Sunday, January 19, 2020
முகப்பு செய்தி இந்தியா மொத்த 20 IIM-களுக்கும் சேர்த்து வெறும் 11 தலித் பழங்குடியின ஆசிரியர்கள் மட்டுமே !

மொத்த 20 IIM-களுக்கும் சேர்த்து வெறும் 11 தலித் பழங்குடியின ஆசிரியர்கள் மட்டுமே !

அரசியலமைப்பு, சட்டம், நீதிமன்றம் என அனைத்துக்கும் மேலானவர்களாக ஐஐடி-கள், ஐஐஎம்-களை ஆக்கிரமித்துள்ளனர் பார்ப்பன - பனியாக்கள்.

-

ந்தியாவில் உள்ள 20 ஐ.ஐ.எம்-களில் 8-ல் மட்டுமே எஸ்.சி. / எஸ்.டி. ஆசிரியர்கள் பணி நியமனம் பெற்றுள்ளனர். அதிலும் 11 பேருக்கு மட்டுமே பணி வாய்ப்பு கிடைத்துள்ளது. மனிதவள மேம்பாட்டுத்துறை அமைச்சகம் அளித்துள்ள தரவுகளில் இருந்து இந்த விவரம் தெரியவந்துள்ளது.

ஐ.ஐ.எம். சட்டம் 2017-ன் படி, அனைத்து ஐ.ஐ.எம்-களும் மத்திய கல்வி நிறுவனங்களின் கீழ் வருபவை. மாணவர்கள் சேர்க்கையின்போது, சேர்க்கை ஒதுக்கீடு சட்டம் 2006-ன் படி இடஒதுக்கீடு அளிக்கப்பட வேண்டும். இச்சட்டத்தின் பிரிவு 3-ன் படி சேர்க்கையில் பழங்குடியினருக்கு 7.5 சதவீதம் இடஒதுக்கீடு வழங்க வேண்டும்.

2019-ம் ஆண்டில் ஐ.ஐ.எம்-களில் மொத்தமுள்ள 4,118 இடங்களில் 378 இடங்களில் மட்டும் பழங்குடியின மாணவர்கள் சேர்க்கை பெற்றுள்ளனர். அதாவது 9.17% மட்டுமே. அதுபோல, ஐ.ஐ.டி-களில் உள்ள 11,279 இடங்களில் 16% இடங்களில் மட்டுமே பழங்குடியின மாணவர்கள் சேர்க்கை பெற்றுள்ளனர்.

கடந்த செப்டெம்பர் மாதம் அலகாபாத் ஐ.ஐ.டி வெளியிட்ட பி.எச்டி படிப்புக்கான விண்ணப்ப அழைப்பில் எஸ்.சி., எஸ்.டி., ஓ.பி.சி. மாணவர்களுக்கான இடஒதுக்கீடு பற்றி குறிப்பிடவில்லை. இடஒதுக்கீடு சட்டம் 2006-ஐ தெளிவாக மீறியிருக்கிறது அலகாபாத் ஐஐடி.

ஆசிரியர் பணி இடங்களில் இடஒதுக்கீட்டு கொள்கையை சரியாக நடைமுறைப்படுத்துவது குறித்து நாடாளுமன்றக் குழு மனிதவள மேம்பாட்டு அமைச்சகத்தை வினவிய பின்னரே, அரசாங்கம் ஐஐடி, ஐஐஎம் உள்ளிட்ட மத்திய கல்வி நிறுவனங்களில் இடஒதுக்கீட்டை உறுதிபடுத்தியது.

படிக்க :
♦ மதுரையில் 102 – வது ரசிய சோசலிச புரட்சி நாள் விழா ! படங்கள் !
♦ “காலச்சுவடு” கீழடி கட்டுரைகளில் யாரை “அறிவிலிகள்” என்கிறார் பி.ஏ.கிருஷ்ணன் ? | பொ.வேல்சாமி

2019-ம் ஆண்டு மார்ச் மாதத்தில் நிறைவேற்றப்பட்ட ஒரு ஆணைப்படி, பட்டியலின சாதியினருக்கு 15%, பழங்குடியினருக்கு 7.5% இடஒதுக்கீடும் தரப்பட வேண்டும். அதைத் தவிர, ஓபிசி பிரிவினருக்கு 27%, பொருளாதாரத்தில் பின்தங்கிய பிரிவினருக்கு 10% இடஒதுக்கீடும் தரப்பட வேண்டும்.

