விக்கி லீக்ஸ் ஜூலியன் அசாஞ்சே நண்பர் சி.ஐ.ஏ-வால் கடத்தப் பட்டாரா ?

விக்கி லீக்ஸ் புகழ் ஜூலியன் அசாஞ்சே-வின் சகதோழரும் இணைய பாதுகாப்பு நிபுணருமான அரிஜின் காம்புயிஸ் Arjien Kamphuis காணாமல் போயிருக்கிறார். காரணம் என்ன?

ஜூலியன் அசாஞ்சே-வின் சகதோழரும் இணைய பாதுகாப்பு நிபுணருமான அரிஜின் காம்புயிஸ் Arjien Kamphuis

விக்கி லீக்ஸ் புகழ் ஜூலியன் அசாஞ்சே-வின் சகதோழரும் இணைய பாதுகாப்பு நிபுணருமான அரிஜின் காம்புயிஸ் Arjien Kamphuis காணாமல் போயிருக்கிறார். நார்வே நாட்டின் போலீசார் அவரது மறைதல் குறித்து விசாரிக்க ஆரம்பித்திருக்கின்றனர்.

அரிஜின் டச்சு நாட்டின் குடிமகனாவார். விக்கிலீக்ஸ நிறுவனர் ஜூலியன் அசாஞ்சேவுடன் தொடர்புடையவர். இவரது மறைதல் குறித்து டவிட்டரில் பலரும் அமெரிக்க உளவுத் துறை நிறுவனமான சி.ஐ.ஏ.-வை சந்தேகிக்கின்றனர்.

அரிஜின் இணையப் பாதுகாப்பு துறையில் வல்லுனர் என்பதோடு, புலனாய்வு பத்திரிகையாளர்கள் எப்படி அரசு உளவுத்துறைகளில் இருந்து தம்மைப் பாதுகாத்துக் கொள்ள முடியும் என ஒரு கையேட்டு புத்தகத்தின் சக ஆசிரியரும் கூட. கடந்த ஆகஸ்டு 20-ம் தேதியில் வடக்கு நார்வேயின் விடுதி ஒன்றிலிருந்து காலி செய்தவர் அதன் பிறகு தொடர்பில்லாமல் மறைந்து போனார்.

“என்னுடைய சிறந்த நண்பர் நார்வேயின் போடோவில் இருந்து மறைந்து போனார். சக ஊழியர்கள், குடும்பத்தினர் மிகவும் கவலையடைந்திருக்கின்றனர். தயவு செய்த பகிருங்கள்” என்று டிவிட்டரில் அவருடைய நண்பர் ஆன்சில்லா பகிர்ந்திருக்கிறார். மேலும் அவர் அந்த விடுதியிலிருந்து அரிஜின் ரயில் மூலம் ட்ரோன்தெம் நகருக்கு செல்வதாக திட்டமிட்டிருந்தார், இந்த ரயில் பயணம் பத்து மணி நேரமே பிடிக்கும் என்றும் கூறியிருக்கிறார். போடா நகரித்திலோ, ரயில் பயணத்திலோ அல்லது ட்ரோன்தெம் நகரிலோ அவர் காணாமல் போயிருக்கலாமென்று அவர் சந்தேகிக்கிறார்.

ஆன்சில்லாதான் இந்த தகவலை முதன்முறையாக டிவிட்டரில் அறிவித்தார். இவர் முன்பு டச்சு நாட்டைச் சேர்ந்த Dutch Pirate Party-யின் முன்னணியாளராக செயல்பட்டு வந்தவர். அந்தரங்க உரிமையை பாதுகாக்கும் செயற்பாட்டளரும் கூட.

விக்கிலீக்ஸ்-இன் டிவிட்டர் கணக்கிலிருந்தும் இச்செய்தியை பகிர்ந்திருக்கிறார்கள். நார்வே போலீசாரும் 47 வயது டச்சுக்காரரான அரிஜின் காணாமல் போனதை அடுத்து விசாரணையை துவக்கியிருப்பதை உறுதி செய்திருக்கிறார்கள்.

