டந்த ஒரு மாத காலமாக இஸ்ரேலின் அடக்குமுறைக்கு எதிரான பாலஸ்தீன மக்கள் போராட்டத்தின் தொடர்ச்சியாக காசாப் பகுதியில் இஸ்ரேலின் வான்வெளித் தாக்குதலால் குழந்தைகள் உட்பட 50-க்கும் மேற்பட்ட பாலஸ்தீன மக்கள் பலியாகியுள்ளனர். நூற்றுக்கணக்கில் படுகாயமடைந்துள்ளனர். இருத்தரப்பினருக்குமான வன்முறை என்று செய்திகள் பெரும்பாலும் கடந்துப் போகின்றன.

இஸ்ரேல் ஆக்கிரமிப்பு கிழக்கு ஜெருசலேத்திலுள்ள டமாஸ்கஸ் கேட் பிளாசா (Damascus Gate Plaza) புனித ரமலான் மாதத்தில் பத்தாயிரக்கணக்கான பாலஸ்தீன் முஸ்லிம்கள் ஒன்று கூடும் வழிபாட்டுத் தலமாகத் தொன்றுத்தொட்டு இருந்து வருகிறது.

படிக்க :
♦ அகண்ட பாரதத்தில் ஆக்சிஜன் இல்லை ! எரியூட்ட இடமுமில்லை ! ஜெய் ஸ்ரீ ராம் || படக்கட்டுரை
♦ அமெரிக்கப் போலீசின் நிறவெறி : தொடரும் கருப்பின மக்கள் படுகொலை || படக்கட்டுரை

ஏப்ரல் 16-ஆம் தேதி பல பத்தாயிரக்கணக்கான பாலஸ்தீனயர்கள் வழிபாட்டிற்காக வந்த நிலையில், பத்தாயிரம் பேர்களை தவிர மற்றவர்களை இஸ்ரேல் பாதுகாப்புப்படை வலுக்கட்டாயமாகத் திருப்பி அனுப்பியது.  ஒட்டுமொத்த சிக்கலும் நீருப்பூத்த நெருப்பாக ஏற்கனவே இருக்க, சமீபத்திய சிக்கலின் தோற்றுவாயாக இது இருக்கிறது.

ஆழ்ந்திருக்கும் பனிப்பாறையின் நுனி மட்டுமே சமீபத்திய சிக்கல். இஸ்லாமியர்களுக்கு அல்-அக்ஸா(Al-Aqsa) பள்ளிவாசல் மூன்றாவது புனிதத் தளம். அது வீற்றிருக்கும் கோவில் மலை (Temple Mount) யூதர்களுக்கு புனிதத் தளமாகக் கருதப் படுகிறது. பாலஸ்தீனியர்களை அல்-அக்ஸாவிலும், கோவில் மலையிலும் கூடுவதைத் தடுக்கும் இஸ்ரேலின் நோக்கத்திற்குப் பின்னே பாலஸ்தீன ஆக்கிரமிப்பும், யூதக் குடியேற்ற வரலாறும் இருக்கிறது.

வெறுமனே ஆபிராகிமிய சமயங்களுக்குள் நடக்கும் சமய சிக்கலாக இதைப் பார்க்க முடியாது. இஸ்ரேலுடனான சவுதிக் கூட்டணியின் சமரசமும், அதன் டாலர் பொருளாதாரமும் இதை மறுக்கின்றன.  இதற்குப் பின்னே, 100 ஆண்டுகால வரலாறு இருக்கிறது.

1920-1940 ஆண்டுகளில் ஐரோப்பிய நாடுகளில் இருந்தே யூதர்களின் வெளியேற்றமும், குறிப்பாக, இரண்டாம் உலகப்போர் காலக் கட்டத்தில் ஹிட்லரின் நாசி படைகள் நிழ்த்திய ஹோலோகாஸ்ட்டிலிருந்து தப்பிப் பிழைத்த யூதர்களுக்கான ஒரு நாடு தேவைக் கோரிக்கையும், தொடர்ச்சியாக 1948-க்கு பின்பு இஸ்ரேல் என்ற ஒரு நாட்டை பிரிட்டன் உருவாக்கியதும், மத்தியக் கிழக்கில் மேற்கத்திய வல்லரசுகளின் ஆதிக்கமும் பின்னனியில் இருக்கின்றன.

1967-ம் ஆண்டு அரபுப் போரில் பெற்ற வெற்றியின் தொடர்ச்சியாக ஜோர்டான் ஆற்றின் மேற்கு கரைப்பகுதியில் வீற்றிருக்கும் புனித தளமானப் பழைய ஜெருசலேத்தை இஸ்ரேல் ஆக்கிரமித்து அங்கு சட்டவிரோதமாக யூதக் குடியேற்றங்களை செய்து வருகிறது. கடந்த 5 ஆண்டுகளாக இஸ்ரேலின் கோரப் பிடியில் சிக்கி பாலஸ்தீனம் பாலைவனமாகிவிட்டது. பொருளாதார ரீதியில் பாலஸ்தீனயர்கள் வீழ்ந்து விட்டனர்.

