Wednesday, January 20, 2021
முகப்பு உலகம் அமெரிக்கா பெட்ரோல் விலை உயர்வு : மெக்சிகோவில் ஒரு மெரினா எழுச்சி - படங்கள்

பெட்ரோல் விலை உயர்வு : மெக்சிகோவில் ஒரு மெரினா எழுச்சி – படங்கள்

-

2017, ஜனவரி முதல் நாள் மெக்சிகோ அரசு 20% க்கும் அதிகமாக பெட்ரோல் விலையை உயர்த்தியதன் எதிர்வினையாக அந்நாட்டு மக்கள் தொடர் போராட்டத்தில் ஈடுபட்டு வருகின்றனர். பெட்ரோல் விலை உயர்வு என்பது மட்டுமல்லாமல் அரசின் அலட்சியம், ஊழல் மற்றும் பொருளாதார வீழ்ச்சியும் இதில் அடங்கியுள்ளதால் இந்தப் போராட்டம் காட்டுத்தீ போல 14 க்கும் அதிகமான மாநிலங்களில் பரவி இருக்கிறது. இந்தப் போராட்டத்தில் கிட்டத்தட்ட ஆயிரம் போராட்டக்காரர்களுக்கு மேல் கைது செய்யப்பட்டுள்ளனர்.

“எங்களிடம் கார் இருப்பதனால் அல்ல இந்தப் போராட்டம். பெட்ரோல் விலை அதிகரித்தால் ரொட்டிகள், பொதுப்போக்குவரத்து உள்ளிட்ட அனைத்திற்கான செலவீனங்களும் அதிகரிக்கும்” என்று காப்பீடு நிறுவனம் ஒன்றில் விற்பனை மேலாளராக இருக்கும் ஹெக்டர் பெரெஸ் கூறுகிறார். மெக்சிகோ மக்களின் குறைந்தபட்ச நாள்கூலி 4 டாலர்கள் (280 ரூபாய்) என்று இருக்கும் நிலையில் இந்த விலை உயர்வு அவர்களது பொருளாதாரப் பிரச்சினைகளை மென்மேலும் அதிகரிக்கும் என்பதை அம்மக்கள் நன்கு அறிந்திருந்தனர்.

மெக்சிகோவின் தானியங்கி மோட்டார் தொழிற்துறையில் அமெரிக்க நிறுவனங்கள் பெருமளவு மூலதனமிட்டு இருக்கின்றன. மெக்சிகோவில் இருந்து இறக்குமதி செய்யப்படும் கார்களுக்கு அதிகவரி விதிக்கப்படும் என்று ஜனவரி 3 ஆம் நாள் டொனால்ட் டிரம்ப் மிரட்டிய சில மணிநேரங்களிலேயே வில்லா டி ரெய்ஸில் சுமார் 1.6 பில்லியன் டாலர்கள் மதிப்பில் உருவாக்கப்பட இருந்த ஒரு தொழிற்சாலைக்கான திட்டத்தை இரத்து செய்வதாக ஃபோர்ட் நிறுவனம் அறிவித்தது.

இந்த காரணங்களால் இந்தப் போராட்டத்திற்கான அடித்தளம் நீறு பூத்த நெருப்பு போல சில மாதங்களாகவே இருந்து வந்துள்ளது. இதன் தொடர்ச்சியாக இந்த விலை உயர்வு என்பது மெக்சிகோ மக்களால் ஏற்றுகொள்ள முடியாத ஒரு கொடுஞ்சுமையாக மாறி இந்தப் போராட்டத்திற்கான தீப்பொறியாக அமைந்து விட்டது.

மெரினாவில் இலட்சக்கணக்கான மக்கள் குழுமி போராடியதை முதன்முறையாக பார்த்த நாம் மெக்சிகோ நாட்டில் அடிக்கடி நடக்கும் இத்தகைய போராட்டங்களையும் அறிந்து கொள்ள வேண்டும். இங்கும் ஓட்டுக் கட்சிகள், ஊடகங்கள், முதலாளிகள், அரசுகள் மீது மக்கள் அதிருப்பதி அடைந்திருப்பதோடு இவர்களைக் காப்பாற்ற வரும் போலீசை எதிர்த்து அன்றாடம் போராடுகின்றனர்.

