Wednesday, October 21, 2020
முகப்பு உலகம் அமெரிக்கா ஏன் ? - டிரேஸி சாப்மன் பாடல்

ஏன் ? – டிரேஸி சாப்மன் பாடல்

-

உணவு இருக்கிறது
உலகத்துக்கே சோறு போடலாம்
குழந்தைகளோ பட்டினியால் சாகிறார்கள்
ஏன்

நாம் இத்தனைப் பேர் இருக்கிறோம்
ஆதரவற்றவர்களும் இருக்கிறார்கள்
ஏன்

tracy-chapman1கொல்வதற்குக் குறி பார்க்கும்
ஏவுகனைகள்
அமைதிப் படைகள் என்று
அழைக்கப்படுகின்றனவே
ஏன்

ஒரு பெண்ணிற்கு
சொந்த வீட்டில் கூட பாதுகாப்பில்லையே
ஏன்

வெறுப்புக்குப் பொருள் அன்பு
போருக்குப் பொருள் அமைதி
இல்லையென்பதன் பொருள் ஆம்
நாமோ
சுதந்திர மனிதர்களாம்!

இதற்கெல்லாம் பதில் சொல்லாமல்
தப்ப முடியாது
காலம் நெருங்குகிறது.

எத்தனை கேள்விகள்
எத்தனை முரண்பாடுகள்!

இதற்கு விடை தேடுவோர்
உண்மையைத் தேடுவோர்
இருக்கத்தான் செய்கிறார்கள்.

பதில் சொல்லாமல் தப்ப முடியாது
காலம் நெருங்குகிறது.

கண்ணை இறுக்கும் கட்டுகள் அறுத்து
குருடர்கள்
பார்க்கப் போகிறார்கள்.

ஊமைகள்
பேசப் போகிறார்கள்
உண்மையைப் பேசப் போகிறார்கள்

பதில் சொல்லாமல் தப்ப முடியாது
காலம் நெருங்குகிறது.

– டிரேஸி சாப்மன், அமெரிக்கக் கறுப்பினப் பாடகி
புதிய கலாச்சாரம், ஜூலை 2000.

சந்தா செலுத்துங்கள்

இணையத்தில் உழைக்கும் மக்களின் குரலாக பதினோரு ஆண்டுகளாக போராடும் வினவுடன் கை கோருங்கள். ஆதரியுங்கள்

  1. உணவு இருக்கிறது
    //உலகத்துக்கே சோறு போடலாம்
    குழந்தைகளோ பட்டினியால் சாகிறார்கள்
    ஏன்

    நாம் இத்தனைப் பேர் இருக்கிறோம்
    ஆதரவற்றவர்களும் இருக்கிறார்கள்
    ஏன்//
    வறுமையையும், சமூக அவலத்தையும் இதை விட சுலபமான வரிகளில் சொல்ல முடியாது. இரண்டு வரி திருக்குறளை மிஞ்சியது இந்த இரண்டு வரி கவிதை நடை.

விவாதியுங்கள்

உங்கள் மறுமொழியை பதிவு செய்க
உங்கள் பெயரைப் பதிவு செய்க