…

      • தோழர் செந்தமிழன்!நான் கேட்டிருந்தது இதுதான் “இரட்டை இலையில் ஓட்டுப் போடுங்க என்று சொல்லி டில்லி ஏகாதிபத்தியத்தை 40 தொகுதிகளில் முடக்கினாங்களே…அதே மாதிரியா?”..இதில் நீங்கள் செய்தீர்கள் என்ற பொருள் எங்கே வருகிறது? நீங்கள் ம.செந்தமிழன் இல்லைதானே? அவராய் இருந்தால் ஆத்திரம் வருவதில் நியாயம் இருக்கிறது. அவரின் அப்பா மணியரசன் தான் மே தேர்தலில் காங்கிரசுக்கு மட்டும் ஓட்டுப்போடாதீங்க என்று ஊர் ஊராகப் போய் ஈழத்தாய்க்கு காவடி எடுத்தார். இந்திய ஏகாதிபத்தியத்தை அதன் குண்டுச்சட்டிக்குள் நின்றே காங்கிரசை மட்டூமே எதிரியாக நிறுத்தி தமிழ்தேசியம் வளர்த்தார்.. நீங்கள் ம.செந்தமிழன் இல்லையே! இருந்தாலும் பரவா இல்லை.. ஆனால் ராவின் ஆள் எனும் பட்டம் எல்லாம் எனக்கே கொஞ்சம் ஓவர்தான்.. ஏதோ மனசில் பட்டதை எழுதினால்..கையில் முத்திரையோடு வந்துவிடுகிறீர்கள்..இந்திய மேலாதிக்கத்தை அம்பலப்படுத்திப் பிரச்சாரம் செய்வதுதான் உங்கள் நோக்கமென்றால் சரியான அரசியலே அது..இங்கிருக்கும் ஓட்டுப் பொறுக்கிகளனைத்துமே முறியடிக்கப்பட வேண்டியவர்கள்தான்.. இந்த அரசியலை சத்தியமாக ரா ஆதரிக்காது என்று உங்களுக்கும் தெரியும்.

    • ஏன் நண்பரே இப்படி ஒரு கேள்வியை கேட்டுட்டீங்க? ஏன் சேலம் சட்டக் கல்லூரி மாணவர்கள் சேலம் தொகுதியில் வீடு வீடாகச் சென்று துண்டுப் பிரச்சுரம் விநியோகித்து காங்கிரஸ்சை முடக்கப் பாடுபட்டார்களே அது போல் நம்மால் செய்ய முடியாதா? தியாகி முத்துக்குமாரையே யாருன்னு திமிறேடுத்துக் கேட்ட பொறம்போக்கு EVKS இளங்கோவன் ஈரோட்டில் தோற்கவில்லையா… தொகுதிக்கு கொஞ்சம் பணம் ஒதுக்கியும் பார்ப்பன் மணிசங்கர ஐய்யன் மயிலாடுதுறையில் தோற்கவில்லையா? ஏன் செருப்படி சிதம்பரத்தை கடைசி நேரத்தில் முட்டுக் கொடுத்து கடினமாக வெற்றி பெற வைத்தார்களே… (அந்த அ.தி.மு.க பொறம்போக்கும் கடைசி நேரத்தில் பணம் வாங்கிக் கொண்டான் என்பது வேறு விடயம்). இதெல்லாம் டில்லி ஏகாதிபத்தியத்திற்கு எதிரான தமிழகத்தின் ஒரு எழுச்சி தானே? இல்ல இதெல்லாம் அந்த ஈனத் தாய்க்கு ஓட்டுப் போடுங்கள் என்று சொன்னதாலேயா?

      இதுதாங்க போராட்ட எழுச்சி… இனிதான் மெல்ல மெல்ல டில்லி ஏகாதிபத்தியத்தை தமிழகத்தில் இருந்து துடைக்க வேண்டும்… ஈழக் குரலை உயர்த்த வேண்டும் (ஏன் இந்த கருணா என்ன இன்னும் நூறு வருஷம் வாழவா போறான் டில்லிய காப்பாத்த???)

  19. அமிழ்ந்த உண்மைகளை வெளிக்கொண்டுவந்த அருமையான கட்டுரை. போரின் வலியை விட யாரை போராளியாக ஏற்பது எனும் குழப்பத்தின் வலி மிகுதியாகும் போலிருக்கிறது. அவர்களின் அயர்ச்சியை போக்கும் விதங்களில் நமது போராட்டங்கள் அமையட்டும்.

