முகப்பு களச்செய்திகள் போராட்டத்தில் நாங்கள் பொள்ளாச்சி குற்றவாளிகளை முச்சந்தியில் நிறுத்துங்கள்… தமிழகமெங்கும் போராட்டங்கள் !

பொள்ளாச்சி குற்றவாளிகளை முச்சந்தியில் நிறுத்துங்கள்… தமிழகமெங்கும் போராட்டங்கள் !

பொள்ளாச்சி பாலியல் குற்றவாளிகள் ஒருவரையும் தப்பவிடாதே என்ற முழக்கத்துடன் தமிழகம் முழுவதும் போராட்டங்கள் தொடர்ந்து கொண்டிருக்கின்றன. இவர்களை தண்டிக்க ஒரே வழி மக்கள் கையில் அதிகாரத்தை எடுப்பதுதான்.

வினவு செய்திப் பிரிவு

March 18, 2019

அதிமுகவின் பொல்லாத ஆட்சியில் பொள்ளாச்சி பாலியல் குற்றவாளிகளை தண்டிக்க முடியுமா ?

ஆட்சியாளர்களும் அதிகாரிகளும், கிரிமினல்களோடு கூட்டுக் களவாணிகளாக மாறி விட்டார்கள்!
சகோதரிகளே, பாலியல் குற்றவாளிகளை முச்சந்தியில் நிறுத்துங்கள்…
மக்கள் பார்த்துக்கொள்வார்கள்!

1 of 2

பொள்ளாச்சி கொடூரம் … ஒருத்தனையும் தப்ப விடாதே !
நேர்மையான நீதிபதி கண்காணிப்பில் சிறப்பு விசாரணை நடத்து !
உடனே தண்டனை வழங்கு!

பாலியல் வக்கிரங்களை உற்பத்தி செய்யும் ஆணாதிக்க பாலியல் நுகர்வு வெறி, ஆபாச இணைய தளங்களை தடுக்கமுடியாத அரசே குற்றவாளி !

மக்கள் அதிகாரம், தமிழ்நாடு
தொடர்புக்கு : 9962366321

மதுரை :

“விட்டுடுங்கண்ணா…” நெஞ்சை அறுக்கிறது… நம் பிள்ளைகளின் கதறல். அதிமுக பொறுக்கிகளை பாதுகாக்கும் அரசு ஒழிக ! கிரிமினல் அரசிடம் நீதி கேட்டுக் கெஞ்சாதே! அதிகாரத்தை கையில் எடு.. !

அதிமுக பார் நாகராஜ், துணை சபாநாயகர் மகன்கள் பிரவீன், முகுந்தனை குண்டர் தடுப்புச் சட்டத்தில் ஏன் கைது செய்யவில்லை ? என்ற முழக்கங்களை முன்வைத்து மக்கள் அதிகாரம் அமைப்பின் சார்பில் 16.03.2019 அன்று ஆர்ப்பாட்டம் நடைபெற்றது. இதில் திரளான உழைக்கும் மக்கள், பெண்கள், சிறுவர்கள் மற்றும் மக்கள் அதிகாரம் தோழர்கள் கலந்து கொண்டனர்.

1 of 10

( படங்களைப் பெரிதாகப் பார்க்க அவற்றின் மீது அழுத்தவும் )
தகவல் :
மக்கள் அதிகாரம்

கடலூர் :

பொள்ளாச்சியில் மாணவிகளை பாலியல் வன்கொடுமை செய்த அதிமுக குற்றக் கும்பலை தூக்கிலேற்றவேண்டும் என்று கடலூர் பெரியார் அரசு கலைக் கல்லூரியில் 15.03.2019 அன்று (புரட்சிகர மாணவர் – இளைஞர் முன்னணி) சார்பாக கையெழுத்து இயக்கம் முன்னெடுக்கப்பட்டது.

இதில் நூற்றுக்கணக்கான மாணவ – மாணவிகள் பேராசிரியர்கள் ஆர்வத்துடன் கலந்து கொண்டு தங்களது கண்டனங்களையும், கையெழுத்தையும் பதிவு செய்தனர்.

1 of 6