Monday, September 21, 2020
முகப்பு செய்தி நீயும் வேஸ்டு-நானும் வேஸ்டு! ஜெயாவிடம் கருணாநிதி சரண்!!

நீயும் வேஸ்டு-நானும் வேஸ்டு! ஜெயாவிடம் கருணாநிதி சரண்!!

-

ம்மினிய தமிழ் மக்களே! தாங்கள் தினமும் என்ன பணியிலிருப்பினும், நேர நெருக்கடியிலிருப்பினும் தவறாது அம்மையார் புரட்சித் தலைவியார் எழுப்பும் கேள்விகளுக்கு, தானைத் தலைவர் கலைஞர் எழுதும் வினா விடை தத்துவத்தை தவறாமல் படித்துப் பலன் பெறவும். கருணாநிதிச் செம்மலின் காவியச் சாதனைகளது வண்டவாளத்தை அவரது வார்த்தைகளிலேயே படித்தறியும் பாக்கியத்தை நாம் இழக்கக்கூடாது அல்லவா?

நாகப்பட்டினம் மீனவர் செல்லப்பன் இலங்கை கடற்படையால் கொடூரமாக தாக்கப்பட்டு கொல்லப்பட்டது சமீபத்தில் நடந்தது. உடனே கருணாநிதி மூன்று இலட்சம் கொடுத்துவிட்டு, மத்திய அரசுக்கு கடிதம் எழுதினார். தி.மு.கவின் மீனவர் அணி சார்பில் ஒரு கண்டன ஆர்ப்பாட்டம் நடைபெற்றது.

இதைக் கண்டித்து ஜெயலலிதா ஒரு அறிக்கை விடுகிறார். அதில் இதுமாதிரி எத்தனை கண்டனக் கடிதங்கள் எழுதியும் ஒரு பலனில்லையே என்று கூறிவிட்டு, ரோசமிருந்தால் தி.மு.கவின் மத்திய அமைச்சர்கள் பதவி விலக வேண்டுமென்று கூறுகிறார். கூடவே அம்மா ஆட்சி அமைக்கும் பட்சத்தில் தமிழக மீனவர்கள் சிங்களக் கடற்படையால் தாக்கப்படுவது நிறுத்தப்படும் என்று வாக்குறுதி வேறு.

இது கண்ட தானைத்தலைவர் அம்மா ஆட்சியில் தமிழக மீனவர்கள் தாக்கப்படும் போது புரட்சித் தலைவி என்ன கிழித்தார், அவரும் கடிதம்தானே எழுதினார் என்று லாவணி பாடுகிறார். “தமிழக மீனவர்களுக்காக குரல் கொடுக்கும் வீராதி வீரர்கள் எவரும் இலங்கை மேல் படையெடுத்து தமிழ் மானம் காக்க ஏன் முன்வரவில்லை, அதையெல்லாம் தி.மு.க அரசா தடுத்தது” என்று சீறுகிறார்.

ஆக அம்மாவும் கடிதம்தான் எழுதினார், அய்யாவும் கடிதம்தான் எழுதுகிறார், இரண்டுபேரும் ஒரு முடியும் பிடுங்கவில்லை என்பது யாதார்த்தமாக இருக்கும் போது இந்த நாடகத்தில் ஜெயலலிதா மட்டும் வீரம் காண்பிப்பது அழகா என்பதுதான் கருணாநிதியின் கவலை.

கொல்லப்படும் தமிழக மீனவரின் அவலத்தைப் பார்த்து கோபம் வரவில்லை. அந்தக் கொடூரத்தை நிகழ்த்திய சிங்களக் கடற்படையினர் மீது ஆவேசம் வரவில்லை. ஆனால் காலணாவுக்கு பிரயோசனமில்லாத கடிதம் எழுதியதை குத்திக் காட்டினால் மட்டும் அய்யாவுக்கு கோபம் பொத்துக் கொண்டு வருகிறது.

மத்தியில் கூட்டணி ஆட்சியில் இன்ன அமைச்சுத் துறைகள்தான் வேண்டுமென்று கேட்டு வாங்குவதற்கு டெல்லி சென்று மிரட்டல் விடுப்பதற்கெல்லாம் முடிகிறது, தமிழக மீனவரைக் காப்பதற்கு மட்டும் ஒன்றையும் பிடுங்க முடியவில்லை என்றால் என்ன காரணம்?

இவ்வளவிற்கும் மிகப்பெரிய கடலோரக் காவற்படை, கடற்படை, என்று எல்லா படைகளையும் வைத்து சீன் போடும் மத்திய அரசு தமிழக மீனவரை மட்டும் ஏன் காப்பாற்ற மறுக்கிறது? பாக் எல்லையில் அடிக்கு ஒரு இராணுவத்தை போட்டு காஷ்மார் மக்களை பந்தாடுவதோடு, பாக்கிஸ்தானையும் கவனமாக கையாள்கிறோம் என்று பெருமைப்படுபவர்கள் வங்கக் கடலில் மட்டும் ஏன் பாராமுகமாக இருக்கிறார்கள்?