    தோழமையுடன்

    செங்கொடி

  20. The fate of Tamils in Srilanks Still hangs imbalance. lets not fight within our roots. The enemy gets the benefit out of it. Leader Prabhakaran must be followed with stern action to uproot the enemies within and outside. So try and remove the black sheeps with gun and sword. Thats the way it is heading now. Every party and the missionaries supposed to work for peace and harmony try to gain from the affected Tamils in the camps, as if these cowards are trying hard for the people’s benefit dying there. But those who took advantage from the war to gain political interested , like MK, JJ, Thiruma, Vaiko, Nedumaran, must be hanged.

  21. //துரை சண்முகம் எழுதிக் கொடுத்த கவிதை வரிகளில் “தேர்தலுக்காக” என்ற சொல்லும் “இந்திய கொலைக்கரம்” என்ற சொற்களும் வெட்டப்பட்டிருக்கின்றன. பத்திரிகையாளர்களுக்குப் பதிலாக வெளியீட்டாளராக ஜெகத் கஸ்பார் அவதரித்திருக்கிறார். இவ்விரு விசயங்கள் குறித்தும் உடனே குணசேகரனுக்கு போன் செய்து கேட்டாராம் துரை. சண்முகம். அதிர்ச்சி அடைந்த குணசேகரன், கவிதையை ஞானவேலிடம் கொடுத்ததாகவும் இந்த அயோக்கியத்தனம் பற்றித் தனக்கு எதுவும் தெரியாது என்றும் கூறி வருந்தினாராம்//
    முற்போக்கு சிந்தனையுடைய பத்திரிக்கையாளர்களாகக் கருதப்படுவோர், கஸ்பார் போன்றவர்களுக்காக வேலை செய்து கொடுப்பது எந்தவகையில் நியாயமாகும்?

    எதுவுமே தனக்குத் தெரியாது என்று ஒரு பத்திரிக்கையாளர் கூறுவதை நம்மால் நம்பமுடிகிறதா?

    இதையும் நாம் நம்பித்தான் ஆக வேண்டுமானால் ஜெயலலிதாவுக்கு வெளிநாட்டில் இருந்து வந்த டி.டி.களைப் பற்றி ஜெயா நீதிமன்றத்தில் சொன்னதையும் நாம் நம்பத்தான் வேண்டும். (“எனக்குத் தெரியாத யாரோ என்பெயரில் டிடி எடுத்து அனுப்பிவிட்டனர்”).

    “இந்த அயோக்கியத்தனம் பற்றி எனக்கு எதுவும் தெரியாது” என்று மிகவும் “பொறுப்பாக”ப் பேசுவது, இம்மாதிரியான ‘முற்போக்கு’ நபர்களுக்கு புதிதில்லை.
    பிரபஞ்சன் முதல் சுப.வீ வரை இதற்கு ஒரு வரலாறே இருக்கிறது. ‘வைகோதான் தமிழகத்தின் நம்பிக்கை நட்சத்திரம், போர்வாள் என்றெல்லாம் எழுதித்தள்ளுவார்கள். ராமதாசைப் ‘போராளி’ என்பார்கள். அவர்கள் அடுத்தடுத்து அம்பலமானபோதெல்லாம் “இதெல்லாம் தெரியாமல் நம்பி ஏமாந்துவிட்டோமே” என்று “பொறுப்போடு” அரசியல் பேசுவார்கள்.

    தோழர்கள் மட்டுமல்ல, பல்வேறு இயக்கங்கள் நடத்தும் தமிழ் தேசியவாதிகளும், பெரியார் இயக்கவாதிகளும் இவ்விசயத்தில் கவனமாக இருப்பதுதான் நல்லது.

  22. வினவு தோழர்களுக்கு வணக்கம்.
    இனியொரு தளத்தில் வெளிவந்துள்ள பற்றிய ஒரு கட்டுரைக்கு ராஜேஸ்வரன் என்பவர் எழுதியுள்ள‌ இந்த பின்னூட்டத்தில் கூறப்பட்டுள்ளவை அனைத்தும் உண்மையா ?

    இது உண்மை எனில் வினவு கலையரசனை எப்படி ஆதரிக்கிறது ?
    இது குறித்து விளக்குவீர்கள் என்று நம்புகிறேன்.
    அந்த பின்னூட்டமும் சுட்டியையும் கீழே கொடுத்துள்ளேன்.

