மருத்துவர்கள் போராட்டம் வெல்லட்டும்! | கவிதை

போராட்டம் வெல்லட்டும்!

மருத்துவ மாணவி
பாலியல் வன்கொடுமை
செய்து கொலை..
இது செய்தி அல்ல..
நாட்டையே உலுக்கிய
அதிகார வர்க்கத்தின்
கொடூர அநீதி..

எங்களுக்கு பாதுகாப்பென்று நினைத்த
மருத்துவமனை
இன்று அஞ்சி
நடுங்கக் கூடிய
நரகத்தினைப் போன்றுள்ளது…

போராட்டம் என்னும்
அணையா நெருப்பு
மருத்துவ மாணவிகள் மனதில்
கொழுந்து விட்டெரிகிறது..

காட்டுத்தீயாய் பரவும்
மாணவர் போராட்டத்தால்
அஞ்சி நடுங்கும்
அதிகார வர்க்கம்..

கொடிய மிருகங்களை
கூண்டில் அடைக்கும் வரை
ஓயாது போராட்டம்..

நீதி கிடைக்கும் வரை
நிற்கப் போவதில்லை
போராட்டம்
நாடு எங்கும்
மருத்துவர்கள்
வேலை நிறுத்தம்..

அதிகார வர்க்கமே,
எங்களின் போராட்டம்
சிறு துளி அல்ல..
கைகளை, தடிகளை
வைத்து தடுப்பதற்கு…
பொங்கிப் பெருகும்
பெரு வெள்ளத்தினைப் போன்றது..
அணையையும் உடைத்துவிடும்…

மக்களின் உயிரைக்
காக்கும்
மருத்துவர்களின்
உரிமைப் போராட்டம் வெல்லட்டும்..

இனியன்

சமூக வலைத்தளங்களில் வினவை பின்தொடருங்கள்:
WhatsApp, X (Twitter), Facebook, YouTube