இது இடியாத கரை – இடிந்தகரையின் போராட்டக் காட்சிகள் !

perfect

ராம் காமேஸ்வரன்,

வினவில் மொழிபெயர்த்து வெளியிடப்பட்டிருந்த அணு உலைகள் பற்றிய சுவ்ரத் ராஜூவின் கட்டுரையை படிச்சீங்களா..? படிச்சிருந்தும் உங்களுக்குப் புரியலையா ?

https://www.vinavu.com/2011/10/04/indian-atomic-plan/

இந்திய அணு சக்தி கழகத்தால் கொடுக்கப்பட்ட வாக்குறுதிகளும் அவற்றின் நிலவரமும் பின்வருமாறு
1962 – இந்திய அணு சக்தி செயலர் ஹோமிபாபா — “1987ல் இந்திய அணு உலைகளின் மொத்த மின் உற்பத்தி 18-20 ஜிகாவாட்டாக இருக்கும். ”
நடைமுறையில் 1987ல் இந்திய அணு உலைகளின் மொத்த மின் உறபத்தி 1.06 ஜிகா வாட்.. அதாவது அவர் சொன்ன இலக்கில் வெறும் 5 சதவீதம் மட்டுமே…
1970 – அணு சக்தி செயலர் விக்ரம் சாராபாய் “செயல்பாடு இலக்கை மோசமாக நழுவ விட்டுவிட்டது” என்று 70லேயே ஒப்புக் கொண்டார். அவருடைய அடுத்த பத்தாண்டு இலக்கிலாவது அணு மின் உற்பத்தி இலக்கை சரியாக கணக்கிட்டாரா என்றால்.. அவர் சொன்னாது “1980ல் இந்திய அணு உலைகளின் மொத்த மின் உற்பத்தி 2.7 ஜிகாவாட் இருக்கும்”.. ஆனால் 1980ல் இந்திய அணு உலைகளின் மொத்த மின் உற்பத்தி வெறும் 510 மெகாவாட்டுகளே இருந்தது.

2000 ஆண்டு அளவில், 10000 மெகாவாட் அணுமின் உற்பத்தித் திறன் கொண்ட உலைகளை அமைத்துவிடுவோம் என 1984-ம் ஆண்டில் தனது அணு சக்தி ”செயல் திட்டஅறிக்கை” (profile)யின் வாயிலாக அணுசக்தித் துறை அறிவித்தது.

இச் செயல் திட்டம் களமிறங்கி ஏறத்தாழ 15 ஆண்டுகள் கடந்த பின்னால் இந்திய கணக்குத் தணிக்கை முதன்மை அலுவலர் (Comptroller and Auditor General of India) அதன் செயல்பாடுகளைப் பரிசீலனை செய்தார். அவர் தனது பரிசீலனையின் முடிவாக, “மார்ச் 1998 முடிய ரூ.5291.48 கோடிகளை செலவழித்து இந்தச் செயல் திட்டம் அளித்த கூடுதல் மின் உற்பத்தி பெரிய பூச்சியமே” என எழுதினார். மேலும், 2009ம் ஆண்டு வரையிலும் கூட இந்த அணுமின்சக்தி இந்திய மொத்த மின் உற்பத்தியில் அதே 3% அளவுக்கே நீடிக்கிறது.

2003ல் அணு சக்தி செயலர் ககோத்கர் – “இன்றிலிருந்து 4 ஆண்டுகளில் 6800 மெகாவாட் உற்பத்தி திறனை எட்டிவிடுவோம்” என்றார். 2009 வரை அது 4120 மெகாவாட்டுகள் தான். இது 1962ல் ஹோமிபாபா சொன்ன 18000 மெகாவாட்டில் 4ல் ஒரு பங்கு தான்.

ஆனால் இதற்கு ஆகும் செலவுகள், ராணுவ முக்கியத்துவம் வாய்ந்த பாதுகாப்புகள், இதனால் வெளிவரும் கழிவுகளை என்ன செய்கிறார்கள் என்பது பற்றி பொதுமக்களுக்கு தெரிவிக்காமல் இருப்பது என்று எல்லாம் ரகசியமாகவே இருக்கிறது.

