தோழர் சம்மனஸ் அவர்களுக்கு மக்கள் அதிகாரம் சிவப்பு அஞ்சலி செலுத்துகிறது

29.4.2022

தோழர் சம்மனஸ் அவர்களுக்கு மக்கள் அதிகாரம் சிவப்பு அஞ்சலி செலுத்துகிறது

நீண்ட நாட்களாக விவசாயிகள் விடுதலை முன்னணியின் ராஜபாளையம் பகுதியில் பொறுப்பாளராகவும், மக்கள் அதிகாரம் அமைப்பு தொடங்கிய பின் ராஜபாளையம் பகுதியில் மக்கள் அதிகாரம் அமைப்பின் ஒருங்கிணைப்பாளராகவும் செயல்பட்ட தோழர் சம்மனஸ் 27/04/2022 அன்று மாலை 5 மணி அளவில் மரணம் அடைந்தார்.

தோழர் சம்மனஸ் 30 ஆண்டுகளுக்கும் மேலாக மார்க்சிய லெனினிய சித்தாந்தத்தில் நம்பிக்கையுடனும் நக்சல்பாரி அரசியலை ஏற்றுக் கொண்டு புரட்சிகர அரசியலில் தன்னையும் தன் குடும்பத்தையும் இணைத்துக் கொண்டவர்.

பல்வேறு காலகட்டங்களில் மார்க்சிய லெனினிய சித்தாந்தத்தில் ஊசலாடிய பேர்வழிகள் அமைப்பை பிளவுபடுத்த எண்ணிய போதெல்லாம் தளராது நின்று விவசாயிகள் விடுதலை முன்னணியையும், அதன்பின் மக்கள் அதிகாரத்தையும் ராஜபாளையம் பகுதியில் கட்டிக்காத்த மூத்த தோழர். அவருடைய இழப்பு மக்கள் அதிகாரம் அமைப்புக்கு பேரிழப்பாகும்.

நம்மை விட்டு பிரிந்த அருமைத் தோழருக்கு மக்கள் அதிகாரம் அமைப்பின் சிவப்பஞ்லி!

தோழமையுடன்,
தோழர் வெற்றிவேல் செழியன்,
மாநிலச் செயலாளர்,
மக்கள் அதிகாரம்,
தமிழ்நாடு – புதுவை
9962366321.