முகப்புஉலகம்அமெரிக்காமுதலாளித்துவத்தின் சாதனை - டெட்ராய்ட் நகரம் திவால் !

முதலாளித்துவத்தின் சாதனை – டெட்ராய்ட் நகரம் திவால் !

-

மெரிக்காவின் வாகன உற்பத்தியின் சின்னமாகவும், மிகப் பெரிய பணக்கார நகரமாகவும் திகழ்ந்த டெட்ராய்ட் நகரம் தற்போது திவாலாகி விட்டிருக்கிறது. அகலமான சாலைகள், பிரம்மாண்டமான கட்டிடங்கள், மகத்தான அமெரிக்க கார் உற்பத்தி தொழிற்சாலைகள் என்று கொழித்த டெட்ராய்ட் நகரம் இன்று சோர்ந்து போய் முடங்கி கிடக்கிறது.

டெட்ராய்ட் சுவர்கள்
உதவி கேட்டு கதறும் டெட்ராய்ட் நகர சுவர்கள். படம் : நன்றி கார்டியன்.

டெட்ராய்ட், 20-ம் நூற்றாண்டில் உலகின் சாலைகளில் ஓடுவதற்காக விதவிதமான கார்களை இரவு பகல் பாராமல் உற்பத்தி செய்த நகரம். அமெரிக்காவிலேயே அதிக அளவு தனி நபர் வருமானம் கொண்ட நகரம் இன்று போரில் சீரழிந்த நகரம் போல் காட்சியளிக்கிறது. ஒரு காலத்தில் 20 லட்சமாக இருந்த மக்கள் தொகை இன்று வெறும் 7 லட்சமாக சுருங்கி விட்டது. சுமார் 78,000 கட்டிடங்கள் பாழடைந்து கிடக்கின்றன. வீதிகள் வெறிச்சோடி உள்ளன. விலைவாசி கடுமையாக உயர்ந்துள்ளது; வீதிகளில் பாதிக்கும் அதிகமான தெருவிளக்குகள் எரிவதில்லை. 60 சதவீத ஆம்புலன்ஸ் சேவை முடங்கியுள்ளது, குற்றச் செயல்கள் நாட்டின் சராசரியை விட ஐந்து மடங்கு அதிகமாகியுள்ளன. போலீசை தொலைபேசியில் அழைத்தால் அவர்கள் உங்கள் அழைப்பை ஏற்கவே 1 மணி நேரம் ஆகிறது.

டெட்ராய்ட்டில் நகராட்சி ஊழியர்களுக்கு சம்பளம் கொடுக்கவோ, ஓய்வு பெற்ற ஊழியர்களுக்கு ஓய்வுதியம் கொடுக்கவோ நிதி இல்லை. நகரத்தின் கடன் சுமை 18 பில்லியன் டாலர்கள் (1 லட்சத்து 8 ஆயிரம் கோடி ரூபாய்) ஆகி விட்டது. மார்ச் மாதம், நெருக்கடிகளை சமாளிக்க இது போன்ற திவால் நிலைமையை சமாளிப்பதில் நிபுணத்துவம் பெற்ற ஸ்னைடர் அண்ட் கெவின் ஆரை நகர மேயர் நியமித்தார்.

அமெரிக்க பொருளாதார கோட்பாட்டின்படி டெட்ராய்ட் சுயேச்சையான நிதி ஆளுமை கொண்ட நகரம். நகரத்தின் நிதி தேவைகளை பெரும்பாலும், வரி, வாடகைகள், மூலம் ஈட்ட வேண்டும். அந்த அடிப்படையில் டெட்ராய்ட் நகரம் தொழில் ரீதியாக துடிப்பாக இருந்த காலத்தில் பணக்கார நகராட்சியாக இருந்தது. டெட்ராயிட்டின் பொருளாதாரம் அங்கு குவிந்திருந்த வாகனங்கள் மற்றும் உதிரி பாகங்கள் உற்பத்தி தொழிற்சாலைகள் இவற்றின் அடிப்படையில் கட்டமைக்கப்பட்டது. அமெரிக்காவின் மிகப் பெரும் நிறுவனங்களான ஃபோர்ட், ஜெனரல் மோட்டார்ஸ், க்ரைஸ்லர் போன்ற நிறுவனங்கள் ஆயிரக்கணக்கான வேலை வாய்ப்புகளை உருவாக்கின.

