Tuesday, May 11, 2021
முகப்பு வாழ்க்கை காதல் – பாலியல் மனித உரிமை ஜெனிவாவில் செக்ஸ் மணங்கமிழும் காஃபி கிளப் !

மனித உரிமை ஜெனிவாவில் செக்ஸ் மணங்கமிழும் காஃபி கிளப் !

-

Robot 1
எந்திரன் எதற்கெல்லாம் பயன்படும்?

ங்கிலாந்தின் பிரிஸ்டால் பல்கலைக்கழகத்தில் அறிவியலாளர்கள் ஒரு எந்திரனை உருவாக்கியிருக்கிறார்கள். அது உணவு வகைகளை சாப்பிட்டு செரிப்பதன் மூலம் தனது சக்தியை எடுத்துக் கொள்ளுமாம். கூடுதலாக அது வளர் சிதை மாற்றத்தின் படி இறந்தும் போகுமாம்.

எதிர்காலத்தில் இந்த எந்திரன்கள், மனிதர்களைப் போன்ற உடல் அமைப்பையும் பெறுவார்களாம். இதற்கு முன் கடின வகைப்பட்ட எந்திரன்கள் ‘சாப்பிடுவதை’ பார்த்திருந்தாலும், இந்த மிருதுவான எந்திரன், விலங்குகளைப் போன்ற உடல் அமைப்பை அதாவது வாய் வயிறு இத்யாதியுடன் இருப்பான் என எந்திரவியல் பேராசிரியர் ஜோனாதன் ரோசிட்டர் கூறியிருக்கிறார். அந்த வகையில் இது சுற்றுச்சூழலுக்கு அணியமான எந்திரனாகவும் இருக்குமாம்.

சரி, இந்த எந்திரன் வேறு எதற்கெல்லாம் பயன்படுவான்?

சுவிட்சர்லாந்தில் விபச்சாரம் சட்டரீதியாக அங்கீகரிக்கப்பட்டிருக்கிறது. எனவே எந்திர விபச்சாரத்திற்கு என்ன பிரச்சினை?
சுவிட்சர்லாந்தில் விபச்சாரம் சட்டரீதியாக அங்கீகரிக்கப்பட்டிருக்கிறது. எனவே எந்திர விபச்சாரத்திற்கு என்ன பிரச்சினை?

மனித உரிமை ஒப்பந்தங்களுக்கு பிரபலமானது “ஜெனிவா ஒப்பந்தம்”! சுவிட்சர்லாந்து நாட்டில் பிரபலமான இந்த ஜெனிவா மாநகரத்தில் “பாலியல் குறி களியல் கேஃப்” ஒன்று வர இருக்கிறது. அதன் பொருள் என்ன? fellatio café அதாவது வாய் வழி பாலியல் உறவு கொள்ளுதல். blow jobs என்றழைக்கப்படும் இந்த பாலுறவு ‘சேவை’களை எந்திரன்களே மேற்கொள்ளுமாம்.

மனித உரிமைகளின் சொர்க்கத்தில் பாலியல் சுதந்திரம் இல்லையா, பாற்கடல் இன்பத்திற்கு எதற்கய்யா எந்திரன் என்று கவலைப்படுகிறீர்களா?

சுவிட்சர்லாந்தில் 1942-ம் ஆண்டு முதலே விபச்சாரம் சட்டப்பூர்வமாக்கப்பட்டிருக்கிறது. அப்பேற்பட்ட புண்ணிய பூமியில் தொழில் செய்யும் ஃபேஸ்கேர்ல் (Bradley Charvet, Geneva firm Facegirl) கம்பெனியாரின் பிராட்லி சார்வெட் ஐயாதான் மேற்படி திட்டத்தை அறிவித்துள்ளார்.

பல்வேறு ஆய்வுகளின் படி காலையில் உறவு கொள்ளும் ஆண்கள் தங்களது அன்றாட அலுவலக வேலைகளை திறம்பட செய்கிறார்களாம். அதன்படி காலையில் ஒரு காஃபி அருந்திவிட்டு கூடவே வாய் பாலுறவு கொள்ளும் போது அதுவும் மலிவான விலையில் பத்து நிமிடத்தில் கிடைக்கும் போது வேறு என்ன வேண்டும் என்கிறார் இந்த தொழில் முனைவர். இந்த காஃபி செக்ஸ் சேவையின் விலை கிட்டத்தட்ட நாலாயிரம் ரூபாய் இருக்கலாம். சட்ட அங்கீகாரம், பாலுறவு தேவை, காலை காஃபி புத்துணர்ச்சி என்று அனைத்தையும் கோர்த்திருக்கிறார் இந்த முதலாளி.

sex cafe 2
கீழைத்தேய நாடான தாய்லாந்தில் காஃபி கிளப் சென்று ஒரு காஃபிக்கு உத்திரவு கொடுத்துவிட்டு, ஐ பேடில் ஒரு விலை மாதை தெரிவு செய்து அவளுக்கும் உத்திரவு போட்டால் ஓரல் செக்சும் கிடைக்கும்.

