தனியார் பள்ளிகளை அரசே ஏற்க வேண்டும் – சிதம்பரத்தில் பொதுக்கூட்டம் !

அனைவருக்கும் தரமான, இலவச கல்வி அரசு அளிக்க வேண்டும் என்பது மிகச் சரி. ஆனால், அதற்காக தனியார் பள்ளிகளை அரசுடைமையாக்க வேண்டும் என்பதை என்னால் ஏற்க முடியவில்லை.

அரசுப் பள்ளிகளில் 80% மாணவர்களும், தனியார் பள்ளிகளில் மற்றவரும் படிக்கின்றனர். இந்த 20% மாணவர்கள் அரசுப் பள்ளியில் இடம் கிடைக்காததால் இப்படி செய்யவில்லை. விரும்பிதான் தனியார் பள்ளிகளை நாடுகின்றனர். அரசுப் பள்ளிகள் மோசம், தனியார் பள்ளிகள் நல்லவை என்ற பிம்பம் பரவி விட்டது. சமீபத்தில், மும்பை நகரத்தில் தனியார் பள்ளிகள், மாநகராட்சி பள்ளி மாணர்வர்கள் இடையே நடந்த ஆய்வில் இருவரும் சம அளவு மோசமான நிலையில் இருப்பதாக கண்டறியப்பட்டது. தமிழகத்தில் இப்படி ஏதும் ஆய்வு நடந்தனவா என தெரியவில்லை. அரசுப் பள்ளிகள் உண்மையிலேயே மோசம் தானா, அல்லது அது மாயையா என அரசு முதலில் கண்டறிந்து அதை சரி செய்ய வேண்டும். ஒருவன் இலவசமாக ஒரு பொருளை தருகிறான். மற்றவன் அதிக விலை வைக்கிறான். எனினும் மக்கள் இரண்டாவது ஆசாமியிடமே செல்கின்றனர். அவனிடம் விலை குறைக்கும் படி போராட தயார். ஆனால், இலவச ஆசாமியிடம் செல்ல விருப்பமில்லை. இதென்ன கூத்து?

அரசுப் பள்ளிகள் தரம் உயர்த்தி, அவற்றின் மேலுள்ள மக்கள் நம்பிக்கையும் கூட்ட வேண்டும். தனியார் பள்ளிகள் தானாக வலுவிழந்துவிடும். நான் முன்பே ஒருமுறை எழுதி இருந்தேன். அரசுப் பள்ளிகள் என்னும் கோட்டின் நீளத்தை கூட்டினால் தனியார் பள்ளி என்னும் கோட்டின் நீளம் தானே சுருங்கி விடும். இதுவே சரியான வழி.