Sunday, June 16, 2024
முகப்புஅரசியல்ஊடகம்வெள்ள அபாயம்: தி இந்துவின் விராட் கோலி விக்ஸ் நிவாரணம்

வெள்ள அபாயம்: தி இந்துவின் விராட் கோலி விக்ஸ் நிவாரணம்

-

ரோமாபுரி நீரோ மன்னனை விட மவுண்ட்ரோடு மகா விஷ்ணு அபாயகரமானவர். தீப்பிடிக்கும் போது பிடில் வாசிப்பதும், பெட்ரோல் ஊற்றுவதும் ஒன்றில்லை அல்லவா?

இன்று திங்கள் – 18.08.2014 தேதியிட்ட தி இந்து (தமிழ்) அச்சுப் பதிப்பின் முதல் பக்கத்தை பாருங்கள். மேலே இரண்டு தலைப்பு செய்திகள், அதன் ஓரத்தில் பீகார் வெள்ளம் குறித்த ஒரு புகைப்படம். அந்த சின்ன புகைப்படம், வெள்ளத்தின் துயரத்தை ஆழமாக உணர்த்துவதற்கு போதுமானதாக இல்லை. போகட்டும்.

தி இந்து
ரோமாபுரி நீரோ மன்னனை விட மவுண்ட்ரோடு மகா விஷ்ணு அபாயகரமானவர்.

பாதிக்கும் கீழே இரண்டு செய்திகள், ஒன்று – தமிழக மீனவர் படகுகளை விடுவிக்க முடியாது எனும் இலங்கை அமைச்சரின் செய்தியும், இரண்டு, வடமாநிலங்களில் கன மழை தொடர்வதால் ஏற்பட்டிருக்கும் வெள்ள அபாயம் குறித்த செய்தியும் வெளியாகியிருக்கின்றன. இதில் என்ன பிரச்சினை என்கிறீர்களா?

மீனவர் பிரச்சினையில் இலங்கையின் அடாவடித்தனத்தை செய்தியாக வெளியிட்டவர்கள், அது குறித்து மத்திய அரசின் செய்திகளை போடவில்லை. வெள்ள அபாயம் குறித்த செய்தியில் உ.பி மாநிலத்தில் 28 பேர் பலி, உ.பி, பீகாரில் வெள்ள அபாயம், மத்திய அரசு நடவடிக்கைகள், காஷ்மீரில் 3 பெண்கள் பலி, இறுதியில் வானிலை ஆய்வு மையத்தின் எச்சரிக்கை எல்லாவற்றோடும், பாஜகவினரை நிவாரணப் பணியில் ஈடுபடுமாறு கூறும் அமித் ஷாவின் செய்தி, மத்திய அரசு உதவி செய்வதாக கூறும் ராஜ்நாத் சிங்கின் செய்தியும் வெளியாகியுள்ளது.

பீகார், உ.பி இரண்டிலும் மாநில அரசாங்கங்கள் உள்ளதையோ அவை எடுத்த நடவடிக்கைகள் குறித்தெல்லாம் ஒன்றும் இல்லை. இது தமிழ் இந்துவின் பாஜக விசுவாசம் என்று வைத்துக் கொள்ளலாம்.

ஆனால் இந்த இரண்டு செய்திகளையும் யார் படித்தாலும் அவர்கள் நிறைய குழம்பி போவார்கள். அல்லது இந்த செய்திகளின் உள்ளே பாதிக்கும் மேற்பட்ட இடத்தை கைப்பற்றிக் கொண்டு ஊடுருவியிருக்கும் விக்சின் விளம்பரத்தை படித்தே ஆக வேண்டும்.

தொலைக்காட்சியில் விளம்பர இடைவேளைகள் போடும்போது நமது மக்கள் சாமர்த்தியமாக வேறு சானல்களை மாற்றியோ இல்லை சிறுநீர் கழிக்கச் சென்றோ சமாளித்து விடுவார்கள். இவற்றை ஆய்வு செய்து பிறகு குறிப்பிட்ட நிகழ்ச்சி நடக்கும் போதே கீழே பெட்டியில் குறுக்கிடும் விளம்பரங்களை காட்ட ஆரம்பித்தார்கள். இணையத்தில் இது கொடிகட்டி பறக்கிறது.

