சாஸ்திரி பவன் முற்றுகை – படங்கள்!

2

ழத்தமிழர் தன்னுரிமைக்கான மாணவர் முன்னணி

இலங்கையின் இனப்படுகொலை மற்றும் போர்க்குற்றங்களை மறுத்து விட்டு ராஜபக்சே அரசைக் காப்பாற்றுவதற்காக நிறைவேற்றப்பட்ட அமெரிக்காவின் ஜெனிவா தீர்மானத்தைக் கண்டித்தும், அதற்கு உடந்தையாக இருந்த மற்றொரு போர்க்குற்றவாளியான இந்திய அரசைக் கண்டித்தும்,

பச்சையப்பன் கல்லூரி மாணவர்கள் மீது அடக்குமுறையைக் கட்டவிழ்த்துவிட்ட பாசிச ஜெயாவின் போலீசைக் கண்டித்தும்,

மார்ச் 22, மாலை 3.30 மணிக்கு மத்திய அரசு அலுவலகமான சாஸ்திரி பவனை முற்றுகையிடும் போராட்டம் நடத்தியது.

போராட்டம் அறிவித்த உடனேயே போலீசு அதிகாரிகள் தொடர்பு கொண்டு அரைமணிநேரம் போராட்டம் நடத்துவதற்கு அனுமதிப்பதாக கூறினர். இவர்களிடம் மாணவர் முன்னணி அனுமதி கேட்கவில்லை என்பது வேறு விடயம். மாணவர்கள் சாஸ்திரிபவனை அடைவதற்கு முன்பே 400க்கும் மேற்பட்ட போலீசார் குவிக்கப்பட்டிருந்தனர்.  அருகிலிருந்த பிராசார் பாரதி அலுவலகத்திலும், சிதம்பரம் வீட்டிலும் நிறைய போலீசார் பாதுகாப்புக்கு குவிக்கப்பட்டிருந்தனர். தினசரி போராட்டம் நடத்தி வந்ததனால் மற்ற மாணவர்களை போதிய அளவு திரட்ட முடியவில்லை என்பதால் மாணவர் முன்னணியின் முன்னணியாளர்கள் 50 பேர் மட்டும் இங்கு கலந்து கொண்டனர். அவர்களுக்குத்தான் 400 போலிசார் பாதுகாப்பு. மாணவர்கள் ஈழத்தில் நடந்த இனப்படுகொலையை வழிகாட்டி நடத்திய இந்திய அரசுக்கு எதிரான முழக்கங்களை எழுப்பி மறியல் செய்தனர்.ஆர்ப்பாட்டம் முடிந்த உடன் மாணவர்கள் கைதாக வந்த போது போலீசு கைது செய்யாமல் கலைந்து செல்லும்படி மட்டும் கேட்டுக் கொண்டது.

சந்தா செலுத்துங்கள்

ஊடகத் துறையில் நிறுவன விளம்பரங்கள் இன்றி மக்கள் நலனுக்காக போராடும் வினவு தளத்திற்கு தோள் கொடுங்கள்!

2 மறுமொழிகள்

  1. தமிழ் ஈழம் அமைய வேண்டும் என்பது அங்குள்ள மக்களின் கோரிககை . அந்த முடிவை 1977 ஆம் ஆண்டே அவர்கள் எடுத்து விட்டனர். அனால் நீங்கள் தன்னுரிமை என்ற பெயரில் அவர்களின் விடுதலையை மறுக்கீர்கள். நீங்களா ஒரு தீர்வை முன் வைத்து உள்ளீர்கள். சமுதாயத்தில் வரக்கூடிய பிரச்சனைகளுக்கு தத்துவமா? அல்லது தத்துவத்திற்கு சமுதாயமா ?நீங்களே முடிவு கூறுங்கள்.

    • பலரும் இலங்கையில் பொது வாக்கெடுப்பு நடத்த வேண்டும் என்று கோருகிறார்களே அதன் பொருள் என்ன? 77லியே முடிவு செய்து விட்டால் இப்போது ஒரு வாக்கெடுப்புக்கு என்ன தேவை? அடுத்து 77க்கு பிறகு பிறந்தவர்களை என்ன செய்யலாம்? அவர்களெல்லாம் இலங்கையை விட்டு வெளியேற வேண்டும் என்று முடிவு செய்திருக்கிறீர்களா?

விவாதியுங்கள்

உங்கள் மறுமொழியை பதிவு செய்க
உங்கள் பெயரைப் பதிவு செய்க