Sunday, September 20, 2020
முகப்பு செய்தி ஒரு வரிச் செய்திகள் - 07/01/2013

ஒரு வரிச் செய்திகள் – 07/01/2013

-

செய்தி: பொதுக்குழுவில் வாய்ப்பு கிடைக்கும் போது தலைவர் பதவிக்கு ஸ்டாலினை நானே முன்மொழிவேன் என்று கருணாநிதி உறுதிபடக் கூறினார்.

நீதி: வால் கார்ப்பரேட்டுகளுக்காக ஆடும் போது தலையாக யார் வந்தால் என்ன?

_______

செய்தி: குறைந்தபட்ச இடவசதி இல்லாது போன்ற காரணங்களால் அங்கீகாரம் இல்லாமல் உள்ள 1000 தனியார் பள்ளி மாணவர்களுக்கு இந்த ஆண்டு பத்தாம் வகுப்பு, பிளஸ் 2 பொதுத்தேர்வு எழுத அனுமதி வழங்கப்பட்டுள்ளது.

நீதி: மாணவர்களுக்கு கருணை என்ற பெயரில் இந்த தனியார் பள்ளி கொள்ளை தொடரலாம் என்பதையே சட்டபூர்வமாக கூறுகிறது அரசு.

______

செய்தி: மாணவர்களின் பாடத்திட்டத்தில் பெண்களை மதித்து நடந்து கொள்வதற்கான போதனைகளைச் சேர்ப்பது குறித்துப் பரிசீலித்து வருவதாக மத்திய மனித வள மேம்பாட்டுத் துறை அமைச்சர் பல்லம் ராஜூ தெரிவித்துள்ளார்.

நீதி: பெண்களை மிதித்து குதறுவதை ரசனையாக கற்பிக்கும் ஊடக, சினிமா துறைகளை திருத்தாத வரை பரிதாபமான பாடத்திட்டம் என்ன செய்து விடும்  அமைச்சர் ஐயா?

______

செய்தி: விஸ்வரூபம் படத்தை டீ.டி.எச் தொழில்நுட்பத்தில் வெளியிடுவது தொடர்பாக தமக்கு மிரட்டல் வருகிறது என சென்னை டி.ஜி.பி. அலுவலகத்தில் நடிகர் கமலஹாசன் ஞாயிற்றுக்கிழமை புகார் அளித்தார்.

நீதி: அமெரிக்கா துணையுடன் இசுலாமிய தீவிரவாதிகளை பந்தாடும் கலைஞானி இதிலும் சி.ஐ.ஏவையோ அல்லது அவர்களின் உள்ளூர் கிளையான சி.பி.ஐயையோ நாடுவதை விட்டு விட்டு ஏட்டையாவை பார்த்து என்ன பயன்?

______

செய்தி: இந்திய கடற்படையின் ஐ.என்.எஸ். தல்வார் போர்க்கப்பலில் பணியில் இருந்த தமிழக வீரர் மெல்வின் ராஜ் சனிக்கிழமை இரவு தற்கொலை செய்து கொண்டார்.

நீதி: தற்கொலைக்கு காரணமான அதிகாரிகள் இதை ஐ.எஸ்.ஐ சதி என்று மூடிவிட முடியாது.

______

செய்தி: தில்லி மாணவி பாலியல் பலாத்காரச் சம்பவத்தில் தொடர்புடையவர்கள் பிகார் மாநிலத்தைச் சேர்ந்தவர்கள் என்று மகாராஷ்டிர நவநிர்மாண் சேனைக் கட்சித் தலைவர் ராஜ் தாக்கரே குற்றம் சாட்டியுள்ளார்.

நீதி: செருப்பால் அடித்து சிறையில் அடைக்க வேண்டிய வெறி நாயை இப்படி சுதந்திரமாக உலவவிட்டால் இந்தியாவில் ரேப்பிஸ் நோய் எப்படி குறையும்?

______

செய்தி: தெற்காசிய (சார்க்) நாடுகளின் செய்தியாளர்களுக்கு பலமுறை வந்து அனுமதிக்கும் விசா வங்குவது குறித்து இந்தியா பரிசீலிக்கும் என்று வெளியுறவுத்துறை அமைச்சர் சல்மான் குர்ஷித் தெரிவித்தார்.

நீதி: இதனால் தமிழக பத்திரிகையாளர்களை கொழும்புவுக்கு அழைத்து குளிப்பாட்டும் வேலையை இலங்கை அரசு அடிக்கடி செய்யலாம்.