மெக்சிகோவின் மோங்கிலோவா நகரத்தில் நடக்கும் போராட்டத்தில் காவல்துறையினர் ஒரு போராட்டக்காரரைத் தடுத்து நிறுத்துகின்றனர்.
மெக்சிகோவின் மோங்கிலோவா நகரத்தில் நடக்கும் போராட்டத்தில் காவல்துறையினர் ஒரு போராட்டக்காரரைத் தடுத்து நிறுத்துகின்றனர்.

போகா டெல் ரியோவில் பெட்ரோல் விலை உயர்வை எதிர்த்து நடைபெற்ற போராட்டத்தின் போது எரிவாயு நிலையங்களைச் சூறையாடிய மக்களைக் காவல்துறை அதிகாரிகள் பிடித்தனர்.
போகா டெல் ரியோவில் பெட்ரோல் விலை உயர்வை எதிர்த்து நடைபெற்ற போராட்டத்தின் போது எரிவாயு நிலையங்களைச் சூறையாடிய மக்களைக் காவல்துறை அதிகாரிகள் கைது செய்கின்றனர்.

மோங்கிலோவா நகரத்தில் பெட்ரோல் விலை உயர்வை எதிர்த்து நடந்த போராட்டத்தில் காவல்துறையினர் போராட்டக்காரர் ஒருவரைக் தரையில் போட்டு மிதிக்கின்றனர்.
மோங்கிலோவா நகரத்தில் பெட்ரோல் விலை உயர்வை எதிர்த்து நடந்த போராட்டத்தில் காவல்துறையினர் போராட்டக்காரர் ஒருவரைக் தரையில் போட்டு மிதிக்கின்றனர்.

மோண்டிரே மாநகரத்தின் மேக்ரோபிளாசாவில் பெட்ரோல் விலை உயர்வை எதிர்த்து நடைபெற்ற போராட்டத்தில் பதாக அட்டைகளைப் போராட்டக்கரார்கள் கையிலேந்தி இருக்கின்றனர்.
மோண்டிரே மாநகரத்தின் மேக்ரோபிளாசாவில் பெட்ரோல் விலை உயர்வை எதிர்த்து நடைபெற்ற போராட்டத்தில் பதாக அட்டைகளைப் போராட்டக்கரார்கள் கையிலேந்தி இருக்கின்றனர்.

போகா டெல் ரியோவில் பெட்ரோல் விலை உயர்வை எதிர்த்து நடைபெற்ற போராட்டத்தில் எரிவாயு நிலையங்களைச் சூறையாடிய மக்களைக் காவல்துறை அதிகாரிகள் பிடித்தனர்.
போகா டெல் ரியோவில் பெட்ரோல் விலை உயர்வை எதிர்த்து நடைபெற்ற போராட்டத்தில் எரிவாயு நிலையங்களைச் சூறையாடிய மக்களைக் காவல்துறை அதிகாரிகள் தடுக்கின்றனர்.

மோண்டிரேவில் உள்ள மேக்ரோபிளாசாவில் மெக்சிகோ அரசை எதிர்த்து நடைபெற்ற போராட்டத்தில் அரசு மாளிகையை அடித்து நொறுக்கும் சக போராட்டக்காரர்களை அமைதியாக இருக்கும்படி வலியுறுத்துகிறார் ஒருவர்.
மோண்டிரேவில் உள்ள மேக்ரோபிளாசாவில் மெக்சிகோ அரசை எதிர்த்து நடைபெற்ற போராட்டத்தில் அரசு மாளிகையை அடித்து நொறுக்கும் சக போராட்டக்காரர்களை அமைதியாக இருக்கும்படி வலியுறுத்துகிறார் ஒருவர்.

