அக்டோபர் 7 தொடங்கிய பாலஸ்தீன மக்கள் மீதான இஸ்ரேலின் இனப்படுகொலை நடவடிக்கை இன்னமும் முடியவில்லை. கிட்டத்தட்ட 9,000 குழந்தைகள் உட்பட 22,000-க்கும் மேற்பட்ட பாலஸ்தீன மக்களைக் கொன்று குவித்தும் இஸ்ரேலின் இரத்த வெறி அடங்கவில்லை. “பாலஸ்தீனம்” என்ற சொல்லையே அழிக்க நினைக்கிறது இஸ்ரேல்.
காசா: 2023-ஆம் ஆண்டு துவக்கத்தில் இருந்த நிலையும் தற்போதைய நிலையும்.
மொத்தமாக அழிக்கப்பட்ட வடக்கு காசாவில் உள்ள பெயிட் லாகியா (Beit Lahiya) நகரம்.
பிணவறைகள் நிரம்பி வழிவதால் காசாவின் தெருக்களில் வைக்கப்பட்டுள்ள பாலஸ்தீன மக்களின் உடல்கள். பிணங்கள் அழுகுவதால் தொற்று நோய் ஏற்படுவதற்கான சூழல் உருவாகியுள்ளது.
இஸ்ரேலிய இராணுவம் பெண்களையும் குழந்தைகளையும் கொன்று குவிப்பதால் துயரம் தாங்க முடியாமல் கதறி அழும் பாலஸ்தீனப் பெண்.
இஸ்ரேலின் ஒடுக்குமுறைகள் ஒருபுறம் இருந்தாலும் அதற்கு எதிரான எதிர்ப்புகளும் மக்கள் மத்தியில் வலுவாக உள்ளது.
18 வயதைக் கடந்த இஸ்ரேலிய குடிமக்கள் அனைவரும் இராணுவத்தில் கட்டாயம் பணிபுரிய வேண்டும். பெண்கள் 2 ஆண்டுகளும், ஆண்கள் 2 வருடம் மற்றும் 8 மாதங்களும் பணிபுரிய வேண்டும். மறுப்பவர்களுக்கு சிறைத் தண்டனை விதிக்கப்படும். ஆனால் இஸ்ரேலிய இளைஞர்கள் சிலர் இராணுவத்தில் பணிபுரிய மறுத்து வருகின்றனர். அதற்காக அவர்கள் சிறை செல்லவும் தயாராக உள்ளனர்.
பாலஸ்தீன மக்களுக்கு ஆதரவாக கோடிக்கணக்கான மக்கள் உலகம் முழுவதிலும் வீதிகளில் இறங்கி தங்களது ஆதரவைப் பதிவுசெய்து வருகின்றனர்.
காணொளியை பாருங்கள்! பகிருங்கள்!!
சமூக வலைத்தளங்களில் வினவை பின்தொடருங்கள்:
WhatsApp, X (Twitter), Facebook, YouTube
