அல்-குத்ஸ் தினத்தன்று நடைபெற்ற பாலஸ்தீன ஆதரவு பேரணிகள்
அல்-குத்ஸ் தினம் பாலஸ்தீனத்திற்கான ஆதரவையும், தற்போதைய இஸ்ரேலிய ஆக்கிரமிப்பிற்கு எதிர்ப்பையும் வெளிப்படுத்தும் ஒரு சர்வதேச தினமாகும். ஈரான், மலேசியா, இந்தோனேசியா, ஈராக் மற்றும் லெபனான் போன்ற நாடுகளில் உள்ள மக்கள் பாலஸ்தீனத்திற்கு ஆதரவாக ஒன்று கூடினர்.
அல்-குத்ஸ் தினமான இன்று (05-04-2024) உலகெங்கிலும் உள்ள ஆயிரக்கணக்கான மக்கள் இனப்படுகொலை செய்யப்பட்டு வரும் பாலஸ்தீன மக்களுக்கு ஆதரவாக பேரணி நடத்தினர்.
பாலஸ்தீனத்திற்கு ஆதரவை தெரிவிக்கும் வகையில் ரம்ஜான் மாதத்தின் கடைசி வெள்ளியன்று உலக அளவில் கடைபிடிக்கப்படும் ஒற்றுமை நாள் தான் அல்-குத்ஸ் தினம்.
அல்-குத்ஸ் தினம் பாலஸ்தீனத்திற்கான ஆதரவையும், தற்போதைய இஸ்ரேலிய ஆக்கிரமிப்பிற்கு எதிர்ப்பையும் வெளிப்படுத்தும் ஒரு சர்வதேச தினமாகும். ஈரான், மலேசியா, இந்தோனேசியா, ஈராக் மற்றும் லெபனான் போன்ற நாடுகளில் உள்ள மக்கள் பாலஸ்தீனத்திற்கு ஆதரவாக ஒன்று கூடினர்.
வெள்ளிக்கிழமையான இன்று தொழுகைக்குப் பிறகு நடைபெற்ற பேரணிகளில் பாலஸ்தீனத்தை ஆதரிக்கும் பதாகைகளுடன் ஆண்கள், பெண்கள் மற்றும் குழந்தைகள் என பல தரப்பினரும் கலந்து கொண்டனர்.
பலர் தங்கள் கைகளில் “இஸ்ரேல் ஒழிக” என்று எழுதப்பட்ட பதாகைகளை வைத்திருந்தனர். மற்றவர்கள் அமெரிக்க மற்றும் இஸ்ரேலிய கொடிகளை தீயிட்டு எரித்தனர்.
இந்தோனேசியாவின் ஜகார்த்தாவில் உள்ள அமெரிக்க தூதரகத்திற்கு வெளியே அல்-குத்ஸ் தின பேரணியின் போது முழக்கங்களை எழுப்பிய மக்கள்.ஆயிரக்கணக்கான ஹவுதி ஆதரவாளர்கள் பாலஸ்தீன மக்களுடன் ஒற்றுமையுடன் இந்த நாளை நினைவுகூரும் பேரணியில் பங்கேற்றனர்.டமாஸ்கஸில் உள்ள யர்மூக் அகதிகள் முகாமில், குத்ஸ் தின நினைவுகளைக் குறிக்கும் இராணுவ அணிவகுப்பில் சிரிய அரசு சார்பு அணியைச் சேர்ந்த பாலஸ்தீனிய உறுப்பினர்கள் பங்கேற்றனர்.மத்திய காஷ்மீரின் புத்காம் மாவட்டத்தில் நடந்த அணிவகுப்பின் போது ஏராளமான காஷ்மீரி முஸ்லிம்கள் பாலஸ்தீனக் கொடிகளையும் பலகைகளையும் ஏந்திச் சென்றனர்.மலேசியாவின் கோலாலம்பூரில் நடைபெற்ற பேரணியின் போது, அமெரிக்க தூதரகத்தை நோக்கி பேரணியாக சென்ற மக்கள்.லெபனானின் பெய்ரூட்டில் உள்ள புர்ஜ் அல்-பரஜ்னேஹ் பாலஸ்தீனிய அகதிகள் முகாமில் அணிவகுப்பின் போது ஒரு பாலஸ்தீனியப் பெண் வெற்றியின் சின்னத்தை தனது கைவிரல்களால் சைகை செய்கிறார்.ஈராக்கின் பாக்தாத்தில் உள்ள அதாமியா மாவட்டத்தில் சன்னி முஸ்லிம்கள் அபு ஹனிஃபா மசூதிக்கு வெளியே அல்-குத்ஸ் தினத்தைக் குறிக்கும் பேரணியில் கலந்துகொண்டு காசாவிற்கு ஆதரவைக் தெரிவிக்கின்றனர்.பாக்கிஸ்தானின் பெஷாவரில் நடந்த ஆர்ப்பாட்டத்தின் போது, அமெரிக்க மற்றும் இஸ்ரேலிய கொடிகளின் மீது நிற்கும் மக்கள்.தென்னாப்பிரிக்காவின் கேப் டவுனில் நடந்த ஆர்ப்பாட்டத்தில், அமெரிக்க மற்றும் இஸ்ரேலிய கொடிகளின் மீது நடந்து சென்ற மக்கள்.