1970-களில் உலக முதலாளித்துவத்தை பீடித்த பொருளாதார சுணக்கத்தின் நடுவில் ஜப்பான், கொரியா ஜெர்மனி நாட்டு நிறுவனங்கள் அமெரிக்கா உள்ளிட்ட வாகனங்களுக்கான உலகச் சந்தையில் வெற்றிகரமாக நுழைந்தன. அடுத்த 20-30 ஆண்டுகளில் ஃபோர்ட், ஜெனரல் மோட்டார்ஸ் போன்ற அமெரிக்க நிறுவனங்கள் தமது உற்பத்தி தளங்களை மெக்சிகோ, சீனா, இந்தியா போன்ற நாடுகளுக்கு மாற்றி டெட்ராயிட்டில் இருந்த தொழிற்சாலைகளை இழுத்து மூடின. இதனால் டெட்ராய்ட்டில் வேலை வாய்ப்புகள் பெருமளவு குறைந்தன.

வேலை இல்லை, சம்பளம், இல்லை, அரசுக்கு வரி இல்லை, பொருட்கள் வாங்க காசு இல்லை, வங்கிகளில் போட பணமில்லை, வங்கிகள் காற்றாடின. அரசுக்கு நிதி வருவாய் குறைய தொடங்கியது. டெட்ராய்ட்டை முதலாளித்துவ பொருளாதாரம் படிப்படியாக கைவிட ஆரம்பித்தது.

கைவிடப்பட்ட ரயில் நிலையம்
பாழடைந்த ரயில் நிலையம் முன்பு உள்ள ஒரு வீட்டுச் சுவரில் படம் வரையும் ஓவியர்கள் (படம் : நன்றி கார்டியன்)

டெட்ராய்ட்டின் இந்த நிலைமைக்கு அங்கு தலைவரித்தாடும் ஊழலும் ஒரு காரணமென்று சிலர் கூறுகின்றனர். இதற்கு முன்பிருந்த மேயர் ஊழல் குற்றச்சாட்டில் மாட்டிக் கொண்டது அப்படித்தான் பெரிதாக்கப்படுகிறது. ஆனால், நகரத்தின் பொருளாதார வீழ்ச்சிக்கு காரணம் முதலாளித்துவத்தின் இயங்கு முறைதான் என்று தெளிவாக தெரியும் போது அதை ஊழல் நிர்வாகம் என்று சுருக்குவது அபத்தமானது; இது போன்று நகரங்களையும், ஊர்களையும் சுரண்டி கொழுத்து விட்டு அடுத்த இடத்துக்கு நகர்ந்து விடும் முதலாளிகளுக்கு முட்டுக் கொடுப்பது.

இப்பொழுது டெட்ராய்ட் அவசர நிலை பிரகடன்ம் செய்யப்பட்டது போல காட்சியளிக்கிறது. கடனை அடைக்கவும், நிதி நெருக்கடியை சமாளிக்கவும் நடவடிக்கைகள் மேற்கொள்ளப்பட்டு வருகின்றன. நகராட்சி ஊழியர்கள் மற்றும் ஓய்வூதியம் பெறுபவர்களுக்கு நிதி வெட்டப்பட்டுள்ளது. வருமான வரி உயர்த்தப்பட்டுள்ளது. பலர் வேலையை விட்டு நீக்கப்பட்டுள்ளனர்.

இதை பற்றி கருத்து தெரிவித்த நகராட்சி ஊழியர்கள் சங்கத் தலைவர் அல் கேரட்டி,”டெட்ராயிட் நகரத்தை மீண்டும் கட்டமைக்க ஆகும் செலவுகளை அப்பாவி தொழிலாளர்கள் மீது ஏற்றிவிட கூடாது” என்கிறார். ஆனால் முதலாளித்துவ நெருக்கடி நிலை மீட்சிக்கு வேறு வழி இல்லை. வரிகளை உயர்த்தி பணக்காரர்களை பகைத்துக் கொள்ள முடியாது அல்லவா?

வியாழக்கிழமை (ஜூலை 18-ம் தேதி) டெட்ராய்ட் நகராட்சி திவாலாகிவிட்டதாக அறிவிக்க கோரியும், அதற்கு மத்திய அரசு நிதி உதவி செய்ய வேண்டும் என்று திவாலுக்கான மத்திய நிதிமன்றத்தில் மனு தாக்கல் செய்தது டெட்ராயிட் நகராட்சி. ஆனால் நீதிமன்றம் மனுவை நிராகரித்துவிட்டது.