இத்தகைய காணக் கிடைக்காத அரிய புத்துயிர்ப்பான யோசனை இவருக்கு எப்படிக் கிடைத்தது? கீழைத்தேய நாடான தாய்லாந்தில் இத்தகைய ‘சேவை’ காஃபி கிளப்புகளில் இருக்கிறதாம். அங்கே சென்று ஒரு காஃபிக்கு உத்திரவு கொடுத்துவிட்டு, ஐ பேடில் ஒரு விலை மாதை தெரிவு செய்து அவளுக்கும் உத்திரவு போட்டால் ஓரல் செக்சும் கிடைக்கும்.

எனினும் இந்த தொழில் முனைவோரின் தொழில் உத்தியை வரவேற்கும் அளவு சுவிட்சர்லாந்து முதலாளித்துவம் இன்னும் வளரவில்லை என்பது இலாப பகவானுக்கு ஒரு  குறைதான். விபச்சாரத்திற்கு சட்டம் அனுமதித்தாலும், பொது இடங்களில் பணம் கொடுத்து கிடைக்கும் இந்த செக்ஸ் ‘சேவைகளை’ உணவு வழங்கல் சார்ந்த சுவிட்சர்லாந்து சட்டம் தடை செய்திருக்கிறதாம்.

இருப்பினும்  பிராட்லி சார்வெட் எனும் அந்த கண்ணியமான கனவான் முடங்கிவிடவில்லை. உடனே அந்த விபச்சார சேவையை செக்ஸ் எந்திரன்கள் செய்யமுடியுமா என்று விசாரித்து வருகிறாராம். செக்ஸ் குற்றங்களுக்கும், செக்ஸ் வக்கிரங்களுக்கும் புண்ணிய பூமியான அமெரிக்கவில் இருக்கும் நிறுவனம் ஒன்றோடு நிஜ உலகத்திற்கு தேவைப்படும் பெண் எந்திரன்களை தயாரிக்க முடியுமா என்று பேசி வருகிறார் சார்வெட். இதன் உத்தேச விலை இரண்டு லட்சத்திற்கும் அதிகம் வரலாமாம்.

இத்தகைய பாலுறவு எந்திரன்களுக்கு அனுமதி கிடைக்கும் பட்சத்தில் எட்டு எந்திரப் பெண்களை பணியில் அமர்த்தி ஒரு கப் காஃபிக்கு சுமார் 4,000 ரூபாய் விலை வைத்து ஐயா தனது தொழிலை ஆரம்பிப்பாராம். எந்திரங்களோடு உறவு கொள்ளும் போது விரைவிலேயே மனிதர்கள் அதற்கு அடிமையாவார்கள், காரணம் எந்திரன்கள் யாரும் இந்த உறவுகள் போதும் நிறுத்து என்று சொல்வதில்லை என்கிறார் உலக எந்திர செக்ஸ்வியல் மாநாட்டில் பங்கேற்ற ஒரு நிபுணர்.

எது எப்படியோ ஜெனிவாவில் செக்ஸ் காஃபி நிலையம் திறக்க முடியுமெனில் விரைவிலேயே இலண்டனிலும் திறக்கப் போவதாக சார்வெட் தெரிவித்திருக்கிறார். நம்மூரில் கும்பகோணம் டிகிரி காஃபியின் பிரபலத்தைப் போன்று ஐரோப்பாவிலும் இத்தகைய பாலுறவு காஃபி கிளப் பிரபலமடையலாம்.

sex cafe 3
பாலுறவு எந்திரன்களுக்கு அனுமதி கிடைக்கும் பட்சத்தில் எட்டு எந்திரப் பெண்களை பணியில் அமர்த்தி ஒரு கப் காஃபிக்கு சுமார் 4,000 ரூபாய் விலை வைத்து ஐயா தனது தொழிலை ஆரம்பிப்பாராம்.