தமிழக மீனவர்களின் உயிர் ஒன்றும் இந்திய அரசின் கண்ணாட்டத்தில் அத்தனை மதிப்பில்லை என்பதால்தானே இந்த நிலைமை? இந்தக் கொடுமைக்கு மத்திய அரசுடன் கூட்டணி அச்சாரம் போடும் கருணாநிதி “கூசாமல் கடிதம் எழுதினேன், ப.சிதம்பரம் பதில் எழுதினார்” என்று பல்லிளிக்கிறார். இதனால் அம்மா ஏதோ கிழித்துவிட்டார் என்பதல்ல. அவர் ஆட்சியிலிருந்தாலும் இதுதான் வெட்கமின்றி நடக்கப் போகிறது.

தமிழக மீனவர்களின் பாதுகாப்பை விட இலங்கையில் இந்திய முதலாளிகள் நடத்தும் தொழில் பாதுகாப்பு முக்கியம் என்பதால்தான் இந்தப் பாராமுகம். அந்த இந்திய முதலாளிகளை குறைந்த பட்சம் தமிழகத்தில் மக்கள் கொஞ்சம் கவனித்தால்தான் இந்த மாபாதகம் நிறுத்தப்படும். மாறாக இரண்டு கழகங்களும் அவர்களது எடுபிடி கூட்டணிகளும் தமிழக மீனவர்களை பலி கொடுத்துவிட்டு போனால் போகிறதென கடிதம் மட்டுமே எழுதப் பயன்படுவார்கள்.

 

சந்தா செலுத்துங்கள்

இணையத்தில் உழைக்கும் மக்களின் குரலாக பதினோரு ஆண்டுகளாக போராடும் வினவுடன் கை கோருங்கள். ஆதரியுங்கள்

  1. நாம் மாறி, மாறி ஓட்டுப்போடுவதன் மூலம் நமக்காக கடிதம் எழுதும் (கொலை) கரங்களை மாற்றிக் கொள்கிறோம். இது தானே ஜனநாயகம். கழுதைக்கு தெரியுமா கற்பூர வாசனை.

  2. மீனவர்கள் எல்லைதாண்டி போய் மீன்பிடிக்கறதா சொல்றாங்களே.உண்மையா?

    • ஆனாலும் ஒருநாட்டின் கடல் எலைக்குள்ளே வந்து மீன்களை சுருட்டிச் செல்லும் எந்த ஒரு பன்னாட்டு நிறுவனகளும் தாக்கப்படுவதில்லையே!

  3. //மீனவர்கள் எல்லைதாண்டி போய் மீன்பிடிக்கறதா சொல்றாங்களே.உண்மையா?//

    பாயிண்டு1: எல்லைத் தாண்டிப் போய் மீன் பிடித்தால் சுட்டுக் கொல்லலாம் என்று யார் சொன்னது?

    பாயிண்டு2: ஆதாம் பாலத்தை காவல் காத்தவர்களை சில மாதங்கள் முன்பு இலங்கை கடற்படை தாக்கியது. ஆதாம் பாலம் யாருடைய எல்லையில் உள்ளது?

  4. ஒரு வேளை கூட்டணி பேச்சு வார்த்தையில் மத்திய தபால் தொடர்பு துறைக்கு எங்களால் இலாபம் உண்டு என்று சொல்லி உடன்பாடு கண்டிருப்பார்களோ.

  5. தி.மு.க வும் அ.தி.மு.க வும் ஒரே குட்டையில் ஊறிய மட்டைகள் என்று பெருந்தலைவர் காமராஜர் சொன்னது சரிதான் என்று அய்யாவும் அம்மாவும் நிரூபிக்கிறார்கள்.

    • அக்குட்டையில் இப்போது மேலும் பல மட்டைகள்; காமராஜ் இருந்த காங்கிரஸ் உட்பட. எல்லாத்துக்கும் மக்களைத்தான் சொல்லணும். புகழ், இலவசம், சினிமா, டிவி, மொழி வெறி இதற்க்கு மக்கள் அடிமை ஆகி விட்டதால் அரசியல் அதற்கேற்றார் போல் தம்மை மாற்றிக்கொண்டன.

  6. ஆனால் மக்களால் எப்படி இவைகளெல்லாம் மறக்க முடிகிறது என்பது தான் எனக்கு புரியாத புதிர்!

    ஒரு மதவாதியும், கட்சி அபிமானியும் எனக்கு ஒரே மாதிரி தான் தெரிகிறான்!