இவரது மறைதல் குறித்து சிலர், அவர் தொடர்பேதுமில்லாத மலைப்பகுதிக்குச் சென்றதால் இருக்குமென்கிறார்கள். சிலரோ அவரது விக்கி லீக்ஸ் தொடர்பால் இது ஒரு அமெரிக்காவின் சதியாக இருக்கும் என்கிறார்கள். இன்னும் ஒருவர், இது விக்கி லீக்சின் மறைபுலனாய்வு நடவடிக்கையின் ஒரு அங்கமாக இருக்கும், அவர் முக்கியமான ஒரு பணிக்காக தொடர்பில்லாத நிலையை உருவாக்கியிருக்கலாமோ என்று கேட்கிறார்.

விக்கி லீக்சின் ஆதரவாளர்களோ அவர் கடத்திக் கொல்லப்பட்டிருக்கலாம் என்று அஞ்சுகின்றனர். ஏனெனில் “பத்திரிகையாளர்களுக்கான தகவல் பாதுகாப்பு” எனும் அவரது ( இப்புத்தகத்தின் ஆசிரியர் இருவரில் இவரும் ஒருவர்) கையேட்டு புத்தகம் அனைவருக்கும் இலவசமாக கிடைக்கும் வண்ணம் அவர் வெளியிட்டுள்ளார். தங்களது அடையாளத்தை மறைத்துக் கொண்டு புலனாய்வு செய்தியாளர்கள் செயல்படவேண்டிய முறை பற்றி அவர் அதில் விரிவாகவும் எளிமையாகவும், நுணுக்கமாகவும் விவரித்துள்ளார். அந்த நூலுக்கு அவர் எழுதிய முன்னுரையை கீழே இணைத்துள்ளோம். விரைவில் அவரது கருத்துக்களை தமிழில் அறியத் தருகிறோம்.

அதில் “உங்களது அந்தரங்கம் மற்றும் உங்கள் ஆதாரங்கள் – ஆதாரங்களைத் தருவோரின் பாதுகாப்பையும் உறுதிப்படுத்துவதற்காக, பத்திரிகையாளர்களுக்கான தகவல் பாதுகாப்பு எனும் இந்தக் கையேடு உங்களது குரல் – எழுத்தை மறைக்க முடியாத படியும், அறிய முடியாதபடியும், அடையாளமற்ற அனாமதேயமாகவும் மாற்றுவதற்கு நிச்சயம் உதவும்” என்கிறார்.

மேலும், “இதுவரை எதையும் உருவாக்கிய அனைவரையும் போலவே, நமக்கு முன் வந்த ஆயிரம் தலைமுறையினரது தோளில் நின்று கொண்டுதான் நாமும் எதையும் செய்ய முடியும். அதனால், இந்தப் புத்தகமும் அனைத்து மின்னணு வடிவங்களிலும் எந்த வரம்புமின்றி இலவசமாகவும் கிடைக்கும்” என்கிறார்.

மேலும் இந்த மின்னணு பாதுகாப்பு என்பது ஏதோ கம்யூட்டர் சயின்ஸ் படித்தோரும், முனைவர் படிப்புக்குமான ஆய்வு செய்வோரும்தான் செய்ய முடியும் என்பதல்ல. நீங்களும் செய்யக் கூடிய எளிமையான காரியமே என்று இளம் பத்திரிகையாளர்களை உற்சாகப்படுத்துகிறார்.

