ஹிட்லரின் நாஜிசம்
வீழ்த்தப்பட்டது..
இரண்டு கோடி மக்களின்
உயிர்த் தியாகத்தால்!
முசோலினி பாசிசம்
முறியடிக்கப்பட்டது..
மக்கள் போராட்டத்தால்!
மீண்டும் முளைக்கிறது
பாசிசம்..
பாசிசப் பாம்புகள்
ஊர்ந்த தடங்கள்
அழிக்கப்படாதவரை..
மூலதனத்தில் முளைத்த
பாசிசத்தின் வேர் தேடி அறுத்தெறியப்படாதவரை..
சனாதனத்தின்
சங்கைப் பிடித்து
அதன் உயிர்மூச்சை நிறுத்தாதவரை..
பாசிசம் வளர
கொடை கொடுத்த
சக்கரவர்த்திகளின் கருவூலங்கள்
கைப்பற்றப்படாதவரை..
காலுடைந்த
ஜனநாயக ஏணியின்
மீதேறி..
மீண்டும் நுழையும்
பாசிசப் பாம்பு!
இதோ!
பாசிசத்தை வீழ்த்தும் ஆயுதம்
கண்டெடுக்கப்படுகிறது..
போராட்டக் களத்தில்!
மக்கள் போராட்டங்களே
பாசிச இருள் கிழிக்கும்
தீப்பந்தங்கள்..!
எரியும் சுடரென
எழுவோம்!
பாசிசத்தை கொளுத்துவோம்!
ரஞ்சித்
சமூக வலைத்தளங்களில் வினவை பின்தொடருங்கள்:
WhatsApp, X (Twitter), Facebook, YouTube
