ஏகாதிபத்திய முதலாளித்துவத்தை வீழ்த்தி, ஒரு சோசலிச சமூகத்தைக் கட்டியமைக்கும் போதுதான் மே நாள் தியாகிகளின் கனவு நிறைவேறும். மே நாள் தியாகிகளது தியாகத்தையும், அர்ப்பணிப்பையும் நெஞ்சில் ஏந்துவோம்.
இன்னொரு பக்கத்தில், கடந்த ஓராண்டில்தான் அதானியும் அம்பானியும் பிரம்மாண்டமாக சொத்துக்களைக் குவித்து, உலகப் பணக்காரர்கள் பட்டியலில் முறையே 10, 11-வது இடங்களைப் பிடித்திருக்கிறனர். மோடியின் செல்லப்பிள்ளை அதானியின் சொத்து மதிப்பு கடந்த ஓராண்டில் மட்டும், ஒரு நாளைக்கு ஆயிரம் கோடிகள் உயர்ந்து ரூ.3,67,500 கோடிகள் அதிகரித்திருக்கிறது. முகேஷ் அம்பானியின் குடும்பமோ நாள் ஒன்றுக்கு ரூ.163 கோடிகளைக் குவிக்கிறது. நாடும் நாட்டு மக்களும் நாசமாகிக் கொண்டிருக்கின்ற இந்தக் காலக்கட்டத்தில் இவர்கள் மட்டும் எப்படி வாரிக் குவிக்கிறார்கள்? மோடி ஆட்சியில் ஒவ்வொரு ஆண்டும் கார்ப்பரேட்டுகளுக்கு வழங்கப்படும் பல இலட்சம் கோடிகள் வரிச்சலுகைகள், மானியங்கள், வாராக்கடன் தள்ளுபடிகளே இவற்றுக்கு மூல ஆதாரங்களாக இருக்கின்றன. இந்த இலட்சணத்தில், மக்களுக்கு மானியங்கள் கொடுப்பதால் இலங்கையைப் போல இந்தியாவும் திவாலாகிவிடும் என எச்சரிக்கிறது மோடியின் உயர்மட்ட ஆலோசனைக்குழு.
