23.07.2023
நீதிமன்றங்களில் அம்பேத்கர் படத்தை அகற்றும் சுற்றறிக்கையை
சென்னை உயர்நீதிமன்றம் உடனே திரும்ப பெற வேண்டும்!
பத்திரிகை செய்தி
ஆலந்தூர் நீதிமன்ற வளாகத்தில் கட்டப்பட்டுள்ள புதிய கட்டிடத்தில் வைக்கப்பட்டுள்ள அம்பேத்கர் படத்தை அகற்ற வேண்டும் என்றும் தமிழ்நாடு மற்றும் புதுச்சேரியில் அமைந்துள்ள அனைத்து நீதிமன்றங்களிலும் அம்பேத்கர் படத்தை வைக்கக்கூடாது என்பதற்காகவும் சென்னை உயர்நீதிமன்றத்தால் அனுப்பப்பட்டுள்ள சுற்றறிக்கையை மக்கள் அதிகாரம் கண்டிக்கிறது.
நீதிமன்ற உத்தரவை மீறுபவர்களின் மீது தமிழ்நாடு மற்றும் புதுச்சேரி பார்கவுன்சிலில் புகார் அளிக்கவும், அதன்மீது உரிய நடவடிக்கை எடுக்கவும் பார் கவுன்சிலுக்கு உயர்நீதிமன்றம் உத்தரவிட்டது அநீதியானதாகும். ஏற்கனவே தமிழ்நாடு மற்றும் புதுச்சேரியில் உள்ள பல நீதிமன்றங்களிலும் சட்டக் கல்லூரிகளிலும் அம்பேத்கரின் படங்கள் இடம் பெற்றுள்ளன. இந்த நிலையில் இப்படிப்பட்ட ஒரு சுற்றறிக்கையை சென்னை உயர்நீதிமன்றம் அனுப்பியது என்பது உள்நோக்கம் உடையதாகும். ஆகவே இந்த சுற்றறிக்கையை உடனே திரும்பப் பெறுவதற்கான அனைத்து நடவடிக்கையும் தமிழ்நாடு அரசு மேற்கொள்ள வேண்டும் என்று மக்கள் அதிகாரம் கேட்டுக்கொள்கிறது.
தோழமையுடன்
தோழர் சி. வெற்றிவேல் செழியன்,
மாநிலச் செயலாளர்,
மக்கள் அதிகாரம்,
தமிழ்நாடு – புதுவை.
9962366321
