பாசிச பா.ஜ.க ஆளும் மத்தியப் பிரதேச மாநிலத்தின் உஜ்ஜயினி மாவட்டத்திலுள்ள மகாகால் என்ற இடத்தில் 12 வயது சிறுமி ஒருவர், பாலியல் வன்கொடுமை செய்யப்பட்டு, வீட்டைவிட்டு விரட்டியடிக்கப்பட்டார்.
கடுமையான ரத்தப்போக்குடன் அரை நிர்வாணமாகத் தெருக்களில் நடந்து சென்ற அந்த சிறுமி ஒவ்வொரு வீட்டுக் கதவையும் தட்டி உதவி கேட்டார். ஆனால், யாரும் அவருக்கு உதவி செய்ய முன்வரவில்லை. இந்த பதைபதைக்க வைக்கும் சம்பவம் குறித்த வீடியோ சமூக வலைத்தளங்களில் பகிரப்பட்டுவருகிறது.
மணிப்பூர், மத்தியப் பிரதேசம் என பா.ஜ.க ஆளும் மாநிலங்களில் பெண்கள் மீதான வன்முறை என்பது இயல்பாகி விட்டது. உஜ்ஜயினி பயங்கரமோ மக்களும் இதுபோன்ற கொடூரங்களை இயல்பாகக் கருதத் தொடங்கிவிட்டனரோ என்ற கேள்வியை எழுப்புகிறது.
