தமிழரின் கலை இலக்கியப் படைப்பாக்க உருவாக்கத்தை விளக்கும் தொல்காப்பியம் | பொ.வேல்சாமி

தமிழரின் கலை இலக்கியப் படைப்பாக்க உருவாக்கத்தை விளக்கும் நூல் தொல்காப்பியம் (காணொளி உரை)

நண்பர்களே….

தமிழின் மிகப் பழமையான நூலான தொல்காப்பியத்தை நாம் அனைவரும் ஒரு இலக்கண நூலாகத்தான் கருதி வந்திருக்கிறோம். பாரம்பரியமான உரையாசிரியர்கள் பெரும்பாலும் இதேபோன்ற எண்ணம் கொண்டவர்களாக இருந்திருக்கின்றனர் என்பதை அவர்களுடைய உரைகள் வெளிப்படுத்துகின்றன.

தொல்காப்பியத்தை சுமார் 40 ஆண்டுகளாகத் தொடர்ந்து வாசித்து வரும் எனக்கு அந்நூல் எழுத்திலக்கணத்தையும் சொல்லிலக்கணத்தையும் மட்டும் விவரித்துப் பேசவில்லை. பொருள் இலக்கணத்தின் ஒரு பகுதியாகத்தான் எழுத்தையும் சொல்லையும் தொல்காப்பியர் பேசுகிறார் என்று கருதுவதற்கு பல இடங்கள் தென்பட்டன. குறிப்பாக தொல்காப்பிய பொருளதிகாரத்தில் இடம்பெற்றுள்ள பொருளியல், மெய்ப்பாட்டியியல், உவமயியல் போன்ற மூன்று இயல்களும் பழந்தமிழ் படைப்பிலக்கியத்தின் தன்மைகளை விளக்கும் முகமாக எழுதப்பட்டுள்ளது என்பதை நாம் உலகிலுள்ள பிறமொழி இலக்கண நூல்களுடன் ஒப்பிட்டுப் பார்க்கும் போது தெளிவாகப் புரிந்துகொள்ள முடிகின்றது.

படிக்க:
♦ பொறுமையில்லாமல் நடந்து செல்கிறார்கள் : புலம் பெயர் தொழிலாளர்கள் குறித்து அமித் ஷா !
♦ இந்திய மெய்யியல் வரலாற்றில் தமிழர்களின் இடம் என்ன ? | பொ.வேல்சாமி

குறிப்பாக பொருளியியல் என்ற இயலில் தொல்காப்பியர் ஒரு தமிழ்ப் படைப்பிலக்கியம் என்பது இலக்கியச் சுவையை மிகுதிப்படுத்துவதற்கும் ஆழப்படுத்துவதற்கும் அதீதமான கற்பனைகளைக் கையாளலாம் என்று கூறுகிறார். இத்தகைய செய்தியை அடிப்படையாக வைத்து கேரளப் பல்கலைக் கழகத்தின் தமிழ்த் துறைச் சார்பாக நடத்தப்பட்டு வரும் “இணையவழித் தேசிய பயிலரங்கத்தில்” நான் பேசிய காணொளி உரையின் இணைப்பை உங்கள் பார்வைக்குத் தருகின்றேன்.