தன் வயிற்றில் பிறந்த பிள்ளைகளை வீட்டில் விட்டு, வளர்ப்புப் பிள்ளைகளோடு கழனி சென்றவள் வீடு திரும்பும் தருணம். படம்: அருள் முருகன்
***
இளமையில் தேடிய கேள்விகளுக்கு முதுமையிலும் விடைகிடைத்த பாடில்லை.
இடம்: பார்த்தசாரதி கோயில், திருவல்லிக்கேணி. படம்: கார்த்திக்.
***
சொட்டும் நீரில் பட்டுத் தெறிக்கிறது, டெல்டா சோகம்!
இடம்: திருவாரூர். படம்: கார்த்திக்.
***
நெருக்கடியை சந்தித்துவரும் பட்டாசுத் தொழில். அரசின் முன் வைத்த கோரிக்கைகள் நிறைவேறி ஆலை திறப்பது எப்போது? போராட்டக் களத்தில் கவலையுடன் காத்திருக்கும் முதியவர். படம்: மா.பேச்சிமுத்து
***
முதுமை .. வறுமை ..விவசாயி …!
படம்: கோபி நாராயணசாமி
***
கேலிகளும் நகைகளும் கேள்வியில்லை… வெற்றிகளும் தோல்விகளும் கவலையில்லை… வாழ்த்துதலும் போற்றுதலும் தேவையில்லை…
இகழ்வுக்கு இடமில்லை… இணக்கத்திற்கு தடையில்லை… இன்புற்று வாழும் இம் மழலைகளின் வாழ்வு கண்டு நாமும் மகிழ்ந்திருப்போமே… மகிழ்ந்திரு மானுடமே…
படம்: கோகுலன் கிருஷ்ணமூர்த்தி
***
அரக்க பறக்க வீட்டு வேலைகளை முடித்துவிட்டு, பொழுது புலரும் முன்னே தெருவை சுத்தம் செய்யக் கிளம்பும் தூய்மைப் பணியாளர்கள். உணவு இடைவேளையின் போதும்கூட சற்று களைப்பாற விடாமல் துரத்தும் ‘தாய்மை’ப் பணி.
இடம்: திருவண்ணாமலை, பேருந்து நிலையம். படம்: கலா
***
கைவிட்ட காவிரி… புரட்டிப் போட்ட கஜா… கேட்பாடற்ற அரசு… வறுமையும் வஞ்சமும் தஞ்சையை வாட்டினாலும் மனிதம் மறத்துப்போய்விடாது. குரங்கு என்ன சாதியென்று ஆராய்ச்சி நடைபெறும் நாட்டில், பசியோடு வாடும் குரங்கு குட்டிக்கும், சுமைதூக்கும் தொழிலாளிக்குமிடையேயான பாசப் ‘பிணைப்பின்’ சாட்சி!
இடம்: தஞ்சை, ரயிலடி. படம்: தமிழினி
***
தஞ்சை பெரிய கோவில் : கல்பாறை சுமந்து, சுமந்த பாறைச் சரிந்து, சந்ததியிழந்த ஆயிரமாயிரம் அடிமைகளின் உழைப்பில் நிமிர்ந்து நிற்கும் கோவில்!
இடம்: தஞ்சை பெரிய கோவில், மாலை 4 மணி. படம்: தமிழினி
கடல் நீரில் நீந்திக்களித்த மீன்கள் கண்ணாடிக் கூண்டுக்குள் அடைபட்டு காட்சிப் பொருளானது. மீனுக்கு கண்ணாடிக் கூண்டு! நமக்கு கையடக்க ஆண்ட்ராய்டு!
இடம்: கனடா. படம்: அன்பழகன் பாலா
♠ ♠ ♠ ♠
பைக்ல, பஸ்ல, ரோட்ல , வீட்ல, நைட்ல, சாப்பிடயில, ஸ்கூல்ல, காலேஜ்ல, பெட்ரூம்ல, பாத்ரூம்ல, பஸ்ஸ்டான்ட்ல, பால்கனில, படிக்கயில… அட., ஆண்ட்ராய்டு அடிமைகளா நாம்? கொஞ்சம் நிமிரு தல !