நவீனத் தகவல் தொழில்நுட்பமும், கொலைகாரப் போர்க்கருவிகளும் புடை சூழ்ந்திருக்கும் இஸ்ரேலுக்கு முன்னே ஏதுமற்ற ஒடுக்கப்பட்ட மக்களின் ஒரே நம்பிக்கையாக அவர்களது போராட்டங்களை பாலஸ்தீனிய போராட்டக்குழு ஹமாஸ் முன்னெடுத்து வருகிறது. இஸ்ரேலின் ஆக்கிரமிப்பிற்கு எதிராக ஹமாஸின் இராக்கெட்டுகள் ஒரு சிறிய எதிர்வினை மட்டுமே.

பாலஸ்தீனியர்களின் வீரம் இராக்கெட்டுகளின் எண்ணிக்கையில் அல்ல.  ஒட்டுமொத்த உலகமும் புறக்கணித்து விட்ட நிலையில், ஒவ்வொரு வீழ்ச்சிக்கு பின்னரும்  மீண்டெழுந்துப் போராட்டங்களை முன்னெடுத்து வரும் அவர்களது எதிர்கால நம்பிக்கையில் மட்டுமே.

புகைப்படங்கள்

ஹமாஸின் இராக்கெட்டுகளுக்கு பதிலடிதான் இந்த தாக்குதல்கள் என்று இஸ்ரேல் கூறுகிறது. இதற்கு முன்பு, ஜெருசலேமின் அல்-அக்ஸா பள்ளிவாசலில் பாலஸ்தீனிய வழிபாட்டாளர்களுக்கு எதிரான வன்முறையை நிறுத்துமாறு இஸ்ரேலுக்கு ஹமாஸ் அமைப்பு எச்சரிக்கை விடுத்திருந்தது.

 

பாலஸ்தீனிய பகுதிகளான கான் யூனிஸ் (Khan Younis), அல்-புரேஜ் (al-Bureij) அகதிகள் முகாம் மற்றும் அல்-ஜைடவுன் (al-Zaitoun) சுற்றுப்புறங்களில் உள்ள இடங்களை இலக்காகக் கொண்டு இஸ்ரேலிய படைகள் செவ்வாய்க்கிழமை காலை வரை தொடர்ந்துக் குண்டுவீச்சு நடத்தின.

 

அல்-ஷாட்டி(al-Shat) அகதிகள் முகாமில் உள்ள ஒரு வீட்டை விடியற்காலையில் இஸ்ரேலிய போர் விமானம் தாக்கியதில் குறைந்தது மூன்று பேர் கொல்லப்பட்டனர்.

 

காசா நகரத்தின் மீது இஸ்ரேலிய விமானம் வான்வழித் தாக்குதல்களை நடத்திய பின்னர் அழிக்கப்பட்ட கட்டிடத்தின் இடிபாடுகளை மக்கள் பார்க்கின்றனர்.

 

இஸ்ரேலிய தாக்குதல்களில் இறந்தவர்களின் எண்ணிக்கை ஒன்பது குழந்தைகள் உட்பட 24 ஆக உயர்ந்துள்ளதாக காசா சுகாதார அமைச்சகம் தெரிவித்துள்ளது. குறைந்தது 106 பேர் காயமடைந்தனர். (சமீபத்திய தகவலின் படி 50 க்கும் மேற்பட்டவர்கள் பலி).

 

காசா, அல்-ஷதி(al-Shati) அகதிகள் முகாமில் இஸ்ரேலிய ஏவுகணையால் தாக்கப்பட்ட ஒரு குடியிருப்பு கட்டிடத்தின் கூரை இடிபாடுகளின் கீழ் தப்பியவர்களை  பாலஸ்தீனியர் ஒருவர் தேடுகிறார்.

 

இஸ்ரேலியப் படைகளால தாக்கப்பட்ட பின்னர் பகுதியளவு உடைந்துபோன குடியிருப்பு கட்டிடத்தின் இடிபாடுகளை ஒரு பாலஸ்தீனியர் ஆய்வு செய்கிறார்.

 

தெற்கு காசா பகுதியில் இஸ்ரேலிய வான்வழித் தாக்குதல்களால் ஏற்பட்ட தீப்பிழம்புகள் மற்றும் புகையின்  ஒரு காட்சி.

 

வடக்கு காசாவிலுள்ள பெயிட் லஹியா(Beit Lahiya) நகரில் நடந்த தாக்குதலைத் தொடர்ந்து காயமடைந்த சிறுவனுக்கு மருத்துவப்பணியாளர் ஒருவர் மருத்துவம் பார்க்கிறார்.

 

காசாவில் இஸ்ரேலிய போர் விமானங்கள் தாக்குதல்கள் தொடுத்தப்பிறகு தனது குழந்தையை எடுத்துக்கொண்டு ஒருவர் தப்பி ஓடுகிறார்.

வினவு செய்திப் பிரிவு
ஆறுமுகம்
செய்தி ஆதாரம் : Aljazeera

விவாதியுங்கள்

உங்கள் மறுமொழியை பதிவு செய்க
உங்கள் பெயரைப் பதிவு செய்க