விலைவாசி நிலவரம் அன்றாடம் மாறிக் கொண்டே இருக்கிறது. அதுவும் ஏற்றத்தாழ்வு அதிகம் உள்ள இந்தியா போன்ற நாடுகளில் அதன் மாற்றங்களும், வேறுபாடுகளும் அபரிதமானவை. அரசியல், சமூகம், பொருளாதாரம் போன்ற துறைகளில் பணியாற்றுவோர் அடிப்படையாக தெரிந்து வைத்திருக்க வேண்டிய விசயம் இந்த விலைவாசி நிலவரம். ஆனால் அனேகருக்கு அவை குத்து மதிப்பாகவே தெரியும். குடும்ப சுமையை சுமக்கும் பெண்கள் அன்றாட சமையல் பொருட்களின் விலைவாசியை நன்கு அறிவார்கள். பெரும்பாலான ஆண்கள் அறிய மாட்டார்கள். இவையன்றி தத்தமது வாழ்க்கைக்கு தேவைப்படாத பொருட்கள், சேவைகள் குறித்து மக்கள் அறிந்திருக்க மாட்டார்கள்.

அல்ஜசீரா தனது இணையதளத்தில் உலக நாடுகளில் நிலவும் விலை நிலவரத்தை வினாடி வினாவாக கேட்டிருக்கிறது. அதில் இந்தியா மற்றும் சில நாடுகளின் நிலவரங்களை எங்களது சரிபார்ப்போடு இணைத்து இங்கே கேள்விகளாக கேட்டிருக்கிறோம். விலை நிலவரம் அனைத்தும் இந்திய ரூபாயில் குறிப்பிடப்பட்டிருக்கிறது. இந்த விலையை இந்தியாவின் சராசரி விலையாக கருத வேண்டும். தமிழகம் – சென்னை நிலவரத்தை வைத்து மட்டுமல்ல, ஒரிசா – பீகார் போன்ற பின்தங்கிய மாநிலங்களின் நிலவரத்தையும் சேர்த்துதான் இந்தியாவின் விலைவாசி நிலவரம் இருக்கிறது. இங்கே ஒருசில தமிழக நிலவர கேள்விகளையும் இணைத்துள்ளோம். இன்றைய சமூகத்தின் விலைவாசி குறித்த உங்களது பார்வைக்கு ஒரு தேர்வு!  முயன்று பாருங்கள்!

படிக்க :
♦ பெண்களுக்கு எதிரான வன்முறைகள் : பொது அறிவு வினாடி வினா 13
♦ குடிநீர் : பொது அறிவு வினாடி வினா 11

கேள்விகள்:

  1. உலக நாடுகளில் அரிசியின் விலை குறைவாக உள்ள நாடு எது?
  2. இந்தியாவில் ஒரு டசன் முட்டைகளின் விலை என்ன?
  3. சரவணபவன் போன்ற முதல் தர உணவகங்களில் ஒரு மதிய சாப்பாட்டின் சராசரி விலை என்ன?
  4. உலகிலேயே ஒரு லிட்டர் பாலின் விலை குறைவாக உள்ள நாடு எது?
  5. இந்தியாவின் பெருநகரங்களின் மையப்பகுதியில் ஒரு படுக்கையறை கொண்ட அப்பார்ட்மெண்ட் வீட்டின் சராசரி மாத வாடகை என்ன?
  6. உலகிலேயே ஒரு டசன் முட்டை விலை குறைவாக உள்ள நாடு எது?
  7. இந்தியாவில் ஒரு கிலோ உருளைக் கிழங்கின் விலை (இன்றைய நிலவரம்) என்ன?
  8. உடற்பயிற்சிக்கூடத்தின் உறுப்பினராக இருப்பதற்கு செலுத்த வேண்டிய தொகையின் உலக சராசரி என்ன?
  9. இந்தியாவில் ஒரு கிலோ ஆப்பிளின் தற்போதைய சராசரி விலை என்ன?
  10. உலக அளவில் ஒரு கிலோ அரிசியின் சராசரி விலை என்ன?
  11. இந்தியவில் நடுத்தரமான ஒரு தனியார் மழலையர் பள்ளியின் மாதக் கட்டணம் என்ன?
  12. உலகில் எந்த நாட்டில் ஒரு பாக்கெட் சிகரெட்டின் விலை அதிகம்?
  13. இந்தியாவில் ஒரு கிலோ மாட்டுக்கறியின் சராசரி விலை என்ன?
  14. உலகிலேயே அதிவேக இணையத்திற்கு அதிக கட்டணம் வாங்கும் நாடு எது?
  15. இந்தியாவில் அன்லிமிட்டட் அதிவேக இணைய இணைப்பின் சராசரி மாத கட்டணம் எவ்வளவு?
  16. உலகிலேயே ஒரு பாக்கெட் ரொட்டியின் விலை அதிகம் உள்ள நாடு எது?
  17. இந்தியாவில் ஒரு சினிமா திரையரங்க டிக்கெட்டின் சராசரி விலை என்ன?
  18. திருச்சி மத்தியப் பேருந்து நிலையத்தில் ஒரு வடை / பஜ்ஜி / போண்டா-வின் குறைந்தபட்ச விலை என்ன?
  19. தஞ்சை பழைய பேருந்து நிலையத்தில் ஒரு கிலோ ஸ்வீட் அல்லது காரத்தின் விலை என்ன?
  20. தமிழகத்தில் ஆவின் பால் லிட்டர் ஒன்றின் குறைந்தபட்ச விலை என்ன?

கேள்விகளுக்கு பதிலளிக்க :

நீங்கள் பங்கெடுப்பதோடு மட்டுமல்லாமல் உங்கள் நண்பர்களையும் இந்த வினாடி வினாவில் பங்கேற்கச் செய்யுங்கள் !

வினவு வினாடி வினா

சந்தா செலுத்துங்கள்

ஊடகத் துறையில் நிறுவன விளம்பரங்கள் இன்றி மக்கள் நலனுக்காக போராடும் வினவு தளத்திற்கு தோள் கொடுங்கள்!

விவாதியுங்கள்

உங்கள் மறுமொழியை பதிவு செய்க
உங்கள் பெயரைப் பதிவு செய்க