கடந்த ஜூலை மாதத்தில் அசாமின் போடோலாந்து பிராந்தியத்தில் முஸ்லிம்கள் மற்றும் பழங்குடியினர் 78 பேர் கொல்லப்பட்டு, ஏறத்தாழ 400 கிராமங்கள் தீக்கிரையாக்கப்பட்டு, 4 இலட்சம் போடோ அல்லாத பழங்குடி மக்களும் முஸ்லிம்களும் வெளியேற்றப்பட்டுள்ளனர். போடோ அல்லாத மக்கள் மீது, குறிப்பாக முஸ்லிம்களைக் குறிவைத்து போடோக்கள் நடத்திய இந்தப் பயங்கரவாத வெறியாட்டமும் அட்டூழியங்களும் கேள்விமுறையின்றித் தொடர்ந்த போதிலும், அசாம் அரசு எந்த நடவடிக்கையும் எடுக்கவில்லை.
இதன் எதிர்விளைவுகள் கடுமையாக இருக்கும், உயிருக்கே ஆபத்து ஏற்படும் என்ற அச்சத்தால், தென்மாநிலங்களுக்குப் பிழைப்புத்தேடி வந்துள்ள தங்களது உறவினர்களை ஊருக்குத் திரும்பிவிடுமாறு அசாமியர்கள் அழைத்துள்ளனர். அதையொட்டி, வடகிழக்கிந்திய மாநிலத்தவர் அனைவரும் தாக்கப்படக்கூடும் என்ற அச்சமும் பீதியும் கைபேசி குறுந்தகவல்களாகப் பரப்பப்பட்டு, கர்நாடகம், தமிழகம் உள்ளிட்ட தென் மாநிலங்களிலிருந்து வடகிழக்கிந்திய மாநிலத்தவர் கடந்த ஆகஸ்ட் மாதத்தில் பல்லாயிரக்கணக்கில் வெளியேறியுள்ளனர்.
அசாமின் போடோ சுயாட்சி கவுன்சில் பிராந்திய மக்கள் தொகையில் போடோ இனக்குழுவினர் மூன்றிலொரு பங்கினராக உள்ளனர். பாரம்பரியமாக வாழ்ந்துவரும் முஸ்லிம்கள் மூன்றிலொரு பங்கினராகவும், போடோ அல்லாத அசாமியர்கள், கூலித் தொழிலாளர்களாக பீகார், உ.பி. மாநிலங்களிலிருந்து குடியேறிய சந்தால், முண்டா முதலான பழங்குடியினர் மூன்றிலொரு பங்கினராகவும் உள்ளனர். இவர்கள் தவிர, வங்கதேசப் போரின் போது அகதிகளாகக் குடியேறிய வங்கதேச முஸ்லிம்களும் கணிசமாக உள்ளனர்.
ஆனால், தமது சமூகம் முன்னேறாததற்கு அகதிகளாக ஊடுருவியுள்ள வங்கதேச முஸ்லிம்களே காரணம் என்றும், முஸ்லிம்களும் இதரப் பழங்குடியினரும் நதிக்கரை, காட்டுநிலங்களை ஆக்கிரமிப்பதாகவும் வெறியூட்டப்பட்ட போடோக்கள் 90களிலிருந்து அடுத்தடுத்து போடோ அல்லாதவர்கள் மீது கொடிய தாக்குதல்களை நடத்தி வருகின்றனர். பல ஆண்டுகளாக நீடித்த வடகிழக்கிந்திய தேசிய இனங்களின் போராட்டங்களைப் பழங்குடி இனரீதியில் பிளவுபடுத்தி மோதவிட்டு இரத்தம் குடிப்பது காங்கிரசின் அரசியல் நரித்தனம்; அந்த வகையில் அனைத்து அசாம் மக்களின், அனைத்து அசாம் மாணவர்களின் போராட்டத்துக்கு எதிராக போடோக்களை ஆயுதபாணியாக்கி, இனவெறிக் குழுக்களை உருவாக்கியதே காங்கிரசு அரசின் உளவுப்படையான “ரா” தான்.