மோண்டிரேவில் உள்ள மேக்ரோபிளாசாவில் நடைபெற்ற போராட்டத்தின் போது மல்டிமீடியோ டி.வி நெட்வொர்க் நிறுவனத்தின் புரட்டப்பட்டக் கார் ஒன்றை போராட்டக்காரர்கள் சூழ்ந்து நிற்கிறார்கள்.
மோண்டிரேவில் உள்ள மேக்ரோபிளாசாவில் நடைபெற்ற போராட்டத்தின் போது மல்டிமீடியோ டி.வி நெட்வொர்க் நிறுவனத்தின் கார் ஒன்றை புரட்டிப் போட்டு போராட்டக்காரர்கள் சூழ்ந்து நிற்கிறார்கள்.

mexico-people-protest8
மோண்டிரேவில் உள்ள மேக்ரோபிளாசாவில் பெட்ரோல் விலை உயர்வை எதிர்த்து நடைபெற்ற போராட்டத்தில் போராட்டக்காரர்கள் மீது காவல்துறையினர் தண்ணீரை பீய்ச்சியடிக்கிறார்கள்.

மோண்டிரேவில் உள்ள மேக்ரோபிளாசாவில் நடைபெற்ற போராட்டத்தின் போது மல்டிமீடியோ டி.வி நெட்வொர்க் நிறுவனத்தின் கார் ஒன்றை போராட்டக்காரர்கள் புரட்டித் தள்ளுகிறார்கள்.
மோண்டிரேவில் உள்ள மேக்ரோபிளாசாவில் நடைபெற்ற போராட்டத்தின் போது மல்டிமீடியோ டி.வி நெட்வொர்க் நிறுவனத்தின் கார் ஒன்றை போராட்டக்காரர்கள் புரட்டித் தள்ளுகிறார்கள்.

மெக்சிகோவின் மோங்கிலோவா நகரத்தில் நடக்கும் போராட்டத்தில் போராட்டக்காரர்களைக் காவல்துறையினர் தடுத்து நிறுத்துகின்றனர்.
மெக்சிகோவின் மோங்கிலோவா நகரத்தில் நடக்கும் போராட்டத்தில் போராட்டக்காரர்களைக் காவல்துறையினர் தடுத்து நிறுத்துகின்றனர்.

 

பெட்ரோல் விலை உயர்வை எதிர்த்து மெக்ஸிகோ, சிவாவா மாநிலத்தின் சியுடாட்டில் இருக்கும் சர்வதேச எல்லையில் போரட்டக்காரர்கள் போராட்டம் நடத்துகின்றனர்.
பெட்ரோல் விலை உயர்வை எதிர்த்து மெக்ஸிகோ, சிவாவா மாநிலத்தின் சியுடாட்டில் இருக்கும் சர்வதேச எல்லையில் போரட்டக்காரர்கள் போராட்டம் நடத்துகின்றனர்.

படங்கள் : நன்றி – RT

  1. அமெரிக்க தொழில் நுட்பத்தையும் , அமெரிக்க கம்பெனிகளின் மூலமான வேலை வாய்ப்பையும் கொண்டுள்ள பொருளாதாரங்கள் எல்லாமே தள்ளாடும் .

    அமெரிக்க கார் தயாரிப்பு நிறுவனங்கள் வெளியேறினால் பொருளாதாரம் கடுமையாக பாதிக்கும் என்பதால் மெக்ஸிகோ தேசத்தின் கரன்சி 20 சதம் வீழ்ச்சி அடைத்து விட்டது .

    இப்பொழுது மெக்ஸிகோ 20 சதம் அதிகம் கொடுத்துதான் ஆயில் வாங்க வேண்டும் .

  2. அனைத்து நாடுகளிலும் அது போலீசு பொறுக்கிக் கும்பல் தான். காவல்துறை என்று கேப்சனில் பதிவிட்டுள்ளீர்கள்..

விவாதியுங்கள்

உங்கள் மறுமொழியை பதிவு செய்க
உங்கள் பெயரைப் பதிவு செய்க