இஸ்ரேலிய விமானத் தாக்குதல்களில் இருந்து தற்காத்துக்கொள்வதற்காக சுமார் 100,000 பேர் லெபனானில் இருந்து சிரியாவிற்கு தப்பிச் சென்றுள்ளதாக ஐ.நா அகதிகள் அமைப்பு (UNHCR) தெரிவித்துள்ளது.
“லெபனானில் இருந்து இஸ்ரேலிய வான்வழித் தாக்குதல்களில் இருந்து தப்பி சிரியாவிற்குள் நுழைந்தவர்களின் எண்ணிக்கை 100,000 ஐ எட்டியுள்ளது” என்று செப்டம்பர் 30 அன்று X தளத்தில் ஐ.நா அகதிகள் அமைப்பு (UNHCR) தலைவர் பிலிப்போ கிராண்டி தெரிவித்துள்ளார். கடந்த இரண்டு நாட்களில் எல்லையைக் கடக்கும் இடம்பெயர்ந்தவர்களின் எண்ணிக்கை இரண்டு மடங்காக அதிகரித்துள்ளது என ஐ.நா.வின் புள்ளிவிவரங்கள் தெரிவிக்கின்றன.
படிக்க : லெபனான், காசா மீதான இஸ்ரேலின் போருக்கு எதிராக உலகம் முழுவதும் போராட்டம் | புகைப்படக் கட்டுரை
செப்டம்பர் 23 அன்று, லெபனானை உள்ளடக்கிய இஸ்ரேலின் வான்வழித் தாக்குதல்களின் கவனம் காசாவிலிருந்து விரிவடைந்து, ஈரான் ஆதரவு பெற்ற ஹெஸ்பொல்லா ஆயுதக் குழுவை தாக்குவதாக கூறியது. லெபனானில் ஹிஸ்புல்லா மீதான தாக்குதல்களால் குழுவின் தலைவரான ஹசன் நஸ்ரல்லா செப்டம்பர் 27 அன்று கொல்லப்பட்டார்.
இஸ்ரேலின் வான்வெளி தாக்குதலால் கடந்த வாரத்தில் லெபனானில் 14 துணை மருத்துவர்கள் உட்பட 700-க்கும் மேற்பட்டவர்கள் கொல்லப்பட்டுள்ளதாக லெபனானின் பொது சுகாதார அமைச்சகம் தெரிவித்துள்ளது.
***
லெபனான் அகதிகள் சிரியாவிற்கும் லெபனானுக்கும் இடையிலான ஜூசியா எல்லைப்பகுதிக்கு வந்தடைந்தனர்
***
UNHCR-வின் கூற்று படி, போரினால் பாதிக்கப்பட்ட லெபனான் மக்கள் சிரியாவிற்கு இடம்பெயர்வது ஒரு வாரத்திற்கு முன்பு தொடங்கிவிட்டது.
***
Jdeidet Yabous எல்லையில் ஒரு சிரிய சிறுவன்.
***
UNHCR இன் படி, இஸ்ரேலிய தாக்குதல்களால் சிரியாவிற்கு தப்பிச் செல்லும் மக்களில் 80 சதவீதம் பேர் சிரிய நாட்டினர் மற்றும் 20 சதவீதம் பேர் லெபனானியர்கள்.
***
லெபனான் மக்கள், இஸ்ரேலிய குண்டுவீச்சிலிருந்து தப்பியோடி, சிரியாவின் Jdaidet Yabous இல் எல்லையை கடக்கும் போது.
***
லெபனானில் இருந்து இஸ்ரேலின் வான்வழித் தாக்குதல்களில் இருந்து தப்பி சிரியாவிற்குள் நுழைந்தவர்களின் எண்ணிக்கை 100,000 ஐ எட்டியுள்ளது.
***
லெபனானில் போரினால் இடம்பெயர்ந்த மக்கள் Jdeidet Yabous இல் உள்ள எல்லைக் கடவை வந்தடைந்தனர்.
***
சந்துரு
நன்றி : அல் ஜசீரா