இடம்: திருச்சி. படங்கள்: பிரித்திவ்
சிங்கார சென்னை என பெருமைப் பேச மேம்பாலங்களும் மெட்ரோ ரயிலும். பரபரப்பான இயந்திர வாழ்க்கைக்கு மத்தியில் தள்ளாடிச் செல்லும் மாட்டுவண்டி.
இடம்: கிண்டி மேம்பாலம். படம்: தமிழன்பன்
காலை ஆறு மணிக்கு சாலையோரம் கண்ட அந்த மனிதன், அந்தி சாய்ந்த பின்னும் அயராமல் அமர்ந்திருந்தார். இந்த வறுமைக்கு யார் காரணம் இரவு பகல் பாராது உழைக்கும் இந்த மனிதனின் நிலைமைக்கு யார் காரணம்…?
இடம் ஆதம்பாக்கம், ரயில்வே மேம்பாலம். படம்: தமிழன்பன்
ஸ்ரீ ஸ்ரீ பெட்ரோல் துணை! கழுதபடத்த மாட்டி வச்சா காடு விளையுமா? கார்ப்பரேசன் வாட்டரிலே காரு ஓடுமா? எந்த சாமி பேர துணைன்னு போட்டாலும் பெட்ரோல் இல்லாட்டி வண்டி ஓடாதுங்கோ… பகுத்தறிவோம்!
இடம்: திருச்சி. படம்: சரவணன்
தெரு வெறிச்சோடிக் கிடந்தாலும், வாடிக்கையாளரின் வருகைக்காக நம்பிக்கையோடு காத்திருக்கும் நடைபாதை வியாபாரி.
இடம்: காக்கிநாடா, ஆந்திரா. படம்: வினவு களச்செய்தியாளர்
தீவுகளைப்போல் சேறும் சகதியும் சூழ்ந்திருக்க… கம்பு கழிகளை நட்டு பிளாஸ்டிக் கூரைகளைப் போர்த்தியிருக்கும் இவைகளெல்லாம் ஆந்திர தாழ்த்தப்பட்ட மக்களின் குடியிருப்புகள். மாடுகளின் நலன் காக்கும் மோடி அரசில் இந்தியாவின் மக்கள் குடியிருப்பு வாழ்க்கை இது!
இடம்: காக்கிநாடா, ஆந்திரா. படம்: வினவு களச்செய்தியாளர்
சதையைக் கிழித்து ஊடுருவி எலும்பைக் குடையும் மார்கழி மாத கடுங்குளிரில், உழைத்தக் களைப்பில் அயர்ந்துறங்கும் வீடற்ற நாடோடி கூலித் தொழிலாளர்கள்.
இடம்: விஜயவாடா, ரயில் நிலையம், ஆந்திரா. படம்: வினவு களச்செய்தியாளர்
ஆல்அவுட்டும், ஓடோமாசும் இல்லாது கடப்பதில்லை நம் இரவுகள். அன்றாடம் சந்திக்கும் வாழ்க்கைப் பிரச்சினைகளோடு, ஒப்பிடுகையில் குளிரும் கொசுக்கடியும் பொருட்டே இல்லை என்கிறாரோ, இந்த உழைப்பாளி? எவ்வளவுதான் உழைச்சாலும் வயிறும் மனமும் நிறைந்ததேயில்லை ஒரு நாளும்.
இடம்: விஜயவாடா, ஆந்திரா. படம்: வினவு களச்செய்தியாளர்
வாசகர் புகைப்படம் பகுதிக்கு புகைப்படம் அனுப்பும் வாசகர்கள், vinavu@gmail.com வினவு மின்னஞ்சல் அல்லது வினவு வாட்ஸ்அப் எண்ணுக்கு (91) 97100 82506 உடன் அனுப்புங்கள். கூடவே உங்களைப் பற்றிய விவரங்களையும் மறவாமல் அனுப்புங்கள்!
