காவிகள் மறைத்த சிவாஜி வரலாறு ! – இறுதி பாகம்
ஜதுனாத் சர்காரை தவிர வரலாற்றறிஞர் கோவிந்த் சகாராம் சர்தேசாயின் ‘மராட்டியர்களின் புதிய வரலாறு’ எனும் நூலும் சிவாஜியின் முடிச்சூட்டு விழாவை சுற்றியுள்ள சிக்கல்களை குறிப்பிடுகிறது.
***
முடிசூட்டு விழா………
1673-ம் ஆண்டின் தொடக்கத்தில் சிவாஜியின் முடிசூட்டு விழா குறித்த எண்ணமானது ஈடேறத் தொடங்கியது. விழாவிற்கான தயாரிப்புகள் முழுமையாக நிறைவேறியப் பின்னர், சிம்ம இராசிக்குள் சூரியன் அடியெடுத்து வைத்த 1674-ம் ஆண்டு ஜுன் 5 ஆம் நாள் ரைக்காட் அரண்மனையில் சிவாஜியின் முடிச்சூட்டு விழா நடந்தேறியது.
செயலால் தான் ஒரு சத்திரியன் என சிவாஜி நிரூபித்தாலும், பிறப்பால் சத்திரியனாக அங்கீகரிக்க கோரிய அவரது கூற்றுக்கு வைதீக பார்ப்பனர்களுக்கு உடன்பாடு இல்லை. இப்படி ஒரு முடிசூட்டு விழா நடந்து ஆயிரம் ஆண்டுகள் கடந்து விட்டது மேலும் அது குறித்து ஆண்களுக்கு முழுமையாக மறந்தே போய்விட்டது. அலாவுதின் கில்ஜியின் தக்காண படையெடுப்பு மற்றும் தக்காணத்தை முஸ்லிம்கள் கைப்பற்றிக் கொண்டப்பிறகு பரம்பரையாக புனித மத நூல்களை கற்றறிந்த தக்காணத்தின் பார்ப்பனர்கள் அனைவரும் பெனாரசுக்கு குடிப்பெயர்ந்தனர்.
பரம்பரையாக மத நூல்களின் புலமைக்கு பெயர் போன தேவர்கள், தர்மதிகாரிகள், சேசர்கள், பட்டர்கள் மற்றும் மவுனிகள் என அனைவரும் அவர்களது சொந்த வீடுகளை விட்டு விட்டு புனித நூல்களுடன் புனித கங்கைக்கரையில் குடி பெயர்ந்தனர் மேலும் இந்து சிந்தனை மற்றும் கற்றலுக்கான புதிய பல்கலைக்கழகத்தையும் திறந்தனர். படிப்பறிவிலா சிந்தனையற்ற பைத்தானின் மக்களை ஆதிக்கம் செலுத்த இப்போது யாருமில்லை. பெனாரஸ் இப்போது இந்து சிந்தனையிலும் கற்றலிலும் ஆதிக்கம் செலுத்தத் தொடங்கியது.
படிக்க:
♦ சிவாஜி முடிதரிக்க வேண்டுமாம் ! சூத்ரனுக்கு ராஜாபிஷேகமா ?
♦ காவிகள் மறைத்த சிவாஜி வரலாறு !
எனவே பெனாரசின் கற்றறிந்த இந்து சட்ட நிறுவனங்களின் முன்னனியாளர்களில் ஒருவரான காகா பட்டரிடம் சிவாஜி பேச்சுவார்த்தைகளில் ஈடுபட வேண்டியிருந்தது. பழங்கால பயன்பாட்டிற்கு இணங்கவும் தற்போதைய சூழலின் தேவைகளுக்கு ஏற்பவும் விவரங்களை தயாரிக்க அவர் ராய்காட்டிற்கு அழைக்கப்பட்டார்.
மராட்டியர்களின் புதிய வரலாறு – கோவிந்த் சகாராம் சர்தேசாய்
(இனவாதத்தை முறியடித்தல், அக்டோபர் 2001 இதழிலிருந்து காப்பகப்படுத்தப்பட்டது)
தமிழாக்கம் : சுகுமார்
நன்றி : சப்ரங் இந்தியா
இதன் முந்தைய பகுதிகள் :
♦ காவிகள் மறைத்த சிவாஜி வரலாறு !
♦ மராட்டியம் : வரலாறு பாடநூல்கள் காவி மயமாக்கப்பட்ட வரலாறு !
♦ சிவாஜி முடிசூடுவதில் ஏற்பட்ட சாதிய சிக்கல்கள் !