இதுவரை சிதறிக்கிடந்த அசாமிலுள்ள முஸ்லிம்கள் இப்போது தனிக் கட்சியாக வளர்ந்துள்ளதால், முன்போல அவர்களை வளைத்து ஓட்டு வங்கியாகப் பயன்படுத்திக் கொள்ள காங்கிரசால் முடிவதில்லை. எனவே, பா.ஜ.க. வழியில் முஸ்லிம் அல்லாதோரின் ஓட்டுக்களைக் கைப்பற்றும் நோக்கத்துடன், அசாம் காங்கிரசு இப்போது போடோக்களுடன் புதிய கூட்டணி கட்டிக் கொண்டு அரவணைத்துச் செல்கிறது. போடோ இனவெறிக் குழுக்கள் இந்த நிலைமையைப் பயன்படுத்திக் கொண்டு முஸ்லிம்கள் மீதும் பிற பழங்குடியினர் மீதும் தற்போதைய பயங்கரவாதத் தாக்குதலை நடத்தியுள்ளன.
போடோ இனவெறிக் குழுக்களின் பயங்கரவாதத் தாக்குதல் அட்டூழியங்களுக்குத் தமது கண்டனத்தைத் தெரிவிக்கும் வகையில் மும்பையில் முஸ்லிம்கள் பேரணி நடத்தியபோது, போலீசைக் குவித்து அச்சுறுத்தியதால், அக்கெடுபிடிகளை எதிர்த்து சில முஸ்லிம் இளைஞர்கள் போலீசு வாகனங்களைச் சேதப்படுத்தி எரித்தனர். இதைச் சாக்கிட்டு போலீசு நடத்திய துப்பாக்கிச் சூட்டில் இருவர் கொல்லப்பட்டனர். அதைத் தொடர்ந்து, போலீசுக்குப் பாதுகாப்பில்லை, மும்பையில் குடியேறியுள்ள முஸ்லிம்கள்தான் வன்முறைக்குக் காரணம் என்று அவதூறு பரப்பி, இந்துவெறிஇனவெறி பாசிஸ்டான ராஜ்தாக்கரே திடீர் பேரணி நடத்தினார். அத்வானியோ, வங்கதேச முஸ்லிம்களின் ஊடுருவல்தான் போடோலாந்தில் நடந்துள்ள வன்முறைத் தாக்குதலுக்கு முதன்மைக் காரணம் என்கிறார்.
அசாமில் நடந்துள்ள இந்த பயங்கரவாதத் தாக்குதலை, பா.ஜ.க. ஆர்.எஸ்.எஸ். கும்பலும் ராஜ்தாக்கரேவும் நாடு தழுவிய விவகாரமாக்கி, அனைத்து இஸ்லாமியருக்கும் எதிராகத் திருப்பிவிட்டுத் தமது நோக்கங்களை நிறைவேற்றிக் கொள்ளத் துடிக்கின்றன. இந்து ஓட்டுக்களை இழந்துவிடாதிருக்க காங்கிரசு அரசு இச்சக்திகளை அனுசரித்துப் போகிறது. அசாம் விவகாரத்தைத் தமது அரசியல் நோக்கங்களுக்குச் சாதுரியமாகப் பயன்படுத்திக் கொண்டு, நாட்டு மக்களை இனக்குழு அடிப்படையிலும் மதவாத அடிப்படையிலும் பிளவுபடுத்தி மோதவிட்டு , அரசு பயங்கரவாதத்தை ஏவி ஒடுக்க இந்துவெறியர்களும் காங்கிரசும் போட்டி போடுவதையே இந்நிகழ்வுகள் எடுத்துக் காட்டுகின்றன.
_______________________________________________
– புதிய ஜனநாயகம், செப்டம்பர் – 2012.
