தேழ்தா குருப்ஸ்கயா 1894-ல் ஒரு மார்க்சிய படிப்பு வட்டத்தில் லெனினை முதன் முதலில் சந்தித்தார். அப்போதே தன்னளவில் ஒரு மார்க்சிஸ்டாக ஆகியிருந்த நதேழ்தா, 1898-ல் லெனின் சைபீரியாவிற்கு நாடு கடத்தப்பட்டபோது உடன் சென்றார். பின் 1924-ல் லெனின் மறையும் வரை அவரது ‘வாழ்க்கைத் துணை’ ஆக இருந்தார். குருப்ஸ்கயா தனித்துவமானதும், முக்கியமான கட்சிப் பணியை தொடர்ந்து ஆற்றி வந்துள்ளார். புரட்சிக்குப் பின் சோவியத் அரசில் கல்விக்கான அமைச்சகத்தில் அனடோலிலுனாசார்ஸ்க்கியின் கீழ்துணை அமைச்சரானார். 1939-ம் ஆண்டுவரை அந்தப் பணியில் இருந்துள்ளார்.

லெனின் ஒரு மகத்தான மார்க்சிஸ்ட்டாக உருவானதை அருகிலிருந்து நோக்கிய மற்றுமொரு சக மார்க்சிஸ்ட்டான குருப்ஸ்கயா, லெனினின் கற்றல் முறையைப் பற்றி எழுதியிருப்பது அனைவருக்குமான பாடம் ஆகும். (நூலிலிருந்து பக்.3)

மார்க்சின் எழுத்துக்களை லெனின் வாசிக்கும் போது கணக்கிலடங்காத அளவு அதன் உள்ளடக்கங்களை அவர் குறிப்பெடுத்துக் கொள்வார். லெனின் கல்விக் கழகத்தில், மார்க்சின் புத்தகங்களை படித்து அவர் எடுத்திருந்த பல குறிப்பேடுகள் உள்ளன.

மார்க்சின் எழுத்துக்களை அவர் மீண்டும், மீண்டும் படித்து, குறிப்புகள் எடுத்து அதன் உள்ளீடுகளை தனது எழுத்துக்களில் கொண்டு வந்தார். மார்க்சின் எழுத்துக்களை நன்கு அறிந்தவராக மட்டும் லெனின் இருந்துவிடவில்லை. மார்க்சின் கற்பித்தல்கள் மீது தனது ஆழமான சிந்தனையையும் செலுத்தினார். “கம்யூனிசம் என்பது மனனம் செய்து அப்படியே ஏற்றுக் கொள்வதல்ல. மனித சமூகத்தின் அறிவு வளர்ச்சி மற்றும் நவீன கல்வி மூலம் உங்களுக்குள்ளாகவே எழுந்து உருவாகும் தவிர்க்க இயலாத முடிவாகும்” என்று ரஷ்ய இளைஞர்களின் மூன்றாவது மாநாட்டில் (1920) லெனின் குறிப்பிட்டுள்ளார். “அனைத்து தரவுகளையும் – மிகக் கடினமாக உழைத்து அறிந்து கொள்ளாமல், விமர்சனப்பூர்வமாக அணுகுமுறையின்றி, ஆயத்த (Readymade) முடிவுகள் அடிப்படையில் ஒருவர் கம்யூனிசம் பேசினாரென்றால் அவர் மோசமான கம்யூனிஸ்ட் இருப்பார்”. (லெனின் தேர்வுநூல்கள் தொகுதி – XXV) (நூலிலிருந்து பக்.8)

“ஒன்றை முழுமையாக தெரிந்து கொள்ள, ஒருவர் அதுபற்றியான அனைத்து வகையான அம்சங்களையும் உள்வாங்க வேண்டும். குறிப்பிட்ட சூழலில், அதன் நிலையில் அதனூடான அனைத்து தொடர்புகளையும் தெரிந்து கொள்ள வேண்டும். ஒருவரால் இந்நிலையை முழுமையாக அடைய முடியாது, ஆனால் நான் கூறுவது, இது உங்களின் சோம்பலையும், தவறுகளையும் தவிர்க்க உதவும்.