டெட்ராய்ட்டின் இந்த வீழ்ச்சி உலக மக்களுக்கு முதலாளித்துவ நடைமுறையை புரிய வைக்கும் ஒரு பாடம். உலகின் வாகன உற்பத்தியின் தலைமையிடமாக அறியப்பட்ட டெட்ராயிட்டிற்கே இந்த நிலை என்றால், துணித் துறையில் கொழித்த திருப்பூர் வீழ்ந்தது புரிந்து கொள்ளக் கூடியதே. இந்தியாவின் சிலிக்கான் வேலி என்று போற்றப்படும் பெங்களூருக்கும், பளபளக்கும் கட்டிடங்களால் நிரம்பி வழியும் சென்னையின் ஐடி காரிடாருக்கும் முதலாளித்துவம் தயாரித்துக் கொண்டிருக்கும் எதிர்காலம் என்ன என்று இதிலிருந்து தெரிந்து கொள்ளலாம்.

மேலும் படிக்க

டெட்ராயிட்டின் இன்றைய நிலையை சற்றே கேலியாக விளக்கும் வீடியோ

– ஆதவன்

  1. எப்போது IT down ஆகிறதோ, அன்றுதான் சென்னையில் வீட்டு வாடகை மற்றும் வீடு விலைகள் குறையும். அந்த நாளுக்காக wait பண்ணுகிறேன்.6000 வாடகை எல்லாம் இப்போது 15000 to 18000 ஆகிவிட்டது.எங்களால சமாளிக்க முடியல.

  2. தொழிலாளர்களின் உழைப்பு மலிவு விலையில் கிடைக்கும் வரையே முதலாளிகளின் கருணை தொழிலாளி மேல், அதே உழைப்பு வேறு இடத்தில் மலிவாக கிடைத்தால் அங்கே போய் விடும் முதலாளித்துவம். அது ஏற்கனேவே IT_ல் நடந்து கொண்டு இருக்கிறது. விரைவில் இங்கும் அந்த நிலை ஏற்படும்.

  3. கணிணீ இல்லாமல் எந்த வேலையும் நடக்கவே முடியாது என்னும் நிலைமையில் இப்பொழுது உலகம் உள்ளது… எல்லாம் கணிணீ மயம்மாகிவிட்டது…. ஏன் “வினவு” பதிப்பே இணய தளப்பதிப்பு தானே?
    தகவல் தொழில்நுட்பம் இனி அழியாது… இதன் வளர்ச்சி மற்ற தொழில்களை முழுங்கிவிடும்… பஸ் ஓட்ட… சவரம் செய்ய… விவசாய வேலை போன்ற குறைந்த கூலி வேலைகளுக்கு இன்னும் ஒரு முப்பது வருடம் கழித்து ஆள் கிடைக்காது… எல்லோரும் அவர்களுடைய பிள்ளைகளை ஜ.டி. கம்பெனிகளுக்கு வேலைக்கு அனுப்பினா மற்ற தொழில்களும், சங்கங்களும் நக்கிட்டு போக வேண்டியதுதான்… என்ன ஒரு நல்ல விசயம் இந்த செவப்பு சட்டைகாரன் வேலையெல்லாம் அங்கே பளிக்காது… காது மேலேயே போட்டு வெளிய தூக்கி போடூவான்….

    • தூக்கி போடட்டும் . உள்ள இருக்கறத விட வெளில தான் நெறைய இடம் இருக்கு. கவலைப்படாதீங்க நாங்களும் இருக்கோம்.

  4. இனி மண்ணின் மைந்தர்களுக்கு வேலை என்ற கோட்பாடு அமெரிக்காவிலேயே ஒலிக்கும் போலிருக்கிறது! முதலாளித்துவத்திற்கு தேச பக்தி கிடையாது! எங்கு லாபம் கிடைக்குமோ அங்கு விரைவாக நகர்ந்துவிடும்! உண்மையில் தொழிலாளர்களுக்கு தேசபக்தி அதிகம். வாழ்வோ சாவோ சொந்த நாட்டில் தான்.

    அமெரிக்கர்கள் முதலாளித்துவத்தை எதிர்த்து தெருக்களில் இறங்கி போராடுகிறார்கள். விரைவில் பொதுவுடைமை ஒன்று தான் தீர்வு என விரைவில் ஒலிக்கும் நாளும் வரும்!

  5. சென்னையின் ஐடி காரிடாருக்கும் முதலாளித்துவம் தயாரித்துக் கொண்டிருக்கும் எதிர்காலம் என்ன என்று இதிலிருந்து தெரிந்து கொள்ளலாம்.

    Very true. My offshore center is not India but china. You get quality employees for low cost.
    In my previous client one high paid Indian was replaced by two Philippine employees.