இப்போது அச்சு ஊடகங்களிலும் இதைக் கொண்டு வந்திருக்கிறார்கள். எல்லா ஊடகங்களுக்கும் விளம்பரங்களை தரும் முதலாளிகள்தான் புரவலர்கள் என்பதால் அவர்களுக்குத்தான் முதல் மரியாதை. ஊரறிந்த இந்த உண்மையில் புரவலர்களின் பிச்சையை அதிகப்படுத்த ஊடக முதலாளிகள் தினுசு தினுசாக விளம்பரங்களை புகுத்தி அல்லது திணித்து கட்டணத்தை அதிகரிக்கிறார்கள்.

வழக்கமாக ஒரு செய்தி முடிந்த பிறகோ இல்லை தனிப்பக்கத்திலோதான் இந்த விளம்பரங்கள் அச்சு ஊடகங்களில் இருக்கும். ஆனால் தற்போது செய்திகளுக்குள்ளேயே விளம்பர வாசகங்களை அதுவும் வண்ணத்தில் கொட்டை எழுத்தில் போட்டு, படங்களையும் புகுத்தி விடுகிறார்கள். இன்றைய இந்துவில் மழை வெள்ளம், மீனவர் பிரச்சினையை படிக்கும் எவரும் விராட் கோலிக்கு அவரது அம்மா தடவி விடும் விக்ஸ் ஜெல் படத்தை பார்த்து விட்டு,. “என்னோட வலிகளைப் பத்தியும் என் அம்மாவுக்குத் தெரியும்” எனும் கொட்டை எழுத்து விளம்பர வண்ண வரியை படித்து திகைப்பார்கள்.

சிறிய கருப்பெழுத்தில் மீனவர், வெள்ள அபாய வலிகளை போட்டுவிட்டு பெரிய நீல எழுத்தில் விக்ஸ் வலியை பார்த்தால் என்ன நினைப்பார்கள்? ஒருக்கால் மீனவர், வெள்ள துயரங்கள் தொடர்பாக விராட் கோலி ஏதோ அறிக்கை விட்டு ஆறுதல் சொல்லியிருப்பாரோ என்று கூட நினைக்கலாம். வாசகங்களும் அப்படித்தான் இருக்கிறது. ஏழு வலிகள், தாயன்புமிக்க ஒரு ஆறுதல் எனும் விக்சின் அந்த விளம்பரம் அம்மா மகன் சென்டிமெண்டோடும், விராட் கோலியின் கிரிக்கெட் கவர்ச்சியோடும் கச்சிதமாக இணைக்கப்பட்டிருக்கிறது.

இங்கிலாந்தில் டக் அவுட்டாகி ஃபார்மில் இல்லையென்றாலும் விராட் கோலியின் வலியை நினைத்து உருகும் வாசகர்கள், உ.பி, காஷ்மீரில் மழையால் இறந்த மக்கள் குறித்தோ, இல்லை தமிழக மீனவர் பிரச்சினை குறித்தோ கவலைப்படுவார்களா என்ன?

வார இதழ்களில் கூட விளம்பரங்களையே செய்திகள் பாணியில் வெளியிட்டு விட்டு கடைசியில் படிக்க முடியாத அளவில் விளம்பரம் என்று போடுவார்கள். தி இந்துவோ விளம்பரம், செய்திகளுக்கு இனி வேறுபாடு இல்லை என்று ஒரு புது கேவலத்தை ஆரம்பித்து வைத்திருக்கிறது.

செய்திகளுக்கிடையில் விளம்பரங்கள் எனும் காலம் போய் இனி விளம்பரங்களுக்கு இடையில் கொஞ்சம் செய்திகள் என்று கொண்டு வந்து விட்டார்கள்.

வட மாநிலங்களின் வெள்ள அபாயம் எனும் எழவு செய்தியில் இப்படி ஒரு ஜெல் விளம்பரத்தை பீர் பார்ட்டி போல போடும் சாமர்த்தியமெல்லாம் மவுண்ட் ரோடு மகா விஷ்ணு தவிர யாருக்கு வரும்?