இத்தகைய சேவைகள் முதலாளிகளின் பணப்பையை தீர்க்கலாமே ஒழிய ஆண்களின் பாலியல் தேவைகளை தீர்ப்பதாக சொல்வது ஏமாற்று என்கிறார்கள் சில அதி உயர் நுகர்வு விழிப்பாளர்கள்.

ஆப்பிரிக்காவிலிருந்தும், ஆசிய நாடுகளிலிருந்தும் அகதிகளாக வெளியேற்றப்படும் மக்கள், மத்திய தரைக் கடலில் கொல்லப்படுகிறார்கள். அகதிகளின் வாழ்வுரிமையை மறுத்து இப்படி கொன்று குவிக்கும் ஐரோப்பிய நாடுகளின் கனவான்களுக்கு இத்தகைய ‘காஃபி சேவை’ அளிப்பது குறித்து எப்படியெல்லாம் கவலைப்படுகிறார்கள், பாருங்கள்!

மேலைத்தேய நாடுகளில் நடக்கும் சட்டப்பூர்வ விபச்சாரத்திற்கு கிழக்கு ஐரோப்பிய நாடுகளிலிருந்தும், மேற்கு ஆப்பிரிக்க நாடுகளிலிருந்தும் பெண்களும், குழந்தைகளும் கடத்தி வரப்படுகிறார்கள். அந்தக் கொடூரமான கதைகளை கேட்போர் எவருக்கும் உறுப்புக்கள் எழுச்சி பெறாது. அப்பேற்பட்ட அவலத்தில் சாகும் அகதிகளைக் கட்டாயப்படுத்தி நடக்கும் விபச்சாரம் மற்றும் அதன் எண்ணிறந்த துறைகளை சட்டப்பூர்வமாக அங்கீகரிக்கும் இந்த நாடுகளின் அரசுகள் இருக்கும் போது எந்திரன்கள் மட்டுமல்ல விரைவேலேயே நாய், பூனை, குரங்கு, மாடு வழி செக்ஸ் சேவைகளும் வரலாம்.

ஆண்-பெண் உறவில் நாகரீகம், காதல் போன்ற பரிணாம வளர்ச்சிகளை  கொன்று விட்டு அனைத்தையும் காசு வழி உறவாக்கும் போது பொம்மைகள் வழி பாலியல் உறவு வந்துதானே தீரும்!

மேலும் படிக்க:

  1. ஹேக்கார்ஸ் யாராவது இந்த எந்திரன்களை ஹேக் செய்து கடிக்கும் படி ரீ-புரோக்ராம் செய்தால் தான் இவர்கள் அடங்குவார்கள் டுபாக்கூர் பாய்ஸ்..

  2. பார்ப்பனீயம் ஆண் பெண் பாலியலை புனிதமாக அடித்திருக்கிறது. அதில் நுகர்வு வெறி வந்து பாயும் போது பெண்கள் இந்தியாவில் சிதைக்கப்படுகிறார்கள். பெண்களை அடிமையாக வைத்திருப்பதில் இசுலாமும் கிருத்துவமும விதிவிலக்கல்ல.

    முதலாளித்துவம் அதன் நேரெதிராக பாலியலை வியாபாரமாக்கிவிட்டது.
    நுகர்வு வெறியின் உச்சக்கட்டம் என்றும் இதை சொல்லலாம்.

    எதிலும் இலாபம் பார்க்கும் முதலாளித்துவம் தனது கொள்கைகேற்ப சரியாகதான் சிந்திக்கிறது.

  3. பற்கள் இல்லாத இயந்திரங்களாகத்தான் இவைகள் இருக்கும்…எனவே வேறு வழி இருக்கு…. இயந்திரங்கள் கவ்விப் பிடித்தப்பின் விடுவிக்காமல் அப்படியே நேரடியாக சொர்கத்துக்கு அழைத்துச் செல்லும் நிலைக்கு இந்த இயந்திரங்களை ஹக் செய்யவேண்டும்…முதலாளிகள் இயந்திரத்தை உடைத்துக் கூட விடுவிக்கமாடார்கள். உடைத்தால் பல லச்சம் டாலர் வீணாகுமே!

விவாதியுங்கள்

உங்கள் மறுமொழியை பதிவு செய்க
உங்கள் பெயரைப் பதிவு செய்க