    I was talking to one Indian IT Manager, who says they are not able to win call center jobs because of competition from Philippine/Indonesia.
    This is a slow start, in next two decades IT fame will wane.

    —————-

    However Capitalism has provided a chance and prosperity to average Indian.
    Had we remained in Socialist path, all these people might have written Group 1/2 exams and paying bribe

    When I think of it, I got a job without paying bribe or influencing with my caste.All because of Capitalism and influence of American/western clients

    Communist Russia defaulted and brought down the value of Ruble and made every Russian a beggar, I have horror stories from my Russian colleagues. China has asset bubble and when it bursts, you will see how many cities are going to bankrupt

    • //However Capitalism has provided a chance and prosperity to average Indian.
      Had we remained in Socialist path, all these people might have written Group 1/2 exams and paying bribe//

      நீங்கள் ஆவரேஜ் இந்தியன் என்று சொல்றவங்க இந்திய மக்கள் தொகையில 10-15% கூட இருக்க மாட்டாங்கன்னு நெனைக்கறேன். குரூப் 1-2 எக்சாம் எழுதறுது, ஐடியில கொழிக்கறதுன்னு நீங்க பார்க்கறது எல்லாம் ஒரு சிறுபான்மைதாங்க.

      //When I think of it, I got a job without paying bribe or influencing with my caste.All because of Capitalism and influence of American/western clients//

      உங்களுக்கு வேலை கெடைச்சதாலேயே நாடு சுபிட்சமா இருக்குன்னு சொல்ல முடியுமா? நம்ம நாடுன்னா, உங்களுக்கும் உங்க வட்டத்துக்கும் வெளியிலயும் கோடிக்கணக்கான பேரு இருக்காங்களே? அவங்களப் பத்தியும் கொஞ்சம் யோசிச்சுப் பாருங்க.

  6. .

    ///எல்லாம் கணிணீ மயம்மாகிவிட்டது…
    எல்லாமே கணிணினா என்ன அர்த்தம் .. அதுல என்ன நெற்பயிரா வெளயும் …ஒரு மயுரும் வெளையாது கண்ணா.

    //இதன் வளர்ச்சி மற்ற தொழில்களை முழுங்கிவிடும்… பஸ் ஓட்ட… சவரம் செய்ய… விவசாய வேலை போன்ற குறைந்த கூலி வேலைகளுக்கு இன்னும் ஒரு முப்பது வருடம் கழித்து ஆள் கிடைக்காது….///
    ஏற்கனவே ஐ டி முக்கிட்டு இருக்கு .. எதுல இவரு வேற..

    //எல்லோரும் அவர்களுடைய பிள்ளைகளை ஜ.டி. கம்பெனிகளுக்கு வேலைக்கு அனுப்பினா மற்ற தொழில்களும், சங்கங்களும் நக்கிட்டு போக வேண்டியதுதான்//
    புரிஞ்சா சரி …

    //இந்த செவப்பு சட்டைகாரன் வேலையெல்லாம் அங்கே பளிக்காது.காது மேலேயே போட்டு வெளிய தூக்கி போடூவான்….///
    எல்லாம் நல்லபடியா நடந்தா இவனுக்கு வேலையே இல்ல தான் …ஆனா நீங்க எல்லாத்தையும் நக்கிட்டு போய்ட்டா உங்க நாக்க அறுத்து போடா அவன் தான் யா வருவான் …

    நன்றி ,
    செல்வகுமார்

  7. Why Indian is so happy to say that red shirt people will be thrown out by capitalists?How he is going to survive without buses and barbers?Only because of communist ideology,Vinavu writes such articles.The offshoot of capitalism and IT sector is selfishness.When these people come to roads only,they will realize.

    • //The offshoot of capitalism and IT sector is selfishness.When these people come to roads only,they will realize.//

      In IT sector, we dont make products. we provide service to western world companies.

      Nobody is dependent on our software.

      If we demand 8hrs work day, our pay masters will move on to some other country.When car companies can move from Korea to India,software companies can move very easily

      I hope you will understand the nature of work. We are not selfish but we dont have choice.

  8. உலகம் கொஞ்சம் கொஞ்சமாக அழிவை நோக்கி சென்று கொண்டிருக்கிறது.நவீனம் என்னும் மாயையிலிருந்து மக்கள் எப்பொழுது விடுபடுகிறார்களோ அப்பொழுதுதான் பூமி செழிக்கும்.ஆனால் மக்கள் அதை உணரும் தருணம் வரும்போது எல்லாம் கை மீறி போயிருக்கும்.