இத்தகைய சமூக விழுமியங்கள் தாங்கிய ஒரு அறிஞர் காணாமல் போனதுதான் நமக்கு அதிர்ச்சியையும், துயரத்தையும் தருகிறது. தற்போது இவர் காணாமல் போனதற்கு குறிப்பான காரணங்கள் தெரியவில்லை. அவை அவருடைய தொழில் நிமித்தமான, தனிப்பட்ட காரணங்களுக்காக்கவா என்பதும் தெரியாது. ஆனால் இத்தகைய நல்லவர்களை உலக மக்களின் முன்னேற்றத்திற்காக சுயநலமில்லாமலும், அறிவுப் பூர்வமாகவும் பாடுபடுவர்களை அமெரிக்க அரசு சும்மா விடுமா என்ன? அவரது நண்பர்களது கவலையைப் பார்த்தால் இந்த காணாமல் போனது சதி நடவடிக்கையோடு இருக்குமென்றே எண்ணத் தோன்றுகிறது.

என்.எஸ்.ஏ எனப்படும் அமெரிக்க அரசின் தேசியப் பாதுகாப்பு முகமையின் உலக ஒட்டுக் கேட்டலை அம்பலப்படுத்தியதற்காக்க அசாஞ்சேயும், ஸ்னோடனும் இன்றும் வேட்டையாடப்படுகிறார்கள். அரிஜின் போன்ற ஆய்வாளர்களும் விதி விலக்கல்ல! ஒரு வேளை சி.ஐ.ஏ-தான் இவரது மறைவிற்கு காரணம் என்றால் உலக மக்கள் பின்னொரு நாளில் அமெரிக்க அரசுக்கு விதிக்கப் போகும் தண்டனையில் இக்குற்றமும் நிச்சயம் வரும்!

Preface – Arjen

Over the last 12 months all the most extreme paranoid fears of privacy activists and information security experts have turned out to be but cuddly little problems compared to the reality of industrialised espionage on the entire planet. Anyone who has kept abreast of the ongoing revelations as a journalist with the desire to protect their sources and their stories from government or corporate snoopers may have felt despair. Is everything with a chip and a battery spying on us? When considering most offthe-shelf computing devices such as laptops, tablets and smartphones, the situation is indeed dire. But there are steps you can take and those steps are not expensive nor do they require a PhD in computer science.

Using a computer system that can withstand all but the most advanced attacks by the most advanced nation state-level attackers is well within the reach of everyone. That is, anyone who is willing to spend a few days learning to use software that is free of cost and hardware that is already available to you or that can be bought for under £200. This handbook can get you started on understanding how to secure your data and communications and those of your sources, and to use tools and methods that have been proven to work in the most extreme situations by experts all over the world. Depending on your pre-existing computer skills this may be a bit of a learning experience, but trust that many have gone before you who also did not consider themselves experts and yet they managed to become comfortable with the concepts and tools described in this book. If you are a journalist in the 21 st century, you need these tools.

After all, William Randolph Hearst said decades ago: journalism is writing down what powerful people and institutions do not want written. If you don’t consider yourself to be a journalist but merely insist on actually having the right to privacy guaranteed to you under the UN Declaration Of Human Rights [1948] Article 12 – this book is for you too. Like almost everyone who ever created anything, we could only do so by standing on the shoulders of a thousand generations that came before us. Thus, this book will be forever freely available in a range of electronic formats without any restrictions. If the format you would like is missing, just let us know.

If you appreciate this work, please spread it around as much as possible and help us make the next version better. Constructive feedback of any kind is most welcome. The problem will keep developing and so will our response. Please contribute to sharing this knowledge and promoting these tools in any way you can.

Arjen Kamphuis

  • வினவு செய்திப் பிரிவு

மேலும் படிக்க:

சந்தா செலுத்துங்கள்

உங்களின் குரல், உங்களின் பங்களிப்பின்றி ஒலிக்க முடியுமா? வினவு தளத்திற்கு ஆதரவு தாருங்கள்.

விவாதியுங்கள்

உங்கள் மறுமொழியை பதிவு செய்க
உங்கள் பெயரைப் பதிவு செய்க