    நாட்டுக்கு, அட விடுப்பா உன் வீட்டுக்கு என்ன என்று கூட யோசிப்பதில்லை , தன் தலைவன் ஜெயிக்கனும் என கண் மூடித்தனமாக நினைக்கும் தொண்டர் படை இருக்கும் வரை அந்த இரு கட்சிகளும் தான் ஊரை ஏமாற்றி கொண்டிருக்கும்!

    • வால்பையன் , எனக்கு நீண்ட நாளா ஒரு சந்தேகம். தீர்கமுடியுமா?
      குதர்க்கமாக இந்த கேள்விய கேட்கலங்க! உண்மையாக எனக்கு தெரியுல. அதாங்க கேட்கிற.
      * மக்கள் என்பது யார் ?
      * நாடு , தேசம் என்பது என்ன?
      வால்பையன் மட்டுமல்ல தெரிந்தவர்கள் யாராக இருப்பினும் விளக்கவும்.
      இது எனது வேண்டுகோள்.

  7. இன்னொரு நாட்டின் கடல் எல்லைக்குள் சென்று மீன்பிடிப்பது உலகம் முழுவதிலும் இருந்துவரும் ஒரு செயல் தான். இதற்காக எந்த நாடும் இன்னொரு நாட்டு மீனவர்களை துன்புறுத்துவதில்லை, படகுகளை, உடைமைகளை சேதப்படுத்துவதில்லை, கொல்வதில்லை. எந்த நாடும் சொந்த நாட்டு மீனவர்கள் அன்னியக் கடற்படையால் கொல்லப்படுவதைக் கண்டு அமைதி காப்பதில்லை. ஆனால் இங்கு மட்டும் அது நடந்து கொண்டிருக்கிறது ஏன்?

    இலங்கைக் கடற்படை தமிழக மீனவர்களை ஏன் கொல்லவேண்டும்? அதைக்கண்டு இந்தியா ஏன் முறுவல் பூக்கவேண்டும்? ஏனென்றால் இந்தியா மீனவர்களை கடல்புறத்திலிருந்து அப்புறப் படுத்த முயல்கிறது………….
    http://senkodi.wordpress.com/2010/07/14/fishermen/

    • தோழர் பறையோசை!

      நீங்கள் அனுப்பிய விடியோவை திரும்ப அனுப்ப முடியுமா!? அதிலுள்ள நடைமுறை சிக்கலை கண்டுபிடித்து விட்டேன்!

      (பூமி உருண்டை மேட்டர்)

  8. //கொல்லப்படும் தமிழக மீனவரின் அவலத்தைப் பார்த்து கோபம் வரவில்லை. அந்தக் கொடூரத்தை நிகழ்த்திய சிங்களக் கடற்படையினர் மீது ஆவேசம் வரவில்லை. ஆனால் காலணாவுக்கு பிரயோசனமில்லாத கடிதம் எழுதியதை குத்திக் காட்டினால் மட்டும் அய்யாவுக்கு கோபம் பொத்துக் கொண்டு வருகிறது.//

    100% உண்மை… 1 சாதாரண குடிமகனின் மனக் குமுறல். ஆனால் அதே குடிமகன் இலவசத்திற்கு விலை போய்விட்டானே என்பதும் மறுக்க முடியாத உண்மை…!

  9. ///இரண்டுபேரும் ஒரு முடியும் பிடுங்கவில்லை///
    இரண்டுபேரும் ஒரு மசுரும் பிடுங்கவில்லை என்றல்லவா இருந்திருக்க வேண்டும்??? (இது வினவு தளம்தானே)

  10. போதிய மீன் கிடைக்காததால் எல்லை தாண்டுகிறார்களா இல்லை பேராசையாலா ?

  11. //
    போதிய மீன் கிடைக்காததால் எல்லை தாண்டுகிறார்களா இல்லை பேராசையாலா ?
    //

    Perasai avanga oru naal nimathiya sappida vendum entra perasi – amam avanga account swiss bank la iruuk paaru athu than perasai

    [edited]

  12. கலைஞரே மீனவர்கள் பேராசைப்படறாங்கனு சொல்றாரு இல்லையா.அதான் அதபத்தி தெரிஞ்சிக்கலாமேனு கேக்கறேன்.

  13. […] This post was mentioned on Twitter by thamizhsasi, KarthikRamas. KarthikRamas said: RT @thamizhsasi: நீயும் வேஸ்டு-நானும் வேஸ்டு! ஜெயாவிடம் கருணாநிதி சரண்!! – https://www.vinavu.com/2010/07/15/jaya-karuna/ […]

விவாதியுங்கள்

உங்கள் மறுமொழியை பதிவு செய்க
உங்கள் பெயரைப் பதிவு செய்க