காசாவில் அக்டோபர் 1 அன்று இஸ்ரேல் நடத்திய விமானத் தாக்குதல்களில் குறைந்தது 21 பேர் கொல்லப்பட்டதாக உள்ளூர் மருத்துவர்கள் தெரிவித்தனர்.
காசா நகரின் துஃபா சுற்றுப்புறத்தில் இடம்பெயர்ந்த பாலஸ்தீனிய குடும்பங்களுக்கு தங்குமிடம் வழங்கும் பள்ளியின் மீது மற்றொரு தாக்குதல் நடந்துள்ளது. இங்கு குறைந்தது ஏழு பேர் கொல்லப்பட்டிருப்பதாக உள்ளூர் மருத்துவர்கள் தெரிவித்தனர்.
பின்னர், இரண்டு தனித்தனி இஸ்ரேலிய தாக்குதல்கள் தெற்கு காசா பகுதியில் உள்ள ரஃபாவிலும், காசா நகரத்தின் ஜெய்டவுன் புறநகர்ப் பகுதியிலும் ஐந்து பாலஸ்தீனியர்கள் கொல்லப்பட்டதாக மருத்துவர்கள் தெரிவித்தனர்.
படிக்க : இஸ்ரேல் தாக்குதல்: சிரியாவில் அகதிகளாக தஞ்சமடையும் லெபனான் மக்கள் | படக்கட்டுரை
அதேபோல், என்கிளேவின் தெற்கில் உள்ள கான் யூனிஸில், இடம்பெயர்ந்த மக்கள் தங்கியிருந்த கூடாரத்தின் மீது இஸ்ரேலிய விமானத் தாக்குதலில் ஆறு பாலஸ்தீனியர்கள் கொல்லப்பட்டதாக மருத்துவர்கள் தெரிவித்தனர்.
இரண்டு நாட்களில் இஸ்ரேல் நடத்திய தாக்குதலில் கொல்லப்பட்டுள்ளவர்களின் எண்ணிக்கை 31-ஆக உயர்ந்துள்ளது. பயங்கரவாத இஸ்ரேல் இராணுவம், உயிரை கையில் பிடுத்துக்கொண்டு செய்வதறியாது அலைந்துகொண்டிருக்கும் அப்பாவி பாலஸ்தீன மக்கள் மீது தாக்குதல் நடத்தி கொலை செய்து வருகிறது.
ஹமாஸ், இஸ்லாமிய ஜிஹாத் மற்றும் பிற சிறிய பிரிவுகளின் ஆயுதப் பிரிவுகள் தனித்தனி அறிக்கைகளில், காசாவின் பல பகுதிகளில் இயங்கும் இஸ்ரேலியப் படைகளை டாங்கி எதிர்ப்பு ராக்கெட்டுகள், மோட்டார் குண்டுகள் மற்றும் வெடிக்கும் சாதனங்கள் மூலம் தங்கள் போராளிகள் தாக்கியதாகக் கூறினர்.
லெபனானில் இஸ்ரேல் தரைவழி நடவடிக்கையை ஆரம்பித்தபோது, காசா மீதான தாக்குதல்களை தீவிரப்படுத்தியது. அதன் பராட்ரூப்பர்களும் கமாண்டோக்களும் ஈரான் ஆதரவு ஹெஸ்பொல்லாவுடன் தீவிரமான சண்டையில் ஈடுபட்டதாகக் கூறினர்.
ஹெஸ்பொல்லாவின் தலைமைக்கு எதிராக இஸ்ரேல் நடத்திய பேரழிவுகரமான வான்வழித் தாக்குதல்களைத் தொடர்ந்து இந்த மோதல் ஏற்பட்டது.
படிக்க : லெபனான், காசா மீதான இஸ்ரேலின் போருக்கு எதிராக உலகம் முழுவதும் போராட்டம் | புகைப்படக் கட்டுரை
“காசாவில் ஆக்கிரமிப்பு அதன் கொலையைத் தொடரும் அதே வேளையில், உலகத்தின் பார்வை இப்போது லெபனான் மீது உள்ளது. குறைந்த பட்சம் இன்னும் பல மாதங்களுக்கு போர் தொடரும் என்று நாங்கள் அஞ்சுகிறோம்” என்று காசா நகரத்தைச் சேர்ந்த ஐந்து பிள்ளைகளின் தந்தையான சமீர் முகமது (வயது 46) கூறினார்.
“இஸ்ரேல் காசா, யேமன், சிரியா, லெபனான் ஆகிய இடங்களில் தனது படையை கட்டவிழ்த்து விடுவதால், அது இப்போது தெளிவாகத் தெரியவில்லை, மேலும் எதிர்காலத்தில் வேறு எங்கு இருக்கும் என்பது கடவுளுக்குத் தெரியும்” என்று மேலும் கூறினார்.
***
பாலஸ்தீனிய சுகாதார அதிகாரிகளின் கூற்றுப்படி, நுசிராட்டில் இரண்டு வீடுகள் மீது இஸ்ரேலிய தாக்குதல்களில் பெண்கள் மற்றும் குழந்தைகள் உட்பட குறைந்தது 13 பேர் கொல்லப்பட்டனர்.
***
நுசிராத் அகதிகள் முகாம் மீதான இஸ்ரேலிய தாக்குதலில் கொல்லப்பட்ட பாலஸ்தீனியர்களின் உடல்கள் அல்-அக்ஸா தியாகிகள் மருத்துவமனைக்கு கொண்டு வரப்பட்ட பின்னர் துக்கம் அனுசரிக்கப்பட்டது.
***
இஸ்ரேலிய தாக்குதலில் கொல்லப்பட்டவர்களின் உடல்கள் அல்-அக்ஸா தியாகிகள் மருத்துவமனையில் உள்ள பிணவறைக்கு கொண்டு வரப்படுகின்றன.
***
ஹமாஸ் பயன்படுத்திய கட்டளை மையங்களை குறிவைத்து தாக்குதல்கள் நடத்தப்பட்டதாக இஸ்ரேலிய இராணுவம் தெரிவித்துள்ளது.
***
நுசிராட்டில் உள்ள குடியிருப்பு கட்டிடத்தின் மீது இஸ்ரேல் தாக்குதல் நடத்திய இடத்தில் பாலஸ்தீனியர்கள் கூடினர்.
***
நுசிராட்டில் இஸ்ரேலிய தாக்குதல் நடந்த இடத்தில் காயமடைந்த ஒருவரை பாலஸ்தீனியர்கள் சுமந்து செல்கிறார்கள்.
***
நுசிராட்டில் இஸ்ரேலிய தாக்குதல் நடந்த இடத்தில் பாலஸ்தீனியர்கள் பலியானவரின் உடலை எடுத்துச் சென்றனர்.
***
டெய்ர் எல்-பாலாவில் உள்ள அல்-அக்ஸா தியாகிகள் மருத்துவமனையில் இஸ்ரேலிய தாக்குதலில் கொல்லப்பட்ட குழந்தையின் உடலை ஒருவர் வைத்திருக்கிறார்.
***
சந்துரு
நன்றி: அல் ஜசீரா
