Saturday, May 25, 2024
முகப்புஅரசியல்நடந்தது ரோட் ஷோவா? லாஸ்ட் ஷோவா?

நடந்தது ரோட் ஷோவா? லாஸ்ட் ஷோவா?

மோடியின் இந்த ரோட் ஷோ, அவரது பத்தாண்டுகால ஆட்சின் லாஸ்ட் ஷோ!

-

நடந்தது ரோட் ஷோவா? லாஸ்ட் ஷோவா?

 

டோரேமான்: நேற்று சென்னையில் பாசிச மோடியின் ரோட் ஷோ நடந்தது.

நோபீடா: பிரதமர் மோடி என்றல்லவா சொல்லவேண்டும்?

டோரேமான்: அவர் மொழியில் சொன்னால், அவரைப் பிரதமர் என்று சொல்வது தவறாகும்.

நோபீடா: ஏன்?

டோரேமான்: காலனியாதிக்க மனநிலையில் இருந்து வெளிவரவேண்டும் என்று சொல்றார். இந்திய அரசியல் சட்டங்கள் அனைத்தும் காலனியாதிக்கவாதிகள் உருவாக்கியது என்கிறார். எதை எடுத்தாலும் நேருவைக் கூப்பிடுகிறார். அப்படி இருக்கும் போது, பிரதமர் என்ற அடைமொழி இவருக்குப் பொருந்தாது அல்லவா?

இன்னொரு அர்த்தத்திலும் இவர் இந்த வார்த்தைக்குப் பொருத்தமானவர் அல்ல.

நோபீடா: எப்படி?

டோரேமான்: பிரதமர் என்றால் நாடாளுமன்றக் கூட்டத்தில் பங்கேற்க வேண்டும், பத்திரிகையாளர்கள் கேட்கும் கேள்விகளுக்கும் எதிர்க்கட்சிகள் கேட்க்கும் கேள்விகளுக்கும் பதிலளிக்க வேண்டும். இவருக்கு அந்த அளவிற்கு தைரியம் கிடையாது என்பது மட்டுமல்ல, இவர் பிரதமருக்குரிய இந்த மரபையும் மதிக்காதவர். பிறகு இவரைப் பிரதமர் என்று எப்படி அழைப்பது?

நோபீடா: இதுசரிதான். ஆனால், பாசிச மோடினு சொல்றது சரியா?

டோரேமான்: மாட்டுக்கறி வச்சிருக்கான்னு சொல்லி, அக்லக்கை அடிச்சே கொன்னானுங்க, தலித் இளைஞர்களை கட்டிவைச்சி அடிச்சாங்க, மணிப்பூரை எரிச்சானுங்க, பெண்களை நிர்வாணமா இழுத்துக்கிட்டு போனாங்க, மல்யுத்த வீரர்களை மானபங்கப்படுத்துனானுங்க… இந்த ரவுடி கும்பலுக்கெல்லாம் தலைமைதான் பா.ஜ.க. அதன் தலைவருதான், மோடி.

அம்பானி சொத்து வளருது, அதானி சொத்து வளருது. பணமதிப்பிழக்க நடவடிக்கைனு சொல்லி பேங்க் வாசல்ல கியூல நிக்கவச்சே சாகடிச்சாரு. கொரானா ஊரடங்குனு சொல்லி பல ஆயிரம் பேர நடக்கவச்சே சாகடிச்சாரு. கொரானாவுக்கு மருந்து இல்ல, இலட்சக்கணக்கில் ஆக்ஸிஜன் கொடுக்காமலேயே கொலை செஞ்சாரு, ஜி.எஸ்.டி.னு சொல்லி சிறுதொழில ஒழிச்சானுங்க, இப்படி டிஜிட்டல் இந்தியானு சொல்லி எல்லா தொழிலையும் ஒழிக்கிறானுங்க… இதையெல்லாம் இவரு ஆட்சியின் வெற்றிகளாம்.

அதனாலதான் இவரு பாசிஸ்ட்!


படிக்க: அம்பானி வீட்டு திருமணம்: “சுற்றுலா விபச்சாரம்” மோடியின் புதிய இந்தியா


000

நோபீடா: சரி. இந்த ஆராய்ச்சியெல்லாம் அப்புறம் வைத்துக் கொள்வோம், நேத்து ரோட் ஷோ வெற்றிதானே?

டோரேமான்: விளையாட்டில் வெற்றி தோல்வியை இறுதிவரை சொல்லமுடியாது. ஆனால், அரசியலில் அப்படியல்ல.

வெற்றியில் தொடங்கி வெற்றியிலேயே முடிவதும் உண்டு, வெற்றியில் தொடங்கி தோல்வியில் முடிவதும் உண்டு. ஆனால், இது தோல்வியில் தொடங்கி, தோல்வியில் முடியும் காட்சி.

வடநாட்டு ஊடகங்களும், தந்தி டிவி, பாலிமர் நியூஸ் டிவி போன்ற தமிழ்நாட்டு சங்கி ஊடகங்களும் மாபெரும் ரோட் ஷோ என்று வர்ணிக்கின்றன. சில பார்ப்பனர்களை அழைத்துப் பேட்டி கேட்டு வெளியிடுகின்றன.

மாமிகள் பலரை முன்வரிசையில் நிற்க வைத்து, பூக்களைக் கொடுத்து மோடி ரோட் ஷோவின் போது வீதியில் வீச வைக்கின்றது பார்ப்பன கூட்டம்.

