“தமிழக மாணவர்களுக்கு புதிய கலாச்சாரம் நூல்கள் இலவசமாய் வழங்க உதவுங்கள் !”என வாசகர்களுக்கு கோரிக்கை வைத்திருந்தோம். அதனை ஏற்று, ஜெயகர் என்ற வாசகர் ஒருவர் நெல்லை மனோன்மணியம் சுந்தரனார் பல்கலைக் கழக மாணவர்களுக்கு புதிய கலாச்சாரம் நூல்கள் வழங்கக் கோரி பணம் செலுத்தி இருந்தார்.
அதனடிப்படையில் கடந்த மார்ச் மாதம் 26 மற்றும் 27 ஆகிய தேதிகளில் மாணவர்களைச் சந்தித்து அவர்களுக்கு “போர்னோ : இருளில் சிக்கும் இளமை மற்றும் அம்பானியின் அடகுப் பொருளா மாணவர்கள் ?” ஆகிய இரு தலைப்பிலான புதிய கலாச்சாரம் வெளியீடுகளில் ஒவ்வொரு தலைப்பிலும் 50 படிகள் வீதம் 100 புத்தகங்கள் மாணவர்களுக்கு வழங்கப்பட்டது.
தற்போதைய சூழலில் தமிழகம் முழுக்கவே கல்லூரி மற்றும் பல்கலைக் கழக வளாகங்கள் அனைத்து, புறக்காவல் நிலையங்களாக மாறியுள்ள சூழலில் ஒரு நூலை மாணவர்களுக்கு வழங்குவது கூட போராட்டமாக உள்ளது. இந்த சூழலுக்கு மனோன்மணியம் சுந்தரனார் பல்கலைக்கழகமும் கூட விதிவிலக்கில்லை. அப்படியான சூழலில்.
மாணவர்கள் வகுப்பு முடிந்து வரும் நேரம் வரை காத்திருந்து தோழர்கள் இந்த புத்தகங்களை வினியோகித்தனர். ஒரு சில மாணவர்கள் ஆரம்பத்தில் ஏதோ புத்தம் கொடுக்கிறார்கள் என கருதி, “உள்ள வகுப்பு பாடங்களையே படிக்க நேரம் இல்லை.. இதில் இது என்ன புத்தகம்…?” என கேட்டனர்.
அதன் பின்னர் அவர்களிடம் இந்த நூலின் உள்ளடக்கம் பற்றி சொன்னதும் அவர்களாகவே எங்களுக்கு கொடுங்கள் என கேட்டு வாங்கிச் சென்றனர். அதிலும் தங்கள் பல்கலைக் கழகத்தை தேர்ந்தெடுத்து “இது போன்ற நூல்களை வழங்கச் சொல்லி ஒருவர் கூறியுள்ளார் என்பது எங்களுக்கு மகிழ்ச்சியாக உள்ளது…” என்பதை நெகிழ்ச்சியுடன் தெரிவித்தனர்.
இதில் மாணவர்களைப் போலவே மாணவிகளும் கேட்டு வாங்கி தங்கள் ஆர்வத்தை வெளிப்படுத்தினர். இன்னும் சிலர் புத்தகத்தை வாங்கிவிட்டு அதில் குறிப்பிட்டுள்ள மின்னஞ்சல் அல்லது தொலைபேசிக்கு தொடர்பு கொள்கிறோம் என ஆர்வத்துடன் தெரிவித்து சென்றனர்.
இம்மாதம் மீண்டும் அந்த பல்கலைக்கழக மாணவர்களுக்கு மேலும் 100 புத்தகங்கள் வழங்க திட்டமிட்டுள்ளோம்…
மாணவர்களை பாடத்திட்டத்தைத் தாண்டி எதையும் படிக்கவிடாது தடுப்பது, பாடங்களைக் கூட பணம் சம்பாதிக்கும் வேலைக்காக மட்டும் படிக்க வேண்டும் என்ற நச்சு சூழலை ஏற்படுத்திவிட்டு, அவர்களை குறை கூறுவது மட்டும் நியாமா ? என்ற கேள்வி பொது வெளியில் எழுப்பப்ப வேண்டியது நம் அனைவரின் கடமை.
நீங்களும் உங்கள் பங்களிப்பாக புதிய கலாச்சாரம் வெளியீடுகளை மாணவர்களுக்கு வழங்குங்கள். நீங்கள் விரும்பிய கல்லூரிகளை தெரிவு செய்தும் பணம் அனுப்பலாம். கீழே உள்ள இணைப்பில் முழு விவரங்கள் உள்ளன. ஆதரவு தாருங்கள் !
மாணவர்களுக்கு புதிய கலாச்சாரம்
₹1,500.00 – ₹6,000.00