_____________________________________________________
வினவுடன் இணையுங்கள்
- வினவின் பதிவுகளை மின்னஞ்சலில் பெற…
- பேஸ்புக்கில் வினவு
- வினவை டிவிட்டரில் தொடர்க
- கூகிள் +’ஸில் வினவை தொடர
- உங்கள் கேள்விகள் இங்கே…
தொடர்புடைய பதிவுகள்:
Vinavu, this article clearly shows that you are not ready to learn anything from the facts. Now you are blaming the tribes as the other party was simply standing like Buddha… Really, don’t you feel shame?
Whether your religion people or other religion people, pain is same feeling, blood is in red color and they all have relatives and some dreams.
So, just to do support or give evidence to your bad mentality, don’t blame the tribes.
muslim perumbaanmaiyaa irukkum oru idathil vinavu ponra sagotharargal ondru muslimaaga maatrappaduvaargal alladhu kollappaduvaargal….vinavukku idhu endru puriya pogiradho….
பிரித்தானிய இந்தியாவின் ஆட்சிப்பகுதியாக கிழக்கு வங்காளமும், அசாமும் மாறிய திலிருந்தே போரோலாந்துக்குள் அணியணியான வங்காளிகளின் குடியேற்றம் தொடங்கிவிட்டது.
இதுகுறித்து 1931இல் மக்கள் தொகைக் கணக்கெடுப்பிற்குப் பொறுப்பாக இருந்த கண்காணிப்பாளர் சி.எஸ்.முல்லான் பிரித்தானிய அரசுக்கு அளித்த அறிக்கை கீழ்வருமாறு எச்சரித்தது.
“இந்த மாகாணத்தில் கடந்த 25 ஆண்டுகளில் நடந்துள்ள மிகமுகாமையான நிகழ்வு என்னவென்றால் அசாமிற்குள் நிகழ்ந்த வங்காளிகளின் குடியேற்றம்தான். என்பதை அழுத்திக் கூற விரும்புகிறேன். இது அசாமின் ஒட்டுமொத்த எதிர்காலத்தை மாற்றிவிடும்; அழிவுப்பாதைக்கு இட்டுச்செல்லும் என அஞ்சுகிறேன். கிழக்கு வங்காளத்தில் இருந்து எறும்புகளின் அணி வகுப்பு போல் வங்காளிகள் குறிப்பாக வங்காளி முஸ்லீம்கள் நிலப்பசியோடு தொகை தொகையாகக் குடியேறி வரு கிறார்கள். போரோக்களிடமிருந்தும், அசாமியர்களிடமிருந்தும் நிலங்களை இந்த வங்காளிகள் கைப்பற்றுகிறார்கள். அசாமியர்களின் பண்பாடு, நாகரிகம், வாழ்வுமுறை ஆகிய அனைத்திலும் இவர்களின் ஆக்கிரமிப்பு பெரும் குலைவை ஏற்படுத்திவிடும். கடந்த 25 ஆண்டுகளில் மட்டும் இவ்வாறு அசாம் பள்ளத்தாக்கில் குடியேறியுள்ள வங்காளிகளின் எண்ணிக்கை 5 இலட்சம் ஆகும். பள்ளத்தாக்கில் நிலவும் இனச் சமநிலைக்கு இது அச்சுறுத்தலாக அமைந்துவிடும்” என்று சி.எஸ்.முல்லான் எச்சரித்தார்.
இவ்வாறு இவர் குறிப்பிடும் போது அசாமின் மொத்த மக்கள் தொகை 55.61 இலட்சம் ஆகும். 1931இல் சி.எஸ்.முல்லான் அச்சம் தெரிவித்தது போலவே அடுத்தடுத்த ஆண்டுகளில் அசாமில் நிகழ்வுகள் தொடர்ந்தன.
1947-இல் இந்தியா – பாகிஸ்தான் பிரிப்பை ஒட்டி மிகப்பெரும் மதக்கலவரம் மூண்டது. அப்போது பெருந்தொகையான வங்காளி இந்துக்கள் கிழக்கு வங்காளத்தி லிருந்து அலையலையாக அசாமுக்குள்ளும், திரிபுரா, மேற்கு வங்காளம் ஆகிய பகுதிகளிலும் குடியேறினர். அசாமுக்குள் நுழைந்த வங்காளிகள் பெரும் எண்ணிக்கையில் போரோலாந்து பகுதியிலும் குடியேறினர்.