ஏன் இதை இன்னும் அரசும், பெரும் முதலாளிகள் எல்லோரும் ஆதரிக்கிறார்கள்? ஏனென்றால் இது பெரிய அளவில் லாபம் தரும் தொழில்..அவர்களுக்கு. மக்களுக்கு என்ன கிடைக்கிறது..? என்ன பாதிப்பு வரும்..? இது அவர்கள் கவலையாக ஒரு போதும் இருந்ததில்லை.. இருக்கப்போவதுமில்லை..

பல கோடி யூனிட் கதைகளை இடிந்தகரை மக்களிடம் சொல்லிவிடாதீர்கள்.. இங்கே மெட்ராஸில் ஏ.சி. ரூமில் உட்கார்நது கொண்டு.. நுனி நாக்கில் நம்பர்களைப் பற்றிப் பேசும் இந்த சுயநலமிக்க மிடில் கிளாஸ், அப்பர் கிளாஸ் மன்னாருகளிடம் போய் சொல்லுங்கள். நன்றாக ஆமாம் சாமி போடுவார்கள்.

http://saravanaganesh18.blogspot.in/search?updated-min=2012-01-01T00:00:00%2B05:30&updated-max=2013-01-01T00:00:00%2B05:30&max-results=3

சரி, இத்தனையும் மீறி – இதுதெல்லாம் சகஜம் தான். “வளர்ச்சி” தான் முக்கியம்ன்னு சொல்றவங்கிட்ட ரெண்டே ரெண்டு கேள்வி மட்டும் கேட்க ஆசை.
1.வாரன் ஆண்டர்சன் யாரு தெரியுமா ?
2.போபால் மக்களுக்கு எவ்வளவு ஈழப்பீடு குடுத்தாங்க தெரியுமா ?
நண்பர்களே, அணுவுலை ஆதரித்து பேசுபவர்களிடம், உடனே இந்த ரெண்டு கேள்வியையும் கேளுங்க.

வல்ல்ல்லரசு
http://saravanaganesh18.blogspot.in/2012/03/blog-post.html

\\கூடங்குளம் அணு உலைகள் பல கோடி யூனிட்டுகள் மின் உற்பத்தியை செய்து முடித்திருக்கும். சுபம்.//

ராம்,
பாதி சொல்லிவிட்டீர்கள்.மீதி இதோ.

கூடங்குளம் அணு உலைகள் கதிரியக்க அபாயமிக்க பல டன் அணு கழிவுகளையும் உற்பத்தி செய்து குவித்திருக்கும்.கலாம் சொல்லியபடி அவற்றை அங்கேயே குழி தோண்டி புதைத்து வைத்திருப்பர்.பல்லாயிரம் ஆண்டுகளுக்கு அவை தமிழினத்தின் தலைக்கு மேல் கத்தியாக தொங்கி கொண்டிருக்கும்.அத்தனை ஆயிரம் ஆண்டுகளும் இப்படியே இயற்கை பேரிடர் ஆபத்தின்றி கழிந்து விடும் என்பதற்கு ஏதாவது உத்தரவாதம் உண்டா.

அந்த அணு உலையை மூட பல்லாயிரம் கோடி மக்கள் வரிப்பணம் தேவைப்படும்..

அந்த அணு உலையை பயன்படுத்தி சில பல அணு குண்டுகளையும் உருவாக்கி வைத்திருப்பர்.அவற்றுக்கான ஏவுகணைகள் உற்பத்தி,பராமரிப்பு,அவற்றை பத்திரமாக பாதுகாப்பது என்ற பெயரில் மேலும் மேலும் மக்கள் வரிப்பணம் பாழாக்கப்படும்.

தொடர்ச்சியாக சூடான நீரை கடலில் விட்டு அப்பகுதியின் மீன் வளம் நாசமாக்கப்பட்டிருக்கும்.

கர்னாடக மாநிலம் கைகாவில் அணு உலை ஊழியர்கள் கதிரியக்கத்தால் நஞ்சாக்கப்பட்ட நீரை குடித்து பாதிக்கப்பட்டது போன்ற பல விபத்துக்கள் நடந்து நாட்டின் பாதுகாப்பு என்ற பெயரில் மூடி மறைக்கப் பட்டிருக்கும்.

வெறும் முப்பது ஆண்டுகளுக்கு நாளொன்றுக்கு 2000 மெகாவாட் மின்சாரம் தர எத்தனை கோடிகள் கொள்ளையிட்டோம் என்ற உறுத்தல் ஏதுமின்றி அடுத்த அணு உலை நோக்கி கொள்ளை கும்பல் நகர்ந்திருக்கும்.