  9. உலகத்தை கொஞ்சம் கொஞ்சமாக அழித்துக்கொண்டிருக்கிறோம்.நவீனத்தின் பிடியிலிருந்து மக்கள் விலகினால்தான் வாழ்க்கை செழிக்கும்.ஆனால் அதை மக்கள் உணரும்போது உலகம் அழிந்து போயிருக்கும்.நாம் பிரித்துப்போட்ட ஃப்ளாட்டுகளில் பிணமாய் கிடப்போம்.

  10. Cities and states depends on single source of income will have to face this!

    முதலாளித்துவத்தின் சாதனை டெட்ராய்ட்
    கம்யுனிசத்தின் அளப்பரிய சாதனை ருசியப்பெரரசு…

    Detroit will rise again’ – Gardian

    • @மனிதன்
      டெட்ராய்டி மட்டும் இல்ல, ரஷ்யாவுமே முதலாளித்துவத்தின் அளப்பரிய சாதனை தான்! இத்தகைய அரும்பெரும் சாதனைகளின் பெருமையெல்லாம் அவங்களுக்கே (முதலாளித்துவத்துக்கே) கொடுத்திருங்க பாஸ்! நாங்க (கம்யூனிஸ்டுகள்) எப்பிடியோ பொழச்சு போறோம்..

  11. Thirupur already attamkana aramchuduchu.. just thinking of chennai hundai and etc.. next 15/30yrs target for capitalist is Africa/Philiphines etc.. not India at all..

  12. ஆடாத ஆட்டமெல்லாம் போட்டவங்க மண்ணுக்குள்ள போன கதை உனக்குத் தெரியுமா!!!!!!!!!!

  13. அழிவுகளின் மீது அற்ப சந்தோசத்தை விதைத்து ஆறுதல்களை அறுவடை செய்வது கம்யுனிசம்!!!
    அழிவுகளின் மீட்டெடுப்பில் அந்த சந்தோசம் கானல் நீராகிறது…

  14. கம்யுனிசம் என்றால், தனிமனித உரிமைகள், முக்கியமாக சொத்து குவிக்கும் உரிமை கட்டுப்படுத்தப்படும் என்பதே! 95 சதம் ஊழல்கள் ஒழிந்து விடும்! ஆனால் கடந்தகால ஸோவியத் ரஷிய படிப்பினைகளைகொண்டு , தன்னலம் இல்லாத தலைமை கிடைத்தால் , சிறந்த சொசியலிசம் மலர வாய்ப்பு உள்ளது!

    ஆனால் அப்போதும் அதிகாரவர்க்கமும், சிவப்புநாடா முறையும் மாற வாய்ப்பில்லை! பொதுமக்கள் மனிதாபிமானம் கொண்டவர்களாகவும், சாதி வெறி இல்லாமலும் இருந்தால் எல்லா இசமும் நன்றே!

  15. //தொழிலாளர்களின் உழைப்பு மலிவு விலையில் கிடைக்கும் வரையே முதலாளிகளின் கருணை தொழிலாளி மேல், அதே உழைப்பு வேறு இடத்தில் மலிவாக கிடைத்தால் அங்கே போய் விடும் முதலாளித்துவம். அது ஏற்கனேவே ஈT_ல் நடந்து கொண்டு இருக்கிறது. விரைவில் இங்கும் அந்த நிலை ஏற்படும்.//

    உண்மைதான் ஜீவா! மெத்தப்படித்தவர்கள் எப்படியொ பிழைத்து கொள்கிறார்கள்!ஆனால் இன்னொரு பக்கம் வெளியிலிருந்து வரும் முதலாளிகள் பெரும்பாலும் , உள்ளூர் கயவாளிகளுடன் சேர்ந்து அப்பாவிகளான உழைக்கும் மக்களை ஏமாற்றுகிறார்கள் ! (இந்தியாவுக்குள்ளேயே) புலம் பெயரும் கொத்தடிமைகள் மனிதாபிமானமின்றி, கொடுமைபடுத்தபடுகின்றனர்! எந்த சட்டமும் அவர்கள் உதவ முன்வரவில்லை! இருப்பிட வசதி, கழிப்பிட வசதி , மருத்துவ வசதி யில்லாமல் தொழிலாளர்களை கொண்டுவர இவர்களுக்கு யார் அனுமதியளிக்கிரார்கள் ? கடைசியில் , கடையை மூடி இவர்களை நட்டாற்றில் விட்டால், யார் பொருப்பேற்பது?

விவாதியுங்கள்

உங்கள் மறுமொழியை பதிவு செய்க
உங்கள் பெயரைப் பதிவு செய்க