இரண்டாவது, இயக்கவியல் தர்க்கமுறை படி, எடுத்துக் கொண்ட அம்சத்தின் வளர்ச்சி, தன்னியக்கம் மற்றும் மாற்றத்தை கவனிக்க வேண்டும். மூன்றாவதாக, உண்மையின் அடிப்படையில் குறிப்பிட்ட அம்சத்தின் மனித நடைமுறையிலான முழுமையான வரையறைக்கு வந்து, மனித தேவையின் அடிப்படையில் நடைமுறை காரணிகளின் தொடர்பை பார்ப்பது, நான்காவதாக ஹெகலை பின்பற்றும் பிளெக்னவ் சொல்ல விரும்புவது போல், இயக்கவியலின் தர்க்கமுறை கற்றுக் கொடுத்தது. “உண்மை என்பதில் அருவமானது என்று ஒன்றில்லை, உண்மை என்பது எப்போதும் திட்டமானது.

படிக்க:
அலகாபாத் : கார்ப்பரேட் + காவி கூட்டணியின் கும்பமேளா ! நேரடி ரிப்போர்ட்
வினவு தளத்தில் 2018-ம் ஆண்டில் வாசகர்களால் அதிகம் வாசிக்கப்பட்ட கட்டுரைகள் !

லெனினுடன் குருப்ஸ்கயா.

இந்த வரிகள்தான் பல ஆண்டுகளாக தத்துவார்த்த கேள்விகள் குறித்து லெனினுடைய ஆய்வின் அடிப்படை சாரமாகும். அதாவது, அதில் எல்லா நேரமும் மார்க்சுடன் கலந்துரையாடி, இயக்கவியல் பொருள்முதல்வாதத்தின் வழிமுறைகள் மூலம் கண்டடைவதாகும். அனைத்தையும் சேர்த்து பார்த்தால், இவ்வரிகளில் உள்ளது போல் செயலுக்கான வழிகாட்டியாக உள்வாங்குவதுதான் அவசியமானதாகும்.
மார்க்சை பயில லெனின் கையாண்ட முறையே, லெனினை பயில்வதற்கான முறையுமாகும். மார்க்சின் பங்களிப்பிலிருந்து பிரித்து பார்க்க முடியாத ஒன்றுதான் லெனினின் பங்களிப்பும். அது செயல்படும் மார்க்சியம், லெனினியம் என்பது ஏகாதிபத்திய மற்றும் பாட்டாளி வர்க்கப் புரட்சியின் மார்க்சிய சகாப்தமாகும். (நூலிலிருந்து பக்.24)

நூல்: லெனின் மார்க்சை எவ்வாறு பயின்றார் ?
ஆசிரியர்: நதேழ்தா குருப்ஸ்கயா (1869-1939)
தமிழில்: ச.லெனின்

வெளியீடு: பாரதி புத்தகாலயம்,
7, இளங்கோசாலை, தேனாம்பேட்டை, சென்னை – 600 018.
தொலைபேசி: 044 – 2433 2424
மின்னஞ்சல்: thamizhbooks@gmail.com

பக்கங்கள்: 24
விலை: ரூ 20.00

வினவு தளத்தின் மின் நூல்கள் (e books) வாங்க

இணையத்தில் வாங்க: marinabooks | thamizhbooks

தமிழகத்தின் பல ஊர்களில் என்.சி.பி.ஹெச் மற்றும் பாரதி புத்தகாலயம் கடைகளில் கிடைக்கும்.

சென்னையில் கிடைக்குமிடம்:

கீழைக்காற்று,

கீழைக்காற்று விற்பனையகம் இடமாற்றம் செய்யப்பட்டிருக்கிறது.
புதிய முகவரி:
1/110, முதல் தளம், லட்சுமி வளாகம்,
ஈ.வெ.ரா. பெரியார் நெடுஞ்சாலை, நெற்குன்றம், சென்னை – 600 107.
இடக்குறியீடு:
வெங்காயமண்டி பேருந்து நிறுத்தம் அருகில்,
நெற்குன்றம் – முகப்பேர் சிக்னல், (சிவா ஜிம் மாடி)
அலைபேசி: 99623 90277

சந்தா செலுத்துங்கள்

இணையத்தில் உழைக்கும் மக்களின் குரலாக பதினோரு ஆண்டுகளாக போராடும் வினவுடன் கை கோருங்கள். ஆதரியுங்கள்

விவாதியுங்கள்

உங்கள் மறுமொழியை பதிவு செய்க
உங்கள் பெயரைப் பதிவு செய்க