அமெரிக்க ஏகாதிபத்தியத்திற்கு எதிராக வடகொரியா எப்படி பிரச்சாரம் செய்து வருகிறது என்பதை 29.08.2017 அன்று வெளியான கார்டியன் நாளிதழ், புகைப்படங்களாக வெளியிட்டிருந்தது.
தி கார்டியன் நாளிதழ் இப்புகைப்படங்களுக்கு இவ்வளவு முக்கியத்துவம் கொடுத்து வெளியிட்டிருப்பது ஏன்?
‘வடகொரியாவிற்கு அணு ஆயுத பலம் இருக்கிறது’. ‘சின்ன அண்ணன் சீனா பின்னாடி இருக்கிறான்’. ‘வடகொரியா ஒரு கம்யுனிச நாடு’ என்று பல தரப்பினர் தங்களுக்கு தோன்றிய பலவண்ணக் கருத்துக்களை தெரிவிக்கலாம். ஆனால் இது இங்கு மையமான விசயம் அல்ல.
கலாச்சார பண்பாட்டுத் தளத்தில் சுவரொட்டிகளை பிரச்சார பீரங்கிகளாக பயன்படுத்துவதைக் கவனியுங்கள். அணு ஆயுத பலத்தால் அமெரிக்காவை வீழ்த்திவிட முடியாது. அணு ஆயுதத்தை விட பயங்கரமான ஆயுதம் மக்களிடையே ‘அமெரிக்கா ஏகாதிபத்தியம் வீழ்த்தப்பட வேண்டியது’ என்று அரசியல் பிரச்சாரம் செய்வதுதான்.
இப்பொழுது வரை வடகொரியா தயாரித்த மிகப் பயங்கரமான ஆயுதம் இதுவே! இது அமெரிக்காவை அச்சுறுத்தும் என்பதில் சந்தேகமில்லை!
இதை ஆங்கிலப்பத்திரிக்கை கார்டியனும் ஆமோதிக்கிறது! பிரச்சாரம் செய்கிறது! பாருங்கள்! பகிருங்கள்!
அமெரிக்கக் கொடியை கிழித்தெரியும் வடகொரிய பெண்: நெற்றித் துணியில் ‘அமெரிக்க ராணுவமே வெளியேறு!’ பிரகடனம். அமெரிக்க அத்துமீறலை எதிர்ப்போம்.
“அமெரிக்க ஏகாதிபத்தியமே அசட்டைத்தனத்தோடு போருக்குத் தூண்டாதே!” எச்சரிக்கும் சுவரொட்டி.
கொட்டை எழுத்துகளில் பிரகடனம் சொல்வது இதுதான்: “நமது நாட்டின் ஒட்டுமொத்த ஒற்றுமை பலத்தால் அமெரிக்காவின் அணு ஆயுதப் போருக்கான திட்டத்தை நசுக்குவோம்”
“எங்கள் பரம வைரி அமெரிக்க ஏகாதிபத்தியவாதிகளுக்கு மரணம்!”-முரசு கொட்டும் மற்றொரு சுவரொட்டி
இந்த சுவரொட்டி சொல்லும் செய்தி: “எங்களை நோகடிக்க துணிந்தவர்கள் தக்க தண்டனையை எதிர்நோக்க வேண்டியிருக்கும்.”
‘தந்தை நாட்டை ஒன்றுபடுத்தி அமெரிக்கனை விரட்டியடிப்போம்’: வடகொரிய பிரச்சார சுவரொட்டியின் பிரகடனம்.
‘எங்கள் வழியை யாராலும் தடுக்க முடியாது’-துணிச்சலுடன் அறிவிக்கும் மற்றொரு பிரச்சார சுவரொட்டி!
“எங்களுடன் போரைத் தொடங்கு!” “முதல் வேளையாக அமெரிக்க இழிமகனைத் தாக்குவோம்.”
நன்றி: தி கார்டியன்
_____________
இந்த புகைப்படக் கட்டுரை உங்களுக்கு பயனளித்ததா?
ஏகாதிபத்திய எதிர்ப்புக் குரலாய் ஒலிக்கும் வினவு தளத்தை ஆதரியுங்கள் – சந்தா செலுத்துங்கள்!
சந்தா செலுத்தும் நண்பர்களுக்கு அந்த காலத்திற்குரிய வார செய்திப்பதிவு – புதிய கலாச்சாரம் – புதிய ஜனநாயகம் மின்புத்தகங்கள், நிகழ்வுகள் குறித்த அறிவித்தல்கள் அனுப்பப்படும். இந்தியாவில் வங்கிக் கணக்கு வைத்திருப்போர் மட்டுமே சந்தா அனுப்ப இயலும். டெபிட் கார்டு, கிரெடிட் கார்டு, நெட்பேங்கிங் மூலம் பணம் அனுப்பலாம். அனுப்புவதற்கு PayUmoney பட்டனை அழுத்தவும். வெளிநாடுகளில் வங்கிக் கணக்கு வைத்திருப்போர் எமது வங்கிக் கணக்கிற்கு நேரடியாக பணம் அனுப்பிவிட்டு, விவரத்தை உடன் அறியத்தரவும். நன்றி