    ////////////////////////////////////////////////////////////////////////
    இனியொரு ஆசிரியர் குழுவிற்கு மற்றவர்கள் மீது குறை குற்றம் சுமத்த முன் உங்களை நீங்கள் சுயவிமர்சனம் செய்துகொள்ளுங்கள். ஐஎன்எஸ்டி என்ற ஏகாதிபத்திய நிதி நிறுவனத்தைப்பற்றி வாய்கிழிய எழுதுகிறீர்கள்.ஆனால் இந்த அமைப்பின் முக்கிய உறுப்பினரான உங்கள் நண்பர் கலையரசனைப்பற்றி வாய் திறக்கவே மாட்டீர்கள் அவரின் “புரட்சி” கட்டுரைகளை பிரசுரிப்பீர்கள். இது என்ன நியாயம். உங்களைப்போல் புரட்சி போராட்டம் என்று எழுதுகிற வினவு இணையத்தளம் இந்த ஏகாதிபத்திய தாசருக்கு இவரின் இணையத்தளத்திற்கு இணைப்பு கொடுத்துள்ளது. வினவு இனியொரு இணையத்தளங்கள் பேசுவதெல்லாம் ஊருக்கு உபதேசம்தான? எம் பெளசர் இதில் கலந்துகொள்கின்ற ஒருவரே தவிர ஐஎன்எஸ்டியில் அங்கத்தவர் அல்ல. அவரைப்பற்றி எழுதும் அசோக் யோகன் ஐஎன்எஸ்டியில் முக்கிய உறுப்பினர்களான நோர்வே- சரவணன் கொலன்ட் – கலையரசன் சுட்காட் -சிவராஐன் இவர்களைப்பற்றியெல்லாம் வாய்திறக்கமாட்டார். இதுதான் இவர்களின் மாற்று அரசியல்.முதலில் உங்களை திருத்திக்கொள்ளுங்கள் பிறகு ஊருக்கு உபதேசம் செய்யுங்கள். இனியொரு கலையரசனின் பத்துக் கடுரைகள் வரை பிரசுரித்திருக்கிறது. இதற்கு ஒருபடி மேலே போய் வினவு கலையரசனுக்கு ஒரு சிறப்புப் பகுதியையே ஒதுக்கி அவரைப் பெருமைப்படுத்தியிருக்கிறது. இனிமேல் சுசீந்திரன் பற்றிப் பேசுவதை யும் அமார்க்ஸ் ராஜதுரை போன்றோரை விமர்சிப்பதையும் நிறுத்துங்கள்.
    ‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍////////////////////////////////////////////////////////////////////////

    http://inioru.com/?p=7440

    • தோழர் சித்தார்த்தன்,

      இது தொடர்பாக தோழர் கலையரசனிடம் விளக்கம் கோரியிருந்தோம். அவரது கூற்றுப்படி அவர் ஐ.என்.எஸ்.டி கருத்தரங்கில் பல அரசியல் சார்பு கொண்டவர்கள் பங்கேற்றதைப்போல பங்கேற்று அவர்களது ஐரோப்பிய நிதி உதவியை விமரிசனம் செய்தே பேசியிருக்கிறார். மற்றபடி அந்த என்.ஜி.ஓவில் அவர் முக்கிய உறுப்பினரெல்லாம் இல்லை. தற்போது அந்த என்.ஜி.ஓ குழு பெருமளவு முடங்கியிருப்பதாகவும் தெரிவித்தார். எனவே தோழர் கலையரசன் என்.ஜீ.ஓ அமைப்பொன்றுக்கு ஆதரவாக இருக்கிறார் என்ற அவதூறை நாங்கள் ஏற்கவில்லை. தோழர் கலையரசனை ஏகாதிப்த்திய எதிர்ப்பில் உறுதியாக இருக்கும் தோழர் என்றே கருதுகிறோம். அவர் வினவு தளத்துக்கு கட்டுரை எழுதக்கூடாது என்பது மேற்கண்ட பின்னூட்டம் இட்டவரின் நோக்கமாக இருக்கலாம். அந்த பொய் வலையில் நாங்கள் சிக்கவில்லை. இந்தப் பிரச்சினையில் வினவின் நிலை இதுதான்.