இடஒதுக்கீடு நடைமுறைப்படுத்தப்பட வேண்டும் என வலியுறுத்தப்பட்ட போதும், அறிவியல் மற்றும் தொழிற்நுட்ப பதவிகளுக்கு இடஒதுக்கீட்டிலிருந்து விலக்கு அளிக்கும் 1975-ல் வெளியிடப்பட்ட ஆணையே பின்பற்றப்படுகிறது. ஆரம்ப காலத்திலிருந்து ஐஐஎம்-கள் இடஒதுக்கீடு வழங்குவதை மறுத்து வருகின்றன. ஒடுக்கப்பட்ட சமூகங்களைச் சேர்ந்தோர், பொது பிரிவில் இருந்தே பணியிடங்களுக்கு போட்டியிடுகின்றனர்.

எனவே, மனிதவள மேம்பாட்டுத் துறை அமைச்சகம் வெளியிட்ட தரவு ஐஐஎம் என்னும் உயர்சாதி கல்வி மடங்களில் உள்ள ஆசிரியர் பணியிடங்களில் பட்டியலின/ பழங்குடியின மக்களுக்கு வழங்கியிருக்கும் அநீதியை சுட்டிக்காட்டுகிறது.

1. அகமதாபாத் ஐஐஎம் – 0 பணியிடம்
2. கொல்கத்தா ஐஐஎம் – 0 பணியிடம்
3. பெங்களூரு ஐஐஎம் – 1 பணியிடம்
4. லக்னோ ஐஐஎம் – 1 பணியிடம்
5. இந்தூர் ஐஐஎம் – 0 பணியிடம்
6. கோழிக்கோடு ஐஐஎம் – 2 பணியிடங்கள்
7. சில்லாங் ஐஐஎம் – 2 பணியிடங்கள்
8. ரோத்தாக் ஐஐஎம் – 1 பணியிடம்
9. காசிபூர் ஐஐஎம் – 0 பணியிடம்
10. உதைப்பூர் ஐஐஎம் – 1 பணியிடம்
11. திருச்சிராப்பள்ளி ஐஐஎம் – 0 பணியிடம்
12. ராஞ்சி ஐஐஎம் – 0 பணியிடம்
13. விசாகப்பட்டினர் ஐஐஎம் – 0 பணியிடம்
14. சம்பல்பூர் ஐஐஎம் – 0 பணியிடம்
15. சிர்மாவூர் ஐஐஎம் – 1 பணியிடம்
16. புத்த கயா ஐஐஎம் – 0 பணியிடம்
17. நாக்பூர் ஐஐஎம் – 0 பணியிடம்
18. அம்ரித்சர் ஐஐஎம் – 0 பணியிடம்
19. ஜம்மு ஐஐஎம் – 2 இடங்கள்
20. ராய்பூர் ஐஐஎம் – 0 பணியிடம்

அரசியலமைப்பு, சட்டம், நீதிமன்றம் என அனைத்துக்கும் மேலானவர்களாக ஐஐடி-கள், ஐஐஎம்-களை ஆக்கிரமித்துள்ளனர் பார்ப்பன – பனியாக்கள்.

இரண்டாயிரம் ஆண்டுகால சாதியமைப்பு முறை, நவீன காலத்திலும் இந்த உயர்கல்விக்கூடங்களை ஆக்கிரமித்துள்ளது பெரும்பான்மை இந்தியர்களுக்கு இழுக்கு சேர்ப்பதாகும். பெரும்பான்மை இந்தியர்களை கும்பல் வன்முறையாளர்களாகவே வைத்திருக்க பார்ப்பன கும்பல் ஏன் விரும்புகிறது என்பதற்கான பதிலும் இதிலேதான் உள்ளது.

வினவு செய்திப் பிரிவு
அனிதா
நன்றி : சப்ரங் இந்தியா. 

விவாதியுங்கள்

உங்கள் மறுமொழியை பதிவு செய்க
உங்கள் பெயரைப் பதிவு செய்க