______

செய்தி: கணவனைக் கவனித்துக் கொள்ள வேண்டும் என்ற ஒப்பந்தத்துக்கு மனைவி கட்டுப்பட வேண்டியுள்ளது என்று ஆர்.எஸ்.எஸ். தலைவர் மோகன் பாகவத் கூறியுள்ளார்.

நீதி: இதனால்தான் அமெரிக்க ஆம்படையானுக்கு கட்டுப்பட்டு பாரதா மாதா குடும்பம் நடத்துவதற்கு சங்க பரிவாரங்கள் மாமா வேலை பார்க்கின்றன போலும்!

_______

செய்தி: ஒருவர் புகார் அளிக்க வரும்போது அது தொடர்பாக வழக்குப் பதிவு செய்ய மறுக்கும் போலீசார் மீது சஸ்பெண்ட் நடவடிக்கை எடுக்கலாம் என்று மத்திய உள்துறை செயலாளர் ஆர்.கே.சிங் கூறியுள்ளார்.

நீதி: பதிவு செய்ய மறுக்கும் போலீசார் மீது புகார் கொடுக்க வேண்டுமென்றாலும் கூட அது போலீசிடம்தானே அளிக்க வேண்டும்? நாட்டு நடப்பு  தெரியாததெல்லாம் உள்துறை செயலர் என்றால்?

_______

செய்தி: திமுக கூட்டணியில் தேமுதிகவும் இடம்பெற வேண்டும் என்று அனைத்து மாவட்ட செயலர்களும் தலைவர் கருணாநிதியிடம் வலியுறுத்தியுள்ளனர்.

நீதி: புலிக்கு பசித்தால் புல்லைத் தின்னும் என்பதோடு பெருச்சாளியோடு சேர்ந்து வேட்டைக்கும் போகிறதாம்!

_______

செய்தி: தேசிய நெடுஞ்சாலைகளில் உள்ள மதுக்கடைகளை மூட தமிழக அரசு முடிவு செய்திருப்பதற்கு பாமக நிறுவனர் மருத்துவர் ராமதாஸ் பாராட்டுத் தெரிவித்துள்ளார்.

நீதி: விபத்துக்களை ஏற்படுத்தும் மது போதை போல, விபரீதங்களை உற்பத்தி செய்யும் சாதி போதையை தடுக்கும் வண்ணம் வன்னியர் சங்கத்தை மூட தமிழக அரசு முடிவு செய்தால், நாமும் பாராட்டு தெரிவிப்போம் அல்லவா?

_______

செய்தி: கர்நாடக மாநிலத்தின் வளர்ச்சிக்காக புதிய கட்சியைத் தொடங்கியதாக முன்னாள் முதல்வர் எடியூரப்பா தெரிவித்தார்.

நீதி: குடும்பத்திற்கு சொத்து சேர்த்த ஊழலால் முதலமைச்சர் பதவியிலிருந்து விலக்கப்பட்ட ஸ்வயம்சேவக் எடியூரப்பா கர்நாடக மாநில வளர்ச்சி என்று குறிப்பிடுவது குடும்பத்தைத்தானே? “குடும்பத்தை பார்த்துக் கொள்பவன்தான் நாட்டையும் பார்த்துக் கொள்வான்” என்று கூறுவது இதைத்தானோ?

சந்தா செலுத்துங்கள்

இணையத்தில் உழைக்கும் மக்களின் குரலாக பதினோரு ஆண்டுகளாக போராடும் வினவுடன் கை கோருங்கள். ஆதரியுங்கள்

  1. // செய்தி: கணவனைக் கவனித்துக் கொள்ள வேண்டும் என்ற ஒப்பந்தத்துக்கு மனைவி கட்டுப்பட வேண்டியுள்ளது என்று ஆர்.எஸ்.எஸ். தலைவர் மோகன் பாகவத் கூறியுள்ளார்.

    நீதி: இதனால்தான் அமெரிக்க ஆம்படையானுக்கு கட்டுப்பட்டு பாரதா மாதா குடும்பம் நடத்துவதற்கு சங்க பரிவாரங்கள் மாமா வேலை பார்க்கின்றன போலும்! //

    ஆம்படையானுக்கு கட்டுப்படாமல் குடும்பம் நடத்தினால் சித்தப்பா சீனா சில்மிசம் பண்றாரே ஓய்..

  2. “செருப்பால் அடித்து சிறையில் அடைக்க வேண்டிய வெறி நாயை இப்படி சுதந்திரமாக உலவவிட்டால் இந்தியாவில் ரேப்பிஸ் நோய் எப்படி குறையும்?”

    இப்படி பிடித்த வரிகள் ஏராளம்.

விவாதியுங்கள்

உங்கள் மறுமொழியை பதிவு செய்க
உங்கள் பெயரைப் பதிவு செய்க