1-5-2019
பத்திரிக்கைச் செய்தி
மனித குலத்தை எச்சரிக்கிறது மேதின வரலாறு !
துப்பாக்கித் தோட்டாக்கள், தூக்குமேடை என உலக தொழிலாளி வர்க்கம் நெருப்பாற்றில் நீந்தி பெற்ற உரிமைகளான, எட்டு மணி நேர வேலை, எட்டு மணி நேர ஓய்வு, எட்டு மணி நேர புத்துயிர்ப்பு
இன்று மே தினக் காட்சிப் பொருளாய் !
கார்ப்பரேட் அதிகார யுகத்தில் பொறியாளர், மருத்துவர், பேராசிரியர், எழுத்தாளர், விஞ்ஞானி என அனைத்துப் பிரிவினரும் கூலிகளாக மாற்றப்பட்ட நிலையில்,
உழைப்புச் சந்தையே அருகும் சூழலில் – எந்த வேலை கிடைத்தாலும், எத்தனை மணி நேரமானாலும்,
எவ்வளவு சம்பளமானாலும், மாடுகளாய் உழைத்து, உரிமைகளை மெல்ல இழந்து,
நிரந்தரமில்லா வாழ்வில் அல்லாடும் உழைக்கும் மக்களே,
இனி எட்டு மணி நேர வேலை, பணிபாதுகாப்பு என கோரிக்கை வைப்பதில் என்ன பயன்?
வேலை வாய்ப்புக்களை ஒழித்து, மனித குலத்தினையே அழிவுக்குத்தள்ளும்,
முதலாளித்துவத்தை பாதுகாக்கும் அரசு கட்டமைப்பை வீழ்த்தி,
மக்கள் அதிகாரத்தை நிறுவாமல் இழந்த உரிமைகளை பெற முடியுமா ?
தோழமையுடன்
வழக்கறிஞர். சி.ராஜு
மாநில ஒருங்கிணைப்பாளர்
மக்கள் அதிகாரம்