கட்சித் தலைவர்கள் கூலிக்கு ஆள்வைத்து செய்வதை, மாமிகளை வைத்து ஓசியில் செய்ய வைத்ததுதான் பார்ப்பன யுக்தி. இதனைத்தாண்டி இரண்டுக்கும் எந்த வேறுபாடும் இல்லை.

நோபீடா: கூட்டம் சேர்ந்துச்சா இல்லையா? அதை சொல்லுங்க.

டோரேமான்: இது என்ன கூட்டம், சில்க் சுமிதாவை காட்டுறாங்கனு சொன்னதும், “மார்க் ஆண்டனி”க்குக் கூடாத கூட்டமா. நமிதாவைக் கூட்டிவந்து கூட்டம் காட்டுறவனுங்க இந்த பா.ஜ.க. காரனுங்க.

நோபீடா: நீங்க, அதுக்குன்னு ரொம்ப மட்டம் தட்டுறீங்க.

டோரேமான்: இருக்கிறததானே சொன்ன.
ஒரு நாட்டோட பிரதமர் வருகிறார், ஆனா, அந்த மரியாத தமிழ்நாட்டு மக்களுக்குத் தெரியல.

நோபீடா: கூட்டம் வந்ததா, இல்லையா?

டோரேமான்: சுத்தமா, ஒரு அஞ்சாயிரம் பேர் இருப்பாங்களா, அதுவும் ரோட் ஷோவோட கூடவே நடந்து வருது ஒரு கூட்டம் மிச்சமீதி மாமிகள். மயிலாப்பூர், மாம்பலம், தி.நகர் மாமிகள் இவ்வளவுதான். இதற்கு மேல டிவியில நீ பார்த்ததெல்லாம் எல்லாம் விடியோ செட்டப்பு.

நோபீடா: பெரிய ரோட் ஷோனும் சொல்றாங்க?

டோரேமான்: ரோட் பெருசுதான், ஷோவும் பெருசுதான். ஆனால், கூட்டம் எல்லாம் ரொம்ப கம்மி.


படிக்க: ஊழல்வாதிகளை சலவை செய்யும் மோடி வாஷிங் மெஷின்


000

டோரேமான்: சரி, இதையெல்லாம் பிறகு பார்ப்போம்.
எதுக்கு தமிழ்நாடே கதினு, இங்கேயே சுத்தராரு? மழைவெள்ளம் வந்துச்சி, திரும்பிப் பார்த்தாரா? தமிழ்நாட்டு மக்களுக்கு பாதிப்புன்னா ஏதாச்சும் கேட்குறாரா? இவரையெல்லாம் பிரதமர்னு மக்கள் மதிப்பாங்களா?

இவர் இலட்சக்கணக்குல செலவு செஞ்சு கோட் சூட் போட்டு ரோட் ஷோ காட்டுறத தன்மானமுள்ள மக்களால பார்க்கமுடியுமா? இது வக்கிரம் இல்லையா?

ராமர் கோவில்ங்கிற பேருல, ஆன்மிக சுற்றுலா; வெட் இன் இந்தியா என்ற பெயரில திருமண சுற்றுலா; அப்புறம் மருத்துவச் சுற்றுலா… இப்படி நாட்டையே சுற்றுலா தளமாக்கி, வெளிநாட்டு ஊதாரிகளை கவர்வதற்கு பேரு என்ன? இதுதான் புதிய இந்தியாவா, புரோக்கர் வேலைதான் தேச முன்னேற்றமா?

இதுமாதிரிதான் இந்த ரோட் ஷோவும் இருக்கு.


படிக்க: கருப்பை இல்லாத பீட் மாவட்ட பெண்கள்: இதுதான் மோடியின் இந்தியா


000

டோரேமான்: மோடியின் பத்தாண்டுகால ஆட்சியால் நாடு முழுவதும் மோடி எதிர்ப்பலை ஓங்கியிருக்கு. டெல்லியை முற்றுகையிட்டு விவாசாயிகள் நிற்கிறார்கள். குறைந்தபட்ச ஆதாரவிலையைச் சட்டமாக்கு என்கின்றனர்.

லடாக் மக்கள் போராட்டத்தில் குதித்துள்ளனர். பழங்குடியின மாநிலமாக அறிவி என்று கேட்கின்றனர். மராத்தாவினர் இட ஒதுக்கீடு கேட்டு மஹாராஷ்டிராவில் முற்றுகையிட்டுள்ளனர்.

இது, கோ பேக் மோடினு மூத்திர சந்தில் விரட்டிய தமிழ்நாடு.

தோல்வி பயத்தில் இருக்கும் ஆர்.எஸ்.எஸ்.-பா.ஜ.க. கும்பல், தமிழ்நாட்டில் கால் பதிக்க நினைக்கிறது என்று பலரும் கருதுகின்றனர். இது உண்மயல்ல.

இவர்களுக்கு இருப்பது, சூதாட்ட மனநிலை. தோற்றுக்கிட்டே இருந்தாலும் பெட்டு கட்டனும்னு தோனும். அதுமாதிரி, தமிழ்நாட்டை வெல்லனுங்கிற மோடி-அண்ணாமலை மைண்ட் செட், தோல்வியடைந்தவர்களின் நப்பாசை!

ஆகையால், மோடியின் இந்த ரோட் ஷோ, அவரது பத்தாண்டுகால ஆட்சின் லாஸ்ட் ஷோ!


வினவு செய்திப்பிரிவு

சமூக வலைத்தளங்களில் வினவை பின்தொடருங்கள்:
WhatsApp, X (Twitter), Facebook, YouTube



விவாதியுங்கள்

உங்கள் மறுமொழியை பதிவு செய்க
உங்கள் பெயரைப் பதிவு செய்க