வங்காள தேச விடுதலைப் போரை ஒட்டி 1971இல் அகதிகளாக அசாமுக்குள் நுழைந்த வங்காளிகளில் பெருபகுதியினர் அசாமிலேயே தங்கிவிட்டனர். இந்தியாவின் துணையோடு வங்காளதேசம் விடுதலை அடைந்த பின்னும் வங்காளிகள் தங்கள் நாட்டுக்குத் திரும்பவில்லை. இந்தியாவும் அதற்குறிய முயற்சி செய்யவில்லை.
இதன்விளைவாகவே வங்காளிகளின் ஆக்கிரமிப்புக்கு எதிராக “வெளியாரை வெளியேற்றுவோம்” என்ற முழக்கம் அசாமில் எழுந்தது. அனைத்து அசாம் மாணவர் சங்கம் வெளியாரை வெளியேற்றும் போராட்டத்தை முன்னின்று நடத்தியது.
வெளியார் ஆக்கிரமிப்புக்கு எதிராக உலக வரலாற்றில் நடைபெற்ற மிகமுக்கியமான தேசியத் தாயக பாதுகாப்புப் போராட்டமாக அசாம் போராட்டம் வரலாற்றில் குறிக்கப் பட்டது. 1985 இல் அனைத்து அசாம் மாணவர் சங்க தலைவர்களுக்கும் அன்றைய பிரதமர் இராஜீவ் காந்திக்கும் இடையில் ஏற்பட்ட ஒப்பந்தத்திற்குப் பிறகு அசாம் போராட்டம் முடிவடைந்தது. 1971க்கு பிறகு அசாமில் நுழைந்த வங்காளிகளைக் கணக்கெடுத்து வெளியேற்றுவதாக அவ்வொப்பந்தம் உறுதி கூறியது.
இவ்வொப்பந்தம் பெருமளவு செயல்படவில்லை. வங்காளிகளில் சிறு எண்ணிக்கையினர் மட்டும் வாக்காளர் பட்டியலில் சேர்க்கப்படாமல் விடுவிக்கப் பட்டனர். யாரும் வெளியேற்றப்படவில்லை. அசாம் மாணவர் சங்க போராட்டத் தலைவர்கள் தேர்தல் அரசியலில் குதித்துச் சீரழிந்து போனதுதான் கண்ட பலன்.
இந்நிலையில் போரோலாந்து பகுதியில் 1987 ஆம் ஆண்டு ”அனைத்து போரோ மாணவர் சங்கம்” உருவானது. உபேந்திரனாத் பிரம்மா என்ற மாணவர் தலைமையில் இவ்வியக்கம் போரோலாந்து கோரிக்கையை முன்வைத்துப் போராட்டம் நடத்தியது. போரோ மொழி பேசும் தனித் தேசிய இனத்தவரான போரோக்கள் வாழும் கோக்ராஜ்கர், சிராங், பாஸ்கா, உதய்புரி ஆகிய மாவட்டங்களை உள்ளடக்கிய தனி போரோலாந்து அமைக்க வேண்டும் என்றும், போரோ மொழியை இந்திய மொழிகளில் ஒன்றாக அரசமைப்புச்சட்டம் அங்கீகரிக்க வேண்டும் என்றும் போரோ மாணவர் இயக்கம் கோரியது. மாபெரும் போரோ இன எழுச்சியாக அப்போராட்டம் நடைபெற்றது. 1000 மணி நேரம் கடை அடைப்பு, மக்கள் ஊரடங்கு என்ற பல எழுச்சியான வடிவங்களில் அப்போராட்டம் நடைபெற்றது. அசாம் அரசும், இந்திய அரசும் போரோ மக்கள் மீது கொடும் அடக்கமுறையை ஏவின.