டெல்லியில், முஸ்லீம் ஒருவரின் பிரியாணிக் கடைக்குள் புகுந்து, “இந்துக்களின் பண்டிகையான தீபாவளி அன்று அசைவ கடைகளை திறக்கக் கூடாது” என்று கூறி காவி குண்டர்கள் கடை உரிமையாளர்களுக்கு மிரட்டல் விடுத்துள்ளனர்.
கடந்த நவம்பர் 4 தீபாவளி அன்று டெல்லியில், சாந்த் நகரில் உள்ள மஹ்பூப் ஆலம் என்ற முஸ்லீம் நபருக்குச் சொந்தமான அசைவ உணவகத்திற்குள் நரேஷ் குமார் சூர்யவன்ஷி தலைமையிலான இந்து மதவெறி அமைப்பைச் சேர்ந்த காவிக்குண்டர்கள் உள்நுழைந்தனர். ஆலம் ஒரு முஸ்லீம் என்பதால், இந்துக்களின் உணர்வுகளை சீர்குலைக்கும் வகையில் இறைச்சி உணவுகளை விற்பனை செய்வதாக இந்து மதவெறியர்கள் கூச்சலிட்டனர்.
இது தொடர்பான வைரல் வீடியோவில், இந்து மதவெறியர்கள் “இந்து பண்டிகைகளில் வியாபாரம் செய்தால் கடையை எரித்து விடுவேன்” என்று முஸ்லீம் கடை ஊழியர்களை மிரட்டுகிறார்கள்.
படிக்க :
♦ குருகிராம் தாக்குதல் : மோடியின் புதிய இந்தியாவின் புதிய நீதி !
♦ ராஜஸ்தான் : முஸ்லீம் இளைஞரை எரித்துக் கொன்று வீடியோவில் பேசிய இந்துமதவெறியன் !
“இது ஜுமா மஸ்ஜிதா? தீபாவளிக்கு கடை திறக்க சொன்னது யார்? இது இந்துக்களின் பகுதி. முஸ்லீம்கள் இங்கே கடையை நடத்துகிறீர்கள். இன்று எங்களுடைய நம்பிக்கையை மாசுபடுத்த இங்கே இருக்கிறீர்களா? ஈத் பண்டிகை அன்று உங்கள் மசூதிக்கு வெளியே நான் பன்றிகளை வெட்டவா? உங்களுக்கு எவ்வளவு தைரியம், கடையை தீயிட்டு கொளுத்திவிடுவேன்” என்று அந்தக் கடைக்காரரை மிரட்டுகிறான் வந்திருந்த காவிக் கும்பலில் ஒருவன்.
மேலும், “ராகுல், அமன் போன்ற பெயர்களைப் பயன்படுத்தி இந்துப் பெண்களையும், எங்கள் மகள்களையும், சகோதரிகளையும் வலையில் சிக்க வைக்கிறார்கள். ‘லவ் ஜிகாத்’ செய்கிறார்கள்” என்று கூச்சலிடுகிறது அந்தக் கும்பல். இவை அனைத்தும் அந்தக் காணொலியில் இடம்பெற்றிருந்தன.
சந்த் கபீர் நகரில் உள்ள ஆலன் முரடாபாடி பிரியாணி கடையின் உரிமையாளரான ஆலன் “இரவு 7.30 மணியளவில் இந்த நபர் எங்கள் கடைக்கு வந்தார். அவர் முஸ்லீம்களுக்கு எதிராக அவதூறு செய்து வன்முறை செய்வேன் என்று எங்களை அச்சுறுத்தினார். இருப்பினும் இரண்டு பெண் வாடிக்கையாளர்களும், உள்ளூர் மக்களும், பண்டிதர்களும் எங்களுக்கு ஆதரவாகப் பேசினர்.” என்று கூறினார்.
New india @CPDelhi kya in logo pr karye wahi hogi jo khule aam dhamki de rhe hai aapko zrur ispr dhyan dena chaiye.@LambaAlka @alimehdi_inc @ShayarImran pic.twitter.com/FpOIY7ymFH
— Shahrukh Billoch🇮🇳 (@BillochShahrukh) November 5, 2021