  1. அவனவன் பேப்பரில் அவனவன் இஷ்டத்துக்கு என்ன வேணும்மா போடுவான்… உனக்கு எங்கேயா வலிக்குது…. வேணும்னா வாங்கு இல்லேனா மூடிகிட்டு போ……நீ உட்பட எல்லாருமே துட்டுக்கு மாரடிக்கும் கும்பல்தான்…நீ தான் எல்லாத்துலேயும் வாய் வைக்குற… உன் வேலையை மட்டும் பார்… உன்னைய பத்தி எவனாவது எழுதரானா?????? உன்னுடையதை முதலில் கழுவவும்……

      • சிரிப்புநடிகன் சோ சட்டைக்கு உள்ளே பூணூல் போட்டிருப்பார். கோமாளி எஸ்.வி சேகர் பூணூல் வெளியே தெரியுமாறு சட்டை போட்டிருப்பார்.இப்போது அவாள்களின் ஆட்சி என்பதால் சட்டைக்கு வெளியே பூணூல் போடுகின்றனர்.

    • இந்தியன்,
      வினவு இப்படி எழுதுறதுல உங்களுக்கு எங்க வலிக்குது? மாற்றுக் கருத்திருந்தா கொஞ்சம் நிதானமா எழுதணும். நேரா டாஸ்மாக்ல இருந்து வந்தவர் போலவே எழுதுறீங்களே.

  2. தினகரனிலும், இந்த விராட் கோலி விக்ஸ் விளம்பரம் இதே பாணியில் முதல் பக்கத்தில் வந்துள்ளது. தி இந்துவில், வெள்ளச் செய்தி அதனருகில் வெளியானது தற்செயல் என்று நினைக்கிறேன். இச்செய்திக்குறிப்பில், மாநில அரசுகளின் செயல்பாடுகள் பற்றி ஏதும் குறிப்பிடாமல், ராஜ்நாத் சிங், அமித் ஷா பற்றி மட்டும் பேசியிருப்பதன் மீதான விமர்சனம் நியாயமானது.

  3. தி இந்து பத்திரிக்கை, மக்களை செய்திக்கு மட்டும் அடிமை ஆக்க வில்லை, செய்திதால்கலுக்கும்(தி இந்து தமிழ்) அடிமை ஆக்கிக் கொன்டு இருகிரது. இது எல்லாம் 2016 தேர்தலுக்காகத்தான்…… மக்கலே உஷார்…… மோடிக்கு தினமனி போல….

  4. எல்லோருக்கும் வயிறு உள்ளது…
    ஆனால் இந்து ராமின் வயிறு அளவில் பெரியது…
    எவன் குடி கெட்டாலும்,,,எவன் குடி(தமிழன்) அழிந்தாலும்
    இலங்கை அரசிடம் சோரம் போவதில் ராமை மிஞச ஆள் இல்லை சாமி!
    இது தமிழ் நாடு…தமிழ் இனம் அழிந்தாளும் கதவை இழுத்து
    தாள் போட்டுக்கொண்டு குறட்டை விடுவதில் தமிழனை மிஞச யாராவது உண்டா?

    • ஒரு வேலை அவர் சிஙகளன் தரும் வாழைக்காய் பஜ்ஜியை நன்றாக சுவைததினால் வயிறு இப்படி பெறுத்து இருக்குமோ அம்பி கள் யாரவது விளக்க வேன்டும்.

  5. ஊடகங்களின் நோக்கம்,லட்சியம் எல்லாம் பணம் தான்.எப்போதுமே செய்திகளை விட விளம்பரங்களே அதிகமாக இருக்கும் தான்.அரசின் விளம்பரங்களுக்காக சோரம் போகாத ஊடகங்களே இருக்காது.இதில் புதியகலாச்சாரம்,புதியஜனநாயகம் விதி விலக்கு.செய்திகளோடு விளம்பரம் என்று இருந்தது இப்போது கார்ப்பரேட் யுகத்தில் போட்டிகளின் பலாபலனைக் கருத்தில் கொண்டு கார்ப்பரேட்கள் டிரில்லியன் டாலர்கள் சம்பதிக்கும் போது நாமும் மில்லியன் டாலர்களாவது சம்பாதிக்க வேண்டாமா என்ற எண்ணத்தில் விளைந்த விந்தை தான் இந்த விக்ஸ்-விராட் கோலி -7 வலிகள் வண்ண விளம்பரம்.இதில் தெருவாளர் இந்டியன் சொல்வது என்னவென்றால் “இதையெல்லாம் கலைக் கண்ணோட்டத்துடன் ரஸிக்கத் தெரிஞ்சிருக்கணுங் காணும்” என்பதுதான்.இந்டியன் என்றாலே சண்டியன் என்றுதான் போல!

விவாதியுங்கள்

உங்கள் மறுமொழியை பதிவு செய்க
உங்கள் பெயரைப் பதிவு செய்க